4月1號開始講起﹏﹏
聽日二家姐就要去泰國旅行 但D野未買齊 所以放工同老公一齊出去搵二家姐~
去行街 買二家姐要買既野~本身老公唔想出 因為累!!!
但老公知道我唔開心 所以最後都係陪我同二家姐行>3<""多謝老公
行左兩三間賣露營野既舖 最後二家姐都搵到自己想要既野!!!
之後就去食老公想食既pizza 
今日好開心呀 因為本身我係唔食pizza既野
但老公同二家姐今次都肯叫好多其他野俾我食 thank>3<""
食完之後在行多一陣街 跟住就同老公返深 "因為今日開始 志媽返左大陸了~~~"
返到屋企同老公happy下~因為太累既關係 所以好早就訓了
4月2號﹏﹏
因為志媽返左大陸 所以老公就放幾日假^^"
今日真係好傻 就黎放工之前要拎錢出去買野先知原來自己冇帶身份証出街~
留左係屋企2日都唔知
我叫老公陪我返去拎 但老公話累 唔想wo~
所以我都打定心裡後日先返去拎!!因為5號6號要去露營 點都要返秀拎露營野~
咁我就唔用腦去搵老公 諗住所有野都交俾老公 佢帶我去邊就去邊~
果然......老公好有目的咁帶我去搭車 我一直都冇問過去邊做咩?直接跟隨住~~
原來老公係帶我去葵芳行街食野^^"好開心呀!!!拍拖仔 仲有好多我鐘意既野^^"
9點幾就走啦 都係唔用腦跟老公搭車 老公帶左我搭新開既290A~
我以為會去到邊到轉車返屋企 所以我一上車就訓教 等老公帶~
點知原來老公係帶我返秀拎返D身份証同露營既野^^"仲唔吹我~
俾我慢慢休息,沖涼,執野!!搞到12點幾先走 搭小巴返深~~好開心既第一日同老公訓!!!
4月3號﹏﹏
今日都仲要返工 一起身見到老公真係勁唔想走~~
但老公唔俾我請假 只可以望住老公好唔想咁去返工~
5點幾就放工個時老公打電話黎同我講今晚要去多次秀~
因為pakco都去露營 但D野借左俾佢阿哥 所以要黎借我地野去露營!!!
咁我放工就去搵老公 跟住就一齊搭的士返秀~
叫左媽咪煮飯 Pakco執完野就走 我同老公仲有小愛就帶kaki落去送pakco走
跟住老公同小愛就帶kaki去屙屎屙尿 我就去買野加餸
之後就返上去 老公沖涼~老公沖完涼出黎叫小愛俾位佢坐!!
但小愛真係好可愛 佢坐黎我隔離俾最遠個個位老公坐~老公見到即刻屌佢(緊係俾個位我同bobo坐啦 你係咪傻嫁?)
我忍笑都唔明小愛咩心態
11點幾就走了~跟老公返深 點知小愛又跟 最後我自己訓教 老公同小愛仲有阿耀打機><""
3點幾老公先返入黎~不過都好開心老公有講我最掛住既一句"老婆 我返黎啦>3<" "跟住就攬住了~~~~~
4月4號﹏﹏
星期六啦 等左好耐既返半日之前放假啦!!!
放工老公話要買鞋 所以陪老公周圍行街~~
其實真係好開心 真係拍拖仔周街行 間間都入去睇下~
深水埗行出太子->朗豪坊->megabox 哈哈...行左好多地方呀!!
仲買到我最想要既背襄$900 老公最想要既鞋$27x
超超超開心咁返深 因為第二日要去露營 所以返到去執野~
執完野就去沖涼 跟住就出發去青衣 阿歡小妖屋企^^"
去到都11點幾 pakco都黎左~一齊玩左一陣卡game 1點幾就齊齊訓教~
好耐未試過同老公係人地屋企過夜啦 其實感覺真係幾正!!!
4月5號﹏﹏
露營日開始~~~~~8點起身 執一執野就落去買野啦~
有小小唔開心 老公同佢地一齊睇野買野 所有野我拎曬 老公都唔理我><"
最後仲要我同歡返上去等老公同Pakco去買野 等到眼訓~
過左一陣 老公自己一個返上黎 pakco仲要買野~
但其實有小小既sweet就係老公會好細微咁講(老婆 我同pakco去買野 你返上去先啦)(老婆 有冇咩要買呀?)(老婆 想食咩呀?)
之類 呢D小小事都令我記係心入面!!!
