最期待既今日到啦 因為今晚可以同Wing去黃埔食海逸君綽酒店自助餐 當然放工拿拿聲整好D野去搵阿Wing 傾住電話搵對方 咁岩有車 大家都要追巴士!! 累死~~上到巴士坐一陣就開始傾計 真係好姊妹!!永遠傾咩都得 咩都傾一大餐^^" 但中途聽到老公錄音話ms同阿麟叫佢出去食飯都有小小嬲 過左陣老公打黎!! 講左一陣電話"sorry呀Wing 冇理到你" 好啦 同老公傾好數 陪返阿Wing啦~ 好快就落車 可能傾計唔多覺掛~去搵間酒店 哈哈sorry 我指錯路~ 入到去 原本Wing話冇海邊坐 突然佢帶我地入去坐海邊 哈哈 都算係一個驚喜丫!!! 真係好靚呀因為我地見到人地都係放袋係到 一齊出去拎野食 所以我同Wing都一齊^^" 好多生蠔呀~~但冇之前咁靚 仲有好多野食 超好味!!!一開始我拎左生蠔食先~ 返去放好d野食就去洗手間 點知經過俾我見到有人拎住大閘蟹 我拿拿去屙完 跟住拎左4大隻入去分享~ 好味到爆燈呀!!!突然見到勁多勁多閃光燈影相 阿Wing八掛去望下 原來係黎諾懿同佢女朋友!! 本身好有機會影佢相 點知隻手食緊大閘蟹 電話又對唔到 對到個時只影到佢女朋友小小!! 成晚個心就不停諗 上面搞咩呢?仲有冇其他明星呢?好似結婚wo 邊個結婚呢?唉~~~最後決定 咩都唔諗 食野!!!!跟住我地2個又開始傾計傾計同傾計 哈哈~傾到連"個D"都連但都好開心!! 勁食勁食 最後食左5大隻大閘蟹 8隻生蠔 仲有其他肉 蝦 叉燒 燒肉 小龍包 之類既野~ 真係超滿足 飽到行唔郁!!!多謝阿Wing請我食呢餐 成個生日 最開心有你陪我食我最愛食既野!!thx 因為食飽 我地就出去海邊行下 影下相~ 跟住Wing帶我去搭巴士 一去到30x走左><"" 見到12A 我記得好似返到去 但都係打俾老公問下先!!!因為佢要開車 所以我第一時間問老公12A岩唔岩? 但老公搭岩 咪係邊到邊到落(個時我已經上左車) 但行好遠 你都係搭30x啦!!!!嬲嬲地話左佢一句"頂 上左車啦" 跟住佢又講係邊係邊到落 行返去 個到好黑 好多賓賓 但最後個句係 "你自己行返去小心" 唉.....講咁多 以為黎接到搭搭下 老公又打黎~原來老公係想陪我傾住電話等我行返去~ 行下行下 行到M記個時 突然老公"嘩"跟住攬住我!!!嚇到我尖叫 個電話仲差D飛左出去-.-" 等緊巴士個個男人俾我嚇到o左咀咁望住我><"頂 真係嚇Q死 但又開心!!!! 跟住就一齊行返去 唔知老公今日做咩 突然對我咁溫柔 樣樣野都好似好就我咁!! 跟住老公打機 我睇佢打左一陣~跟住我就訓 老公突登唔打機 走黎陪我訓教^^"(正常訓教) 今日真係真係超級超級多謝WingWing!!! 你對我既好 我呢一世都唔會忘記的!!Love You
因為我地見到人地都係放袋係到 一齊出去拎野食 所以我同Wing都一齊^^"
但都好開心!!
搭搭下 老公又打黎~原來老公係想陪我傾住電話等我行返去~
