2015年2月份~~~~ 先講開心事啦 2月係新年既月份~有4日假期放鬆下自己!!! 呢個月頭 我買左我最愛既皮外套 同二家姐多左一齊出街 傾計~ 又同老公多左見面 其實真係好開心﹏2月8號媽咪生日 我送左隻金羊俾媽咪做生日禮物 三千尾四千蚊到 見到媽咪咁開心 我都好開心~媽咪仲有爸爸送既鑽石戒指 成萬幾蚊嫁 我同老公講我試左原來我要帶9號環 估唔到老公會答我(下 你帶9號呀?okok) 哈哈 以前既老公係唔會理我嫁~可能只會哦一句 估唔到今次會咁答 真係笑左 今年情人節係星期六 最初我都怕 第一因為老公最近好忙 俾志媽捉住唔放 係都要佢留係到做野!!! 第二老公冇約過我 我怕佢唔得閒 第三我怕因為係星期六 我放1點 太早 老公唔知去邊!! 但老公冇令我失望呀^^"星期五夜晚 我忍唔住問老公(咁聽日點嫁?你係咪要做野呀?) 老公好man咁答我"我自己覺得"(緊係唔係!!!我請左假啦 話左唔返嫁啦!!!) 哈哈 有時男人好惡咁講野都幾冧嫁wo~我係唔係傻左? 到左真正既星期六 2月14號 情人節﹏﹏ 我著左老公琴日指定要既衣著返工 仲化左妝~~ 好努力做野做野想快D到1點放工見老公 一到1點就超快執野沖落去!!! 可惜老公冇接我 打俾老公 原來老公仲係屋企 不過已經著好衫褲鞋襪 因為整緊野 所以接唔到我~~ 咁我就同老公一路傾住電話 一路上去~~點知又俾老公呃左><" 2點出發啦 我完全唔用腦等老公帶﹏先去食野"街邊檔小食and珍珠奶茶" 之後老公就好趕咁帶我去搭地鐡 去荷里活廣場 原來老公琴日訂左戲飛 老公冇可能會咁做嫁!!真係有D感動但因為仲有小小時間既關係 所以周圍行左一陣~ 好緊急既時間去左UNIQLO行左一陣 老公送左件衫俾我 佢自己又買左件~ 之後就沖返去戲院睇戲套戲好好笑呀~企鵝好得意 之後既活動 我感覺到老公好似冇安排~所以我地好冇目的咁行下街~ 去左H&M行 老公買左1件衫2頂帽 仲係個到玩人地D衫超好笑!!! 跟住就陪老公去交上網費 人地枱上有一籃黑玫瑰 老公走去問人地咩黎 最初人地唔彩佢嫁 但老公都要不停問 最後人地都真係頂佢唔順 送左一支俾佢老公就借花敬佛送左俾我 跟住就開始煩啦 諗食咩?其實我真係有好多野想食 但我又怕太貴 老公唔想~但老公就成日講今日特別日子 食咩都得!!! 但我都係好怕 所以唔敢出聲!!!因為行到有D累 所以搵左個地方坐左係到諗.....諗左成個鐘!!! 最後都係入返商場 間間都拎飛 睇邊間快就邊間我原本想食三間其中一間~ 但可惜慢左一步 所以去左食台灣野~唔覺唔覺 原來仲貴過食放題!!!真係有D心痛 其實我仲想去尖沙咀浪漫下嫁 但老公話累 原來只係想偷偷地帶我返屋企 所以成日叫住走!!! 食完野就落去搭的士返老公屋企"當然我有拒絕 可惜唔得" 10點幾返到去~ 其實可以同老公一齊返屋企 一齊訓教緊係開心啦 我都真係好想好想可以一直都係咁~ 但唔係好似而家咁 偷偷摸摸咁!!!一個夜晚我急尿急左2~3次 但都係忍/搵地方屙左佢!!! 