而家已經5月25號啦 唔想日日打啦!!只打重要日子 sorry!!
5月1號﹏﹏
今日紅日 所以琴日係老公屋企訓!!
原本今日約左媽去同婆婆佢地飲茶 食母親節飯!!
所以10點幾就叫醒老公出去拉志媽走~
搞黎搞去都12點幾 點知老公突然入黎話志媽叫佢走先 話做多兩三個鐘先走!!!
唉......姐係我去唔到婆婆到啦!!!(因為唔可以出房 所以係房屙左尿)
老公走個時仲要唔小心關左風扇同冷氣!!唉.......求救呀
因為要扮唔係到既關係 所以咩聲都唔可以出!!
唔可以睇野 唔可以咳 唔可以開窗 唔可以開電腦 仲知咩都唔得!!
我只可以不停訓 訓到頭勁痛!!!吸左勁多尿毒!!!一直訓 一直搵老公求救!!!
等.......................等到6點
真係頂唔順 真係同老公發脾氣!!!
老公叫我忍多陣 話而家返黎睇下可以點~就係老公叫等個一刻 聽到關門聲!!
我知道志媽走左了!!!但老公叫我唔好亂出去 等佢返黎先算~
好嬲.....發脾氣屌仲要等多一個鐘?老公知我嬲 飛的返黎 6點半就返到~
老公入黎第一時間攬住我同我講"老婆...對唔住呀!!我地出去啦"
好感動!!咩氣都息曬!!!(不過唔可以咁快俾佢發現唔嬲)仲要扮好嬲!!!
走出去廁所刷牙,洗面,抺身~叫老公執返好間房!!老公好乖咁答"係既..知道老婆仔!!"
哈哈.......仲要好快手!!7點半出門口 因為全日冇食過野 冇飲過水 所以成個人冇曬力!!!
一落到去老公就帶我去食左3粒茶葉蛋,飲左碗涼茶~
跟住周圍行下 算叫做拍下拖咁啦~當然老公仲氹緊我 又攬,又拖,又保護我
其實真係好開心!!好快好快唔記得左岩岩有幾辛苦了~因為今朝見到阿歡約今晚去戲棚 所以我問老公去唔去?
呢個時候老公緊係咩都okok啦^^"因為我聽日仲要返工 所以唔可以係老公屋企訓~
如果唔出去既話 我只可以同老公分開 我就要返屋企啦~所以我地就出發去搵阿歡小妖啦~
因為我地好早就行到冇野好行 所以早左搭車過去~個時仲未夠鐘 行行下見到m記 同老公講句想食杯雪糕~
老公二話不說"好呀" 跟住就走左入去啦^^"食食下阿歡打黎話到左~
咁我地就開始行過去啦!!!好多人 周圍都排到滿曬~排左五六個 但因為太熱 老公開始發脾氣!!
我想買個D野佢都唔太彩我><"" 最後我只買左一樣野就返去阿歡屋企了~
上到去就食食食....其實唔太夠飽!!不過算啦 當減肥~~突然小妖同老公又叫打牌!!
都好丫 我都真係幾鐘意打牌嫁
11點幾開始打牌......今次唔知做咩 我同老公旺到飛起 不停食!!!
一直打 因為聽日我仲要返工 所以打到4點幾就收工~最後我一家贏三家 唔計老公贏左佢地百幾蚊
因為唔可以返深訓 返秀訓完第二日又要早起身返工~所以最後都係借佢地屋企訓!!!
我地個個都超累 就算我唔可以吸毛都冇時間碌毛~老公唔眼訓又唔幫手整!!!
所以我一訓落去冇耐就已經開始呼吸困難 老公掛住打機!!只係不停問冇事丫嗎?跟住咩都冇做!!
唉............好辛苦先慢慢訓著~但好快又要起身返工了!!
因為老公琴晚唔肯訓 所以鬧鐘響老公都唔起身~當我起身個時 老公拉住我講得一條
我問老公"咩得一條呀?"老公答"本身有兩條 而家得一條呀!!"原來老公發開口夢
咁我自己一個起身洗面 執好野就叫老公起身~我踢一踢老公 老公好大反應"做咩呀?"
