今日好開心呀 爸放假 二家姐同老公都返秀食飯呀^^"
先講左返工既野先啦 星期一個日 我地會計部黎左個新人
佢5年前係呢間公司做過 但係灣仔做執貨個類~
所以佢係5年前就識左阿sa 但當時做左幾個月就走
而家係大圍個個老細介紹既~第一日黎返工 阿sa已經扮到好熟咁不停搵佢傾計!!
第二日lunch 佢地仲要傾到好大聲 不停笑笑笑笑笑 嘈到我訓唔到!!!!
個新人搵叉電位 都走去問阿sa都唔問我地!!!!但平時傾計 佢又會同我地傾!!
到左今日 因為有人黎拎一箱文件走 所以要整好俾佢~
唔知點解個新人好主動地走黎幫手 跟住c收到個電話 話黎緊
c仲要叫新人搬出去先 個下心諗"我地位不保?"
跟住條友黎到 我出去幫手 當然個新人都係第一時間仆左出去拉住格車先啦!!
平時c會同我落去 但今次唔知c係咪諗住我睇住定我地2個人夠唔洗佢
c就叫我同新人落去 佢唔落!!!好啦 個新人推車 又唔係好識推 叫佢放手俾我推 佢放得一隻手 第二隻手死都拎住!!
落去到 佢走出去搵的士~搵到的士 佢又第一時間卜過黎拎箱野上車!!!
好啦 算算算 返上去~過左一陣 c叫我聽日要去灣仔搵老細簽名 唔知佢地講緊咩
突然c話 咁咪好囉 遲D你地一人一次去~咁bobo咪可以休息下囉><"
算啦 唔講公司野啦~嬲
琴日就約好二家姐,爸,老公返秀食飯 點知放工個時 老公打黎同我講佢返左屋企-.-"唉 我都知佢唔記得嫁啦!!!
老公不停哄我可唔可以唔去?但因為返緊工 仲有2分鐘先收工
所以轉頭先打俾佢~放工打俾老公既時候 脾氣唔好 粗聲粗氣問老公係咪唔去呀? "sorry"
唔知係咪怕我嬲 老公又話去 叫我去巴士站等佢~
當大家見到面既時間 大家個火都未減 有小小黑面~
但過左一陣 老公就講下野 慢慢就冇事了!!!
我地用左好多時間黎搭車 7點10分先返到秀樓下~
返到去 爸同二家姐都係到啦^^"傾計 吹水 等食飯 睇二家姐D相~
真係好開心呀 好掛住!!!當大家要走既時候講拜拜 大家都好唔想~但可惜我第二日要返工><"
爸送二家姐搭巴士落彩虹轉車 我就沖涼執野之後先走~
10點幾走 去左觀塘轉車~上左格青山道小巴 等左起碼半個鐘先開車0.0
12點幾先返到屋企 換衫 執袋 玩左一陣電話就訓了~~
原本爸生日諗住去食buffet 但因為太貴 老公同廣都唔黎食
最後決定 到時一齊去北角買海鮮 返黎秀屋企 阿廣煮^^"
最重要係廣同老公都肯黎^^"超開心呀!!!!齊人啦齊人啦!!期待!!!
