台灣之旅11/9~14/9(三日四夜)
一朝早5點幾搭的士去機場 搵到阿歡同小妖 跟住就去搞登機位~
過左一陣小叮就黎到 因為小叮之前係到做過 所以係機場食野有9折
但太早未開始 老公同阿歡小妖係到排隊等開始 我陪小叮去禁錢!!!
去返搵到佢 跟住入去食野 8點開始入閘~
行到去登機位都已經要排隊上機了~~~~
因為阿歡冇搞坐位 所以佢俾左我地4個一齊坐中間(其實大家都想坐窗邊)
咁岩有2排窗邊位冇人坐 老公立即走左過去^^"
最後我地好順利地坐住窗邊位到達台灣!!!
一去到就換錢先 3000港幣換左11152台幣~跟住就去買電話卡
之後就開始去坐捷運 轉黎轉去 累死先去到民宿~登記先知原來分2層住!!!
佢地住4樓 我同老公住2樓~大家分頭行事 執好野之後就開始出發去行街食野了~
(其實我唔太記得順序去邊)總之有去草泥馬餐廳食野 又有去西門釘夜市行街~
但最重要既係不停搭捷運 不停轉黎轉去 搞到我好暈!!!
但當然我都係有買野嫁啦^^"買野食 買衫衫 買手信 我連KaKi衫都有買^^"
因為真係唔想在轉既關係 決定搭的士返去!!
佢地黎左我地房食野 食到10點幾佢地走返上去 我地執野沖涼訓教!!!
第二日又係早起身!!因為要去動物園 完來好大好大 不停行行行~~~~~~~~~~
但所有動物唔係訓左就冇左!!頂你個肺 咩都冇得睇!!!老公行到發脾氣!!!
原本估計行到6點幾 但因為真係好累同好悶 4點幾就決定走人 返民宿放返好D野 休息下~
跟住在出發去五分埔行 因為太累既關係 老公行到冇心機 原本好多野可以買 但冇心情買了~
跟住就轉地方行 咁岩要經過商場 佢地要搵廁所~突然老公見到間50蚊剪頭髮 跟住就入左去~
哈哈 都好既~俾老公休息下 我地都可以坐下!!!好開心呀 老公剪我最鐘意既頭呀
跟住又開始去行夜市 今次呢個唔記得咩夜市~但我鐘意呀 好多野食 100蚊台幣就有8-9隻燒生蠔!!
當然都係食食食食食 跟住在買野返去食食食食食^^"肥死了~~~~~
但都唔知點解夜晚都係肚餓 我地在一次落街搵野食!!
就係呢個時候 我地行緊十字路口 突然見到地下起碼有十隻曱甴出現 我地冇路可走!!
老公好man咁講左句"我背你過去"(其實我知老公都好驚)
跟住我就諗都唔諗 立即跳上老公身上~
老公開始行既時候 原來阿歡同小妖學我地咁過去 但小妖好衰 撞左老公一下 好彩老公冇失重心!!!
最後老公好叻叻咁帶我過左呢個咁嚇人既曱甴街!!!Love You
到左第三日 阿歡佢地有個台灣朋友黎接我地 帶我地去玩!!
所以一早我地先去搵早餐食 跟住就拎行李去佢朋友車啦~
佢地個朋友(陸地)車我地去九份 車程都成個鐘有多 老公同小妖既普通話真係好屎
唔想陸地悶 不停陪佢傾計 但好辛苦好辛苦先講到一句普通話^^"笑死
但因為冇車位 所以都泊得幾遠下 要自己行返去條街~但門口就係我地要搵既手信!!!
好彩成條街唔係好長 拎住好多好多手信行 陸地帶我地去食麵食甜品(麵唔好食!!)
陸地帶我地去到甜品就走左去 原來係買手信俾我地^^"多謝哂!!!!
跟住就行返去車個到 放好手信既野又開始出發去十份放天燈!!!