但大家都知道 呢個時候只可以做到咁~~老公都好明白我心情 不停安撫我 因為今日我有返工既關係 所以好早就眼訓 老公陪我訓~ 個日之後都同老公keep住有見面~~16號同媽咪行完維園返屋企之後在落彩雲見老公!!! 仲有好耐冇見既阿麟,佩e同ms 吹左一陣水 又打左一陣白貓 都幾開心呀^^"好耐未試過了~ 其實16號呢一日返工個時 唔知點解我個心突然好有沖動想同阿sa和好 唔想在係咁樣一齊做野~ 唔知咁樣做係唔係一樣好事 但我真係做左了~我係5點幾就放工既時候 見阿sa去廁所 我走左去搵佢!! 我好突然咁叫阿sa 講左一返說話 大約都係對之前既事講對唔住 2015年可唔可以和好呀? 當然佢個樣都嚇親 不停點頭 又答我好 唔知我有冇睇錯 好似仲有小小眼濕濕!!! 其實我真係好唔應同佢做既野同講既野 但我當然諗只係唔想在咁樣返工 都幾辛苦!! 因為當時好緊張 講既野唔夠全面~所以放工之後 我在send左一段野俾佢!!!佢有接受~~ 直至年三十晚 Chirstine放假 我感覺到佢仲有拒離感 所以我不停搵機會同佢講野~ 當日咁岩傾緊老細幾時俾炮金 俾左我地就可以放工~傾傾下就傾話去飲茶 等陣1點半先食lunch一齊去飲茶(冇人正面叫我去) 咁我當時都唔知跟唔跟好-.-" 諗諗下 試下去廁所 等佢地傾下~~果然一返黎 SA家姐就問我等陣一齊食? 哈哈 最後成功跟佢地一齊去食!!!11點幾就收到炮金$500"都唔明點解我仲係同D新人一樣$500!!嬲嬲地" 但因為傾好一齊食 所以1點15分就一齊落去拎位 一路阿SA都唔係好彩我 我好努力搵野加入佢地既話題!! 直至入去食野叫野食 吹吹下水~~開始有小小可以一齊講野 但都唔多!!!2點半食完返上去 跟住就快快手執野走^^" 好既開始??我唔知!!!因為放完假返黎之後都係冇咩變過 冇左黑口黑面 但都唔同我講野 佢地成日都好似好多野唔想俾我知咁!!!今日仲要聽到阿SA講咩Send唔到俾Chirstine"點解要send唔可以講呢?" 可能我多心 但感覺真係唔太好 連Chirstine對我既感覺 我都知道唔同左!!! 但都好多謝Christine$50 新同事May$20 SA家姐$50 SA$20 仲有龍哥$100 小明哥$50 老細明哥$200 Willian$50 多謝咁多位同事老細~~其實上仲有老闆娘未俾 但收到咁多都好開心嫁啦~多謝曬!!! 跟住到真真正正既新年啦﹏﹏﹏﹏ 年三十晚個日 2點44分放左工之後去搵老公 中間發生左D事唔開心 所以唔係呢到講~ 之後同老公去左買野俾志嫲 先志爸黎車我地 跟住去深水埗接阿耀~ 跟住就出發去土瓜灣 先幫志爸幫手搬野先!!!跟住老公就陪我上志嫲屋企~ 送禮 多謝志嫲同志爺2封利是$20一封~祝志嫲身體健康!!開開心心!! 祝志爺好日康復!!事事如意!! 吹左一陣水就走人了~~咁岩落到樓下就見到志爸!!我同老公講拜拜 志爸叫我上去食飯~ 因為志媽所以唔上得 志爸話(上黎!!唔洗驚!!我幫你!!!) 哈哈 所以聽到呢句已經好開心 多謝你呀志爸 之後我就走人啦....