今日一早約左老公 但老公要我幫佢去公司做野先 所以我一放工就行去老公公司 拎信俾個客 但個客第一時間同我講我肥左 之後過多陣又有個客黎放租 但呢個客係放支票!! 其實我好驚 萬一有咩收錯咁我咪大獲?但老公都係叫我收 我用左大半個鐘時間同佢整 又影俾老公睇~ 最後終於搞好了 真係有一張票有問題 好彩影俾老公睇睇先~ 但一路做野都好嬲一樣野就係老公語氣 好似真係當左我係員工咁!! 收左線之後 阿Wing原來一直係出面等緊我嫁^^"好開心見到你~ 因為我仲要坐到7點 所以同Wing傾計 但原來Wing想黎約我食飯 可惜我一早俾老公約左!!sorry 只好吹下水啦 講下講下自己都唔想停 好似仲有好多野未講完咁!! 講到7點都仲未想走 仲要講~但因為老公吹 所以Wing陪我等車 之後在傾電話 "多謝你 俾我發洩左咁多野出黎 我舒服好多嫁啦" 8點幾去到土瓜灣 同Wing收線之後打俾老公!!但老公要我自己行過去-.-"好彩係近個間!! 我係電話入面聽到老公同佢細佬既對話 大約係阿耀(志細佬)想一齊食/叫老公同我食完就返黎陪佢~ 其實都有小小嬲(可能本身都因為老公之前語氣)在加上耀講D咁既野!!!講真 你又唔係唔知我地而家點呀? 你由頭到尾都冇幫過手 而家仲要用我地小小見面時候黎陪你?你想點呀? 好彩老公死都話陪我 唔肯同佢一齊食野 緊加唔會食完野就走!!!Love You Baby 收左線之後我一直等老公 第一眼見到阿耀都係到 我真係嚇親 但老公好快同我解釋(食支煙姐) 哈哈 真係一齊左咁耐係有D用 我冇出聲 一個眼神老公就知我諗咩 之後陪老公and耀去海邊食支煙 跟住老公就同我去搵野食 因為老公唔想阿耀一齊 所以不停問佢食呢間個間? 但阿耀真係唔識趣 死跟難跟!!!跟左半條街先走!!!老公一早諗好帶我食邊間 但就要呃耀話去搭車出去^^" 老公講多兩講 耀都可能知知地啦~耀走左之後 真真正正可以拍下拖啦:3 可能以前日日見 而家見小兩日已經好掛住對方~耀一走左 老公第一時間拖到我好實 不停叫老婆老婆 又成日係街到錫我(以前冇可能) 仲講左多好勁甜既說話 例如:(唔怪之得D人咁鐘意係街到錫錫啦 原來佢地冇得成日見 好掛住你呀) (老婆仔 我發覺我更愛你) (等你等你等你 一世一世等你 我真的真的不願捨棄"張學友 心痛歌詞") (仍難盡信我是這樣地無窮好運 能遇上精彩的妳 我缺點勝別人 妳竟費盡心神把我留起"張學友 真情流露") 真係冧死人>3<"想忍死人D眼淚咩? 一路行下行下 老公扮曬野 原來間野係後面 老公好型咁拖我入去~ 間野冇咩人 好似聖誕拍拖咁既氣氛^^"但老公叫既飯就.....一個咖哩羊腩飯 一個餐蛋飯~ 不過對住自己心愛既人 真係食咩都咁好~只要望住對方就足夠!! 食下玩下 原來都9點幾啦 咁就走人啦~老公問我去唔彩雲坐?原本我都唔想 但為左可以見多老公一陣 所以去左~ 以前自己見到D情侶係街攬攬錫錫好嘔心 但到左今時今日既我 明白了~~因為呢件事既出現 我每一次見老公都當做最後一次~ 所以真係好珍惜 次次都好想喊 好怕又有突發事 以後都在見唔到!!!Wing 你講得岩 我真係會後悔嫁!! 等左一陣就有車 正常既我一上車就會訓 但今次我真係唔捨得 不停同老公玩 又影相 但時間太快 好快就到啦 要落車!!! 係ms未黎之前 我問老公ms知唔知我地呢件事?老公唔知點解好大反應咁同我講 (佢唔知呀 就算Pakco知都係知你返左去咋 你真係冇錯 冇錯呀!! 係我媽太高要求 而家我幫佢做完數佢就冇野嫁啦) 其實當時我冇諗咁多 我只係唔想俾其他人知 因為我覺得真係好冇面!!因為忍緊眼淚既關係 所以過左一陣先同老公講 (係唔係我錯已經唔重要 我只係唔想在俾任何人知呢件事)老公立刻笑笑口咁話(知道:3知道:3) 好啦 講完呢D野之後ms就到左啦 都係咁啦 坐係到打機 吹下水 10點坐到12點幾先走~ 跟住老公呃ms我地行落去搭小巴 叫ms唔洗送~最後我同老公真係行左落去 中間傾計時 老公突然講起佢房D唔知咩關於我既野 跟住我話(車 我都未可能會在係你到住嫁啦!!) 老公(痴線 遲下冇事嫁啦)我話(你又諗住我去試呀?你點解遲下會冇事?)老公話(唔係 我有信心先會咁講!!) 我(其實我真係冇奇望 我自己本身就話左俾自己知 冇可能會在返黎) 老公攬住我講左句(唔會嫁) 就係咁 我唔出聲~我心信老公所俾我既希望!!!好啦 唔經唔覺 行下行下行左都幾遠!! 原來行左去斧山道游泳池 老公叫我陪佢行去搭車個邊 但又話遠~我話(唔緊要啦 見多你一陣丫嗎) 哈哈 但行下行下原來真係好遠 "sor 我路痴 唔知個到時咩名" 但真係好唔捨得 最後一下攬攬錫錫就有車啦 搭車返到去打俾老公 因為朋友約新年出去既問題突然有小小嘈~ 老公突然話(我諗過我阿媽講既野 我明佢意思 佢係覺得我地搵錢唔夠多 又唔草 仲要洗錢出去玩 唔係咁好 呢段時間要乖下) 我話(你唔想出街我唔會迫你 但而家約既係新年 你唔會冇假放掛?在加上你媽問題 跟住我地唔洗聽佢 我地有我地既生活 點解一定要跟佢既做法?佢好有錢又點?日日都要假口假面咁對住人 見高拜見低就x 咁樣好咩?講真 我唔介意我生活平淡 總好過我受佢因為 得閒冇事心情唔好就發下脾氣 咪仲辛苦過我自己搵錢自己買樓?)聲線有小小大 因為有小小嬲!! 我唔知老公心入面係點諗 但我知道佢知我有小小嬲 所以暖和氣氛 開始同我講 (我有諗過 搵日帶個男人返黎話呢個係佢男朋友^^")咁岩今日我又同Wing傾話搵過鬼妹激死佢 我同老公講完 老公笑死~跟住大家又開始作故仔^^"傾多陣就收線 我去沖涼~ 都2點幾啦 同老公傾多陣Whatsapp就訓了~收到老公訓教樣真係好掛住一齊訓既時候呀 我唔知我地仲可以一齊到幾耐 但我會將所有發生既事記錄 萬一將來真係要分開/有幸可以同你一生一世 我都可以上黎望你對我既愛 永遠記住有你呢個咁好既老公!!
"
Love You Baby