好開心今日個天好靚 成個景都好正!!!我地決定一人一份 老公好有諗頭 用我既一半畫左佢個樣 同佢既一半畫左我個樣~
個樣係鍚鍚 好得意~跟住就開始發揮自己既頭腦 諗下仲有3面可以寫咩!!!
搞左好耐 終於寫好 可以去放啦^^"先我同老公放 陸地幫我地拍片~
放完先知原來陸地唔識禁開始拍
放左上去啦!!!冇得第二次嫁!!!黑人憎!!!
唉.....跟住我幫佢地3個放 老公拍~完成後 又行返去搵車~中途見到有好得意既貓貓貼紙 忍唔住買左幾張^^"
跟住上車就去溫泉區啦~去到我同老公先知原來冇Book房!!搞到要周圍搵地方住 睇左2間都唔太岩!!!
因為要請陸地 所以佢地想5個人一間房 我同老公就唔想同佢地一間房 所以最後搵左兩間房~
大家房入面都有溫泉 只不過我同老公個間比較細D~~但其實我地係出去出面浸!!!
整好所有野 陸地車我地去搵野食 去左一個路邊据扒既地方 好特別(但好似食塵多D) 食完返去!!
最初老公同我講要出去河邊浸 其實我不停話唔想~最後都係有落去 但原來同我想像中好大分別~
好靚好特別 好有風味!!!但大家都唔知 冇帶野影相 所以第二日一朝中特登落去影返相 但可惜多左好多人!!><"
唔經唔覺就到最後一日啦 執好行李放上車 出發去台灣只得一個既沙灘~
好靚既風景 最衰冇帶泳衣!!之後行左去第二邊全部都係買野食 但我地只係入左一間食海鮮既餐廳~
唔太貴 但勁大隻生蠔 但原來入面好細隻-.-"其他野都好味~~食完就走啦 車我地去機場!!!
但掛住玩 唔記得睇時間 最後我地好趕 要跑去上機!!!
返到黎 老公叫好累好累 行到好累~~~~~~~~~
沙巴之旅25/11~30/11(六日五夜)
今次有爸爸,媽媽,二家姐,我,老公一齊去 二家姐安排~
先約左8點到機場 因為我地搭平機 所以要行好遠好遠先可以登機~但二家姐安排得好好 一早已經畫好位~
但因為好遠 所以我地好趕要去上機 有小小時間去個廁所~
老公好有我心 因為冇飛機餐 走左去買定個包俾我二家姐就買俾爸媽!!
跟住就急急腳10點登機啦~我坐窗邊位跟住老公同二家姐 爸媽就坐第二邊既窗邊位其實佢只有左3位右3位咁大!!
要坐3個鐘 訓醒都仲未到 仲有一個鐘~同老公玩下 睇下野 向下個時真係好辛苦!!
3點到沙巴 先去買車飛~落車時媽咪唔小心仆到 好彩有買水 爸有膠布頂住先~
跟住就開始搵酒店 二家姐做得最唔好就係唔識睇地圖^^"好彩老公最叻就係睇地圖!!!
但唔緊要啦 行左一陣爸叫我同老公,二家姐去搵 佢地係到等~
搵左一陣都係唔見 好彩二家姐話呢個地方有三種人 一種識講廣東話 一種識講普通話 一種只識講馬拉話~
咁我就想搵人問路 好彩見到有兩個女人傾計時講緊普通話 我即刻走去問佢地~
哈哈 原來行多幾步就到啦^^"跟住我同二家姐入去搞拎房先 老公去接爸媽過黎~
呢到D人真係好好 免費幫我地升級左做家庭房 仲要係2間房中間打通個隻!!^^"正呀!!
間房都幾大呀 但個景就唔多靚囉!!都係啦 執完野出去行啦~二家姐安排左今日係試探日
出去周圍行 冇特定話去邊 搵下之前網上睇過既餐廳係邊 收幾點~
之後去二家姐搵左換錢最好既商場 3000港幣換左1300馬幣
跟住就開始去食一間叫新記既肉骨茶 最初我以為肉骨茶係好似飲茶個D茶咁 原來係湯既一種!!
