2015年6月份啦!!! 6月1號﹏﹏ 今日Lunch唔想落去買野食 所以食個一個放係公司好耐既過期杯麵~ 以前都有食開 都冇事~點知今次食完 成個人勁唔舒服!!! 同老公講今晚唔舒服 返屋企 唔陪佢~老公仲係答左句"ok 休息下" Lunch一直想嘔 一直勁辛苦!!!所以真係頂唔順 放工即刻坐的士$90返屋企 叫媽咪煲粥~ 但一返到屋企真係頂唔順 訓左係梳化訓著左!!!一直訓到9點幾!! 起身就有好貼心既媽咪走過黎問"好返D未呀?食粥未?" 訓完一教個人舒服左好多啦~食左一碗粥 媽咪仲整左條魚俾我!!! 估唔到我自己一個人食左成條魚^^"食完野去沖涼 老公send msg黎問有冇事之類 跟住就冇理我啦~ 12點幾上床訓教了~~~感覺老公似打打下機 中間問兩句就算!!!><" 6月2號﹏﹏ 今日一早約左老公 去土瓜灣幫佢做野~ 就黎收工個時老公突然打黎 首先老公第一句就問(喂!!老婆仔 好返D未呀?) 個心甜到呢咁我答好返D啦~跟住老公在講(係wo 今日阿賢搵我 同我講單車d野) 呢樣野我好開心係因為老公好小會主動同我講有女仔搵佢 今次佢主動 我真係非常開心 當然老公主動講 我就唔會有咩嘈 我答(哈哈 又會搵你既^^") 之後老公先講(ms今日得閒 約食飯wo) 跟住就收線~放工就去深水埗!!! 唉........其實我放工時間明知幾點嫁啦~都唔明點解仲要我等><"" 勁熱 行黎行去等佢地係旺角返黎~等左半個鐘佢地返到啦~ 上去老公屋企 原來佢地去左買雪卡老公都有買!!!嬲死 又貴又唔健康!!! 不過因為ms係到 所以我冇出聲 只係開左價錢~之後ms就幫老公整電腦 我就因為頭痛 所以訓陣教~ 夜晚落去食深水埗最平放題 勁好味 但只收$138一位"好似仲唔洗"~ 跟住送完ms去搭車 老公就送我去搭車了~~~ 6月4號﹏﹏ 等左好耐好耐 今日終於發生啦~~~ "唔洗咁開心....唔係你諗個樣野呀^^""" 老公黎接我放工呀!!!呢樣野我真係等左好耐好耐 成日都話佢唔黎~ 非常驚喜又開心"不過老公永遠都唔識講大話 我落樓個時已經知道" 因為老公打黎問係邊?跟住我話落緊去 我又問返老公係邊?老公就答(落到黎咪知囉)好難估唔到^^" 超級開心 同老公去邊都唔重要了~但因為今晚約左阿歡小妖去尖沙咀食野~ 所以我同老公先去尖沙咀拍拖拖 行左一陣街先~ 咁岩同老公行睇中左一把全藍色既刀 好靚~老公話呢個牌子唔錯 仲要有特價$68 所以老公俾我買!!!跟住行行下又見到好多無名 突然諗買黎送俾小妖做生日禮物~ 咁我就同老公夾份買左個大大大杯 本來要百幾蚊 因為有折 所以最後好似$14x~ 岩岩好行完 佢地就到~落去搵佢地 點知搵黎搵去都錯位 搞左十幾分鐘先搵到對方!!! 原本約食飯係約食酒店自助餐 但去到間野話生蠔賣曬 轉左飽魚 我更係死都唔食啦 二百幾蚊食飽魚?你當我傻嫁? 左諗右諗 最後決定去食青葉放題!!!我記得之前食過唔好食 但今次食原來又幾好味wo^^" 食飯當中吹左好多水 有開心又有唔開心 但唔經唔覺食左2個鐘~ 走個時老公突然話黎我到訓 開心開心返到屋企 我當然第一時間拎把刀出黎話有幾靚~ 跟住就叫老公切個橙 試下把刀利唔利^^"跟住就沖涼訓教了 6月5號﹏﹏ 今日原本冇特別約人 因為Yandy琴日同佢男友嘈交 我又因為八掛 所以約佢地出黎~ 原本知道佢地咁夜先收工 有D想放棄~但因為佢地把口 我只好頂硬上照去~ 但放工首先要去荃灣拎藥 今次老公唔陪我 有D唔開心!!! 