今日起身

打機

食飯

夜晚練舞

食糖水

吹水

分隊,我,賢哥,細Ming,黑狗一隊

返屋企沖涼訓教

唔想打咁多野

因為趕住訓教

今日終於可以訓得耐D,4點半度醒左,打比老婆傾電話,傾到6點幾起身刷牙食飯

食完玩左陣Psp8點度落左去恆健搵Gap Wong

今日好小人,Breaking Point有D去左比賽,有D就去左韓燒,得我,細Ming,國良,小花同賢哥係度

我地又無機,於是走左去天晴跳,天富果D係度,好彩佢地有機

整嬲左老婆對唔住丫><!以後都唔敢了！好彩最後都無事

跳到10點幾11點就返左天恆,老婆黎左搵我,去左恆健坐

期間佢地玩閃避球,黑狗唔小心掟親CB= =！一定超痛,CB仲要本身好似已經唔開心咁

跟住佢地繼續玩,玩玩下上面有一班PTU經過,Tur都唔知,勁大力掟個波,差D掟到班PTU,立即比佢地查身份證

同老婆一齊D時間過得好快,話咁快就1點半,老婆同Gap,Tur寶搭的士走,好唔捨得-3-！

跟住我就同丁丁返左屋企,返到去沖涼用電腦,等陳伯上黎拎機訓教

仆街,夜晚食藥,果度寫住成人三次至四次,每次一粒

我睇左成人三至四粒,搞到我食左三粒,希望唔會有咩事啦= =

補返一張之前黑狗將D紙巾整果隻貓度既相

成個超人咁！

今日返學遲到既姐

排隊等打電話果陣同陳伯傾計,個Prefect同我講「唔好傾計呀」

佢講完自己同佢個Prefect Fd係度傾計,我立即同返佢講「唔好傾計呀」

佢望住我唔知講咩好,哈哈,比我Smoke左佢！

去打電話果陣負責果個人叫我地去校務處果邊拍卡,點知勁多人跑上樓梯偷走,我同陳伯係其中一份子姐

生物堂比陳健寧笑死,林X華問用顯微鏡睇胎兒個細胞點樣知道佢係男定女

陳健寧話「同佢有無啫啫！」陳伯立即話「你要用顯微鏡睇架?」哈哈！

食飯想睇波,點知綠社唔夠人無得睇既姐,不過見到老婆,抵過睇波,哈哈！

物理測驗無一題係識既,一路測驗一路同陳伯扮有錢,搞到成班係度笑

「我都唔明點解你未夠18歲,連車牌都未考你呀媽就晒幾百萬買架法拉利比你,有咩用姐?」

「唉,我細個問我老豆咩係香蕉船,呀爸話食得既,我同佢講話我想食,佢整到成架挪亞方舟咁大架,D金萡鋪到成架船都係,點食姐?」

「我老豆都傻架,我同佢講想買件衫姐,佢同我買左成間服裝店返黎,邊著得晒呀?」

「我老豆前幾日唔知做乜,買左百幾年前既紅酒返黎,一支幾十萬既,佢買十幾箱返黎喎,仲要我飲完唔醉先On9呀」

「我同我老豆講大個D先買樓比我,佢前幾日同我講話係赤柱買左棟豪宅比我喎,咁快買比我做咩呢」

「我係屋企好煩架,係間房去廁所都要5分鐘,仲要係渣小型賽車去都要5分鐘呀,幾辛苦呀」

林江聽到都無奈爆

最尾2堂體育鬥波,竟然輸比陳家昇,陳承達同唔記得邊個,輸比短人都有既

放學留堂,王X傑睇堂,我話「王Sir親自睇堂呀?殺雞用牛刀喎」佢竟然答我「因為無晒殺雞既刀嘛」

我同陳伯搭3先上去,佢搭7照樣放我地走,我諗其他人實好唔据

放學上左陳伯屋企,陳伯親自下廚做住家男煮湯飯比我食,超好味,Gap Wong你老公真係唔話得呀,哈哈！

跟住玩佢呀媽買返黎個直髮器,陳伯幫我夾後面果陣一路夾一路奸笑,我屌佢原來唔係幫我夾直佢係夾曲佢= =

差唔多6點跑返屋企,食完飯訓著左,期間Gap Wong打過黎嘈醒我叫我落去,但係我都係太攰訓返

10點度先起左身,洗個頭落左去就過天瑞深宵,1點幾跑返恆健

玩到差唔多3點先返屋企,沖涼訓教！

仲過癮！

今日對我黎講可以話係運動日,因為有大部分既時間我都係著住體育服過既

今日醒目呀,著2件長袖衫打底,1條長褲打底,結果今日超暖,比起前2日好好多！

頭2堂物理,玩住咁過,跟住1堂英文,毫無壓力,因為只係睇返SBA既片,跟住就落堂

1個小息之後,我就落左去操場,因為今日飛馬黎學校,足球隊要同佢地鬥波,我要打龍,Fuck！

佢地真係幾勁,我覺得自己守得好差,比人入左4球-_-!雖然我地都入左佢地2球,不過佢地好明顯係讓我地

係下面過左3堂,跟住食飯,食完又2堂選修,係跑道跳遠同埋同翁雞玩打翻

2堂之後化學,我Drop左,又同陳錦悟係地下打波,同佢1On1籃球,比佢屈機既姐！

放學衫都唔換諗住直接練波,點知Miss趙搞左個祈禱活動,於是我留左係課室,因為搞掂完有好多薯片食,哈哈！

5點落左去練波,唔知點解張Sir超炆,狂係度鬧人,鬧豬達鬧得最甘

「你咁垃圾你不如走啦,唔好留係足球隊喇」

雖然係過份左D,不過豬達今日表現真係好差

6點8先走人,立即返屋企食飯,本身約左陳伯8點半出黎

點知真係太攰,結果我都係無出到,成晚留左屋企同老婆傾計

夜晚沖涼打日記訓教

過癮！

今日同老婆一個月啦,時間過得真係快呢,一個月快樂^^

一起身超凍,直頭唔想起,著左BSX件嬲返去,好多人都以為係方中件多用途嬲,哈哈！

仲要返到學校先記起件嬲側邊係爛左既,搞到成日要插住個袋行,哈哈！

今日成日都好攰,但係忍住唔訓,但到左英文堂終於頂唔順,係咁釣魚

最尾化學堂上左圖書館,楊天迪戴左眼鏡超似林江！差唔多一模一樣,比佢笑死

放學仲要同林江企埋一齊影相,十足兩兄弟,哈哈！

放學同戰友去左銀座,陪佢入完數就同我去買飛

跟住去左M記坐,坐到5點半度走人,返到屋企沖涼換衫出去搵老婆

今日又遲左,哈,同老婆睇左2次戲都遲到,送左D朱古力比老婆,希望老婆鍾意啦

去左睇2012,個個Fd睇完都話好睇,真係幾正,但係一路睇我心都一路係度驚

驚2012年地球真係會變成咁,到時真係唔知點好,世界末日,我真係唔信自己會咁好彩好似主角咁走得甩

睇完老婆竟然話唔肚餓唔食飯,咁同佢行左陣,就送左佢返屋企Lu

其實我好肚餓,所以立即跑去M記買左個包食,返到天恆又買左個烏冬食

去左恆健搵佢地,D人走晒,得返陳伯,賢哥,毛毛,小魚,坐到11點半就跑返屋企沖涼訓教

今日過得好開心

孫悟空都識講粗口