原本琴日已經好嬲 其實我同好多人講都話我冇咩好嬲><" 件事係7月29號 我一直返工 老公突然好好 不停同我傾計~ 但傾到3點幾4點 老公突然好小應機 我都估老公忙緊~ 4點幾我問老公"好忙呀?" 老公又話岩岩忙完 而家ok啦~ 我已經係1分鐘內問同老公講 其實係想老公氹既說話方式講~ [老公成日都咁忙 都唔得閒理我啦><""] 但老公又唔應機 一直等一直等 最後都放工都冇反應 原本想約老公出去 但老公唔應機 諗住老公忙 又唔可以打俾老公~ 所以放工直接去等車!!!車仲要遲左10分鐘先黎到~ 一上車就聽到電話叮左一下 估到一定係老公!!! 老公而家先應機-.-""老公話 [唔會呀~老婆仔 去唔去青衣游水呀?Pakco聽日考試] 其實好開心老公約我 因為我真係好掛住老公~ 但一來有小小唔開心係 老公真係想約我去游水定因為Pakco要考試 所以陪佢去呢? 諗諗下選擇左賭博心態 因為平時我話唔去 老公都會不停叫我去 我先同老公講 [4點幾同你講野 6點幾你先黎約我 走左啦!!!] 老公好似有小小唔耐煩咁應我 [頭先做緊野丫嗎~ 咁去唔去呀?] 我就賭一賭 我同老公講[唔去] 點知今次真係衰左 估唔到老公會答[咁好啦]其實我想去嫁!!!好掛住老公嫁!! 但因為衰左 冇可能又自己話去呀~只好一直等老公仲有冇在約/氹我去!!! 但......一直都冇!!!老公仲要唔係我唔去佢唔去 而家係我唔去 佢照去仲叫多兩個朋友!!! 輸到嬲!!!忍唔到 最後都係搵老公發洩!! 咁岩老公去游水前同我講[老婆 我去游水啦~你都早D休息啦] 其實好窩心只係唔開心老公唔理我去唔去都照去玩><"!!! 跟住又不停話老公唔需要我 唔理我 唔氹我之類!!當然老公回返我既野我都覺得好岩~ 只係因為我輸左 條氣唔順!!! 到左第二日因為我係fb話[心痛 心淡] 所以好多關心我既朋友走黎問我!! 我只同左兩個人講 但呢兩個人都問我同一條問題[同佢一齊游水個D人你識唔識?] 其實我唔太明點解要咁問?我答[識呀] 佢地都同時間話我[識咁得囉!!又唔係搵你唔識既人出去玩 俾佢自由下囉] 聽完先明點解佢地要咁問!!不過都算岩既 可能佢好想有段時間我唔係到 佢自己同朋友去玩掛><" 返工個時 老公有Send野俾我 算氹我掛-.-" 但我好冷淡既回應~ Lunch過後 諗諗下都係唔嬲啦~send張相過去 等開下話題!!! 因為二家姐部電話上次整完但都係壞 所以今日要出黎拎多次去整~ 但老公未知 我諗住傾下計之後先約佢!!!點知老公快我一步同我講小愛出黎剪頭髮 我又開始忍唔住 又有小小脾氣話老公[次次我約你都唔得閒 但日日都係其他人約到你!!!] 老公話我成日食野食太貴 所以佢唔想~但都有氹既 因我夜晚一齊食日昇車仔麵!! 因為我之前決定左唔在嘈 所以我都算冷靜 先同老公解釋唔係我要食貴野 係朋友既食貴野~ 之後在問二家姐同阿廣食車仔麵有冇問題?好多謝二家姐 一來佢唔想見到小愛 二來佢唔想食車仔麵~ 但因為我同佢講 我同阿志嘈緊交 如果唔去會一路嘈落去(當然我係有小小想見阿志)~ 二家姐好好 佢就左我~但咁岩我放工時二家姐又未放到工 志媽又係到 搞到我都唔知點算好-.-" 諗住靜靜地坐公園等老公 點解老公叫我去佢個邊既7仔~ 以為咁好老公可以陪我/走得!!!點知唔係><"原來老公要我去搵小愛點解要我單獨同小愛相處呀!!! 嬲到爆.....係7仔門口俾小愛見到-.-"冇得走了!!!!左傾右傾 傾黎傾去都係無聊野!!! 終於等到老公電話叫我地去搵佢 原來只係食支煙!!><"唉......見到老公個心情非常開心!! 但因為小愛係到 所以唔可以咁出面-.-""老公只有走個時摸一摸我頭講左句[好快返 等我>3<"] 點會快丫!!!志媽都未走><""仲要不停諗去邊到坐!!原本諗到入餐廳坐 好彩二家姐打黎了~~ 但小愛電話冇電 我問老公點算?老公問[帶小愛一齊去搵二家姐?] 