原本老公叫我去長沙灣搵佢 等夜晚夠鐘在出去搵佢地~ 最後我冇去搵老公 我選擇左返屋企換衫~因為今晚去酒吧!!! 我返去換左套背心 短裙 仲化妝~出發前影張相俾老公睇~ 因為平時好少咁著俾老公睇 所以老公睇到好開心 不過都講左句(去溝仔wo) 當然大家都知講笑~~去到尖沙咀 唔洗講啦 又係等佢地.............. 等左好耐佢地先到 又點我去邊去邊~好難得搵到 上左去睇冇位!!!! 又去返我最初等佢地個到 最後搵到一個又舒服又安靜又靚既地方~ 因為真係好靚 所以忍唔住影左張相俾老公睇 點知相中咁岩有個鬼佬望鏡頭^^" 老公笑我(都估到你鐘意鬼佬嫁啦) 哈哈 見到老公講呢D野真係好好笑~ 我話(係鬼佬望我) 之後估唔到老公會話(點會無人望 我老婆wo) 睇得出老公既關心 擔心~一直俾好多好甜好甜既說話我聽 又好快會覆我 仲會主動問我走未? 係呢一刻 我真心感覺到老公對我既愛!!! 原本同Yandy佢地搭的士 點知老公叫我去佢屋企 搞到我要反口唔同佢地搭~ 唔洗講 當時既Yandy一定係黑面 成日問我點解要去人地到訓?"咁你自己唔係一樣?只係你地住得近!!!" 算啦算啦!!!多解釋都冇用 朋友!!!但你地仲未可以令我100%同你地講我所有事!!! 講完拜拜後 老公係電話入面笑!!!開心我唔陪佢地去佢到~~ 自己等車去深水埗 原本想搭的士 點知D人多到><""最後搭巴士~ 老公好準時落黎接我"平時一定一定我等佢 就黎行到去樓下 佢都未落黎個種" 今次老公同阿耀企定定係到等我 因為我未食過野 所以去買粥食~ 阿耀就去買麥當努食~~多謝阿耀既幫忙 順利入屋!!! 同老公食完野 Happy Happy~~~訓教教豬 6月6號﹏﹏ 今朝同老公食早餐 老公影左張我露事業線既相 我係fb Post出黎~ 一早估到會有好多人話我勇敢 大擔 勁之類既野~ 當然Yandy呢D臭口唔洗講 一定會嘈啦!!!最初Yandy私下係N25個頻到講~ 我都笑笑口講 突然發現佢係fb應我(下次呢d野可唔可以唔好放出黎?) 呢埸火都黎!!!!我即刻Del左個Post 有小小火咁係私下頻同佢講 Del左啦!!!! 佢唔應錯仲要反過黎屌返我轉頭 話自己係講笑 玩下都要搞成咁!!! 心諗"你自己覺得係玩唔等於我都覺 我唔覺好笑 更加唔覺得你係玩!!!" 佢仲一直支持自己既理論!!!!!!好~~~算~~~~唔係咁熟 唔同你計較咁多 我認錯!! 最後安靜離埸~~~~~就係咁 我心入面會有一個退後既感覺!!! 放工去老公屋企 二寶黎左~因為佢今日黎買新電腦!! 等.............我打俾阿柛佢先話岩岩出門口!!!等到我就黎訓著~ 跟住落去食野買電腦 我原本想係屋企搞 等我夜晚唔洗又做老鼠咁返入房~ 但老公問都冇問就答應去二寶屋企幫佢整><"唉......返上去拎野 坐的士上二寶屋企!!! 整整整~~~~~~~~~整到11點幾都未食野 我已經有點火!!! 好彩最後Pakco請食打邊爐 條氣先順返小小!!!跟住在上去整多一陣就去阿歡屋企~ 因為佢地要睇波wo><"我原本都想睇 可惜太眼訓 頂唔住~ 5點幾完埸 老公叫我起身走佬 返深訓教教豬~ 6月11號﹏﹏ 今日放工好平淡 返屋企食飯,睇電視,沖涼~ 因為老公都冇搵過我 有小小嬲 所以11點幾就走左去訓教!!! 