24-12-2008~(之前好多都唔記得啦)!
今日3點幾先起身...因為約左阿Wing去行公展會~
本身阿Wing放6點...咁我琴日就約左金威5點半去買公仔~
跟住拎俾MS..叫MS俾阿sac...跟住一齊出去~
點知阿Wing突然同我講佢可以早放~
但金威仲未放工...咁我就只可以扮野..自己去左買先~
阿Wing放4點...我5點出門口去TKO買~
買完之後去連理街諗住買生日卡...點知未張靚~
跟住就去坐98A諗住去到寶達轉95號過彩雲~
點知俾我眼白白望住格95號走左~咁就只可叫MS落地鐵站等我啦~
點知去到觀塘地鐵站勁多人-.-""2格車都爆多人~
第三格先上到車><""但我都遲左成個半鐘~
坐地鐵個時好怕阿Wing嬲...所以就send左好多句對唔住俾佢~
去到見到佢好似冇咩野咁...點知一上車佢就唉我-.-""
但我又唔可以講發生咩事...就只可以俾佢唉啦~
跟住去到金鐘落車...行去唔知邊..因為我地2個都唔識行~
所以大家一齊打電話問人...點知打左好多個電話冇一個通-.-""
可能係因為聖誕節掛...好彩好快就通返啦~
^^最後係金威救左我地...可惜~佢今日冇出現到><""
跟住我地坐叮叮車去公展個到啦..又係等左2梧車..第3格先上到車~
但好快就到左啦..跟住搵入口啦..行行下冇啦啦有人搵阿Wing影相~
我就係到睇佢地啦...我見到有一個係咁望我..但又唔叫我~
可能我好得人驚姐...搞左好耐之後就走啦~
行到去入口諗住等MS佢地啦...但佢地食緊飯..所以我同阿Wing就入去先~
-.-""小叮又話好多野行...D野好平~呃人既..冇樣野好~
我地行左好耐都冇野好..阿Wing!買左杯雪糕同汽水~
我就買左汽水....跟住就去地鐵站搵MS同佩E~
搵到佢地之後就坐車過尖咀啦...我都唔知幾點啦~
去到就係星光大道到行...行行行...行左好耐~
中間影左D相...影完相又在行...行到尾尾個時俾我見到媽咪啦^^
跟住同媽咪影相...影完相吹下水跟住就走啦~
又在行....行到好累..大家一齊坐左係地下玩鋤D~
輸左個D要搵唔識既人影張相..MS輸完到阿Wing~
跟住就到佩E輸..哈哈...但可惜..得阿Wing真係有搵人影-.-""
算啦...跟住去左第2到坐...坐到11點半就行返去海旁等倒數~
一路等一路傾計...傾傾下突然聽到有人叫６．５．４~
哈哈...跟住我地就跟住一齊叫啦~３．２．１聖誕節快樂 and 生日快樂^^""
因為12月25號係阿Wing既生日^^""跟住有人唱聖誕歌~
咁我地就跟住唱啦...唱完就搵野食啦..嘩..多人到-.-""完全冇位~
咁我地就要去搵車坐..過觀塘食野~行到去地鐵MS同佩E就走啦~
咁我地就走M記食野啦...餓死人啦~係咁食係咁食~
就黎食完個時娜娜就打黎啦...佢話佢而家黎緊觀塘~叫我等佢一齊坐車返屋企~
咁我就同阿Wing一路傾計一路等...好快佢就到左啦~
咁就落去啦...跟住阿Wing走先..我同娜娜就去坐小巴~
^^娜娜話唔好意思要我等..所以請我..哈哈..傻豬黎嫁~
好快就返到屋企啦...跟住玩電腦啦...玩左一陣就沖涼~
跟住就訓教啦...因為仲有聽日既活動呀...哈哈^^""
25-12-2008(阿Wing..生日快樂^^"")~
今日2點幾起身...因為小叮打黎嘈醒左~
跟住就開電腦啦...同阿Wing傾msn~
但因為佢悶...所以想自己出去行街..但因為我唔想佢生日要自己行街~
所以就立刻換衫出去搵阿Wing^^今次一個鐘都唔洗就出左去啦~
好快就去到apm搵阿Wing...咁我地就行啦~
行下行下上左去一間寵物店到睇...跟住見到請人咪見下囉~^^佢叫我聽日在黎見多次...跟住就走人啦~
