10月17日   (晴)

尋晚又發燒啦....

真係好鬼辛苦呀....

無做野三個月,依家連返六日先有得放假....

聽日有得放假啦,好開心呀....

點之到左夜晚放工啦...

原本就一齊換衫走人既....

點之佢地話要去廁所喎....

咁我咪同佢地講我自己入倉換衫先....

我一入到個倉度就已經嗅到好臭既味....

咁我都無理到啦....因為我諗住嗱嗱聲換衫走人啦....

點之到佢地去完廁所返黎既時候....

佢地話我放屁,

自問我個人一向都好要面....

同埋我既性格都係好直接既....

如果我真係有既...我會認...

但問題係我無做過呀....我點認呀...

我不停講我無啦....

佢地都唔信我.....重要串我.....

我真係好難受呀....

所以依家返工都返得好唔開心....

但我依家都係要忍啦....

因為我知道要搵一份又返得舒服而人工又唔差既工真係好難...

我唔可以又唔做野...

之前返工我覺得係最重要開心....

但依家我唔會咁諗既啦....

因為無野係比起錢重要....

多謝joey你安慰我....

同我講:把口係生係人地果度,人地鐘意講咩咪講咩....

我唔應該為左咁既同事而唔開心...

因為咁實在太傻啦....

10月14日   (晴)

由十月十二日開始到今日我已經返左三日工啦....

呢份工我都幾鐘意.....

可以話搵到自己想做既工....

係海港城返工....咩都係牌子....

有時真係會睇唔起自己呀....

因為依家我所有既同事都係好鐘意牌子既....

佢地重有兩個男朋友呀...

不過我自己又唔會受影響既...

因為我係一個對感情好專一既人....

初初返工果兩日真係好唔開心呀....

因為佢地都唔同我講野...

令到我好驚係俾人杯呀...

又唔知點喎...

不過好彩,佢地今日都有同我講下野啦...

唔洗咁悶....

我個人真係好鬼怕悶呀....

所以我好怕自己一個人....

我好唔鐘意姑獨既感覺.....(真正既姑字唔識打呀)

今日聽返同事講....份糧都唔錯....

所以我都會俾心機做落去....

今次呢份工有好多好朋友鼓勵我....同支持我....

我要好多謝 JOEY,HILDA,SUGAR,哥哥,婷啦等....

我會努力既啦.....

10月6日  (晴)

依家係零晨兩點幾啦....

頭先去左五樓打庥雀....

無輸錢呀....不過都係玩好細既姐....

講起今日返工就真係....

我成日見人就掃苦呀....

唉~都講到口臭啦...都唔知幾時先會有冷氣....

我既要求真係咁難咩....

我都唔明咁大間公司都會咁既....

今日重熱過尋日呀....

成身都係汗....依家真係好唔捨得洗錢....

成日叫我走黎走去....

有人拎改褲呢又叫我去....唔夠衫賣呢又叫我去....

鬼叫自己係新人咩....重要叫我去到西洋菜街拎兩大箱...

好彩都有個同事幫下手姐....

拎住兩大袋野係旺角走黎走去....

有錢咪有面子囉...無錢重可以學人講面子咩...

好驚撞到識既人....

辛苦到個心真係係樹諗寧願做雞....

都係自己搵錢姐....只係出賣自己個身體....

哈哈....我真係一個好怕辛苦既人....係唔係好無用....

我成日都覺得自己好無用....

一諗到聽日又要熱就好怕啦....

如果依家香港對於  (安樂死)  係合法既....

咁就好啦....我一定係第一個去報名既人....

唉....我又係樹諗無謂既野啦.....

訓啦....希望明天會更好啦.....

10月5日     (晴)

今日係身一日返工....

返旺角既  INBASE....

次次都發覺自己好黑仔....

我返到去就見到有個叫做Wenny 既女仔...

嘩去到門口都知咩事既啦....

有好大堆野係門口....

Baleno返貨一向都好驚人....

諗返起我好耐都無做得咁辛苦....

初初都覺得無咩野....但後來個同事同我講間鋪既冷氣壞左....

今次真係唔知點死....又要企係門口.....

對住個大馬路....車又多人又多....

做到成身都係汗.....好想暈呀.....

我返九點但到左五點我先有得食飯....

我明白到有時真係唔到自己去話事....唔到自己想點就點....

錢依家對我黎講真係好緊要.....

結果我都捱落去.....

俾我既感覺好似我企左係街度賣衫咁.....

好啦到左七點幾我可以走啦....

我一返到屋企就訓啦.....訓到十一點幾先起身....

9月3日   (晴)

雖然你講過無之前咁愛我....

又或者你話無曬之前拍拖既感覺....

但我係唔會放棄....

到左三月就兩年啦....

我相信我地既感情係唔會咁容易就無左....

我好希望自己可以改左我唔好既地方....

如果真係鐘意一個人既....咩都會包容....

因為我知道我地唔會係過住拍拖既日子....

重會有好長好長既日子.....

可能真係無左拍拖既開心...

但我好想你會明白我既已經升華到感情....

我知你睇感情可能唔重....又或者可能男仔會係睇事業重...

我會做返好一個好既女朋友.....

因為我真係好驚失去你....

失去既感覺一d都唔好受...

我試一次就夠啦....

對住你我係可以唔要自尊咁講出我對你既愛...

因為對住自己鐘意既人如果都唔可以坦白講出自己既感覺....

咩都放係心既....會好辛苦....

我都唔知自己係好定係唔好呀...

我自己睇愛情真係睇得好重....

我覺得愛情可以影響到一個人好多野....

連自己都唔知自己做緊咩咁....

心情可以大喜大趺....

可能你會覺得我好執著....

但如果唔執著同堅持既....

又點會有咁長既日子呢....