好好味 仲有豬手食~跟住就去左行海邊 影相 其實好多野都係酒店個邊~
但因為仲有時間 所以行遠D睇下~去左一間買榴槤糖既地方 我同二家姐買左貓屎咖啡
老公左買榴槤糖 跟住媽咪見到有榴槤雪條 咁我地就一人一條唔同味 佢地舖內有張枱 我地就成機休息^^"
但個職員真係好好人 開始走黎用廣東話問我地玩幾多人 去邊玩~跟住教我地去邊到食 去邊到玩~
又話去到買車飛講佢個名Money會有折 佢識朋友可以幫我地買一天團飛 又有折~
但因為我地未決定到 所以佢俾左whatsapp我 諗住先搵佢~
跟住我地就走人啦 又開始行 去左食榴槤貓山王 其實好貴 但二家姐,老公,媽咪都食得好開心~
之後返酒店樓下搵網上話好味既餐廳 食食下有一個好恐怖既黑衣走黎我地枱望住我地食!!
真係好得人驚 好彩望左一陣佢就走左!!!
食慾大減!!!
之後返酒店休息啦 先同老公沖涼 之後開住中間個門 周圍行下~跟住同老公2個人落去行下~
搵到一間好大超市 但D野好貴 最後都係去左橙仔買野(好似7仔咁) 跟住返上去^^"
第二日又係一早起身 去酒店對面一間好出名拉茶既餐廳食 睇住佢拉茶好得意 真係好高好高!!!
又真係好好味!!最後我地日日返上酒店之前都會買定一杯^^"
跟住都係上返去酒店屙屎先 之後就開始出發去沙灘迪加島~我地行去搭船都好近
買飛時講Money 個個人聽到一頭嶼水 好彩我叻呀 當然影定張相 一拎出黎俾佢睇 哈哈 真係有折呀!!!
之後去上船啦 好快呀 個海好靚呀 真係好清呀!!到左之後馬上換衫跑出海!!
唔洗出去都見到好多魚啦 同海下唔同 呢到D魚大條D~等二家姐,老公,爸出黎就開始出去啦~
一開始已經好多魚跟住我地 海下面好清好靚 好多唔同既魚~突然老公大叫 話俾魚咬!!
我初時望住老公笑 點知過左一陣真係有魚咬我 二家姐都開始大叫 但佢地唔驚~
我就好驚 馬上游去第二邊~但只要腳放下就有魚咬 我嚇到返左上水~
老公陪我返去 叫媽咪落去睇~之後我在試一次 見到有條全黑色既魚 爸話唔咬人~
點知腳一放下 黑色魚咬人仲痛我嚇到唔敢在落水了~咁靚既海 鳴~~~~~~~~~~~
老公,二家姐,爸係出面玩得好開心 我坐係海灘到好唔開心等佢地返黎~
曬到黑左老公先返黎 返返入去坐~跟住去沖身 沖完身坐係到等夠鐘上船~
點知俾我地見到野生動物 好大條巨蜥 老公玩左佢好耐 之後仲見到山豬 好得意呀^^"
3點幾上船返去啦 先返酒店沖涼 之後在落去搵野食~因為決定左叫Money幫我地買團票
所以我地要去搵Money 俾錢佢~但老公同爸唔太信佢 爸叫Money搵張紙寫收左錢~(我覺得Mondy嬲左了)
因為之後個日會成日問我去左邊到玩 開唔開心之類~呢件事之後 佢好小理我了~
整好D野之後去左搵一間食海鮮既餐廳 同老公有小小唔岩 但最後都有入去食~
有一味叫奶油蝦 真係超級好味呀!!!我不停食D汁^^"之後去第二間食魔鬼魚 好特別 都好食呀!!