3點幾突然行雷 仲要勁大聲!!!今次只有我自己 好驚~~ 睇電話見到老公問我訓左未? 我話(行雷 好驚) 老公好搞笑咁答我(驚驚飛走哂 有老公係度)最後當然訓得好平安~~ 6月20號﹏﹏ 今日係我地計劃左好耐既三日兩夜露營之旅~ 但因為老公要去食飯 所以嘈左好耐 最終決定阿歡,小妖,Pakco入去先~ 我等老公一齊出發~~~~~~~~~~~~ 當日老公10點幾就要去同佢屋企人飲茶~我就自己一個落去買野!!!! 好多好多既野 辛辛苦苦買曬D野~上返去食野 諗住食完野訓個晏教 今晚都有小小力氣行!! 點知岩岩食完野 準備上床時~突然聽到門聲!!!嚇死我 原來係老公返黎~ 好開心老公咁早返 可以早D執野 跟住出發去~ 當然佢老母點會咁容易放過佢丫!!!突然一個電話就要老公送張支票去長沙灣~ 我只好係屋企等老公 老公踩單車返去~半個鐘後老公返到 開始執野出發~ 兩個背包客去搭巴士 發生一個笑料~ 有個坐輪椅既男人上車 師機已經落去開俾佢上~好正常丫 跟住我地睇到既係個男人用雙腳推自己向後 坐係輪椅位~ 仲要大大聲屌個師機(你唔洗幫我扣嫁?) 呢個師機好好脾氣 叫佢坐返好個位先 跟住同佢解釋~ 好啦 整好曬所有野 可以出發啦~我同老公都不停望住佢 因為真係太好笑^^" 跟住個男人突然望住老公話(望咩呀望?未見過人傷殘呀?) 我忍唔住望住老公笑左出黎~ 我笑住同老公講(我未見過可以用腳行既傷殘囉) 咁岩條友同我地同一個站落車 但車未停好時 條友已經自己解開左安全帶 用雙腳拉自己推前仲識轉彎~ 我同老公在一次忍唔住笑 落車時我話(好彩你冇串佢 等陣佢走過黎打你 你都唔知好唔好告佢騙人^^"!!! 好啦......跟住我地就去搭旺角小巴 出路遇貴人第一:好心人俾前面個兩個位我地坐~ 去到西貢等的士 出路遇貴人第二:有個的士走過黎我地到問我地去邊?跟住話我地call左車 叫我地上車~ 笑死.....超好人~ 一路吹水.....去到仲要行行行~累係因為熱!!! 終於係太陽落山前去到搵佢地啦 辛辛苦苦換好泳衣 第一時間同老公追落沙灘!!! 舒服死啦^^"跟住上返水坐一陣 開始煮野食~地方好靚 但非常濕 全日個身都干唔到!!! 夜晚仲要發現有好多好多大大隻巨型曱甴係我地飯枱隔離大樹 我已經唔識點驚~ 只想快快食完野 執曬D野入返去訓~可能過左一段時間 食完野大家又話要拎張地毯出去訓沙灘睇星星 睇完返黎又話要食糖水 左搞右搞都成12點幾先訓~ 6月21號﹏﹏ 老公超級好 因為個到長時間勁熱 老公不停幫我"搖"扇 令我涼涼咁訓!!! 老公自己就不停叫熱 又開營吹風 吹到我都凍^^" 10點幾因為急尿 叫老公起身陪我換衫落水屙尿 原來小妖一早起左身~ 我同老公屙完返黎 佢地就一一慢慢起身~跟住又開始拎野出沙灘玩!!! 出路遇貴人第二: 隔離有一班30幾人既露營友 佢地執野走~好多野都唔要 不停不停俾我地~ 勁多勁多野 一定食唔曬同一定拎唔曬既野 非常開心~~~~~ 佢地開始起行時 突然落大大大雨!!!!好彩我地換左衫 落左沙灘 唔怕淋雨~ 佢地走曬 三位男人就開始整一個檔風檔雨既野出黎~我就係入面bbq 燒人地俾既腸仔食~ 佢地終於成功整好曬 入黎一齊bbq~老公開始唔耐煩 拎左D野出沙灘玩!!! 