我答"起身囉" 老公起左一半身在問"跟住呢?" 當時我都好累 唔識笑 我就答"走囉"
跟住老公先起身 執野 去個廁所~跟住就走人啦^^"而家諗返先笑到仆街
老公一齊搭車 我返工~老公返去休息下..............累。累><""
5月2號﹏﹏
好眼訓 好辛苦咁返工!!!辛辛苦苦頂左4個鐘~
收工前老公話要返土瓜灣做野先 咁我諗住搵媽咪飲茶 等老公得我先出去
因為約左阿歡游水(本身唔知去唔去 因為老公可能唔得閒)
但唔知係咪老公都好想去 我放工打俾老公 老公叫我去搵佢一齊搭的士去土瓜灣做小小野就走~
其實好開心 放工行去搵老公~同老公一齊搭的士過去 煮下野食 做下野都搞到3點幾~
4點約阿歡出發去黃金海岸~點知我地岩岩上車 阿歡就話到左^^"
等死佢......我同老公搭巴士時都頂唔順訓左~跟住仲要轉車!!!
去到搵阿歡 周圍搵野食買!!唉.......唔岩野食 老公又發脾氣!!
最後買左幾粒橙~跟住就搵坐玩 只得我一個未換衫 搞到我要自己一個去換衫><"
但返黎既時候 見到老公開始幫我整緊張椅出黎 超開心^^"
玩下沙又落下水 好快太陽就落山啦~小妖就黎收工 咁我地就開始去沖身啦~
沖完身就搭車去小攬BBQ 我同老公第一次去!!但因為太熱 好多蚊 又好多曱甴
阿歡好好人 好關心我~識得叫轉位.....好好多^^"
果然冇介紹錯 呢間真係好好味!!!但因為老公咩都唔郁 搞到我都冇心燒!!
但真係好好味 永遠記得呢間野BBQ~~
燒到12點幾就走啦~
因為聽日係星期日 又可以去老公到訓~咁岩我地行出去門口就有旺角小巴!!
阿歡同小妖都一齊搭 但我一上車已經死左~訓係老公到 一直訓 訓到老公叫起身^^"
唔知點解老公真係好頂得 唔洗訓既~一直都保護我 我都唔發覺有咩發生左!!!
就算連係邊到落車都唔知 只係一直跟住老公行行行行行~~~~返到去2話不說 訓死左^^"
5月3號﹏﹏
原本老公同我講明今日要返工 但今朝耀突然話志媽返左大陸^^"
老公冇啦啦放假 但老公唔想陪我行街~所以老公同耀去整單車~
我同爸媽去飲茶 跟住周圍行下~唉......太沖動了!!!買左條運動藍牙線 500蚊~
帶得唔舒服 傾電話又細聲!!完全唔係我想要個樣野><""唉....成個人好唔開心~
仲要我諗食咩!!!又唔想貴 又唔想太遠要近老公~最後我諗左真味!!貴嫁 但因為我諗唔到><""
問二家姐 佢又未放工唔知岩唔岩~問老公又覺得太貴 但最後又話是但!!!
唉.......算啦 話知你地鐘唔鐘意!!直接去左先 等車時仲打俾小妖同歡去唔去?
估唔到爸媽係到佢地都話去^^"上車前二家姐覆左話去~
咁我地搭290A 好快就到~先搵二家姐....跟住搵老公!!
8點去等位 因為費事等陣二家姐又嘈住夜啦 要返屋企><"
慢慢小妖到 跟住阿歡都到啦~點知太遠 聽唔到原來叫左我地!!!
搞到等左成個鐘先入到去
又要睇住二家姐,媽咪黑口黑面 黑人憎!!!
入到去食食食..有講有笑都唔錯~爸請我...老公俾自己~跟住就走人啦~
原本爸媽想跟二家姐上車 幫照唔洗二家姐俾~但我唔想轉完又轉 好煩!!!
所以送左二家姐上車 我地就走啦~去搭290A 老公陪等車 但唔過黎><""
返到老公同傾左兩句就訓教了~~
掛住!!!
5月4號﹏﹏
今日真係好想整頭髮 我知道叫老公同小愛陪我 一定唔會有人理我~
所以我叫媽咪出黎一齊電 放工老公打黎我先講 仲叫老公夜晚黎一齊食飯!!