唔打唔撞上左5c巴士 我要去荷里活廣場 但原來呢格車唔到!!! 最後自己搵路行去 好遠好遠 行好15分鐘!!好彩俾我見到當日情人節同老公坐個個位先識行咋 但我行左咁耐爸媽同二家姐都仲未到!!我自己一個人行左一陣UNIQLO買左一件外套~ 跟住二家姐同爸媽都到啦^^"周圍行下 等到8點就去酒樓搵婆婆佢地食飯啦!! 好搞笑 先講講我地家族有小小唔岩既關係 細姨唔鐘意大舅父一家 "因為之前食野出現左小小問題" 大姨又因為生日食飯大舅父同二姨一家都唔黎 又有小小嬲左佢 二姨同大舅父一家比較熟 因為大家都住沙田~ 細舅父一家同婆婆都係冇所謂既人 我地一家就同細姨一家比較岩傾 大舅父一家好似比較唔鐘意我地~ 咁當時我地去到個時見到既係 大姨1個 , 細姨一家4個 , 大舅父一家4個到左~ 佢地一齊坐一枱 我地一黎到大舅母就叫我地坐第二枱"唔知點解有小小嬲!!" 不過唔緊要啦~ 過左一陣二姨2個黎到 佢地開始傾點坐 細姨好快就彈起身話唔緊要唔緊要 我地坐過去~ 跟住在叫大姨坐過黎 最後我地呢枱有我地一家4個人 細姨一家4個人 大姨1個 仲有大表弟~ 佢地就有大舅父一家4個人 二姨2個人 細舅父一家3個人 仲有婆婆^^" 突然之類覺得好開心中間食飯有傾有講 大家都笑得好開心~大家都好認同大舅父介紹呢間好難食 11點幾走人啦﹏阿廣放左工 所以二家姐要返去!!我就唔想咁早返屋企 所以去左行夜市 大表弟一直跟住我^^" 我去邊佢去邊最後我地仲去左觀塘諗住睇小販檔 點知!!!咩都冇曬!!!嬲死人啦 洗唔洗做到咁呀 冇計啦 送大表弟去搭車之後我地就返屋企啦~老公因為今日既事好唔開心 所以想我去陪佢~ 咁我返屋企換完衫就去深水埗搵老公 原來佢地未食野 食緊M記 老公又請我食^^" 坐到2點幾就返上去啦 阿耀幫我探屋 一見冇人就叫我入去^^"多謝你地既幫忙!! 年初一啦﹏ 因為係老公屋企訓既關係 所以唔可以咁早出去!!我好急尿 要用膠袋解決最後整到周圍都係~ 老公仲要話我點解會整到周圍!!我知佢因為琴日既事唔開心 我都唔出聲!! 但佢講左好多次 有D嬲爆左句(我要忍尿忍左幾個鐘 仲要大年初一係膠袋屙尿 搞到周圍都係你都唔起身 仲要話我?) 老公知道講錯野 即刻氹我(唔係唔係 老婆最好 我最好老婆 係我唔好 唔好嬲) 其實我真係唔係嬲既 只係覺得點解要搞成咁 好唔開心都唔可以同老公講/講左都冇用~ 今次發生左呢件事 我真係不停忍眼淚 因為我知道老公好唔開心 我唔想在俾壓力佢!!! 只想俾加油!!支持!! 希望佢唔好太大壓力!!因為講到尾日日面對既人都係老公!! 1點幾終於走得 原本想同老公食飯 但爸媽等左我好耐 所以直接去TKO搵爸媽!!! 食大家樂 等二家姐~當時已經3點幾 齊人就上去拜年啦﹏﹏仲未到齊人~爸去打麻雀 我同媽and二家姐就坐係到睇電視 吹下水~5點幾爸要返工走人 我地都跟住走~~ 去左行吉之島 跟住上婆婆到食飯加打牌~~原來羊年犯太歲就真係犯太歲!!