跟住去左打機...打到5點幾就諗住開定房唱住等~
點知個個人話冇會員証冇生日蛋糕~咁我咪打俾阿sac問佢去Newey睇下好唔好囉~
點知傾傾下傾到MS...佢叫我打俾MS問佢黎未~
最衰係MS而家先起身...阿峄又要遲D先到~
所以阿Wing好唔開心-.-""最後係去加x紅~咁我就打返俾阿sac同佢講啦~
><""點知阿Wing發脾氣走左去...咁收左線之後就走搵返阿Wing先啦~
見到佢之後都唔知講咩好...阿sac又叫我唔好講咁多野~
咁我就只可以跟住佢行...去到就開位先啦~
因為佩E遲到既關係....所以開左4個位先~
入到去阿Wing開始講野啦...咁佢就點歌啦~
佢點完到我點....跟住就一齊唱啦~好快佢地就到左啦~
阿sac就拎D禮物俾佢啦...咁我又拎啦^^""得我個份有卡~哈
點知阿Wing冇啦啦又送聖誕卡同聖誕禮物俾我地啵~^^
哈....跟住MS諗住拎個時..阿Wing同佢講冇你份啵~
哈哈哈哈....MS個樣真係笑死我呀...可憐到爆呀~
大家收完禮物之後我就同阿sac出去拎野食啦~
出去個時見到佩E...阿sac就叫左佢入去先啦..咁我地就拎野食啦~
點知我一返入去就冇左D位啦-.-""哼...遲到仲要坐我個位~><""
唉...算啦...跟住就唱K啦....唱唱下我突然諗到D驚喜~
我諗到出去叫人俾首生日歌入黎...但我又怕唔俾啵~
所以係到諗左好耐...跟住我突然諗住起身出去叫個時~
阿sac突然叫我叫野飲啵^^真係THX你呀~
咁我就用呢個機會叫人放首生日歌入黎啦^^""
個個都係咁屌鬼...因為cut左佢地首歌...跟住佢地聽到生日歌~
個個就冇咁諗啦^^大家一齊唱生日歌~開左一個生日蛋糕(說謊蛋糕^^")
歌完生日歌之後就許願....許完願就食蛋糕啦^^""
食完就唱歌歌啦...歌到咁上下阿Wing就影相啦..影左都唔小嫁~
影完相就叫野玩(唔識打個樣野)玩到10點半就要走人啦~
走之前冇啦啦有香檳送入黎啵...唔知係唔係因為我叫人俾生日歌所以送呢^^
飲完之後就走人啦...咁我地就去阿峄屋企啦~
去到TKO打俾阿峄先知...完來佢而家先係黃大仙-.-""
咁我地就一路吹風一路傾下計啦...傾左好耐阿峄先到~
咁佢就要請飲酒啦...哈哈~~阿峄請飲酒..阿Wing請飲香檳~
真係好對唔住呀...生日仲要你請飲香檳-.-""下次一定唔會要你請~
跟住買完野就上阿峄屋企啦....初初上到去睇左一套戲~唔記得叫咩名啦~
睇完就開始玩啦...玩左好多野啦...我都唔記得玩左D咩啦~
我只係記得我係咁輸-.-""飲左好多酒...飲到就黎想嘔個時就唔飲啦~
跟住我就訓左係地下...阿Wing就半醉..所以同佢地玩~
咁我一見到梳花有位就上左去坐~跟住阿峄就係咁俾酒阿Wing飲-.-""傻嫁~
最後阿Wing醉左...嘔左三次...喊左一次~咁我就俾左個位阿Wing訓啦~
我就去左第2到坐...用半醉既清晨同佢地玩~玩到6點幾阿Wing就起身啦~
咁阿Wing上左阿峄張床到訓...所以阿sac就坐左係到打機~
MS同阿峄就係到搵位...我就係雲石個到訓~都唔知自己訓著左~
8點幾阿sac叫我起身...佢話返屋企訓..咁好啦..阿sac叫阿Wing起身~
我就叫MS起身...我9點幾先返到屋企-.-""係落下買左D野食~
但因為太眼訓...所以食左少少就去沖涼訓教啦~訓死左~
訓到咩事都唔知....-,-""
26/27-12-2008~(訓死左..)~
今日訓到3點幾先起身...訓到死左-.-""咩事都唔知~
時間過得好快...好正^^""全日都係屋企...阿Wing傾下msn~