但我仲要幫老公收租 7點先上去電~初初得我同媽咪 慢慢多左好多人上黎~
一齊傾計 時間過得好快~老闆娘收得好平 我同媽咪都係每人$400 包電染剪焗~
10點走得.....打俾老公~老公語氣好差咁答我!!"你地自己食啦 我唔想過黎呀!!"
嬲到震!!!明明話左一齊食 而家返左屋企都唔出聲 仲要唔出黎食!!!
sorry 媽咪~跟住又係發你脾氣><"最後返屋企煮野食 食完就訓~
訓個時見到老公打黎 唔聽電話!!!哼!!! 照訓
5月5號﹏﹏
全日都唔同老公講野!!!就放工個時老公突然叫我收租~
我只係答"哦" 我估老公都知咩事!!跟住老公就叫我收完租唔好走~
好彩我冇約人.....我都估到老公會過黎~所以乖乖係到等!!
點知突然入黎個個唔係老公 係小愛!!!
在一次嬲嬲地!!
傾傾下計 小愛講我先知原來琴日老公唔黎係因為Pakco去左佢屋企!!
當時在一次嬲!!第一嬲老公因為Pakco唔黎搵我><"第二嬲 以前佢地邊個上去玩我都會係到
而家既我連上去既資格都冇!!超級爆炸唔開心!!好想喊
仲要過左好耐老公先到!!黑口黑面對住老公嬲到爆炸~
老公洗走小愛 跟住攬住我問"老婆仔...做咩唔聽我電話?"
當然我又係嬲嬲地問點解Pakco黎左唔講?老公奸笑答:"有呀 我有同你講"
跟住來來回回既野就唔講啦..最後當然冇結果啦~
因為小愛係到 所以我都冇不停黑面同發脾氣~
原來老公今日約小愛過黎係因為剪頭髮 唉.....仲以為特登黎氹返我><"
仲要幫佢地約上去.....原本仲想叫我自己係到等收租 佢地自己上去先~
收完自己上去!!唉.......我當然出聲講唔想啦~如果咁樣我不如收完租就走人!!
最後都係等唔到個個人黎就上去剪頭髮 跟住就去食野~
食完野老公同小愛送我等車.....小愛上左老公屋企玩~都係個句啦!!!
返到去同佢地打左陣機就訓教了~總括黎講都唔係咁開心嫁><""
5月6號﹏﹏
今日原本我冇約過任何野 但老公突然話黎我屋企食飯~
但我之前冇叫媽咪買餸 老公都話唔緊要 我地買返去俾佢煮^^"
唔知咩事心情突然咁好 咁我放工就去搵佢地~
大家約係街市等 我一直行過去搵老公 點知老公走黎嚇我><"
但之後在俾驚喜我!!就係買左我最愛既生蠔啦真係愛爆老公!!!
跟住就快快趣去買其他餸 但老公咩都唔想食 搞到最後只買左雞翼~
跟住就去搭車車返秀!!媽咪煮飯時 我地先食左生蠔先 因為天氣熱 怕生蟲蟲!!!
買六送一 媽咪食左一隻 老公食左2隻 我食左4隻你地真係好錫我>3<""
睇左一陣電視就傾下間屋企裝修 原本約左師傅聽日黎報價 但最後老公同媽咪都唔俾我整
而家只可以改二家姐房做雙人床 但跟住老公又話唔好要雙人床 整好呢到直接係到訓算啦!!
呢個我真係唔肯 因為我一直都好想要張雙人床!!!加上我而家整咁多野 最後目的其實只係想老公多d黎訓~
唔好成日話張床細 訓得唔舒服所以唔黎訓!!
傾傾下傾到有小小唔開心!!
跟住老公就約ms 話落去吹水~老公叫帶KaKi 我話你返黎訓咩?
老公話唔係 咁我就話"你唔帶KaKi返黎 我唔帶佢出去啦" 但老公死都要帶 話抱到我上車~
我只要拎佢落車 跟住放佢落地下行就ok啦!!^^"算啦 老公咁愛KaKi 唔阻佢!!!
跟住就落去搵ms 最初佢地吹水傾單車 我真係唔係好想理佢地!!我陪KaKi玩~
慢慢傾傾下開始傾阿麟同ms想溝返之前條女 咁我就加入話題啦^^"(八掛人)
唔記得傾傾下咩 ms話唔想就條女 話只要一開始就左 之後就好麻煩!!!