輸左百幾蚊><" 走個時原本老公話黎我屋企 但因為我仲未打完 叫老公黎接我 點知老公唔肯話咁我返屋企~ 其實唔太嬲 只係因為輸左錢心情唔好 所以話左老公一餐sorry~~ 走個時又去觀塘試多次睇下有冇 點知今日多左好多檔呀^^"不過唔係平時個個時 怕俾人捉掛? 買左碗我最愛既豬紅腸^^"好貴呀$25 不過算啦 出面食唔到呢個味嫁啦!!! 年初二 我覺得新年最重要既一日﹏﹏ 因為年三十晚個日約左細姨12點 媽咪又唔小心約左二姨11點~ 所以今日9點就要起身 點知媽咪訓過龍 10點幾我走去叫媽咪起身~ 跟手在約細姨同二姨食早餐!!其實我想飲茶 可惜冇人彩我~最後約黎約去約左去婆婆屋企樓下間荼餐廳!! 二姨同細姨有揸車 所以我跟細姨車 爸媽二家姐跟二姨車!! 細姨車係深藍色BMW 皮椅 坐得超舒服!!所有野都係我最愛既野 上到去拜年 先爸爸打牌﹏4點幾爸爸要返工 到媽咪打^^"爸爸好叻 羸左好多錢錢係到俾媽咪^^" 我地就傾下計 坐到眼訓!!!好彩岩岩好可以食飯~~今年D餸唔同左 最嬲係我原本坐好個位~ 個個都係湯 得我一個冇!!起身搵湯返黎冇左張椅 搵到張椅仔坐下就算 起身去加飯 返黎又俾人坐左!!! 真係嬲><"完全冇位行 又冇位坐!!坐好又俾人話阻住電視睇野 算算算 好快食完就起身搵位企!!!佢地都食完 媽咪就叫咁早食完打多陣~叫左婆婆黎打!! 點知個個都叫走 得返我同婆婆仲有大姨 最後好唔願意既細舅父一齊打!! 最初不停輸不停輸 最後我去廁所洗個手 返黎打果然好好多 食到大牌~ 細舅父發脾氣唔打 叫左媽咪打!!咁岩媽咪一落場我就清一色 仲要媽咪打我要個隻 我就諗咁黑仔食左佢都好~ 最後冇輸仲有羸^^"其實D錢係媽咪 但最後媽咪俾曬我 其實今日老公黎我屋企 因為我地聽日去露營 但D袋原來係長沙灣!! 原本老公叫我拜完年去長沙灣一齊拎袋 跟住在上黎我屋企~但最後老公打黎話唔想我辛苦走黎走去~ 佢自己一個拎2個露營黎 但我要係樓下接佢老公真係錫我!!Love You :3 咁我地打完牌就走人啦 係觀塘買多次豬紅腸 返到屋企放低D野帶KaKi落去等老公~ 點知等左好耐都未到 老公話等唔到車唔想我等所以轉搭的士跟住老公好快就到啦~ KaKi好開心咁搵老公^^"返到上去老公俾金沙同臘腸媽咪做禮 媽咪就俾左3封利是老公^^" 跟住就沖涼 睇電視 打機 執野 訓教!!訓個時已經3點幾4點啦!! 年初三 露營日﹏ 約左小妖阿歡10點彩虹等 但因為太眼訓 所以9點15分先起身^^"sorry~~~ 好快手著好衫 執齊野就出發~大約10點半搵到佢地!! 之後一齊去大家樂食早餐 買露營入面要煮既材料~之後就搭小巴入西貢!! 在搭巴士去黃石碼頭 在搭船入灣仔營地 因為太多人搭船 我最後一個落船 所以自己一個坐船頭~ 有小小驚 但好好玩好搞笑!!12點幾入到營地~但太多人 冇位><" 原本老公想係下面營地對住海 但因為太多人 阿歡又唔想咁多人 又冇咩位~ 所以最後又係走左上去平時去個個營地!!!都多人 但好彩俾我地搵到一張枱!! 