3/12﹏講左呢日先啦~
今日媽咪放假....所以約左爸B一齊出黎食飯~
但係爸B要10點半先得-.-""但我7點半就要睇醫生~
所以會有幾個鐘悶悶囉...咁我今日10點幾就起左身啦~
跟住玩電腦....玩左一陣二家姐個fd黎左-.-"
佢以為同我地好fd咁啵....係咁當係自己屋企-.-"
跟住冇理佢啦..自己玩電腦...玩到2點幾佢地就走左啦~
就係因為佢地走左我先起身換衫出去~
因為未有咁早出去...所以去左街市食野先~
咁我就陪媽咪去啦...買左護髮素.水果.惠康~
大約係呢D啦...返到黎4點啦...跟住係電腦到睇棒棒堂~
睇到5點就換衫...吹頭出去啦...坐13D轉93A~
去到新都城...本身係想睇隻KUROMI錶..點知冇左啦-.-""
早知上次買左先啦...唉...跟住行啦~
行到6點半就坐車過東廣城睇醫生~
唔夠7點就到左啦..去到就登記啦~
因為太早起身既關係...所以等個時就訓左啦~
但好快就到啦...^^今次個醫生好Q呀~
一路係咁講野...係咁話"你等我一陣呀..因為要打字..所以你要等一等"
講左呢句幾次...哈哈...勁可愛呀~
如果我可以識到佢就好啦^^佢仲俾左好多藥我呀~
跟住去拎藥啦...好似8點幾就走得人啦~
跟住去左曬相...要等一個鐘先拎得...咁我地就去左m記坐~
坐到9點就去拎啦...拎完媽咪就等二家姐~
咁我就自己走左去行啦...行行下因為太累啦~
隻腳又痛啵....所以又去m記坐..但又好悶啵~
所以同阿wing玩sms..又用電話打機~
最後係到自拍-.-""有D白癡....10點行返去酒樓~
因為今日氣氛唔係太好....所以冇影到相-.-""sorry~
但D野都幾好食...我終於食到我好想食既x皮鴨啦^^
最好味就係呢一樣啦...YA!!!!!!如果唔係多左個人~
我食得仲多呀-.-""11點幾就食完啦...走人~
12點幾返到屋企立刻用電腦...因為我聽日要見工啦^^
但我唔知個到點去...所以搵啦~真係好多謝阿wing呀~
佢幫我搵左好多呀^^下次請你食飯~~~YO!YO!YO!
4/12﹏見工啦~
今日12點半起身...因為要去見工~加油!加油!加油!~
跟住換衫..吹頭...1點出門口~因為怕唔識去..所以早D出門口~
咁一落到去就坐1A係牛頭角下邨落車轉11B去土瓜灣新利華中心~
好快就到啦-.-""2點都未到就到左啦..但約左2點半嫁~
咁又冇咩野做..所以去左大家樂坐...又係玩電話啦~
^^今次好快過...因為等半個鐘好快姐~2點半就上去啦~
一上到去就坐啦...跟住有個女仔問我今日幾多號..哈~
跟住就等啦....寫左份見工既野...跟住又等啦~
咁個個女仔黎先...所以佢入去面試先~等左一陣就到我啦~
佢問個D野都係個D啦...不過我怕佢唔請呀-.-""
因為我又冇帶相...又冇帶証明書-.-""所以我怕怕~
3點見完啦-.-""快到丫...半個鐘都唔洗呀~
咁我諗住搵車返屋企啦...點知行行下見到傘仔袋呀~
嘩...平時見到正版要4百幾蚊..見到反版都要百幾蚊~
但你知唔知呀??今日俾我見到反版39~49蚊咋~
嘩....正到丫...但因為身上冇錢..所以去左惠康買野~
因為用卡俾錢可以拎錢...哈哈~拎完錢錢就走買啦~
有幾個我都鐘意...但因為冇傘仔個個樣..所以唔要~
買左一個有傘仔樣係到既^^都幾靚嫁..又平啵~
跟住去搵車啦...行行下想飲茶..所以打俾媽咪睇佢起身未~
但媽咪食左野啦..所以唔飲-.-""咁我就買熱豆漿返去啦~
媽咪教左我坐車返屋企...返到屋企又去左惠康^^
因為去想買壽司食....所以去左買...跟住走人啦~
返到屋企4點幾5點啦....媽咪同二家姐都係到~
跟住我食野啦...玩電腦啦...7點幾訓左-.-"
9點幾起返身...因為要食藥...跟住就打日記啦^^
希望請我啦..我真係想有呢份工呀~
好想快D有第一個一萬蚊...加油!加油!