跟住老公就好大反應話"係呀!!!岩就岩 唔岩就唔岩 洗咩就黎就去 就左之後好似一定要就咁!!!"
當時我勁想串老公(話緊我呀?) 因為ms係到 我當然冇串佢!!! 我聽佢地講野 冇出聲
老公仲不停講女人唔可以竉 佢係鐘意你既 出去幾悶都冇所謂嫁啦!!!!
跟住ms仲不停話係係係 我仲幫老公講
"係囉 好似我地個朋友阿歡同小妖 上次打俾小妖問去唔去邊到食?小妖就叫我打俾佢老婆問 我仲屌小妖 我都唔知我有你電話做咩Q!!!"
跟住老公就接住講"係囉 通常人地都係打俾bobo bobo都係話問下我 我唔去就唔去 我去就叫bobo推曬其他野去 點會轉角色嫁!!!"
我心諗(係我就得你姐) 我返工時間定 你因為有個咁既屋企先麻煩姐!!!
當然我又係冇講出口啦 跟住就開始講阿麟 成日借錢唔還 仲要大大聲扮唔知!!!
講講下跟住就講ms同佩e以前一齊既時間 阿麟點去溝佩e ms仲話知道佢地有野好耐 明知咪放手囉!!!
其實我覺得以前既ms 佩e走真係好岩~但而家ms改變左咁多 阿妮咁樣對佢就好錯!!!!
跟住傾傾下都12點 老公同我都要趕車 咁就走人啦~我同老公一齊行落去下面個個巴士站
老公原本想陪我等車 但地鐡就黎冇車 要趕去搭~所以我叫老公走先 老公錫左我一啖就走左了~~~~~
5月8號﹏﹏
今日二家姐同爸放假 一家人陪我去睇床~
同二家姐傾好去Magebox行 原來只有爸媽同二家姐陪我~
但琴日老公激嬲我 今日老公打黎叫我收租 收完留係公司等佢~
跟住我先同老公講去Magebox睇床 如果老公唔係激嬲我 我諗佢都唔想陪我!!!
所以最後老公都係黎左Magebox陪我地行!!原本約左6點半德福等!!
但因為老公要我收租 所以轉約7點 二家姐又唔開心 返馬拎野返秀~
點知媽咪唔記得帶電話就出左去 二家姐又冇帶鎖匙 搞到二家姐要係門口等爸返~
我7點去到德福搵媽先 但又唔好彩 爸班車遲左 所以仲要轉車先返到去搵二家姐~
8點老公都到啦!!一齊行 等二家姐同爸就去Magebox行~
睇左好多張床 中途老公同我嘈要3呎半定4呎呢個問題~
之後睇睇下都唔記得時間 諗住去食飯都10點幾啦~間間野食都收工!!!
二家姐係到發脾氣 我同老公行前面 二家姐就係後面走左!!!
明明之前傾好出去食 去Magebox行 自己又要發脾氣!!!
最後我同老公仲有爸媽就搭的士去apm傾韓燒~
老公去7仔買煙 我同爸媽先上去~突然 上到去發現自己部電話唔見左
爸幫我打左兩次都冇人聽 我就打俾老公同老公講 跟住落返去搵老公先~
落到去見到老公傾緊電話 我仲以為佢同ms/pakco傾緊電話!!!
原來老公幫我打到我電話 師機好好人 話車完個客就車返返黎俾我~
個心好左小小 但都超級驚><" 上去食住野等 但都冇心情 一直等師機電話~
但師機由頭到尾都冇打過黎 只有老公打去 問到邊係邊?
最後搞黎搞去 師機真係車左我部電話返黎 老公俾返車錢佢當搭左一轉的士~
都好好嫁啦 拎得返都好開心啦
跟住就安心上去食食食食食食~
食完老公自己去搭MTR 我地就搭巴士返秀了~~~~~~~
5月9號﹏﹏
好耐未試過同老公兩個人係深屋 放工我拎野去老公屋企放低先~
原本諗住走 但老公突然話返緊黎 所以係房等老公~
最初我係諗住出街 但老公要係屋企做野 所以只好乖乖陪佢~
當然冇咁簡單啦 都係要幫手做野既><"不過感覺好得意 兩個人一齊返工咁~
我講 老公打 跟住一路做~老公成日休息 我又要成日吹老公做野^^"
4點幾小叮突然搵我地 約我地出去食飯~呢個時候我又唔想出去啦!!