食飽飽就周圍行下啦 中間見到有一對貓母女 好得意 我地想過去摸 點知媽媽唔理個女行遠左~
我想試下搞佢個女會有咩反應 點知我捉起個BB女 貓媽都唔理-.-"好彩我只係玩下姐 如果真係有人捉點算?
跟住我放低BB bb望一望我 跟住又跳黎跳去 好開心咁^^"好可愛呀~
玩完就走了 行返去酒店 沖涼休息~唉.....我不嬲最怕訓訓下教D人唔見左嫁啦!!
因為我累 訓先 老公2次自己走左落去食煙 2次都嚇到我彈起身周圍搵 連爸媽房都搵!!!
最後開電視睇 等到佢訓我先訓!!!激死人啦
第三日又係要一早起身 因為跟團出海玩 先有車黎接我地去搭船個到~
跟住就有第二班人黎帶我地出去玩 因為係團 所以有其他人 有幾個大陸人!!!
坐船出去都要一個鐘 睇到揸船個個原來係船主 所以好安心~我同老公訓死左^^"
因為我地好醒目 著好泳衣黎 其他人未換要落船去換好先返上船~
初時二家姐同我地講去一個沙灘 點知原來唔係 佢地揸船去海中心浮潛>0<""
因為琴日俾魚咬 所以我勁驚 我唔落水-.-"但因為個海真係好靚 勁清~真係忍唔住~
老公叫我陪佢 又帶住我~我大擔一次落去 二家姐同爸都落!!!真係好唔同 超級超級超級靚呀!!!
我真係未見過可以靚到咁嫁!!!一生難忘呀!!好彩老公教我腳唔好放落去 就冇事~
好多好多魚仔跟住 好驚 但老公俾擔我~原來個海唔深 游過都可以撞到!!
二家姐,我,老公,爸一齊手拖手去睇 大家見到咩好野就指指指 好搞笑~但因為冇防水相機
所以大家都冇影到好靚好靚既海-.-"但見到小丑魚同小丑魚媽媽 二家姐話好小嫁咋 而家見到咁多條好小可嫁^^"
快樂時間過得特別快 又係時候返上船~坐定定之後 又開船返沙灘了~
放好D野 出發行山去浸火山泥 完全唔知咩事 著住三點色泳衣一路行一路 俾蚊咬到發溫!!!
老公又要整親 仲要行15分鐘(好似) 辛辛苦苦行去 到左啦~落去火山泥 仆你個街!!!
火山泥入面D樹支多到嚇死人 步步都"吉"到爆!!好辛苦行到去比較水既地方 照一張相~吹我地走
屌你老尾 行15分鐘 落5分鐘都冇?咁急時間做咩呀?因為火山泥既關係 行每一步路都好滑~
行要唔係平路 真係山路!!大家都唔著鞋行行行!!!唉...........終於出返去啦~
Ya!!!影張相~落沙灘洗返D泥 在入去沖涼 出到黎等佢燒好D野食 等都等左半個鐘有多啦 吹!!!頂~
因為無聊 周圍影下相 隔離同我地一樣有一團 但人地煮好D野食啦~
我地係到望 突然有幾隻長鼻獼猴步出黎拎左佢地D野食 我笑了~~~
好得意 同香港個D有小小分別 初初二家姐同我講 長臂獼猴佢個鼻特別長嫁~
跟住我笑佢 長臂獼猴係手臂個臂呀 唔係鼻呀~點知第二日個導遊話呢到D長鼻獼猴係最特別 只有沙巴有~
我立刻柒了
行黎行去 周圍影相~過左好耐好耐 終於食野啦~
因為今日天氣唔好 遠處落緊大雨 海浪勁大~安全起見 之後地方去唔到~
但我最想就係去蛇島睇蛇 佢地傾過之後肯去一去~但一上個島 導遊行左一行 望左兩望 跟住就話冇蛇影張相就走
算數啦 今次我坐入面 老公攬住我 因為真係好大浪!!!我唔敢訓 一直俾浪撞好多水打落我到~
落船時半身都係水 但我後面個個導遊就全身都係水 仲要有水出個隻
但真係好驚 一落船見到個天好黑 仲要行雷!!我地等師機車返去酒店
跟住就沖身 休息一陣 又落去搵野食時間啦~今日真係好開心 玩到好累 但真係好靚!!永遠記得!!
