今日返學頭2堂就選修

測驗,無溫過書,10分都應該拎唔到

跟住2堂化學,上左圖書館爽,超正

2堂數學,上左一堂歐佬就比我同陳伯提早落去食野先,真係好人！

食完野去拎早退紙,本身陳伯話如果撞到林X華就仆街

我屌你死烏鴉口,咁岩真係撞到正一正,聽日又要補留堂,唉！

去左香島出Show,今日諗住跳得好D啦,點知仲衰過第一日

不過好彩D人既反應好過上次姐,起碼識講下野

不過全世界都比笨樂呃左

當個Miss將個白色信封交比我地既時候,我地全部都好興奮,入面有疊野好厚,應該就係先前講既1000蚊

當賢哥滿懷希望諗住打開拎出黎既時候,全世界都呆左

係就係一疊,不過係一疊M記10蚊現金劵

算,當係出去玩下啦,起碼有2日唔使返半日學,都算爽

成班去左食M記(唔食唔得)

食完返屋企沖涼,陳伯話唔想返去練波,其實我都攰攰地,所以都無練到

夜晚食完飯同老婆Sd Sms Sd Sd下訓著左-0-Sorry呢><!

訓到2點先醒,起身溫生物

今日起身好唔舒服,喉嚨比之前更痛,仲有D頭暈

起身出去望一望,呀麻出左去,呀爸仲係房訓緊

立即返房訓教,唔返一日學算

陳伯無打過黎,即係我無打比佢佢起唔到身,咁佢一定都無返學架喇

本身我地今日返去要比林X華留堂,睇下聽日返去點死！

訓到3點半起左身,煮左個通心粉食,同老婆Sd訊息,玩下電腦

玩到5點半換衫出上水,因為今日姑媽生日,去食飯

係商場行左陣想揀份禮物比姑媽,但係行左陣都諗唔到買咩好

算！唔買了,雖然有D唔好意思,不過好彩姑媽唔怪我姐！

呀爸叫我7點要去到茶樓,我6點4先上車,一落車立即急急腳行去茶樓

去到岩岩好7點鐘,Fuck,得姑媽,呀麻同幾個親戚係度,連呀爸同表姐佢地都未黎

不過D人黎得好快,係得呀哥最慢

全世界等佢黎,等左差唔多半粒鐘,呀哥就黎到果陣打比我叫我出門口接佢

我心諗「大佬牙？」再諗清楚,唔係喎,佢真係我大佬喎-.-,Fuck,算,唯有去接佢

今晚超多餸,自問自己可以食好多野,但係都頂唔順,食到我行路都要彎低身行,飽生！(新用語,哈哈)

10點度先食完,搭車返天水圍

返到去本身諗住立即返屋企架喇

點知經過恆健見到賢哥佢地,都係忍唔住過左去傾陣計

玩馬嬲搶球,我真係屌,傳下波仔都掟雞蛋,依排都唔知掟左幾多次,我睇你有幾多隻雞蛋可以掟！

11點幾返左屋企,諗住同老婆傾電話,不過老婆攰,所以都係無傾到

沖涼打埋日記訓教！

跳舞受傷既片,睇到都心痛

今朝起身好攰,不過其實日日都係咁架啦,哈哈！

一返去就2堂化學,超正,上圖書館玩電腦,玩到最尾3個字急急腳亂咁做埋份中文

跟住就中文堂交左佢

小息同戰友傾傾下計無啦啦有人叫我

一望上去,原來係老婆,哈哈！老實講,有D驚喜-v-！

小息完上多堂中文就2堂生物

派測驗簿,又唔合格既姐,跟住聽左1堂半既書

12點就跑走,落左校務處搞早退D野都搞左成粒鐘,好彩12點半落去姐,唔係仲遲！

去到香島成班綵排左幾次,話時話,香島個舞蹈室都幾正！

到真係出Show果陣,嘩！香島D人悶到死,粒聲唔出咁

不過我跳得真係好差,Show又跳得差,示範Battle又跳得差

示範招果時做最無可能失手既生菜招kicker竟然會失手=.=2000打極都係得1個,Fuck！

不過算了,星期4仲有1場,到時再跳好D,跳完去左食M記,無野做上左天台跳舞&打波

老婆同佢Fd黎天澤順便上左黎,開心！

差唔多6點度送老婆同佢Fd走

上返天台打波,6點半走人

返到屋企食完飯累得滯訓著左,老婆叫我留係屋企休息,算啦,老婆叫到就休息1日啦,哈！

夜晚做功課,聽日又要補測生物,Fuck！

戰友！無論點都好！我一定會支持你到底！

加油！一定要追返呀嫂！

裁判終於忍不住了

幾日無更新

因為一係就夜返屋企攰得滯,一係就出左去訓

依家開始更新返先！

今日1點度起左身,約左老婆睇戲

5條大路通陰間

D情節麻麻,不過就好多無啦啦彈出黎果D情節,成日比佢嚇親,搞到我係咁捉住老婆,哈哈！

不過第5個故仔直頭係笑片黎,成個故仔都好好笑,有機會重睇先,哈哈！

最唔据就係張飛比人拎左,無得珍藏Tim-3-！

睇完送老婆返屋企,比左樣好重要既野老婆,哈哈！

夜晚上天台,過左陣就落恆健排舞,排左幾次就唔排-.-

實出得唔好啦！

不過期間有件搞笑野發生

隻流浪貓又黎左,黑狗個變態將2張紙巾綁係隻貓條頸度,成件斗蓬咁,哈哈,超人貓！

因為個Cardreader有問題,入唔到張相落電腦,遲D先補返張相！

11點度陪水祥食勵陽食完就返屋企Lu

聽日去香島出Show,正！3堂英文唔使上！Your爽！

仆街,冷親既姐,係咁打黑痴,最憎！

超強沖廁系統

今日訓醒果陣好攰

訓係張床唔願起身,想唔返學

訓係度諗左陣,諗左好多方面既野,最後都係決定返

早會果時李Sir搵左我出去傾香島單野,學校真係好自私,真係估唔到

好彩最後諗到個好好既解決方法

依家只係睇下楊x琪批唔批准我地去,希望得啦

如果得既話下星期我就只係返2日學,正！

今日D堂好快過,最尾2堂會考體育上左5樓打籃球,超污糟！勁多塵！

最尾果堂化學Drop左科,成堂同陳晉樂係地下打網球,超爽！

打完直接放學練波

今日全程鬥波,好好玩,可惜鬥完波要跑圈,仲要全速跑,攰死！

夜晚留左係屋企休息,無去練舞,再練就真係死得

係屋企睇電視,富貴門真係幾好睇,好鍾意睇呂良偉-v-！

老婆唔舒服,擔心

世上最幸運既三個人a_a!