但老公話出去同佢食飯 所以6點幾做完野就出去佐敦搵小叮~
食拉麵 吹水 行街 食糖水!!!!好開心 好舒服既一日~
最後又偷偷摸摸去老公屋企訓!!!
5月16號﹏﹏
琴日老公黎左我屋企訓 所以今朝老公陪我搭車返工^^""
1點放工就去搵老公 係屋企hea 等左老公好耐都唔出去~
所以訓左陣教 3點幾老公終於郁啦~
叫老公陪我行傢俬舖 問曬咁多間既價錢!!!老公好好 真係陪我行足咁多間~
最後睇中左一間最貴 但老公同我都聽過佢講野 比較好似好D~
不過度尺都要俾500蚊訂 如果唔做都唔會俾返500蚊我~
所以當時冇肯定要佢 同老公周圍行下 諗清楚 在打俾爸問好唔好?
個時都未決定好!!!不過約左阿歡小妖出去荃灣食野 不過又未夠鐘 所以返左屋企先~
大約7點幾阿歡話阿賢都係深水埗 叫我地一齊去 咁我地就落去搵阿賢一齊搭車~
我地仲係遲左小小 阿歡就走左去買電話><""今次佢地帶我地食一間我地未食過既拉麵!!
但個間野就勁衰既 一定要齊人先俾入 但間野又細 要等到5個位係好難~
所以老公嬲嬲地 成日同門口個個女仔嘈!!!不過老公又對我好好wo
阿賢要去禁錢 叫老公幫佢拎住D野~老公就掉左係張椅到 同我講"唉....話知佢"
跟住我話想飲野 老公即刻走去幫我搵野飲^^"不過等左好耐老公先返黎 過左一陣阿賢先返黎~
咁岩有位啦 但小妖同阿歡都未到~老公又開始發脾氣屌門口個個女人
點解唔可以俾我地入左去先 有位就留俾我地呢??一定要齊人要入得 咁要等到幾時?
其實個女人又冇錯既 但我地要等好耐 咪小左好多客~所以我嬲都係嬲小妖同阿歡!!!
不過小妖黎到就講左對唔住 所以都算數啦!!!入去到食 其實我覺得唔太好食 我唔係咁鐘意啦~
服務態度仲要好差 搞到食得唔太開心!!!!所以食完好快就走人啦^^"
原本冇諗住上阿歡佢地屋企 但最後都係上左~無無聊聊訓著左~
4點幾同阿賢一齊搭的士返深訓教教~
5月17號﹏﹏
今日1點幾起身 因為志媽又係到嘈嘈嘈 叫老公去返工!!!
我就等老公同志媽走左 幫老公間房執一執 跟住就出去同爸媽飲茶~
今晚約左阿歡,小妖,老公去小攬BBQ 所以我地飲完茶周圍行 唔想返屋企~
係淘大周圍睇下床槈又睇下床 睇中左一張好岩既床槈 但好貴~
爸話試下問朋友有冇得平 所以個時冇買到~
行黎行去都未到7點 諗住去九龍塘行~咁岩老公就打黎話走得 阿歡又話就得~
所以爸話去土瓜灣接老公一齊搭車去屯門轉車站等佢地~
個時老公先同我講二寶同Pakco都黎 個時我已經問左老公二寶知唔知媽同爸係到?
但個個都話唔知 老公話有同Pakco講 但唔知Pakco有冇同二寶講~
最後去到又見到二寶黑口黑面!!!真係好黑人憎大家一齊出黎玩 但咩次次都要咁既樣?
算啦 D野好好味~慢慢搵野同佢講下 算好左小小既~
食食下大家掛住玩貓 又不停俾魚佢地食^^"12點幾走 阿歡,小妖,二寶,Pakco搭的士返去~
老公同我地一齊搭車出返去轉車~各自返歸
5月18號﹏﹏
阿歡今日出黎拎眼鏡 所以我放工就去搵佢地 陪佢地周圍行下~
但老公仲未有反應 我都唔敢打俾佢~但阿歡佢地搵緊一件老公話係鴨寮街買到既野~
我又唔知係邊 帶唔到佢地去~當然已經8點 我試下打俾老公問係邊~
我帶佢地去 咁我打第一次老公唔聽!!!當時我係到諗 老公搬緊野?去左廁所?有咩理由要唔聽電話呢?