到左第四日啦 今日去柛山 係世界唔知排第幾既山之一 一朝早有人黎車~
一位女導遊加一位男師機 坐車都要2個幾鐘 訓教 不停轉身搵個好位訓~
但都訓唔好 有個中途休息站~可以行一陣街 睇下水果買下衫 但廁所要俾0.03馬幣一人~
但時候只有半個鐘-.-"因為老公不嬲都會暈車浪 所以老公落車影一影相 去個廁所就要搵地方坐~
我就陪佢地行左一陣街 原本都想行~但因為老公唔舒服 所以去左陪佢~
好快個導遊又叫上車啦 車左上去行山 睇花花草草 但都冇咩特別野睇~
跟住去個廁所又上車 上左去一間餐廳食飯 D野食都算唔錯 至少唔難食!!
跟住出面就開始落大雨啦 但我地仲要一半行程 死都唔放棄 跟住就去行吊橋 浸溫泉!!
但因為落好大雨 媽咪唔去 坐係車到等 我地4個加導遊水人一樣 對鞋勁重!!
有4條吊橋行 第三條吊橋個時二家姐見到有叢鼠 大叫我地睇 驚到隻野走走走走走^^"
都算係見到一眼佢跑走既樣!!!行完之後去睇溫泉 好多人 睇見都唔想浸~
我同老公落腳影一影相就走人了~~但原來導遊影既所有相都係唔清楚的
唉...真係唔可以假人於人!!台灣係咁 今次沙巴又係咁!!激死人啦!!!
跟住就上車返去啦 但導遊話帶我地去睇多一樣野 但要25蚊馬幣一人~
我同二家姐去 媽,爸,老公 等我地~原來係睇全世界最大既花 大皇花!!!一年只有七日開花~
我地好好彩 咁岩係佢開左既第五日 其實以為唔太靚 因為第五日~但都好開心睇到 因為真係好大!!!
跟住就車我地返酒店啦 中途二家姐叫我叫導遊帶佢地買靚水果~師機好好人 因為師機先係當地人~
佢落車帶二家姐佢地去買 我同老公仲有媽咪係車到等 老公唔舒服 訓死左!!!
返到去仲要塞車 辛苦死老公 老公勁想嘔~最後返到酒店同老公沖涼 老公頂唔順嘔左!!
原本第二日去玩激流 但因為老公唔舒服去唔到 我又唔想留佢自己一人 媽咪又唔玩得~
最後所有人都冇得去 俾老公訓左2個鐘 跟住就落去搵野食啦~
最後一日啦 今日終於唔洗好早起身啦 訓醒先出去 食早餐~
跟住去左我地講左幾日既商場行街 買左好多衫 之後去搵一間蛋糕店~
叫左三種蛋糕 一碗麵 一個酥皮咖哩角 大家分黎食~老公好愛一個榴槤蛋糕^^"
我就最愛酥皮咖哩角 真係好好味 好特別 老公好好人 自己一個拎所有買左既野返酒店
我地係到等佢~我忍唔住叫多個酥皮咖哩角^^"當然同大家分黎食啦~
之後就開始去行街啦 原本諗住去買手信個間野搵Money講拜拜 因為呢幾日佢教左幫左我地好多~
點知Money去左玩 見佢唔到~我落就上左去按摩 老公唔鐘意按 但為左陪我地都試下按腳
哈哈 見到先知原來老公真係好怕 不停叫細力D 又笑 又叫痛 真係笑到我肚痛!!