得返我同阿歡,小妖係到煮雞翼 煮煮下聽到一下好勁既風聲 當時聽到風聲我地係未有風嫁!!! 但係好明顯聽到個風係海邊黎緊 慢慢迫近 跟住就有一個勁大既風吹我地~ 好努力保護D野食 慢慢個風停落黎 跟住又開始落雨~~我已經感覺到有D唔對路!!! 諗住煮完手上既雞翼就停 咁岩老公同Pakco就返黎啦~ 突然之間黎一個 比上次更大更強既風加雨 我好似上一次咁 企起身用背脊頂住D風保護野食!!!! 但今次真係太勁太勁 仲要幾長時間~當時只有我一個頂住個個位 最後頂唔住D野吹"破"了~ 我俾一塊地毯包住左 手拎住仲熱仲煮緊既雞翼~我好凍好驚!!!遠遠聽到小妖叫(BoBo 頂住呀) 其實當時真係好窩心 我一直震 左整右整終於個頭可以出黎睇到野~ 我記得當時我第一眼見到既野係我地8-12人營倒下了~佢地4個人都拉緊個營!!! 跟住我就見到我後面人地個營都有一塊咁既布 我好怕有一刻個塊布都吹左過黎包住我!!! 慢慢我見到阿歡行緊過黎幫我手 我放低手上既雞翼 幫手整走布上既繩~ 跟住在去幫手 因為風仲未停~所以想拉返好個營 整一整先!!! 點知一拉 "拍" 斷左!!!!我非常緊張 大家都開始諗點算!!!老公叫我地入去執住D野入袋先~ 唔好理邊個 仲知有袋就放D野入去先~拎走左先返去分!!!! 好凍好驚好緊張 我好快手 見咩都放入去我袋~滿左就拎出黎 跟住執老公個袋!!! 當時個風細左好多 又停左雨!!所以拎出黎執~~執返出面D野 好多好多唔同既野~ 執齊曬所有野 跟住開始出發行山返去啦~當時6點幾就快7點 好怕好怕天夜!!! 阿歡開始要休息 仲要慢慢行~我同老公仲有Pakco就一直行一直行~ 好辛苦!!!終於天黑前返到上去 我打電話去call的士~的士15分鐘入到黎!!! 大家都開始放鬆心情 周圍影下相~見到有車頭燈大家都好開心咁返去拎袋等的士黎到!! 又發生一件好笑事!!!!! 因為我地5個人 佢地就傾緊點坐好? 車黎到 Pckco坐前面阿歡叫我坐後面入去 跟住阿歡個腦開始亂 佢可能覺得後面坐唔到4個 所以突然講左句 (我同Pakco坐前面) 哈哈 小妖即刻嚇一嚇 話阿歡傻左?佢嚇傻左!!!! 好啦 跟住出到西貢最後決定我屋企!!!(其實我唔想 但又唔想拎住野出去食野 又想沖涼) 所以大家一齊黎左我屋企 大混亂 不停拎曬D野出黎又吸又吹 又分又洗!!! 仲知就辛苦加辛苦!!!最後排隊沖涼~~跟住就的士去旺角食雞煲!! 又落雨!!!!上到去又凍又累又眼訓 跟本就冇心情食野!!! 食完都2點 唔陪佢地等車~老公跟我返屋企 小巴飛返去訓教!!! 6月27號﹏﹏ 今日要搬張床"玉"同轉轉椅去婆婆到 所以早幾日叫左表弟黎屋企幫手搬~ 佢好乖 約左2點前到 佢真係冇遲到仲早到!!!叫佢幫我買九菜果 佢又真係一早幫我買~~ 好開心.....放工即刻飛車返秀 表弟好開心係到玩緊D動物!!! 突然表弟摸Kaki時 Kaki咬左表弟一下~因為表弟細個Kaki都咬過佢一次!! 當時表弟既反應係即刻喊 跟住大叫(嫲嫲 佢咬左我) 跟住我就俾婆婆話做咩帶隻狗黎><"" 所以我今次勁驚 不停問表弟有冇事?唔痛丫嗎?有冇流血?搽野先!!! 我表弟講左句(唔洗啦 好小事!!!!一陣就好返啦~~)大個仔啦 好驚訝聽到表弟講呢句說話!!! 跟住我同媽咪嘈去邊到食 最後都係嘈唔羸 去左街市食 熱到飛起!!! 