過左一陣我決定打多次 但老公都係冇聽~過左一陣就收到老公msg~
老公同我講"我媽話你又叫我出去玩" 個時我真係勁嬲!!!我忍唔住就屌老公
"做咩唔聽電話?佢地係咁問你個件野係邊到買 我諗住問你 跟住帶佢地去 唔洗咁悶係到等你"
"而家唔等啦 我地自己食野啦!!!食完各自返屋企啦!!!"因為老公又唔答幾時得 出唔出黎食!!!
本身已經好嬲 好煩!!!都唔知同佢地兩個有咩搞!!~
跟住過一陣老公就覆"唔好走 帶佢地去食腸等我!!!佢就走(志媽)"
最後老公都係冇答到係邊買 又係周圍行~小妖又不停問阿志係邊?阿志點點點?
唉.....我心諗 我鬼知咩!!!你又要問我 我問佢又要俾人屌 做中間人真係好煩!!!!
最後9點左右老公就黎到~原本我同老公都唔想食咁貴 諗住食荼餐廳就算~
但小妖唔鐘意食咁平既野 咁岩又俾佢問到老公放題 去試左一間我地之前就話要試 但一路冇試既一間放題~
估唔到味道,服務態度都唔錯 仲見到有個男人唔小心推到張枱 枱上D杯掉曬落地 個男人同佢女人都O曬咀!!!
呢個真係笑死我!!場面好震撼跟住就送小妖同阿歡去搭車 老公在送我搭車~
5月21號﹏﹏
今日放工同媽咪去淘大買床槈 原本諗住等老公同小愛黎一齊食野 跟住返去拆床~
但都係啦 老公又係唔應 唔知幾時走!!!最後我地食緊野老公先話走得~
所以我地食完野返左秀執一執開D野 等老公同小愛食完野上黎拆床~
搞黎搞去都成9點幾10點 爸咁岩有時間 上左黎幫左一陣手!!!
因為之前都見過好多人拆完放左係電梯口 所以我地都冇拎落去~
中途爸走左要返工 11點左右老公同小愛就幫手拆完了~
執下野 沖個涼換件衫就同老公一齊返深~因為聽日約左溫小姐(整床個個人)上黎度位~
但老公又叫小愛黎 所以返到去老公就叫左小愛同阿耀黎老公床睇野加打機!!!
我就好唔開心自己訓教><""玩到天光 我突然起一起身就見到老公拎住早餐入黎俾我~
當然老公係買俾我食 但唔好食^^"食左一半就話訓教 第二日先在食~
朝早7點幾8點先訓><"老公仲要搞黎搞去先訓!!!
5月22號﹏﹏
老公訓左唔夠5個鐘又俾志媽叫左起身返工!!!
原本我約左溫小姐2-3點上去 點知佢自己2點就到 但我未返到去 所以佢返屋企食飯先~
我趕頭趕命返去 返到屋企溫小姐已經到左~同佢講對唔住 佢冇反應 已經好嬲!!!
我遲到我錯!!但俾錢既係我地 你點都唔應該咁既態度!!!
不過因為張床點都搵佢整 所以一直都冇同佢發脾氣!!!費事俾佢整到我張床唔三唔四!!
度左一陣佢就走左 突然有人禁鐘 我同爸都以為溫小姐留左野返轉頭~
點知一開門係樓下保安 佢問出面D野係咪我地?爸突然轉唔到 問咁做咩呀?
保安就話D野唔可以就咁放係到 要拎落去垃圾房 保安個個位有板車借!!!
就係咁樣 我地一定要執返出面D野!!!!如果唔執怕俾人扣分><""
但當時爸要返工 所以爸叫老公幫手 如果唔得就要等爸放假 我地在一齊去執~
呢個時候我真係覺得有老公真係好好 只要我同老公講一句 老公就幫我約人夜晚黎執走~
因為我今日係請病假 所以我夜晚8點要去睇醫生 咁岩就係老公黎搬野個時!!