搞好所有野就開心玩啦 佢地玩放風爭 但因為冇風 所以放唔到 好快就放棄左 返黎煮野食~ 今日我地煲臘腸飯 煮雞翼 抄菜 咸牛肉抄炸菜~~好好味 小妖食左3碗飯咁多^^" 跟住就坐一陣 傾左一陣計就去執位玩~小妖同歡去左洗手間 我同老公就訓係到睇星星~ 好舒服 好快就想訓~佢地返黎就玩春青斗 老公好叻呀 贏左幾次啦!!哈哈~~ 大家都開始肚餓 咁就執野去煮湯丸食~小妖眼訓 去左訓一陣~我地食完野玩左陣電話就執野去洗~ 返黎整好曬D野就去訓教 好舒服 一訓就訓著左~ 年初四 最後假期﹏ 10點幾起身 因為訓到條腰好唔舒服!!老公仲唔肯起身~ 阿歡都起左身 我想去廁所 又係冇人理我 自己一個人去廁所一個去刷牙!!! 返黎自己坐係到打機 等到佢地終於起身啦 嘈醒老公叫佢煮野食~~ 阿歡煲粥食 我地食米粉 仲有蛋 午餐肉 菠蘿腸仔~但今次食唔曬!! 1點幾又走左去玩 又放多次風爭 今次阿歡搵到好方法 放到啦~ 跟住就到老公放 老公都放到啦!!!仲高過阿歡 放曬成條線呀!!!好叻叻 2點幾走人啦 我同歡去洗野 小妖同老公執營!!!3點幾走人 行去海下村搭小巴~ 岩岩開始行 阿歡就叫返轉頭 好好笑呀^^"但最後都係行曬既~4點幾搭小巴!! 去到西貢分開行 老公同我搭秀茂坪小巴返去 小妖同歡就搭彩虹小巴轉車返青衣~ 返到屋企沖完涼 執一執野就出返去搵佢地食野~先去apm買野 之後在去~ 係荃灣食一間叫真味既野 好大一件壽司 真係好特別 又夠飽!!但唔算平 又唔係貴~ 跟住就去行一陣街 可惜太夜 收曬工~之後就分開搭車 老公同我去搭地鐡!! 老公仲送我轉車之後在返轉頭 真係好唔想!!眼淚在一次流~~~~~~我愛你 初五開工了﹏﹏ 第一日就遲到遲左成個鐘 9點先起身><" 但一返黎就收到好多利是 多謝曬~~~~ 星期六 初十﹏﹏ 放工老公叫我去佢屋企先 因為要同志爸拜年~ 咁我就先去買左份88蚊既阿一鮑魚麵做禮 上到去志爸未起身~ 老公見到我買左野問我做咩仲買 之前咪俾左個蘿白糕?哈哈 咁冇理由上黎拎返個蘿白糕在俾志爸話送俾你地既禮 新年快樂嫁嗎 過左陣志爸起身 等佢整好曬D野我就推老公出去同佢爸講 我在出去俾禮~ 原本我覺得志爸好似冇諗住俾利是 但老公係出面 我都冇理由入返房~ 咁行黎行去 又整下野咁~突然志爸叫我(BoBo等等 俾封利是你先)跟住就俾左張500蚊我~ 我突然反應係(咦 冇利是封既?)哈哈 自己講完都笑左^^"但志爸應得仲好笑~~ 志爸話(冇利是封就500蚊 有利是封就100蚊嫁啦^^") 跟住我多謝完 志爸同耀就走啦~我同老公就留係屋企休息到4點先出門口返工~ 去長沙灣抄錶 跟住約賢,小妖,歡食飯 原本話去荃灣食真味壽司 但因為多人 所以又轉左去荔枝角食日本放題 搞到我地又搭返車返去><" 呢間野係賢介紹 因為佢朋友係入面做 所以有勁多好野食 真係好謝曬!! 勁好味 又特別!!最後仲要有折 一人先217蚊~但食既野就食左4隻188蚊既龍蝦 唔知幾蚊既海膽 水母刺身 生蠔任食 帶子 鵝肝2份 <---本身要加錢先食到既野 但因為賢識人 所以全陪唔洗加錢!!!