今日同Baby,陳伯,韋樂出左太古城,一係睇模型,二係行街玩下,因為陳伯同韋樂2個月果陣未慶祝,我同Baby聽日又半年啦！

一去到太古城,我見到D模型果一刻已經成個人去左癲瘋狀態~_~無計,自細就好鍾意玩具,更何況果D係1:1,仲要有蜘蛛俠

我立即狂影相,哈哈,每個模型都影左一張,估唔到古天樂咁多模型,我心諗,佢屋企應該好大先放得落咁多模型!

今日都幾好玩,好彩無悶親Baby

影左好多相,想睇就上我FB啦(不過好多反光),但都放幾張出黎啦

我最鍾意既蜘蛛俠

BATMAN！

好核突既鐵血戰士

猶達大師！

我同Baby都覺得好似一Pet屎既怪物

仲有D合照

企係度都訓到既姐

半年啦Baby

2010年3月26號,相信係我人生其中一個轉捩點,因為今日就係我中學生涯完結既日子

心入面好多感觸,以前邊有諗過依一日,中四既時候仲覺得有大把時間玩

上左中五,咩都唔同晒,成日操卷,小測,比林x華留低溫書都唔知留左幾多次

中五係辛苦既一年,亦係最重要既一年

一諗到過左今日就無得再過中學生活,無得再上堂,無得同成班一齊玩一齊笑,從此之後各散東西,就好心酸

好唔捨得依家既日子,有咁多好朋友,中學既生活真係好開心,唔想咁快出黎面對社會

但無辦法,時間無可能停止,所以要趁依個時間留低回憶,依幾日係咁影相,同老師,同學,老婆,仲有學校既某D地方

係咁影係咁影,因為要留返個美好既回憶比自己,即使第日大個拎返出黎睇,都可以提醒返自己曾經有過咁開心既中學生活

今日雖然過得平凡,但亦覺得無憾,因為同左好多人影相&搵左好多人簽名

見到好多同學拎住相機係走廊係咁影,同埋拎住件衫&班相級相比D人簽名,就感覺到佢地都好唔捨得

但無辦法,時間始終會過,所以大家仍然要繼續生活,祝大家前程錦繡,會考加油努力！

我又變返以前咁,點算?

係廣州返左黎,返左去果3日有好多搞笑野

D親戚見到我呀哥勁大反應,我姨丈話「嘩,做咩瘦左咁多既(我呀哥細個係肥仔黎),成個樣變晒喎！」

跟住佢走過黎渣一渣我手臂話「哥哥就大隻D喎」佢竟然將我同我呀哥調轉左,哈哈！無計,我又大隻過佢又高過佢-v-！

之後煮野食,好多餸,唔夠獲唔夠煲整返熱隻雞,我姨丈就問公公「老豆,有無微波爐呀?」

公公「咩話?(我公公撞聾的,講野要好大聲先聽得清楚」

姨丈「微波爐呀!」

公公「益力多?唔知喎,唔知有無喎」哈哈！佢竟然將微波爐聽左做益力多,2樣完全唔關事囉-v-!

有次等緊車,有幾個人就過黎問我地天河公園點去,點知天河公園就係對面,之後我地話,對面咪係囉,咁佢地就過左去

通常咁既情況係香港發生我都會話佢地「大陸黎架?」但係依家係大陸,所以我就話佢地「香港黎架?」

點知舅母仲衰,佢話「鄉下黎既就真！」真爆！

今年新年超爽,成世仔今年最多利是錢,有3000幾,我唔貪心,唔希望愈黎愈多,Keep住就夠-v-哈哈!

依幾日勁掛住老婆,過關果時已經拎住個電話睇下幾時收到

一見個Mon由只限緊急電話轉成中國移動香港,立即Sd個信息搵老婆,解我相思之苦,哈哈！

之後搭車返天水圍,係天西同陳伯會合,就出左去元朗買褲,買完跑返天水圍,去左天富停車場跳舞

好耐無黎依度,上一次黎應該係一年前,同依家好大分別

我地係4樓跳,點知比石Q趕,個石Q管1-4層既,咁我地就上5樓跳,我屌!佢竟然搵管第5層果個石Q黎趕我地走！好撚野！

真係無野講,算,跑返屋企同老婆傾電話,傾完訓教！

18-02-2010 4個月快樂

本身今日10點要去運動場跑步,點知我10點先起身,跟住我心諗,我去到最早都10點半,佢地都應該跑完啦,都係唔去喇

於是我繼續訓,訓到11點幾度,張Sir打比我,佢把聲好似虛脫咁,勁無力「你又起唔到身呀?」我話「係呀」

點知佢話「我都無去到呀,我個肚唔知做咩好痛,琴晚成晚都訓唔著呀」我果時心諗,好彩我無去到姐！哈哈！

之後下晝2點返左學校練會考體育D野,見到張Sir成個虧佬咁,笑死,從來未見過佢咁樣！

之後同翁雞去左Wcy屋企,Wcy養左隻勁細隻既貓仔,好Dark意呀！(By:老婆-v-)

夜晚同老婆出左去元朗,想去吉野家打邊爐,點知元朗廣場果間賣晒,就去千色果邊果間

點知又賣晒,仲要見到D唔好既野,Shit,最後去左食味千

本身諗住行返天水圍,點知無啦啦落雨既姐,想漫步下都唔得-v-!

無計,搭車走,同老婆係佢樓下吹水,吹到12點幾點跑返屋企

Loving you,has make my life so beautiful

今日老婆又無返學,已經3日無返啦-3-！嗚嗚,好掛住你丫/3\！

會考體育考籃球,考得好差,失望,Fuck！

數學堂比火雲邪神笑死,陳伯問佢

「呀Sir知唔知咩係9up辯論呀?」

佢問「咩黎架?」

「曾蔭權講既呢」

「哦,曾蔭權9up姐」

哈哈,佢真係好爆！

佢仲話好攰,我問佢點解,佢竟然話琴晚打機打到好夜！！

我問佢打咩機,佢竟然打華英雄與龍虎門-.-真係潮爆！

本來諗住今日放學去戰友度訓,點知原來要英文補課,絕望緊既時候問一問戰友

原來佢今日都要補課！哈,真係天無絕人之路！

放學補完課就同戰友一齊去天澤,跟住就去佢屋企,差唔多半年無去過,有D懷念,哈哈！

唉,已經米特多架啦,依排仲要係咁用錢,Shit！