叫老公搬完入屋坐陣等我 但老公唔肯 走左去樓下同茶餐廳休息~
我地返到黎就請老公,小愛同ms食飯 唔該曬佢地突發事 即刻走黎幫手
食完飯老公就同佢地走><"我同媽咪就返屋企執野,休息,沖涼了~
5月23號﹏﹏
今日就係約左好耐 好大班人一齊玩通頂既一日!!
老公叫去土瓜灣2樓玩 我一直都最驚志媽突然返 因為志媽講過唔俾係呢到玩!!但老公一直都冇同我講過志媽返左大陸!!
搞到我擔心左幾日!!!今日我放工就去幫老公收租 老公係深 原本仲諗住唔等我就自己去~
可能老公誤會我要去幫阿賢拎野食 傾好先知唔係 老公就係深個邊巴士站等我~
我上左車在叫老公上同一班車!!!去到周圍行 佢地搭的士都仲未到!!!
等左半個鐘有多 終於小愛,樂樂,柛,遙翼,阿頭到左~老公帶我地去食生牛肉河!!
個牛肉真係超級爆炸好味呀!!!但個河就一般般 俾左半碗老公食^^"
其實成班男人 佢地吹水我真係唔知有咩做!!突然出面落勁大雨加勁大風 仲要行雷><"
一直等都未細雨過 所以照行~去到樓下 老公上去先 我叫佢地唔好上黎住~
果然志舅父係到 老公叫左志舅父走 我地就上去啦~
好忙好忙好忙!!!><"老公好多野都唔理 又要我接人又要我買野又要我執野!!!
浩文黎左先 老公係樓下接~ 跟住阿歡個中學黎 我落樓下接佢 我已經好努力叫佢地一齊玩嫁啦!!
但佢地掛住玩單人玩既ps3 等等等~老公同我落去接阿賢 因為阿賢拎住好多刺身 老公幫手拎~
上到去一齊玩左一陣青春卜 阿歡就話到啦!!!阿賢同阿歡中學同學就陪我去接阿歡~
又成身濕曬!!去左買多D其他野食~今日試左個好特別既沙虫!!!
食完個D小食 小妖就到~開始傾叫咩外賣 大家要俾錢~老公叫分開俾
俾呢個幾多幾多錢 俾阿賢又幾多幾多錢!!!我有小小覺得嬲 俾曬一個人 到時在分返個數出黎咪唔洗咁煩!!
但老公唔聽 我冇在同佢嘈 等佢地自己搞~最後老公都頂唔順 覺得好煩
收好錢我就開始好努力叫齊D人黎大圍玩啦(其實我都覺得唔好意思 叫停曬佢地)
但佢地都好好人嫁啦 真係放低曬D野 過黎開始一齊玩~玩左大約1個鐘左右野食就到啦~
老公落去拎上黎 原本我仲想玩多次先開餐!!!但大家都話肚餓要食野~
咁玩完呢個就開餐啦~一開始已經好煩 又要拎筷子又要拎碗!!!食完佢地去玩GTA
得我一個執執執執執 仲要洗碗!!!唉.......勁累!!!~
整好曬D野 個個各自各玩自己既野!!!好彩阿柛記得我 開左盒生命之旅出黎~
慢慢吸引到幾個人過黎玩 但老公都係同小愛玩GTA唔理我><""
阿歡小妖又要走啦 跟住轉玩女僕之心 阿柛好緊張呢盒野 一開呢盒野就俾佢地食煙
玩到8點幾大家都散曬 但阿柛又好想玩多一次生命之旅 所以最後成9點幾先走~
我好驚 送曬佢地去搭車 我同老公就搭巴士返深 因為我要去搵溫小姐睇張床個圖~
所以我點都要係深水埗等開門 老公叫我試下上去~好好彩我入左房志媽先起身!!!
老公同志媽講今晚去長沙灣收租 所以可以放晏小小先起身!!!
