今朝睇電視睇到8點幾先訓...跟住12點幾就俾媽咪叫醒左啦~ 因為今日媽咪要去醫院覆診...所以我要陪佢去~ 跟住整野...換衫啦..^^今日著左一條裙加一對高x鞋~ 好耐冇著過啦...跟住出去啦..等11X巴士~ 2點幾去到...先去左"秋"血先...跟住在去照X光~ 中間個時要等啦...大約4點幾就走得啦~ 咁我地就走啦...去左坐車落觀塘在轉車去吭口~ 跟住去到就行街市先...因為我想買水果~ 點知行行下我又唔想拎啵...所以就叫媽咪唔好買啦~ 咁我地就諗住上去大家樂食下午茶啦...點知媽咪行行見到有鞋啵~ 媽咪話我可能著到...我就入去睇下啦...嘩..真係得呀~^^ 跟住就在睇下啦...嘩...有2對我都著到呀~ 真係好靚...著得好舒服..好彩百幾蚊對咋^^ 買完之後就去食野啦...都幾好味^^ 跟住食完就行街街啦....本身我叫媽咪黎既目的都係想買KUROMI錶~ 所以我地食完野就上左去睇啦...入第一間就睇到有2隻KUROMI新出既野~ 嘩...我幾想要呀-.-""可惜..媽咪唔俾買呀-.-"" 咁跟住去第2間啦...第2間有KUROMI錶既...但唔靚~ 所以冇買到...跟住一路行都冇見到KUROMI既錶~ 咁就到媽咪行啦...咁媽咪就入左萬寧買野啦~ 佢俾完錢之後我叫佢買KUROMI新出個個暖水袋俾我~ 但媽咪話要我自己俾錢買-.-""跟住唔知講咩..講講下媽咪就話~ 如果佢收卡咪買囉...^^跟住去到當然問啦...點知真係收呀^^"" 咁媽咪當然會買啦....哈..跟住個個人就話如果有會員卡買滿3百蚊就可以送五十蚊既野^^ 又真係咁好彩我有呢張會員卡啵...哈哈...咁媽咪就諗啦~ 我就係咁話買個2個最新出...2個都夠3百蚊啦...跟住個個人就話買呢個電話座~ 五十五蚊咋...姐係我地買個2個最新出之後送電話座~ ^^最後媽咪都買左俾我呀....YA!!!!!!!!!全陪都係KUROMI黎嫁~^^ 跟住就到媽咪行啦....媽咪買左香水同錶仲有其他我唔知係咩既野~ 但媽咪都有買2條香水俾我^^行到8點半就去美心食火鍋啦^^ 食食下冇啦啦覺得好似又生左粒野-.-""仲幾痛下~ 所以就打電話去睇下有冇得睇醫生...好彩聽日仲有位~ 咁我就約左7點半去睇...跟住買完野就去行多陣啦~ 上左去行..行行下媽咪話要去洗手間..咁咪入去個邊囉~ 一入到去個邊就見到我最想食既x皮鴨..仲要88蚊一隻咋~ 咁因為媽咪聽日都係仲放假...我又要黎呢邊睇醫生~ 所以我就打俾爸B問佢聽日可唔可以用小小時間出黎一齊食飯~ 因為要8點半之後入去先係88蚊隻...所以就問爸B 8點半後得唔得~ 點知爸B問返我10點半得唔得....仲係咁笑...唔知佢咩事-.-"" 咁我又唔洗返工...媽咪又放假...幾點都得啦^^ 咁就有得去啦^^咁我地睇完就走啦...媽咪冇啦啦叫二家姐去啵~ 我唔想嫁...但媽咪話爸B想一家人一齊食飯..所以我都算啦~ 跟住咪返屋企囉...返到屋企就開電腦啦~ 跟住就開我D KUROMI出黎睇啦^^ 買左個KUROMI收音機....收得幾好啵...但搵唔到媽咪要個個台^^ 跟住睇完D野就玩左一陣電腦...跟住就睇電視啦~ 俾電腦媽咪用...點知媽咪一用二家姐就返啦...次次都按鈴~ 好黑人憎呀...又唔係唔知kaki會叫...妖..... 跟住我睇電視啦...睇睇下個身好唔舒服...所以諗住沖完涼先在睇啦~ 點知沖完出黎個白婆冇啦啦係到睇電視啵...仲係唔俾返我~ 哼...咁我咪走入房訓囉...好快就訓左~ 但唔夠10分鐘媽咪就入黎...冇啦啦走過黎問我咩事? 咁我咪話聽日二家姐去我唔去...跟住媽咪係咁問咩事啦~ 我都唔出聲...跟住媽咪自己係到估啦...佢問我係唔係因為佢唔還錢呀? 係唔係因為佢冇買生日禮物俾我呀-.-""我個時諗都冇諗過呢D野~ 不過我都冇出聲...所以媽咪就以為係因為呢件事~ 跟住媽咪就走左去唔知整咩(好似係拎錢)...跟住就出去同二家姐講買返份禮物俾我~ 同還錢俾我...跟住媽咪在入黎問我..佢話二家姐問我要還幾多~ -.-""我都唔記得左啦...點知啵...跟住我又係唔出聲啦~ 跟住佢又出去唔知講左D咩啦...跟住又走入黎同我講叫左佢買同還啦~ 但因為二家姐未出糧...所以要等到出糧先做到呢D野~ 佢都白癡既...上次又係咁講啦...做到咩...收皮啦...我先唔會信你啦~ 跟住訓啦...因為我係媽咪個邊房訓...所以到左夜晚就要俾爸B佢地訓~ 咁我就諗住入房訓啦...點知見到個白婆...咁我就走左出流F訓啦~
我都唔知發生咩事...突然勁憎個白婆~ 但我唔係一時之間既事...因為到左今日訓醒我都係咁憎佢~ 我琴日自己都係到諗我發咩脾氣呢??我自己都唔知~ 但真係好憎佢...可能係因為佢冇禮貌~ 仲要有份都要問媽咪拎錢..搞到媽咪咩都話我~ 只係琴日行街都講左好多次...真係好煩~ 最後都係我發火佢先唔在講...點解D壓力要係我?? 難道你得我一粒女嗎???係屋企就等於冇搵工嗎?? 係屋企就等於冇做過野嗎?? 如果係咁...點解你要咁鍚佢??佢係你個女嗎?? 我又唔係嗎??? 鍚唔等於買野~ 你放假會同我出下街...買下街~ 但次次買完野你又知唔知我都好辛苦嫁?? 次次買完都係到俾壓力我...我講左好多次~ 我有我目標...我會去做...唔會一世留係屋企~ 點解你仲要係到講野???點解你仲要俾咁多壓力我呀-.-"" 真係好辛苦嫁...你明唔明呀??? 俾我D靚靚KUROMI相你地睇下啦...^^ 呢2個就係KUROMI新出既電話座啦^^"" 呢2個就係KUROMI新出既暖水袋 最後呢個就係新出既KUROMI收音機 哈...係唔係好靚呢??真既野仲Q呀~YA!!!!!!!!!!!!! 但仲有本相薄....唔係kuromi...所以唔放出黎啦~^^
