呢2日都係咁...早上睇電視..一直都訓唔到~
到左下午12點先至想訓...一訓就訓到8/9點~
跟住起身食野...玩下電腦..睇下電視~
我覺得生活唔錯...又唔會悶..但我知我一定唔可以在係咁~
我要一份工...我要搵到一份我鐘意既工~
但我只係得個講字...我有去睇..但面試個日我又唔想去~
點解??點解我會變成咁??係唔係真係等人養呢?
唔通我成世都要咁??有冇工我可以做嫁??
有冇D咩工我係唔會唔想去做嫁??
唉....都係搵日叫人陪我出去搵工先得~
如果唔係我就要日日等人陪...咁做我覺得好白癡~
我又唔係冇錢洗...我只係唔想留係屋企做廢物姐~
而家個家開始變得唔同..家姐唔讀書~
我又雙失...媽咪同爸B就日做夜做~
只要我問佢地咩問題...佢地都會答:睇下到時洗唔洗返工先啦~
我而家好憎呢句說話...佢令我覺得自己好冇用~
好似日日都係屋企做廢物咁...但其實我得17歲姐~
都唔洗俾咁多壓力我嫁...咁樣我好辛苦嫁~
搵工???搵學校??定係咩都唔理...做廢人??
我好辛苦呀!!!!!!!!!!
今日收到我送俾阿wing個份禮物啦~
但我唔知幾時送好...阿wing你話呢???
你想29號個要or你生日個時先要呀??
琴晚威威打俾我叫我夜晚7點半出去~
我話好...但因為我太清楚佢...所以我知唔會係真~
果然係..過左一陣佢就send個sms俾我~
佢話今晚都係唔好出啦..仲話星期六放假~
問我個日出黎..仲話送條水晶鏈俾我~
但可惜個日我約左你地啦..所以出唔到~
跟住佢就問咁星期五呢??我話我可以呀~
我答完之後佢就在冇send過野黎啦~
到左今日..姐係28/11既早上3點18分~
佢都冇野send過黎...佢會唔會真係出現呢??
佢會唔會打俾我呢??可能呢個問題得佢一個知~
而家既我..咩都只可以等!!!!!!!