5月25號﹏﹏
今日紅日 但都冇假放><"原本今日諗住返屋企 但諗住25號都仲未抄薄 所以冇同老公講就自己去抄薄~
抄到7點幾老公突然打黎 老公問我係邊我先同老公講係長沙灣公司~
老公好開心 仲話過黎搵我~但原來係因為有野叫我幫手做><"
不過老公都好識氹我^^"帶我去食放題 又係個間七折放題~
食完老公送我搭車 返屋企老公唔搵我 嬲嬲!!!!自己訓教都唔同佢講
夜晚老公send msg"老婆 我上床啦"
5月28號﹏﹏
今日約左好耐冇見既二家姐一齊係8度自助餐~
咁岩二家姐今日迫住要放假 所以黎接我放工 不過好對唔住 咁岩又俾老公叫收租><"
二家姐又不滿了!!!叫左二家姐係老公公司附近等 我放工去收完個租就走得!!!
跟住就搭的士去 最初仲諗緊會唔會唔好食?因為團購買既(Thanks阿賢介紹)
一坐底我就話隻杯斜既 我仲以為就黎掉 仲諗住放返好~原來係佢本身個款!!!
二家姐即刻係到笑我^^"跟住就一齊出去拎野食 款都唔算多~
不過好好味!!!有即開生蠔,有即煮鵝肝 呢兩樣野係最好味 食最多既野^^"
一路食一路傾計 好開心!!!大約9點個時 經理走過黎笑笑口問好唔好味?
跟住要我地寫意見 讚賞邊位員工~其實今日個個都好好人 又好好笑容!!!
食到9點幾好飽啦 兩個都停曬手只係到吹水~10點幾個經理又走過黎!!
我仲以為叫我地走!!原來唔係 冇啦啦同我地講有個分區經理想同我地傾下計!!!
嚇到二家姐好快咁答"下.....唔洗啦 我地傾下計嫁咋" 但原來個分區經理已經係我地後面~
可能個分區經理二家姐咁驚訝 佢第一句就話"你地好..我冇野嫁~只係想問下你地覺得野食ok嗎?"
二家姐同我都答"okok 好好呀!!" 跟住個分區經理就答"嗯....咁我唔阻你地啦!!慢慢坐
"
跟住就走左啦^^"嚇死我~大約11點幾 今次經理走過黎真係叫我地走啦~
我先送二家姐搭車 我在自己去等車~等車時老公打黎關心我返去未?
我同老公講返成件事 老公話"可能分區經理黎左 所以今日先咁多食同咁好服務"
諗諗下又可能係wo^^" 不過都好好彩丫~咁都撞中!!!跟住就返屋企訓教了~~~
5月31號﹏﹏
12點幾起身 因為今日約左阿歡去長洲~
但因為琴日玩到好晏 所以今日訓晏左D!!!
整好野就叫阿歡出門口 我同老公就落去買左支筆先~
跟住就搭地鐡去中環 點知阿歡岩岩先出門口!!><""
熱死人 等等等~去到等長洲船個時買野食~
等到阿歡黎到就沖上船 老公俾左個包阿歡食!!!
食完訓教等到 去到周圍行下 買下野食~跟住就走沙灘!!
今日D沙好粗><""不過好開心 可以三個一齊落水玩 仲推左阿歡去浮台~
都幾有成功感嫁!!上到浮台時 老公拎左部電話出黎影相 阿歡又拎 點知阿歡電話唔著mon
但冇得搞 都係出去到先搞~
不過返去沙灘個時開始落雨 返到去自己D野個時仲落勁大雨~
要搬位 仲好開心淋雨~突然行雷><"嚇死我!!!
不過之後都仲有落多次水玩~6點幾去沖涼 諗住食完個心太軟就走去搵小妖~
但沖完涼太晏 小妖出左去等我地-.-"搞到我地要趕住搭船轉地鐡去旺角小妖!!!
小妖個樣好似我地搞到佢部電話壞左咁!!!黑口黑面 不停去搵間舖 我一早叫左佢上網搵邊到有!!!
又唔搵 最後行遠左~但都搵到間舖 禁左兩野就冇事了!!!佢話hend左機姐~
個時小妖先識笑返咋!!!真係嬲 關我地鬼事咩?跟住佢地又食煙~
咁岩細倫同阿達做完gym 見到老公~吹左兩句就去搵野!!!
原本想去食我想食個間拉麵 點知冇左 轉左第二間都係食拉麵既~
佢地話試下呢間勁難食 完全兩回事!!!嬲死~~~
跟住就各自各返屋企 當然老公都有送我去搭小巴