我知道表弟想食譚仔 但媽咪又唔想~表弟又係好乖 話食咩都冇所謂^^"" 食完野在去街市買水果 表弟幫手拎!!!返上去休息一陣就開始call車去婆婆到~ 搬曬D野上去 爸坐左一陣就走~ 跟住我就去訓一陣教 食飯就起身 食完就走了~~~~ 原本我諗住早過11點就去到老公屋企 咁就唔洗做老鼠~ 點知老公又叫左小愛黎 係土瓜灣玩 仲有佢表弟又要去土瓜灣搵佢地!!! 上到去個個掛住打機,玩 跟本冇人理我~老公只有無啦啦過黎錫一啖 跟住又走去打機><" 最後我真係頂唔順 發脾氣叫走!!!當時都3-4點啦老公仲講到好似我有問題咁!! 我忍住問(幾時走?)老公話(你話事丫 你話走我地就走!!) 咩事先?我一早叫左走 11點前返到去!! 當時你又唔走??而家叫我做衰人呀??嬲 忍到3-4點先出聲 返到去即刻訓教!!! 6月28號﹏﹏ 12點幾起身 原本老公今日放假~好開心咁諗去邊好? 突然又係咁樣 佢老母打黎叫返工!!!又係因為佢自己得閒 所以迫老公都要得閒!!! 唉~~~同老公落去食野!!原本想周圍行街/返上去訓教~ 但老公要我幫佢貼佢房D窗 因為之前淘寶買左一張黑色貼窗貼紙~ 返到去好努力做左好多野 終於開始貼 因為第一次 跟本唔識~ 貼左一隻窗一半先發現錯左位 諗住拉返出黎在貼過 就係因為咁 衰左><" 有半張都勁樣衰 心情已經唔好 嬲嬲地!!!!貼第二張明白左小小技巧 好左好多 但都好累><"" 準備貼第三張既時候 老公打黎!!!有小小發脾氣咁同老公講野 但老公都係到氹返我>3<"" 條氣順返好多~第三張更加用心貼 貼得更靚^^" 貼完就執野 裝返D野,又掃地又抹地 又洗垃圾桶 做到成身出曬汗~ 諗住沖個涼 點知老公已經打黎 仲要吹我出門口出去佐敦!!! 其實完全冇野做!!!去到要行 仲要等~等左半個鐘先到 不停不停流汗!!! 終於等到啦!!!拍拖仔 成身好熱老公攬住都冇所謂~~但真係唔知做咩好!!! 做左大半日野 周圍行到好累 仲要肚餓~老公帶我去食一間好出名好多人既牛奶公司(唔記得名) 但真係好貴好貴 一個餐要4x蚊 我食一碗雙皮奶要成3x蚊 仲要唔太好食><"" 老公死都要叫一個餐食 個蛋係好正既!!!但其他野就............... 食完走人 半飽~老公不停叫好飽好啦 算數!!!又周圍行行行~ 去到食甜品 老公帶我食心太軟 個時佢D語氣開始唔好嫁啦!!! 叫完野食 黎左一碗~我拎老公部電話黎影相 影完睇老公D whatsapp 見到志媽有張相成個人唔同曬~ 問老公點解志媽會咁唔同 老公突然話(唔知wo.......做咩呀?你查我呀?做咩睇我Whatsapp?) 我試過好多次咁樣睇 從來未見過老公會咁樣話我!!又開始覺得有奇怪!!! 我還返部機俾佢...之後一直唔出聲睇自己電話~老公不停問我野我都唔理!!! 老公發脾氣拍枱同我講(我同你講野呀!!!聽唔聽到呀?聽唔到我大叫嫁啦!!!) 我啤住老公都係唔出聲 發現好多人望住!!!老公黑口黑面出去食煙~ 有小小眼淚開始流 死忍!!!過左陣我個心太軟到了 有一刻諗唔等老公就食 會唔會又發脾氣?? 不過最後都冇理 照食 不過慢慢食!!!食左4分1老公就返黎啦~ 可能老公唔想在嘈 突然又好好咁搵野同我講 一返黎就話(黎左啦?好唔好味呀?) 我都諗左好耐 算啦~~唔想好好既一次拍拖又嘈交!!!