我[二家姐唔鐘意佢-.-"] 其實我真係冇唔知點解二家姐咁憎佢><"我好小好小講佢衰野 點解會咁呢? 最後叫小愛去m記等老公 我就出去搵左二家姐先^^"輕鬆好多了~~~~~ 估唔到咁快有車 去到旺角又要等二家姐!!!跟住就帶二家姐去搵阿當整多次部電話粒電!! 好彩識佢 免費幫二家姐換一粒新既~不過要等!!所以我地走左去行街街~~ 好耐都冇行過既新之城 其實都係冇野好行既新之城主要吹水多 完全冇睇岩野!!! 過左半個鐘有多 咁岩老公就打黎話走得~我同二家姐就返去睇下電話得未!!!咁岩又整好~ 阿當叫二家姐一定要返去叉12小時先叫正常用粒電~ OK......搞掂曬就行去金鳳搵阿廣~等緊阿廣既時候 老公send左張相黎 原來已經叫左等緊我地><" 老公不停吹我地快D 仲話食完返去打機聽到呢句又火都黎!!!! 我問老公[好趕呀?] 老公仲要答[唔係呀!!食完野返去打機姐]佢係唔記得爸媽今日去大陸玩定冇諗住陪我? 去到見到老公 我黑黑地面!!!一直都好小出聲 就食完之前忍唔住在問多次老公[你食完返去呀?打機呀?] 老公都話係!!!唉~~~~冇曬心情!!爆左句[下次如果你係咁樣 唔好叫我出黎食!!!特登食個車仔麵見一見你就走!!ON9] 老公冇發脾氣 只係講左句[咩wo 想見下面姐] 但照舊都係返屋企打機><""!! 灰曬!!!靜靜地食完就走了~我同二家姐and廣去食上海包 老公同小愛唔去 但陪我地行一半!! 唔知點解突然問老公[你係唔係唔記得左爸媽今日去左大陸玩?]估唔到原來老公真係唔記得左!! 老公話[下.....唔係聽日咩?我一直以為聽日wo 咁我而家返去整好D野出黎旺角搵返你?] 原來老公以為聽日 諗住聽日陪我 但之後聽到呢句好感動多謝老公豬>3<"" 咁就分開行啦....同二家姐and廣去買上海包 因為太多人又近許留山所以我見意買去許留山食 順便食甜品 好好味 又可以傾下計!!!超開心>3<""但當然10點左右 二家姐同廣未有小巴~ 不過我知道廣只係想陪我等到阿志 所以大家一齊去行陣街 行到人地收舖老公都仲未打黎!!><"" 當我問老公係邊個時 老公先同我講[搞掂啦!!不過Pakco出黎食野] 咁我地點算呀? 嬲嬲地叫老公唔洗出黎!!!我自己返屋企~但老公又唔肯 最後老公推左Pakco出黎搵我~ 我送完二家姐同廣 我就自己一個係小巴站等老公 走左5-6部車老公先到><"" 原本真係好嬲!!!明明約左!!明明知我係旺角等你佢..搞掂又唔打黎!!仲要約Pakco黎食野!!! 真係唔明咩心理!!!仲話唔知我地食幾耐 諗住有時間咪叫佢黎!!!><""真係唔明 但見到面 唔知點解成個火就冇左!!!在加上老公手上拎住兩盒壽司 上到小巴傾兩句計就冇事了~~老公又好氹好錫 又講笑又同我玩!!!最後咩火都冇曬!! 返到屋企就見到門口有屎!!老公行入去又見到啤啤又屎又尿 入到廁所又有KAKI屎><"" 放低D野就開心清潔大行動!!!不停執執執 抺抺抺~老公就掛住拎電腦出黎 同拎野飲-.-"" 算啦 我叫老公黎陪我!!又冇諗住叫佢幫手-.-" 執好個廳就入去幫啤啤同KAKI沖涼 老公見到啤啤沖完涼個樣好得意~ 包住啤啤攬住佢^^"我就在幫啤啤個竉洗一洗 在執好D野就到我自己沖涼啦!!! 終於辛辛苦苦搞到所有野 老公已經坐係梳化食緊壽司 睇緊日劇-.-" 我就走去一齊食 一齊睇 搞到1點幾先入房訓教!!!上左床冇耐 已經好眼訓 但老公突然叫醒我~ 老公話想落去食煙Help 變態嫁!!!迫自己起身陪佢同帶KAKI落去行左一個圈!!! 最後3點幾先可以舒舒服服上床訓教教豬
其實我想去嫁!!!好掛住老公嫁!!
輸到嬲!!!忍唔到 最後都係搵老公發洩!!
只係唔開心老公唔理我去唔去都照去玩><"!!!
主要吹水多 完全冇睇岩野!!!
原來老公以為聽日 諗住聽日陪我 但之後聽到呢句好感動
多謝老公豬>3<""
所以我見意買去許留山食 順便食甜品
