對唔住 好耐冇打日記了~因為請左新人返黎做 佢做野好慢 搞到我清唔到野><"
今日我生日啦^^"祝自己生日快樂先~
唔知係咪今年生日都唔開心 所以冇左生日既感覺呢?
係上上個星期既時候 Wing已經問我生日點搞 但因為我唔想成日題阿志 所以我都唔理~
到左上星期 我得返幾日得閒既時候 見阿志仲未有反應 我真係頂唔順
走去問佢我生日點?好可惜 佢唔係俾驚喜我 因為都係我咁諗 約....而家約-.-"唉!!
同佢講邊幾日得 佢就打去問啦~但約既過程 佢完全唔上心
打俾邊個唔記得 約左邊個星期幾都唔記得 只係轉個頭既事~
最後都係要我題左十幾次!!!算啦 佢有真真正正走去打電話約就唔發脾氣啦!!!
到左星期六 我放工想返屋企 但又唔俾~坐係公司無無聊聊左大半日!!
仲叫我幫手整床!!最後因為我發脾氣 所以先轉左食牛扒><"開心??小小啦!!
算 聽日就係開始慶祝我生日既大日子啦~一朝早起身返屋企陪媽飲茶先 之後扮靚靚
好耐未試過咁啦 今次連自己都覺得靚靚^^"約左8點 因為佔中 所以我搭第二格車~
等車時 阿志已經話去緊尖咀嫁啦 仲話因為唔想我等 所以早D出!!~但我到左打俾佢 原來佢同pakco一齊~
原本諗住拍下拖!!都算啦 等......................................原來食8點45分 朋友仲要9點先出現~
二寶又話肚痛黎唔到 已經有D唔開心嫁啦~食野 阿志都好照顧我 但生日既氣氛就真係一D都冇~
阿志同pakco傾計仲要冇啦啦講以前一齊返工個時有個靚女 俾個fd溝左
阿志仲要大大聲講鬼唔望佢地散(個下我同pakco都感覺到阿志個意思係佢散左會溝佢?)
pakco都即刻串佢"散左都冇你份嫁啦 BoBo可?"因為我不嬲都係 佢要走左 我唔會阻佢
所以我答pakco"下 走囉~我冇所謂嫁"其實講真 唔通我個下屌佢 "人地散唔散關你咩事呀?"
好啦 過左呢個話題 冇事啦~最後俾錢時 阿歡突然拎出一份禮物 有幾個玩具 有一隻好似kaki既超細狗仔!!
其實冇咩用 不過唔緊要~好過冇禮物收既^^"多謝先啦!!!就係咁 大家一齊搭地鐡 散了~
到左星期一 勁唔想起身返工 好眼訓
放工因為約爸媽出黎食飯 但因為佢地未到 所以返左屋企睇緊電視先~
跟住落左去搵佢地 哈哈 好開心 我想食咩 阿志都俾我叫^^"仲要請食呢餐飯 多謝~
9點幾就返左屋企了 10點幾訓啦 同屋企人出去 永遠係最開心既 最有生日氣氛!!多謝你地Love You!!
跟住星期二啦 今日到約左樂樂佢地食 食一間都幾勁既雞煲~
都係啦 到左冇人 等..............左勁耐~原本有個人冇講過話黎 突然話黎 等等下又話黎唔到~
咁就唔好俾個希望我啦-.-"真失望!!樂樂又遲到遲到黎唔到食!!其實都估到嫁啦 一班男人 我透明!!
最後食完 阿柛仲要不停叫貴~好似我呃左佢地黎咁(我自己諗啦)
跟住樂樂返到黎 一齊去食糖水 都係佢有佢地傾 我自己周圍睇下野!!
11點幾走人 拍拖行返屋企個條路 只係好普通既行都開心過全日既飯局><"
到左琴日 返工個時一朝早 老細就打黎俾左個勁大禮物我^^"加人工呀 而家我$9500啦!!
哈哈 都唔知係好彩定自己做野既能力真係咁勁 年半加左2次人工^^"唔洗轉工了~~~~
當然第一時間同最愛既老公and最愛既好姊妹講啦 哈哈~~~~(可能佢地唔覺好掛 冇咩反應^^")
但之後就辛苦啦 因為放工就要去整牙 唔該老公and wing陪我 但超痛!!整左3隻$1500~
之後就約左ms 阿妮 佩e 阿麟黎我屋企同我慶祝~因為我都知佢地俾阿妮洗左腦 同佢地冇咩好傾
所以我對呢次既生日食飯冇咩太大希望 當然都係我咁諗啦!!搭車問wing點解有蛋糕先知阿妮唔去買~
開ot??唔好當人傻先得嫁!!唔緊要 你點對人 我點對你^^"對你已經冇朋友呢個感覺~
上到去 佢地都仲未到~開心吹水 整下野~佢地到左冇咁開心^^"
叫外賣 等外賣~食野 吹一陣水 冇禮貌地食完野行開 成張枱得返我 志 wing!!!
出去食煙 佩e唔食都跟出去!!點解??算啦 洗腦係可以好勁 唔緊要~
12點啦 wing真係醒目 記得入去拎蛋糕~完整既生日歌?沒有了~~~~~~~~~~~~
一班唔在似朋友既朋友過黎 影下相 一人一句好食唔好食~拎左蛋糕行開食
食完睇電視 過左一陣我去執野~一人一句係咪走啦?行啦 行啦~~~~~
好啦 行啦~拜拜啦屋企 下次等我自己在返黎啦~~落到樓下同wing吹水!!!
阿妮and佩e唔等人 唔出聲走左~同ms and 麟吹多陣水就走啦~老公話搭的士
唔該wing俾我地上先 經過見到阿妮同佩e仲等緊車 老公突然講左句 "哈哈 順路都唔車佢"
我諗諗下N241好似停左wo 哈哈~唔知係咪呢?不過算啦 話知佢地!!!
1點幾返到屋企 老公陪我訓教~牙痛 老公錫錫