開始有應機 慢慢傾下計 之後就冇事了~~~ 食完野老公陪等車我就返屋企了~~~~~~~~~ 6月29號﹏﹏ 今日約左Wing食飯 一早買左團購~ 但放工又要幫老公收租 好彩咁岩Wing未得閒 收完租仲有小小時間俾我寫下簿~ 等到Wing黎就一齊去搭車出銅鑼灣 多謝Wing搵齊位置同搭咩車~ 我可以完全唔帶個腦出街 一直跟住佢行!!^^" 點知我地太早出到去 要不停周圍搵野行 但又冇野好行><" 走去m記坐 吹下水~好多謝Wing 永遠都要聽我講勁多發洩既野!! 大家都知講完都冇用 都係要咁樣過 我都係放棄唔到~但都好好不停聽!!! 多謝你俾我發洩 聽我講~~~~Love You My Sister 吹多兩吹都仲未夠鐘 但都諗住上去先~好彩佢都唔洗我地等就食得!! 好好味 超好味~不過任食既款又真係太少 我想任食海膽可惜冇~ 食完同Wing行去等車 去到見到岩岩走左我部車 Wing好好 陪我等下一部~ 一直陪我傾計 但見到Wing車到 我叫佢走先~ 我自己一個等車 唔知點解老公今次突然咁好 打電話黎問我返屋企未? 咁岩過多一陣就有車 同老公傾左一陣就收線 一路訓教一路返屋企~~~ 返到屋企老公又同我講聽日小愛出黎 嬲!!!又出黎!! 問老公(做咩又出黎?) 老公仲要答(出黎玩囉) 仲嬲......唔理佢就訓教 6月30號﹏﹏ 又到抄錶日 但今次未做好D野~原本諗住Lunch去抄!! 但因為太眼訓 所以都係唔理 食完野就訓教^^" 放工先過去 老公坐係到但又唔寫 我要自己寫 好彩都做左好多~ 老公突然同我講(老婆 原本我叫左小愛唔好出嫁啦~點知咁岩佢電腦整好要出黎拎咋) 心諗"叫佢第二日先自己出黎拎唔得咩?"不過當然冇嘈啦 最後都算數~ 寫到7點左右就去抄錶 行左一個單位小愛就到~又要跟住行!!! 我跟本唔想在上去做 但老公又唔俾 小愛又阻住曬 抄完返去佢地兩條友又食煙 我又自己坐係到等~~~~~~~ 老公問食咩 我話是但~但心入面一早估到食車仔麵!!! 但時間問題 要去拎左電腦先~ 坐巴士過去 等....................等左好耐先有機拎!! 拎完老公叫小愛請搭的士出去食野~ 去到太子 老公叫係金鳳落車~估唔到佢地原來叫食呢間 老公俾驚喜我~ 但我知小愛唔多like ^^""但我都唔理佢啦 今次你阻住我地 話知你鐘唔鐘意啦!!! 哈哈 好好好好好好好味呀!!!真係超鐘意食呢間~~ 食完小愛請搭的士返老公屋企.....因為聽日7月1號紅日~ 但一返到去老公又走左去阿耀個邊 得返自己一條友係到幾個鐘!!!! 因為唔出得聲 又唔出得門口~一隻死老鼠係房訓左係到~ 老公得閒就過黎錫一啖又走左去~~12點幾老公仲要走黎同我講志媽訓左 過黎打機!!!! 唉.........發脾氣都冇用!!!一直氹一直拉我過去 過到去又好多人 唔可以發脾氣-.-""" 唉.........打啦打啦~~~打打打打打打打....打到成3點幾4點先完~ 先可以返過去好好咁單獨吹水 攬下之類
咁我答好返D啦~跟住老公在講(係wo 今日阿賢搵我 同我講單車d野)
老公都有買!!!嬲死 又貴又唔健康!!!
返到屋企 我當然第一時間拎把刀出黎話有幾靚~
最後當然訓得好平安~~
我非常緊張 大家都開始諗點算!!!老公叫我地入去執住D野入袋先~
) 跟住我就俾婆婆話做咩帶隻狗黎><""
大個仔啦 好驚訝聽到表弟講呢句說話!!!