最後買左杯麵當早餐食 我仲要食一半俾老公~
12點幾開始出發 先坐巴士去東涌 之後諗住坐大澳11號巴士入去~
點知今日勁勁勁多人 咁就諗住轉搭的士 但又要勁多人 仲要一格車都唔黎~
最後好彩阿歡醒 叫van仔~~但上左van仔佢先話唔入露營個邊~
搞到我地都要照俾van仔錢在轉11號巴士!!!
不過都好既 因為我地中間上車 所以先有位俾我地上!!!
之後坐到入去仲要在行 今次老公拎左個大露營在加一箱野 我就拎左新買既細露營袋~
阿歡拎住D野行唔到 小妖一人拎2個露營袋 在加支大水~咁我諗住我自己好輕 幫下手小妖~
老公行得好辛苦 因為又熱又重~咁我諗住幫老公拎 老公發脾氣話我白痴 唔想我拎咁多野 我仲去幫佢地拎水!!!
大大聲不過屌我><"仲話我冇腦 話我而家咁樣 點幫佢手拎野?
好想喊 但我忍住!!!我唔敢出任何聲
因為我知道老公一定係好辛苦先會咁話我><""
好彩好快到目的地 老公放低曬D野休息!!!我就乖乖地係到執位~
因為地下好多"虫"果 所以要慢慢張D"虫"果拎走先可以起營訓教!!!
慢慢係地下執 一句聲都唔敢出~好彩老公好快冇事 過黎叫我飲水休息下~
好快就起好D野 但老公掛住幫佢地手 我自己一個係營入面執野執野同執野><"
執完出黎仲要見到老公自己一個沖左落去沙灘游水><"嬲嬲
我換好曬衫出黎 老公就返黎!!!但都係唔理我 我就自己一個行去沙灘沖沖腳 望下風景~
好彩老公都有黎陪我 一齊落水玩左一陣~(因為好怕海浪 所以走返上去)
沖完身之後 諗住執野去洗 點知執完D野出黎 佢地全部人唔見曬
原來佢地幾個自己去左洗野先 連老公都唔等我
自己一條友等佢地返黎~
自己一條友去洗野 返到去又係唔見曬佢地 得返阿歡一個~原來佢地3個男人去左執樹支!!!
等~~~~~~~~~~等左好耐 同阿歡係到玩沙~終於佢地返黎啦 仲整左張枱~
開始整野食 小妖坐係到咩都唔郁 Pakco搞緊後面d樹支 阿歡同老公就煮野~
我就幫手搵工具 第一餐完全唔夠飽 要食"光so餅"~跟住就開始玩營火!!
老公同Pakco好努力起火 但樹支太濕 我就幫手周地執勁多勁多勁多既樹葉^^"
幾好玩丫!!!最後都熟左蕃薯 好甜好好味第一次食咁好味既^^"(可能因為老公喂)
跟住又煮多一餐食 跟住洗好曬D野就開始玩三國殺~(其實我唔太鐘意同老公玩 成日要支持佢 唔可以打佢)
大約玩到2點幾就去訓啦 好掛住呢種攬住老公訓既感覺>3<"
4月6號﹏﹏
10點幾起身 因為太陽太曬 熱醒左老公~
不嬲老公起身 我都唔會在訓^^"但老公出左去先 我在換衫出去~
跟住同老公去刷牙洗面 跟住就煮野食~
因為太熱既關係 所以在一次換泳衣落水~~~~~~好舒服呀!!!
Pakco同我地一齊玩 跟住阿歡同小妖過黎一齊玩沙~
2點幾3點就返去沖身 跟住又可以煮露營既最後一餐啦
食完野又去洗野 3個男人都唔理 我同阿歡兩個去洗 咁就順便吹下水^^"
傾兩傾先知原來阿歡係俾小妖迫結婚 原來阿歡唔想咁早結婚~
仲有就係佢地冇BB唔係因為生唔到 係因為唔想在照顧多個人~~
哈哈 估唔到阿歡會同我講咁多野 原來佢都當左我係朋友 好開心!!!
洗完野返去見到老公都可以執緊野咁乖^^"咁我就快快手去幫佢一齊執~
點知我一執 老公又掛住去玩/幫佢地手~搞到有一陣時間又係得我一個自己執!!!
