今日係初六..又係2009年1月既最後一日~
因為初二個時有親戚約我地初六上佢屋企~
所以今日5點幾就同媽咪坐車出發..去佢地屋企~
6點幾去到啦...嘩...完來佢屋企勁大呀~大到好正呀~
仲有個BB~我又多左個表弟啦~真多表弟~
跟住坐下玩下啦....好快就齊人啦~
咁7點半就落去食飯啦....表舅父個爸爸請~(多謝)
嘩...D送勁正...又有魚翅..又有龍"等"~勁呀~
但好快就食完啦...9點幾就食完..要講拜拜啦~
咁我地就返屋企...因為仲早..所以同媽咪係樓下商場行左陣~
之後返屋企睇電視玩電腦...因為聽日要早起身~
所以諗住睇完就訓啦..個時3點幾~
咁我去沖涼啦...沖完涼出黎同媽咪傾嫲嫲既野~
我就話覺得嫲嫲冇咁快走...媽咪就話9十幾歲..都就黎嫁啦~><""
點知突然黎個電話....完來係五姑媽打黎..佢叫媽咪而家去醫院~
我仲傻下傻下唔知發生咩事-.-""咁我就換衫~
媽咪就打俾爸B同爸B講...好快我同媽咪就坐巴士轉的士去~
3點40分到我同媽咪就去到啦....點知一入到去二伯同我地講嫲嫲走左啦><"
個時..我真係唔知俾咩反應~我同媽咪行左過去望住嫲嫲~
望望下..個腦就出現左好多同嫲嫲以前一齊生活既野~
冇幾耐我就喊左出黎啦...媽咪好勁..冇咩點喊過~
但好多親戚都有喊..個個都好唔開心~我喊得最勁就係爸爸黎到個時-.-"
我都唔知點解會咁><""不過爸爸好勁~小小眼淚都冇~
佢地成家男人都冇出過一點眼淚><""
因為望既時間唔多...所以我地4點幾就要出返去等啦~
因為要等格車黎送嫲嫲走....本身話要等到7點幾~
所以個個都係到等...一出到黎我就同爸爸講~點解你一點眼淚都冇?
爸爸就同我講..嫲嫲年紀大啦...死左對佢黎講係好事~
唔洗留係到咁辛苦~因為爸爸既說話...所以我都冇喊啦~
我仲同爸爸玩..仲玩得好開心~咁大家一齊等啦~
等到7點幾個時..個個醫生出黎同我地講因為太多人死~
所以要10點先有車到....咁都冇計啦~咁大家就一齊落去食野啦~
因為爸爸要返工...所以走先~咁我同媽咪仲有好多親戚就係到食野先~
一入到去..二伯就俾一千蚊收銀..叫我地自己叫野食~
嘩...勁到丫-.-"我都想有一日咁做~都唔知幾型~
咁買完就食啦...好快我同媽咪就食完啦...因為本身今日一早要去婆婆到拜公公~
但而家又搞D咁既野~所以媽咪要打俾婆婆問佢俾唔俾上~
咁婆婆就話冇問題..但入屋之前要做D野~
咁好啦...跟住D親戚開始傾之後既事啦~我都唔洗理~
所以都冇咩聽過...9點就上返去等啦~等到10點個個人黎到啦~
咁佢地就係入面唔知做咩..我地就係到等嫲嫲出黎啦~
跟住落去地下...最後就係咁多位親戚同嫲嫲講返句說話~
跟住嫲嫲就入去啦~當然個個都喊到半死啦~(我都有份)
因為係最後一次...所以二伯都眼下男兒淚><"""嗚.........................
搞好D野啦...大家都返工既返工..返屋企既返屋企~
但我同媽咪就仲未得閒~因為仲要去婆婆屋企拜公公~
好快10點就去到啦...因為有車~去到媽咪打俾婆婆話我地到左~
跟住婆婆俾左盤水..入面有好多野..但我唔識打個D字~
咁我地就要洗手同洗面....跟住去倒左盤水..之後就入得屋啦~
當時我仲未冷靜到...所以仲有小小眼淚...咁就俾媽咪話-.-""
跟住拜公公啦..拜完就坐左係到...好無聊~
因為琴日特發事件..所以又冇整頭..又未搞好D野~
所以我就同表弟一齊返屋企整一整D野先~例如吹頭~
返到去搞好D野就落去M記食野....1點幾就返返去婆婆屋企啦~
一返到去見到細姨一家仲有婆婆係到打緊麻雀~
因為2個細既都唔識打...所以我一返到黎婆婆就叫個細既起身俾我打~
本身係叫我教佢...但因為佢唔聽..所以我都唔教啦~
咁我地就係到打啦...媽咪就一路訓緊~
打到7點幾個時媽咪起身啦...咁我就俾佢打一陣啦~
咁佢地就叫我教佢個仔...姐係我表哥~
哈哈....一教佢就自摸~咁我就走去屙尿啦~佢地就係出面係咁叫我~
一出到黎佢地就叫我去教佢...但媽咪就叫我唔好~
咁我當然聽媽咪話啦..冇理由教佢地win我D錢嫁~
跟住媽咪又俾我打...打左一陣我好累...所以俾返媽咪打~
我走左去訓一陣....點知俾2個表弟係咁打~訓唔到-.-"'
咁就出黎睇媽咪打啦....跟住舅父叫最後啦..食飯啦~
咁我就走過去睇媽咪食得未啦...點知我一走過去媽咪就自摸啦~
哈哈...個個都話我係運才童子...哈哈~點知會咁既...一家win三家^^"
跟住就食飯啦...食完就睇電視~9點半大家都走啦~
我都因為太累...所以我地都走啦~去到觀塘就行下啦~
11點幾就返到去...跟住食野...食完就諗住睇電視~
點知勁眼訓...一轉身就訓左啦...媽咪話我第一次點嘈都唔醒><""
嫲嫲...再見啦~
我呢一世都會記住你嫁~