原本諗住搭車去睇全世界排第六睇日落最靚既地方 點知天氣又唔好 大家都估睇唔到~
最後冇去到 只係行出海旁望~但原來有 仲要好靚 未去睇都咁靚!!!
望住日落 背後係彩虹 真係正到爆呀!!唔怪之得叫全世界排第六啦 真係冇得頂呀!!!
等到真係落左就走啦 又係搵野食 見到好多野食想買 但老公都唔俾 話貴!!!
最後去返之前食過既一間餐廳食 之後返酒店~返到酒店睇下D衫真係幾好wo~
我同老公都仲有錢 決定落去買多幾件~爸跟住我地(事實想食煙)
去到已經話得返半個鐘 好急好急咁買左幾件 老公又買左幾件 爸就買左一件~
跟住就返去啦 因為今日呢間房係去沙巴前一日突然Book既~
所以轉左家庭房 我同老公一張床 爸,媽,二家姐一張床 都係訓一訓姐~
因為我地4點半就要起身搭的士去機場 沙巴機場真係好細 下次唔洗早2個鐘到~等死人!!!
泰國之旅6/12~9/12(三日三夜)
今次係夜機 我要返工 放工去搵老公 周圍行買齊野~
跟住上去執行李 3點幾出發去搭車 老公跑去買火牛頭 我係車站等老公~
大約5點去到機場 Pakco係出面食緊煙 等一陣佢地返黎啦~
跟住就安排登機位 二寶都係好醒 一早排好窗邊位~
因為今次有飛機餐 所以唔洗食定野先上機!!但早左到 周圍影下相 坐一陣就上機啦!!
今次要坐2點45分鐘 呢班機都算啦左2中3右2 唔知點解唔想訓教~
等佢起升 望住出面 不停見到好多班機飛黎飛去 個機長又不停講一D奇怪既英文
都唔知佢講咩(可能係我唔識英文) 講左幾次 二寶終於明白 佢話冇位俾我地起飛~
5分鐘後開始起飛 但當時已經遲左半個鐘有多了起飛開始睇一套戲~
冇訓過教 睇睇下有野食 都幾好食呀!!個空姐都幾靚女 好好笑容^^"
但D餐具唔係膠 冇得拎><"之後睇 睇到完都仲未到 但耳仔又開始勁痛 我就知就到了~
望落下面 見到好多地 燈 以為經過一個咩地方 點知原來係泰國黎嫁啦 已經到左了~~~
泰國時間慢香港時間1個鐘 10點幾到泰國 搵地方換錢 但二寶冇搵清楚邊到換好D~
我地換左一間 2500港幣換9375泰珠 但第二日見到第二間換10350~
換好啦 跟住去買車飛返酒店 都係搭地鐡 又係轉完又轉!!!終於到左啦 都唔錯啦 唔太衰啦~
但因為太夜 出面冇野食~所以我地落左樓下7仔買杯麵同腸仔 仲有野飲返上去食!!
我要左個青咖哩杯麵 估唔到咁青咖哩 好正呀!!!^^"但條腸就好辣 搞到唔可以好好食青咖哩><"
食完就返自己房 跟住沖涼~哈哈 呢間情趣洗手間 我沖緊涼 老公可以係外面開窗簾變做透明玻璃
玩下沖下涼 搞下呢樣搞下個樣 2點幾啦~要訓教了!!!
