今日嘅中文堂唔多開心,因為遇到個爛人,唔同意人哋個point都應該尊重別人,嬉皮笑臉嘲笑別人,好樣衰,仲要自己不繼重複一個point,係個a-level point,就以為自己好勁,轉個頭又喺度搞gap,以為自己講嘢好好笑,最離奇係有個女仔喺度陪笑,勁噁心囉佢兩個,我發誓以為都唔會再同佢兩個一組!!!!

晏晝又再做睡王子........朦朧間有個人敲我房門,仲打開度門,佢見我熟睡就出番去,我到而家都唔知佢係邊個,只知她是個女的......

夜晚去咗成龍睇隊友們練波,練三打三,睇落幾好玩,見到久別了的吻地同阿Bei,吻地件衫好得囉----螢光綠,我眼中只有佢.......尚未康復的我嘢場邊拍吓波,扮櫻木花道,又試過射波,根本射唔到直線.......跟住"鏈"熊貓隻手,佢話只感到隻手被嘢"cool"住......臨尾達sir叫我落場防守，當然係唔洗點郁啦，但係我唔識死地伸咗隻左手試圖偷波，結果全場人士驚叫~~~包括我在內,驚慌過後bubu就不斷喺我面前揮動她那可愛的,靈活的,"左邊"的小手.......

食飯嗰陣,俾阿燕挑機,叫我玩"小明",我當然不戰而敗,好彩後尾報到仇,Oli意外地踢爆燕燕怕聽鬼故~~~我哋就夾住佢,Oli講,我聽,燕燕勁驚~~~呵呵......

燕燕矢言Hall A要攻入一百分......唔好呱......