大約4點幾5點就開始走人啦~嘩.....今次真係累既露營 雙腳累到就快冇力咁><""
老公一路陪住我 慢慢行返出去,搭車出返去在同佢地分開搭車返屋企 我同老公返深~
但因為老公太累 所以一返到去就沖涼 沖完涼都唔出去搵佢地食野~
直接同阿耀落樓下茶餐廳食飯 當時只係11點幾 我同老公累到一返上去就訓了~~
4月7號﹏﹏
原本今日好累 諗住放工就同老公買小小餸返深煮~
點知阿賢突然約唱K 老公最愛既唱K 就算幾累老公都會去啦><"
最後真係答應左去 我放工先去搵老公 等老公一陣 跟住先去搵阿賢~
阿賢帶左個朋友出黎一齊唱 叫做寶叔~佢唱歌都幾好聽 阿賢就唱得好作撞!!!!
仲要教我唱歌 老公當時仲點頭同意佢講野 真係嬲!!冇曬心情~
1點幾佢地走曬 得返我同老公 我叫老公望住我唱多次真情流露 老公真係肯^^"
真係好感動 好開心>3<""每次聽到呢首歌都會由心感動起來 明白我同老公既所有經歷
我地唱到2點幾就走啦 因為第二日我要返工~同老公仔一齊行返深屋企
4月8號﹏﹏
今日志媽返左黎啦><"唉 仲想同老公訓多一晚
但今晚約左Wing,ms,烽,老公一齊出黎食飯 所以今晚都仲可以見老公>3<""
我同Wing放工同老公一齊去搭巴士出尖沙咀 阿烽到左先 所以我地去搵佢~
跟住就大家一齊行街 之後就開始同阿烽傾計!!!
原來上次唱K 阿烽帶左個女仔黎 個個女仔係阿烽既小三
佢地搞過幾次 仲帶過個女仔上自己屋企~但阿烽而家好驚 佢知道自己心入面係好愛而家條女~
所以佢想問我地點樣可以同小三分手!!!!當然我地幫佢唔到啦 因為只係見過一次 跟本就唔熟佢性格!!!
大家傾左一陣就去大喜屋食野啦!!!MS訓過龍 自己一個搭的士黎-.-""太貴了~~~~
8點上去食我地既七週年飯大家傾得好開心 MS仲成日串阿烽而家有兩條女
笑死我地 呢班朋友可以識到咁多次 唔係冇原因既~只要大家一齊 咩都講咩都傾 仲知就好開心
11點幾走人 出面落大雨!!!我叫老公傘左阿烽去地鐡站先 在返黎傘我同MS~
我地送完MS 老公就送我搭車(原本諗住送我返去 因為落大雨 所以唔想)
上左車之後見到MS send sms黎話佢格車撞左的士 重點係阻左成點路!!!
我訓左10-15分鐘 部車都冇郁過
最後1點幾快2點先返到屋企
4月9號10號﹏﹏
9號就買餸返秀食飯,睇電視,打機,訓教~
10號就買餸過土瓜灣搵老公 同老公拍拖打邊爐>3<""
食完野 睇多一陣戲就走了 老公送我搭車~
4月11號﹏﹏
原本諗住老公得閒 點知最後老公俾志媽捉左返工~
所以我一放工就去搵媽咪飲茶,行街買野^^"
5點幾返到屋企 老公就打黎叫出去睇戲 5點50分出門口(當時已經5點35分)
我諗住得閒化下妝 最後搞到5點55分先出門口~
落到去仲要冇車 等左10-15分鐘先有車~老公不停吹我!!!
我落車個時 老公已經係我地之前食個間餐廳到等緊我>3<""
拍拖仔真係好開心 有講有笑~食完野 又行街買野 8點幾先開場睇" 衝鋒車"
好好笑!!一開始以為笑到落尾 睇到10點先走人~
跟住就同老公過青衣搵阿歡小妖玩 原本諗住玩卡Game 但老公冇帶~
最後我叫打麻雀好耐冇玩過啦 老公話好 咁就開枱啦!!!
佢地都玩得幾大 3番起 8番爆 最少8蚊 最多96蚊
先打4圈 阿歡一家嬴三家 我輸最多><"我同老公加起輸左120蚊~
跟住休息一陣在打多次 哈哈 今次我同老公好勁呀 嬴返180蚊^^"
當時已經朝早6點 勁驚 老公原本唔想搭的士 但因為怕我在遲志媽會起左身~
所以老公最後都係搭的士好好彩地返到去志媽仲未起身^^"
又可以同老公仔一齊訓教教了~~訓前老公同我講(老婆 我好愛你 你好靚呀)
4月12號﹏﹏
今朝6點半先返到去 訓到2點幾先起身~
因為志媽冇嘈醒老公叫佢返工^^"所以老公又放假一日~
小妖同歡又嘈住問有邊到好去?但老公好似唔太想郁 又約唔到任何人~
叫小妖佢地出黎食飯 最後歡又話唔出!!!!搞到我地因為諗去邊冇左一日時間!!!
