2日無打日記,因為依2日呀哥係咁玩電腦

無錯,呀哥返左黎,係我最需要幫忙既時候,佢終於返左黎,結束左我辛苦既電腦無聲日子

今日早左出門口,返學撞到呀勇,So同佢&何僑陳伯一齊返學

3堂週會,一開始唱校歌,成個禮堂既人一齊唱,超大聲,包括我

我入方中咁多年都未見過依個情況出現,原來係因為依次係我地同中7最後一次既週會,唔怪得啦,好彩我無錯過姐！

有隊Band黎左學校做音樂劇比我地睇&唱歌比我地聽,超正,氣氛超好

唱Beyond既歌,唱光輝歲月果陣有D人企埋起身&一齊拍手,有D中7既仲成班沖埋出去個台前面打氣,有D仲拉埋Miss,爆！

最尾唱完,全場嗌Encall,結果佢地唱多首「真的愛你」好多人跟住佢一齊唱,今次週會真係好爽

放學生物測驗,好離奇既事,我竟然會識,不過唔知岩唔岩姐,望就望合格啦！

跟住練波,星期6就係學界,愈黎愈緊張,我緊張學界多過舞界限,所以好比心機練波,希望有成果啦！

練完仲要操體能,4個人一組接力跑4個圈,跑完個人散晒,立即返屋企食飯

夜晚練舞,本身已經好攰,不過聽到音樂就精神左好多,砌新Round,哈哈！

11點幾黑狗返左黎,黑狗嫂織左條頸巾比佢,我地見到全部沖晒過去話

「嘩！溫暖牌，溫暖！」「仲有香味Tim呀！」依個時候陳伯無啦啦爆左句「狗味」笑死！

差唔多11點半老婆叫我返屋企,我就好聽話咁立即返左屋企沖涼訓教！

雖然係學校日日都見到,但係成個幾禮拜無同老婆一齊啦,唉！不過依個星期實在太忙！

妳的聲音這麼近我卻抱不到

俄羅斯方塊神

今日10點半醒左,再訓返,2點幾又醒左,又再訓返,返到4點鐘終於起左身,訓左差唔多14個鐘,爽！

起身同親愛的傾電話&Sd信息,之後佢返左大陸,Then我就諗住整下舊USB Sound卡睇下整唔整得好

結果整左2粒鐘都整唔到,Fuck！之後我突然醒起可以睇小說喎！於是我立即睇下異俠有無出新一集

Yes！等左幾個月,終於出左新一集,可以唔使咁悶喇

一路咁睇,食完飯繼續睇,睇到8點9度出左去練舞

今晚又過左天晴,賢哥講得岩,依幾晚過左天晴先覺得真係練緊舞,依排天台無左塊地真係無乜心機跳

夜晚返左恆健,玩排球,陳健寧打左個波上有瓦遮頭果條路個頂(唔識形容)

我爬左上去幫佢執,落黎果陣我捉住幼D果條鐵諗住Fing落黎借力

點知一落黎果個人太重整斷左條野,搞到我勁驚&勁大罪惡感,最衰都陳健寧-_-！

1點幾陳伯燒完野食返左黎,講佢地岩岩係蝴蝶灣玩馬拉松D野比我地聽,結果我地心血來潮又玩下

我,Tur寶,陳健寧,陳伯4個人玩,Tur寶玩左陣就輸左

就係佢輸左無幾耐我地有一句講到「長野係我,我係長野」結果我地係咁玩係咁重覆依句野,Tur寶無得講,睇到好無癮,哈哈！

我地3個玩左勁耐都未分得出勝負,最尾陳健寧走左都未玩完,下次再戰,哈！

2點半跑返屋企,沖完涼諗住訓教,點知都係忍唔住上網睇異俠

睇到6點幾先訓,死喇,實比老婆鬧死-v-！

好爆既客服

今日第一堂就係化學,立即沖上圖書館溫生物,因為跟住落黎果2堂就係生物測驗

溫左好多野,全部記晒入腦,心諗今次實無死啦

點知生物堂一派卷,我屌,完全唔明佢問乜,但係個答案好似係我背左果D黎,但係我唔識答,Fuck！

今次一定唔合格,好似話唔合格要比林x華罰留堂2個星期,Fuck！

Lunch無啦啦見到親愛的戴住個口罩,嚇死,原來佢咳,好彩之後都無事姐

放學笑死,係113上完中文堂行出黎過時見到SAC有個著得好爆好HipHop咁既人企係度

陳健寧見到佢之後話「等我後上Airflair先！」條友立即另個頭過黎望住,哈哈！笑死！

上到2樓我立即叫陳伯出黎睇,陳伯係2樓望落去,見到佢唔夠2秒鐘就大叫「出黎Battle丫！」跟住立即跑返入課室,哈哈,條友實好無奈

放學留低等陳伯補英文&自己寫同學錄感想,其實仲有好多野想寫

係方中生活既點點滴滴都想寫落去,不過都無人會睇架啦,無謂寫咁多,好似懶係野咁

5點度跑返屋企,張Sound卡唔知做乜成日無啦啦無聲,整左好耐,終於發脾氣整得大力得滯扯爛左,搞到電腦無左聲,Fuck！

偏偏係呀哥依幾日出左去既情況下黎無聲,明明可以係咁打機,依家打黎都無癮啦！好彩有親愛的陪我傾計姐^^！

同戰友傾惜別會既野,A,C,D班都拍晒片,唯獨我地乜都未做過,5B依排好唔團結,再係咁落去真係唔掂

惜別會一生人一次,點都要搞得好好睇睇,但係憑我一個人又可以做得D咩?