下次要在帶我地去呀^^"好味到爆 食飽飽之後就出發去阿歡家啦 佢地養多左2隻黑貓 有一隻仲係BB!!好得意呀^^" 跟住就開始玩卡game 玩到4點半走 因為仲要去老公屋企訓教教豬 搭的士~ 星期日 初十一﹏﹏ 10點幾志媽就係門口嘈 話2個仔唔起身返工之類 跟住就走左~ 順利地我可以去廁所 但跟住返入房在訓過^^" 2點幾先起身 坐左一陣就換衫 4點幾出門口 同老公係樓下食野先~ 跟住老公就返土瓜灣公司做野 我就返秀茂坪等老公電話~ 因為阿歡佢地又約去佢地屋企玩 但因為老公遲返既關係 所以未知可唔可以去~ 返到屋企坐左一陣 媽咪叫我落去驗眼順便買眼鏡!!因為之前講左好耐睇唔清!! 果然驗左2隻都深左 睇眼鏡 原來而家D眼鏡好貴 最平都要2百幾仲未計鏡片~ 最後媽咪買左個貴既眼鏡同鏡片俾我1179蚊 多謝媽咪我會用好耐嫁啦~~ 因為買緊既時候 老公已經叫我過去土瓜灣搵佢 所以陪媽咪行多一陣就上去換衫出去~ 去到土瓜灣 老公話我遲 搞到D人走曬~原來老公叫我黎同佢親戚拜年~ 咁我照上去搵老公 老公就打電話問志姨我地上去拜年好唔好?志姨話好 咁我同老公就去7仔買禮上去拜年 買左一盒70蚊既朱古力~等包既時候 老公就打電話俾志舅父問我地上去拜年好唔好?但志舅父話做緊野唔得閒 所以我就買左一份上志姨屋企啦~點知!!!一入門口就見到志舅母係到><" 唉 勁奇怪!!超唔好意思咁俾禮志姨 在同志舅母講(對唔住 唔知你係到 下次買返俾你) 但唔知點解我覺得佢地對我既感覺唔同左 好似唔想我出現咁><" 志舅母一D笑容都冇 好細聲咁講左句(唔洗啦) 跟住志姨同志舅母都各自俾左2封利是我 1人2百~ 跟住就係到睇佢地玩 睇電視 食瓜子~搞下搞下搞到11點幾先走!! 老公送我去搭車 老公走車都唔理都要陪我等到我上車先走返到屋企沖涼訓教 星期一 初十二﹏﹏ 真係一日比一日開心呀^^"今日原本冇地方去 只要幫老公收租~ 諗住老公琴日出左黎 所以今日要乖乖返工!!點知唔係 放工時老公同我講叫我收租坐一陣 夜晚同我食飯~ 但我約左媽咪 我都未講 老公就同我講(在唔係上黎你到同你媽咪食?) 哈哈 真係心靈相通^^" 咁就順利可以一齊食~呢個時候又突然爸爸Line我問係咪約左媽咪出去食飯? 原來爸爸今日遲到冇返我睇到真係笑左~第一次聽爸爸話因為遲到所以唔返 老公帶爸媽去食我地之前食過既一間火鍋 叫做寶哥 咁岩就係爸爸同事/朋友叫佢既名"寶哥" 估唔到媽咪會話好味又突然老公係爸媽面前同我講 初十五志媽叫我一齊去食飯 我真係唔敢諗 我不停問老公真係嫁?志媽叫嫁? 爸頂我唔順 叫我拍片証明老公講呢句野^^" 哈哈 跟住老公仲話聽日志舅父叫打邊爐 問我去唔去?我話志媽會唔會先? 當時老公答我(你去唔去丫?你去我咪唔叫囉?) 因為我要買返禮俾舅母 所以我決定去~ 但我心入面唔知點解好多問號 好想知點解志媽突然會叫我去?