正日生日啦 但一點氣氛都沒有~~~
先返工 同wing and 老公傾傾下計 因為一D說話 老公突然發脾氣!!
仲要講咩分開 個下真係勁嬲!!嘈左幾個鐘~~~~~
放工去佢公司搵佢 無聊等~~~~~~~~唔知佢做咩嫁 仲知就等~~~~~~~~
快7點啦 阿wing入黎問左句(你地唔係去睇黃子華咩?)我心諗"係嫁 我唔知佢係到等咩囉"
跟住老公答睇8點 我又心諗"出去食野 行下街唔得既咩?一直要坐係到無聊地等??"
因為我自己都唔100%肯定 所以叫老公拎張飛出去睇先知
原來大家身上都冇飛!!因為我100%肯定俾左佢 所以叫佢搵~
最後返到屋企先搵到 因為件事係
"Yandy俾左我之後 我返到去放入背囊 跟住老公就話(唔好放個到 俾我聽日拎返公司放)
咁好啦 我跟住就俾左佢"姐係話 而家成件事係佢冇拎返公司 完全唔記得左呢件事!!!
因為係公司等.......在返屋企搵 完全冇時間食野啦!!!
搵巴士搭到去都7點半 係ok買左D野食入去食~~~~~
當然睇黃子華唔洗講 一定好笑加勁好睇啦 仲有容祖兒一齊黎睇^^"(當然佢唔係坐我地身邊啦)
11點睇完 散場~原本我約左阿品一齊食野 但老公打俾佢個時冇啦啦同阿品講唔食啦~
完全冇同我傾過!!!好啦 我以為有咩驚喜 要2人世界~
一直跟住佢..............搵巴士搭............返到深水埗...........返屋企煮野食~~
唉~~~~~~~~~~~~~~~~你話死唔死丫??仲要自己訓教 佢又打機!!!!
今年生日真係嬲到爆!!!