第二日6點半要起身 因為要落去食酒店早餐 約左7點~我地7點去搵二寶 點知佢地仲未起身~
因為佢地未轉返泰國時間 所以我同老公係樓下等~好彩佢地都算快~
佢地呢到好鐘意蛋 會有一個位特別有個人煎蛋俾你食~其他野就西瓜好味^^"
但食完都係要上返房屙屎^^"之後就出發去翟道翟 真係熱爆!!因為太早 唔係太多野開門~
但左2個鐘 去左街市行 買左好多龍眼肉乾 蝦膏之類 因為想飲野 所以去左買一支橙色既果汁
上面寫住橙汁 但飲落先知係柑汁 好好味呀!!買左2支 在加幾樣野食~
因為太重 所以返左酒店先 順便食野~之後休息一陣又返返去翟道翟行~
但而家開左好多舖啦 多左好多野睇~但真係好熱好熱 老公成個人流汗流到變水人^^"
但好彩都買左小小野 之後就去商場行~搵左一間野食 有青咖哩食 但好辣 但好好味~
仲有蝦餅 都係好味的!!但好小 食左唔覺得飽!!但佢地冇心買其他野食 所以算啦
跟住去一間泰國最大既超市買野 買左好多青咖哩杯麵同百力支 好多野拎住返酒店~
第三日 9點幾先起身 落去食早餐 之後返上去執野轉酒店~
因為琴日買左 所以個喼好重~仲要搬樓梯 對唔住老公 辛苦你啦!!
去到一個商場 好大好大~原來我地就住係呢個好大好大既商場樓上~
好高級 出入一定有人開門俾你 大堂既野飲可以任飲 但可惜只係住一日!!!
但因為要2點先可以上床 所以我地先坐車出去3D館 姐係好多畫 但影出黎好似真係係個到咁~
原來都幾大 玩左3個鐘先玩完~勁累!! 真係唔可以著鞋入 所以行到腳累!!
中途有好多小朋友 好煩 不停走入黎我地影緊相個到 又係樓上不停走黎走去 嘈到呢!!
玩到最後 我真係冇咩心機 時間又快2點 所以我地都走人啦!!!順暢又係商場行下~
買左個好得意細細個既貓頭鷹袋仔~我真係好鐘意嫁 係貴左D 但老公俾買就得啦^^"
跟住返到酒店 上到房個個景先真係大叫嘩一聲~靚到嚇死人~
我地住17樓 可以望到好遠好遠既風景!!但又俾佢地吹 叫快D出門口去食野!!
好啦 野都未執好又要走啦!!!出去搵野食 原來仲要去一個夜市 要坐船~
但老公唔想去 想係酒店游水!!最後決定唔去 食完野就返黎游水!!
去左一間餐廳据扒 好平 但唔可以叫2成熟-.-"咬到牙都軟!!
食完野 行左一個圈就走啦~返酒店轉衫 落去游水!!夜晚個景好靚!!
好彩老公同Pakco部電話係防水 可以影下相 最後玩水底影相 都好清呀!!
游到人地關門我地就走啦 沖完涼一齊落去商場行街加買野食 Pakco黎我地房食野 同老公飲酒!!
最後一日啦 起身食早餐 之後落去游水 初時我冇諗住游 但落到去真係頂唔順 好想落水~
所以自己返上去轉泳衣 跟住落去同老公一齊游 影下相!!!
9點半就走人了 因為我同二寶要去按摩 老公同Pakco就落去游多一陣先走!!
估唔到都幾舒服 幫我按個個仲要識講廣東話 好勁呀!!!但有小小泰音 有D聽唔明^^"
按完都12點幾啦 要去退房 去搵老公同Pakco之後 落去商場行~
二寶帶左我去買蝴蝶袋 原本我都唔係咁鐘意 點知泰國個D真係好唔同~
好大間 好多款 連自己睇睇下都鐘意左^^"初時老公同Pakco出左去食煙!!
之後老公返黎陪我行 點後我同老公都買到自己心愛既野^^"
因為時間關係 上去食完野就好快要去搭車返香港了~但返黎呢轉勁多勁多大陸人 真係勁黑人憎!!
坐我前面個個大陸婆仲要冇啦啦拉張椅訓低 老公同二寶見到勁大反應!!
立刻嘈佢 之後推返佢張椅上去 個一下我笑左~佢地2個真係好大反應^^"
但全程都要聽住勁難聽 勁嘈既普通話 仲要成程機都熱到爆!!訓醒出曬汗-.-"最後落機好凍 因為我冇帶長褲 只有外套!!!
