今日星期六 返半日工 本身諗住返秀茂坪~ 點知放工打俾老公 老公唔俾 叫我去踩單車!!! 我唔想 同佢一直嘈!!嘈到我返左上去深屋 一直嘈交!!! 聽到好多難聽既說話 不停忍 唔出聲!!忍無可忍 出聲同佢嘈 佢用Y理去講!!! 答應左話會做運動減肥 都仲要不停問我 咁以後咁樣咁樣ok? 頂 火都黎!!!爆左一句 (唔好在問我任何問題!!!! 嘈左2個幾鐘 好好好!!!在嘈落去都冇意思 我收聲 你鐘意點就點!!! 氹返我 但跟住就話要去行山!!!okok 行山我都可以 唔想在嘈!!去去去!!! 4點幾出發 去荃灣食爭鮮壽司等Pakco~ 5點幾開始去行 其實我都唔係好知個到邊到 只知道係老公以前學校附近!! 一去到見到勁多勁多勁多樓梯!!開始行 不停行 完全冇休息過 一直一直都係樓梯好辛苦!!行左第五定六條樓梯 老公先問(點呀?累唔累?洗唔洗休息?) 我用我就快冇既氣力答(緊係要啦 好辛苦呀!!)跟住就行多一條路仔就休息~~~ 成條氣順返好多!!但一路休息一路俾蚊咬 條褲都咬入肉!!!"係咪變態嫁?" 好啦 休息左一陣又開始行 又係樓梯同樓梯~好辛苦地行到上去 有個亭可以休息下啦~ 吹下水 Pakco教我點呼吸先唔會咁辛苦 又傾下其他野"唔太記得講過咩" 因為大家都未行過呢條路 所以佢地開始google下點行~~終於下山了~~~~~~ 好開心 一路行一路講笑一路傾計~行到去一個地方分叉路 突然有幾隻狗跑落黎!! 嚇死我 我同佢地講Pakco就叫 唔好望!!當睇佢唔到 跟住行第二條路~ 幾隻狗開始一路吠 一路跟住我地行 行到路口 狗狗係路口睇住我地走 跟住就走左啦!! 好開心見到呢一下 如果唔係我真係唔知要點做^^" 落左一大半山 突然記得帶左茶包未沖 跟住我地就係馬路中間開野煲水沖茶!!! 因為我同Packo都著左長褲 老公就著短褲 所以老公不停話好多螞蟻走左上佢腳上!!! 咁我地就飲左2條就開始走啦~呢到係柛同樂樂屋企既後山 所以打俾佢地叫佢地落黎食野加吹水!! 好開心 甜夢黎左荃灣搵樂樂 樂樂都唔肯落去~我地叫佢落黎 佢就落左黎^^" 跟住就食野 搵地方吹水~最後11點幾就走 返到屋企在連線打機!! 今朝12點幾起身 好耐都未試過一起身 老公都起左咁望住我~ 好Sweet咁望住對方 傾下計 玩下~1點幾我話要返屋企飲茶 但老公唔俾 老公話陪我飲^^" 跟住就起身 開始轉衫落去搭車過長沙灣~返到去見到啤啤嘔 要幫佢執完先可以去飲茶!! 其實真係好舒服 兩個人既世界 做好小好小既野普通飲餐茶都好開心 4點幾飲完走人 我好多好多野要拎返屋企~我問老公(上次我拎太多野要搭的士返去 你話下次叫你幫手 咁今日你會唔會幫我?) 老公好似一早諗住同我返去 好快咁答我(去 緊係去啦)開心死我啦!!! 仲要唔洗等到8點幾先走wo~跟住就搭小巴去觀塘啦!!因為知道媽咪想食大閘蟹 所以老公係出面等我 我入街市買~ 好快就見到100蚊5隻 買完就出去同老公講(你睇下 100蚊5隻咋) 老公笑我咁話(你買蟹定買草呀?) 哈哈 我睇清楚D先見到 係wo 勁多草 仲以為好大隻~我勁笑!!!!!跟住就走人啦~ 返到屋企 媽咪煮野 我影返生日時既禮物 老公幫我ipad air2同iphone5s升ios8.1加jb 整到媽咪不停叫食飯都唔理整完啦 超開心~電話既Line冇事啦^^"開心到暈呀!!! 跟住食飯 食完飯睇多一陣電視 沖涼 執野~跟住就走啦 媽咪帶KaKi送我地搭車~ 我同老公去彩雲m記搵ms 見到個新女仔 唔知係咪會一齊呢?主要對呢個女仔冇話特別鐘意唔鐘意!! 只係唔想ms在同返阿妮一齊姐~~跟住吹左兩句水 個女仔都會主動一齊講下野 都唔錯丫~ 跟住走 ms送個個女仔返去~我地係空地等佢!!!去到空地見到阿麟,佩e同富仔!! 跟住老公又大嘴巴 亂咁爆ms同呢個女仔!!又要去左同富仔坐!!! 好啦 好快阿麟同佩e都走啦~我就自己同自己坐 等到ms黎到 一齊打機~ 打到1點幾就走人啦 又係搭的士$6x 返到去就訓教啦 今日返工好平靜 個新人不停八掛 連我做既野 問christine佢都要八掛係到睇!! christine同我講野佢又答嘴 所有野都係我教既 但樣樣野都唔去問我 走去問christine 又成日買野俾christine 只要christine佢就會同阿sa講野 又會送野俾佢!!!唉 好啦 放工打俾老公~原本老公想黎接我放工 可惜有個租客咁岩黎交租!! 咁我就行去新華等老公 跟住一齊去街市買送~老公話想買野打邊爐!!! 但用100蚊買 其實買唔到D咩~買左蕃茄薯仔雞腳做湯底 其他就買左小小丸,腸,豬頸肉之類 連牛肉都冇買到!!!跟住就返去開始洗野啦 好彩老公有幫下手!!! 一路食野一路睇野 好慢好慢咁食 唔經唔覺都食左2個幾鐘^^" 洗完野就入房 其實好眼訓 但阿耀叫打白貓就陪佢打半個鐘 點知ms返到黎又話要打 又陪左佢打1個鐘!! 最後我要1點幾先可以訓教 老公仲要轉櫃掛個架上去 勁嘈><"!!! 希望我地既問題快D解決!!我好憎而家呢種感覺!!
勁多勁多勁多樓梯!!開始行 不停行 完全冇休息過
好辛苦!!行左第五定六條樓梯 老公先問(點呀?累唔累?洗唔洗休息?)
開心死我啦!!!
