入院第一日,好悶。
冇野好做,我又係一個人瞓房一間房,原本好開心,不過晏晝就有另一位病人進駐。
一個人喺房�H時候,就幫間房影相,點解?因為呢間房係我受傷嗰陣被送入嚟嗰間!!好搞笑,間房仲有一張摺疊病床隨時候命,我受傷當日就係瞓呢張摺疊病床。
冇野做,聽903,阿芝呢期原來好興講「你問我......」,講到連佢自己都頂唔順,哈哈。少爺占都係一貫�H爛gag,不過都有一個真係好笑�H,唔係佢原創,佢聽到網上講波佬�H妙語,英格蘭對厄瓜多爾算係悶戰,評述員就話「俾厄瓜多爾呃"九"多次」,笑爆嘴~~
全日不斷瞓,瞓到頭痛呀陰公。
晏晝媽媽來了,我地史無前例地講到感情問題,是她和爸的問題。我地第一次坦白話俾對方知大家�H諗法,我唔係以一個女兒�H身份講,而係好客觀咁講出佢�H處境。根本唔需要再顧我地,點解要徵求我地�H同意?冇關係架,今時今日應該為自己,又或者如魷所說�H,媽係想由我地口中叫佢唔好分開。
呢個我知,咁多年都忍�H女人點會忽然放棄?佢到呢一刻都猶豫就證明佢仲係愛呢個男人。呢件事的確如媽所言,好易搞掂,幾千蚊,上去簽個名就得,但係咁多年都唔去搞就知咩事啦,最有衝動嗰刻都過左N年,又點會忽然革命成功?
就係因為「唔想輸」呢個言靈而令自己唔開心左咁多年,其實由一開始你已經輸左,你都知,只係你都宜家都唔甘心,為咩呢?夠喇,點解唔用餘生過得快樂啲?
媽走後,好想搵個人攬下,唔係朋友,而係戀人,不過我冇,唯有同隔離床個婆婆相對無言XD
分類: 未分類 |
