2014年12月23日 我同老公既五週年!!當日我真係好開心!! 但原來呢個係開心既尾聲 個日同老公拍完拖 我心軟 跟左老公返屋企!! 老公話:佢呢排冇野啦 又冇發脾氣 又冇話D咩 上黎試下啦! 我:第二日我要返工 見到面咁點算? 老公:佢都唔會咁早起身啦 就算係咪當試下佢會有咩反應囉 我心諗(而家係我試呀!!!你講到好簡單咁)但因為我心軟 最後真係有去到~ 當日去到 其實係等到佢媽訓我先上去!!!個日夜晚 其實真係好開心 返返去一個自己熟識既床!! 但好景不常!!第二朝返工 一出門口去廁所就見到志媽行入房!! 我當然唔想面對 希望佢係入返房訓 我就直接去廁所洗面刷牙!! 但一出黎就知到仆街了~我真係好怕好怕x1000000 我好驚咁經過佢講左句早晨 第一次我見到志媽唔理 我以為佢冇野/聽唔到 所以我決定講多次早晨!! 志媽用一個勁憎恨既眼神啤左我一下 我走返入房!!!當時老公醒一醒望住我問有冇講咩? 其實我有同老公講志媽冇講野 但啤左我一下!!!但老公都係冇理 訓返!!! 到我整好所有野之後 我出房門口就係我人生最大打擊既一下!! 志媽叫停左我 同我講左一番說話 原本我真係有諗過反駁 但我諗左好多因數 最後講左句對唔住 拜拜!! 行出門口個一刻 我一直忍眼淚!!個心不停諗我有冇做錯?之後既路可以點行? 返到公司 我用紙筆寫下我呢一生聽到最唔開心既一段說話(姐係志媽同我講個段) send俾老公 晏就一點幾老公起身睇到 第一句問~ 老公:咩? 我:今朝你媽同我講既說話 老公:痴撚線 因為我唔知講咩加上忍緊眼淚 我好怕呢一刻講錯一句 以後就真係咩都冇!!! 過左一陣 老公:唔好唔開心 你冇錯!!! 一睇到呢句既時候 我真係忍唔到了~~~~~ 其實我最嬲既係點解老公唔同志媽傾好?點解志媽對我有咁大既誤解?點解發生左呢件事老公唔去解決 只係講左句唔好唔開心 你冇錯呢? 我唔知可以點 我只係唔失去呢段感情 我努力忍住 我知道我唔可以呢個時候出聲怪老公!!! 當日老公可能知我唔開心 老公黎接我放工 同我出街!! 開心係開心 但只要講拜拜我就忍唔住喊!!!而家呢件事都2個星期啦~ 中間仲有同朋友出去玩 有同老公出街 最近老公仲要日日去土瓜灣做數 至少都要8點先收工!! 講我講左好多 但老公都好似冇咩做野咁!!可能有我唔知掛~~ 因為我聽到知道既野就係老公同志媽好好 日日都一齊 前兩日仲要一齊上志舅父屋企食飯 志表妹仲要影相俾我睇!! 其實我講就係話嬲講好左放工返黎同我打機 最後去左舅父屋企食飯唔講~ 但事實我心入面係唔痛 以前老公去舅父屋企食飯 一定會叫我 最多係我自己話唔去~而家所有野唔同了!! 可能我講完好多好多野之後 好多人都係諗~(車 咪返自己屋企訓囉 有咩咁大問題姐?) 其實我想講 第一:訓左一段時間 冇左好唔習慣 第二:呢一嘈 其實証明左我地既將來 冇可能 就算有可能志媽都唔會支持!! 第三:其實都五年啦 到左今時今日志媽都仲係咁諗我 我同老公又唔想失去對方 老公又唔敢出聲 仲可以忍到幾時? 因為我出身一個比較好既家庭 咁多年爸媽都咁相愛 身邊又咁多朋友結婚 令我不停想結婚生BB 美好既人生!!! 但我知道呢個男人俾唔到我 本身呢個男人都冇諗過咁早結婚 而家在加上志媽~ 琴日我在問老公 上次去舅父屋企 有冇人問起我?老公話有 問BoBo呢?老公答BoBo唔黎呀!! 老公話志媽當時聽唔到~跟住我在追問先知原來老公之前有同志媽傾過關於我既野!! 但我睇完之後更加唔開心 更加多野諗!!!但我唔可以做D咩 因為係我叫佢講~ 但都係個句啦 知道左之後都係覺得點解老公唔幫我 點解唔用呢個時間好好咁傾好佢? 唉..........心如刀割!!!我仲可以點樣?我覺得我等唔到一年呀!!!