唉！5B既同學唔該你地團結D啦！有咩我幫到手既一定會幫！只要你地肯做！

夜晚過左天晴跳舞,練到新Combo,不過練到左手手肘紅晒&甩皮,Fuck！

同Breaking Point傾計笑死,黑狗將「去飲酒」打左「去飲油」,真係爆！

跳到11點幾12點跑返天恆,吹水吹到1點幾返屋企,沖涼訓教！

超鍾意依個廣告！

琴日踢社際,好耐之前已經開始驚,驚鄘偉鵬,佢實在太勁,不過我知道佢今次有留力,無咁大力射我,好彩！

好灰心,比肥威入左球,雖然我地都入左佢地一球,不過佢地得失球高分過我地,所以都係輸

諗住最後一年可以幫藍社拎第一,都係做唔到,唉！

仲要有次諗住出去清走個波點知同條友撞埋一齊,撞親手肘,塊面同個肚,真係賠了夫人又折兵,Fuck！

今日一起身攰到暈,所以無返到學,呀爸好火,最On9既係,我訓著左佢鬧我唔到,走去鬧呀麻,Fuck！

全日係度打機&同Honey Sd信息,一直到11點半,沖涼打日記訓教

人大左,愈黎愈多野諗,愈黎愈多野煩,愈黎愈多野要顧及

諗野要成熟D,唔可以再咁幼稚,做人要圓滑D,要識睇人面色做人

睇野要全面D,睇通透D,自己本身已經唔係醒,最小都要做到依D先得

自己太多問題&缺點,包括身體上&心理上,D缺點仲要無得改,跟足我一世

我同正常人唔同,唔可以過正常人既生活,正常人做到既野有D我做唔到,我注定依一世都係咁

李Sir講得岩,只有自己先最清楚自己,只有自己先明白自己想點,無人明白到我既痛苦,有苦自己知

張Sir問我點解成日對自己咁無信心,因為我唔係一個正常人,我接受唔到自己,連我自己都接受唔到自己,仲有邊個接受到我?

唉

今日遲入隊,Fuck,下次要早D出門口先得

上堂同B女傾計,比佢笑死

佢話出到門口先發覺唔記得帶八達通,跟住立即沖返屋企拎,個過程好急,但偏偏好多麻煩

於是我就同佢講「欲速則不達」佢竟然話「方能成大器」哈哈！你想講乜呀？

Lunch超好笑,落左去樓下睇波,超人走過黎想借我地個波玩,我叫佢做V Kick就比佢玩,佢真係做,結果全場歡呼,仲正過睇波

最好笑係,佢玩玩下個波,無啦啦變左樣,變到好英雄咁既款,跟住拎個銀包出黎扮龍騎變身打我同陳伯,劉人仲要拍左片,哈哈！

玩左陣佢就走左,我地繼續睇波,陳智斌指住一個綠社既男仔同我講話佢識跳舞,於是我走左過去同佢傾計

佢跳左半年,識Hollow Fun同Hollow Side,仲識小小Airchair同90,真係唔錯,幾有前途,可惜佢已經無跳半年,Fuck

Lunch完左果陣我同Tur寶一齊走,我問佢行邊度,佢話行邊都得,我同佢講「我搭Lip個啵」跟住我走左去校務處等Lip果度

跟住佢走過黎同我講「真係搭得架?」(佢真係信我=.=)

之後我覺得有D野,另轉頭望一望,哈！見到老婆,立即跑過去同老婆一齊行上去,哈,真係開心,咁都撞到

中文堂學詞曲,呀Sir派左張工作紙比我地,上面有篇野其中一段寫住「撚金雪柳」

陳健寧係咁問呀Sir個「撚」字點讀,又狂叫佢朗讀成篇野一次,比佢笑死

放學去左M記食野,我買完個餐行返去坐低果時講一聲「對食！」(扮宮心計)

之後我聽到隔離枱個令妹細細聲講「對食」之後對住佢個Fd笑,證明宮心計幾多人追！

食完立即跑返屋企打機,都怪呀哥,無啦啦DL返隻真三國4落黎,搞到我上左癮,返學都諗住

結果我一路打,一路打,打到夜晚11點幾12點先沖涼訓教

過癮！