可惜冇答案 10點幾食完 多謝老公請全餐~好開心呀^^"跟住老公又係一定要送我上車佢先走 星期二 初十三﹏﹏ 今日返工比較忙 出去恆生入票偷雞申請出糧卡 跟住又去影印~ 返黎坐一陣Christine又叫我出去拎印 咁岩個間野係老公識既佢又見過我 所以吹左兩句水 哈哈 老闆娘好記醒 話呢個印唔係我拎黎^^"我同返Chirstine講佢先知原來我識佢地~ 唔知係唔係因為呢句說話 阿sa突然同我講野 一定吹水~ 放工搭車去土瓜灣志舅父屋企打邊爐 估唔到老公唔等我就上左去 搞到我要自己買完禮自己上去 點知一去到門口就見到志媽係到><" 志爸見到我就係到搞氣氛 我心跳得勁快勁驚 俾完禮志舅父就同志媽打招呼 唔知佢係聽唔到定唔理我 完全冇反應 志舅父個樣仲好似唔like我咁~ 好驚 真係好驚!!!老公又唔理我 我就自己走入去廚房行黎行去扮有野做!!! 食個時志媽仲要坐我對面 好驚好驚 我不停搵野講 扮冇事!! 好彩志爸坐我隔離 得閒無事同佢講兩句!!一開始志媽就對住志爸暗串志嫲 話我屌佢就話我 細佬屌佢就岩 好叻呀細佬之類既說話!!嚇到我震曬~ 一路食野食野 感覺佢地好似對我唔同左 冇左份熱情!!我估姐~~~ 食完就同志表弟,耀,老公打左一陣機 跟住就幫手執野啦~~志媽開始要走個時 冇啦啦俾左兩封利是老公 老公問咩事?志媽話(俾佢丫)個時其實我係老公隔離 但佢唔想同我講野既關係 所以叫老公俾 但老公就講左句(爸之前俾左啦) 志媽就開始問(幾時俾錢?)老公又唔理 我都唔知可以點講-.-" 好彩志媽冇在追究 只係問俾左一封定兩封?我答(一封)跟住志媽就俾多一封我 我講多謝 佢答嗯~志媽$100 呢個就係我全日同佢講既第一句野同最後一句野~因為跟住志媽就叫老公過返去做野了~ 老公原本想送我搭車 但我唔想志媽又屌老公 所以叫左老公返上去做野~ 我慢慢行 又等左勁耐車 終於有車~但上左冇幾耐老公就打黎話走得啦!!! 唔想我走 叫我係觀塘等佢!!!我個心情真係完全仲未平復到 個心仲未停勁跳 所以去左7仔買2支酒~ 等到老公黎到就拍拖仔周圍行下 搵到個好靚既地方坐 傾下計 打一陣機 慢慢心情平復返~ 唔經唔覺行左去觀塘海濱長廊 原來好靚 第一次黎 好多新野玩 好搞笑^^" 我不停周圍玩 老公又陪我^^"好sweet~老公仲話我成個小朋友咁 玩到累就走左去坐 攬住坐一陣 真係好舒服!!>3<" 12點去搵車搭~ 老公突然話黎我到訓好開心呀!! 好掛住呢種日日都可以有既感覺 唔開心既事~~ 年三十日晚當日 出發之前 志媽突然打電話俾老公同佢講叫我唔好黎 老公講返大約話我唔好又懶 係屋企咩都唔做野 唔係搵得多又走去旅行周圍玩 亂洗錢!! 我都聽到老公有幫我解決 不過我最嬲既係志媽話老公(跟本冇資格拍拖 就算你帶邊個女朋友返黎我都會話走佢!!) 第一次見老公講到咁嬲 仲好似想喊咁><"搞到我都勁唔開心 我不停忍眼淚 笑住安慰老公~ 最後都係解決唔到呢件事 唔可以同老公一齊食年三十晚!!! 加油!! 支持落去!! 我地唔會輸嫁!! 今個新年總數有$3570
但因為仲有小小時間既關係 所以周圍行左一陣~
套戲好好笑呀~企鵝好得意
sorry~~