玩下電腦...睇下電視~因為係星期五/六..所以冇咩好睇~
27號夜晚阿姨打黎話聽日放假...問我地去唔去唱K~
點知我唔記得左約左阿Wing...所以就約左阿姨~
-.-""阿姨仲話今晚打邊爐...咁我唔去都唔得啦~咁正^^"
跟住阿Wing話佢聽日得..咁我就只有同佢講真話啦~
睇佢既語氣好似好唔開心咁..但我只可以同佢講sorry~
咁就約星期一算啦...跟住就諗住訓啦~但又訓唔到啵~
突然媽咪冇啦啦問二家姐聽日去唔去-.-""二家姐本身話唔去~
點知冇啦啦又話去啵...我屌丫...我真係唔想佢出現囉~
咁我就諗住唱完K搵返阿Wing出黎去睇戲啦~
6點幾先訓得著...第2日仲要8點半起身呀-.-""想死呀~
28-12-2008(好眼訓呀...help!!!)~
今日8點半起身啦...跟住就換衫...出去啦~
約左10點半...但我地10點15分就到左啦..所以未有人到~
咁我就諗住上去唱住先啦...但媽咪又唔想啵-.-""
咁我咪叫媽咪打俾佢地睇下佢地係邊囉~
好快佢地就到左啦...咁就上去唱啦~
唱到2點幾就send sms俾阿Wing問佢出唔出黎睇戲啦~
咁阿Wing話出...所以就等佢啦..咁我地3點就唱完啦~
走人....二姨就走先..因為要返屋企煮飯俾老公食-.-""
我地4個就走行街..因為表弟要買生日禮物俾佢細佬~
行到咁上下阿Wing就搵到我啦^^""咁我同阿Wing就走先啦~
我地又去左行街...本身想買野俾KAKI..點知又冇樣岩-.-""
所以就去左影相..個到係邊??我都唔知-.-""跟住去戲院睇下...點知間間都冇位~
咁就冇得睇啦><""好彩阿Wing陪我去美心食火鍋~
好食到爆呀....幾貴都抵嫁(我覺得~)^_^"""
食完就坐車過尖咀影相啦...過程唔講咁多啦..因為阿Wing都打左啦^^""
仲知就影左好多好Q既相啦...玩左好多野~
10點幾就走啦...陪阿Wing坐215x(冇記錯既話)...去到觀塘轉車~
諗住可以快過媽咪佢地返屋企...點知就到個時媽咪打黎話佢地返到-.-"
算啦...好眼訓呀..點知返到去二家姐坐左係我梳花到~
咁我沖涼啦....點知沖完佢仲未走..咁我只好玩屋企電腦啦~
想打日記...但睇完人地日記我又唔想打-.-""
最後叫媽咪叫佢上床訓我先有位訓咋...><""
p.s.今日玩得好開心啦...又食到好味味既火鍋呀~
多謝WingWing^^""
29-12-2008(睇戲啦^^)~
今日4點幾起身...因為約左阿Wing去睇戲~
本身睇大耳仔走天涯嫁..但因為時間既關係..所以只好睇魔法童話夜~
咁我地約6點15分係地鐵站等啦..好6點先出門口-.-""
去到打俾阿Wing啦...點知阿Wing仲係公司-.-""
咁我就只好係M記等佢啦....我一路打機一路等~都唔係好耐姐~
佢好快就到左啦...跟住就走買戲x先啦...買完就洗手間啦~
去完洗手間就返返去M記食野先啦....^^""食到7點47分就走啦~
GOOD....因為我地睇7點50分^^""入到去都仲未開始~
跟住就睇啦...好好睇呀...都幾好笑..如果我真實都可以咁就好啦~
睇完都9點幾...跟住就返屋企啦...返到屋企就沖涼~
跟住食飯....之後睇電視..傾msn...最後就打日記啦-.-""
一次過打咁多日既野好辛苦呀~下次都係打多D日記先得-.-""
不過呢幾日日日出街都幾開心嫁...^^"""好彩有阿Wing姐~
而家只好等31號啦...但我怕唔多開心-.-""點算??
p.s.而家我成日都有街出...唔知點解二家姐日日都係屋企~
又冇返工...又冇街去.佢發生咩事呀??
快D出下街啦....阻住個地球轉...唉....><""