好嬲 好難得同老公一齊全日放假!!!咁只有我同老公 搵公園坐下 周圍行下 食間茶餐廳 在拍下拖10點幾就走了~
不過我好衰 成晚不停"唉......我個假期咁就冇左啦!!!><"" 老公冇嬲之餘 行氹我"同老婆去邊都咁開心>3<""
哈哈 聽完呢句真係唔敢在出聲 乖乖地攬住老公等車走人~~~~~
4月13號﹏﹏
今日老公返工唔得閒理我 所以我偷偷約左Wing出街食牛陣
傾下計 行下街 只係食左個三百幾蚊既晚餐 行左陣街就返屋企了~
但真係好唔開心 成晚老公一個電話都冇 完全唔理我去左邊 就算返到屋企佢都唔知!!!
我既人生安全 老公真係好放心
4月14號﹏﹏
琴日老公約我今日同志表妹 and ms出去睇單車~
但我放工老公仲未走得 所以我出左去搵ms先 老公仲係土瓜灣 志表妹咁岩又係wo!!!
所以老公等志表妹先出黎!!!最嬲既係明明約左7點 但7點半都仲未出門口!!!
我同ms吹水吹左成個鐘有多!!!!佢地黎個時 志表妹仲要用個胸貼住老公咁行過黎!!!
唉.....大陸女人真係大陸女人!!係唔覺有問題定有心??真係唔知佢地D變態諗法!!!
好彩老公都醒 一黎到就拖住我行~ 比較唔太理佢表妹!!!
行左2間 志表妹幫佢朋友買左個頭盔 之後就走人了~
原本想食一間放題 老公同ms係樓下食飯 我同志表妹上去拎位
點知間野執左 問清楚老公食完煙未先落返去~
跟住就行去旺角食大滿喜 志表妹不停跟住我行!!!又係撞胸咁行!!好憎!!
一路食野一路吹下水 突然志表妹問我地咩星座?佢話MS個個星座同佢鐘意個個男仔一樣好花心!!
跟住就開始話老公個星座好好嫁 好顧家 仲知就不停讚老公~
跟住我就問志表妹 之前同個個一齊點解散左?佢答我因為唔好人 唔似大哥哥(老公)咁識照顧人~
個下心入面又係"屌你 變態嫁?" 但我口講一句(下....你拎大哥哥黎做標準?)
哈哈 佢即刻冇聲出~之後唔知講講下D咩就轉左話題了!!!
俾錢個時 原本我都係唔想俾 但見志表妹係到 唔想餐餐老公請 又可以証明俾佢睇女朋友都唔洗請 你仲唔拎錢出黎?
咁我就拎200蚊俾老公 老公拎住問我(唔洗我請?) 我話(唔洗 錢我多的是) 哈哈 而家諗返真係好似講錯野 跟住老公就話(係wo 加左人工wo)
就係咁 志表妹就跟我一樣俾200蚊 老公都照收~
跟住走人 先送志表妹去搭車 之後就送ms 最後老公送我^^"
4月15號﹏﹏
今日好平淡 放工就自己去買野食 跟住返屋企食~
食完睇下電視 沖個涼就訓教啦!!!因為老公今日同小愛打機 唔得閒理我><""
4月16號﹏﹏
今日二家姐返左黎秀 所以我放工就返屋企同佢地打邊爐 吹下水!!!
太耐之前既事 唔太記得傾過咩 只係記得好開心~
夜晚媽送二家姐搭車 我等老公電話 可惜一個都冇T^T""
嬲嬲地 11點幾上床訓教!!!
4月17號﹏﹏
放工搵老公 唔知點解老公今日突然同我拍拖仔~
帶我去荃灣行街街 食KFC~
唔覺唔覺老公帶左我去搭車 原來係搭新車290A
老公同我一齊返屋企 好開心攬住訓教教豬>3<"
4月18號﹏﹏
老公今朝同我一齊搭13P返工 老公係深水埗落 落車時仲同我GoodBye Kiss
之後就努力開工 放工換衫 跟住去土瓜灣搵老公同ms~
老公煮個麵俾我食 之後就出發去大圍踩單車~
原本約左阿麟同佩e 但又係咁樣 出車前要整車!!!
我地三個踩 ms今次部車好重 所以踩得慢 我可以同佢一路吹水一路踏^^"
踩到上大美督佢地都未黎 我地3個坐係到吹左好耐好耐水 ms同老公悶到玩跳車~
原本踩左咁耐一D都唔累 唔知點解等等下個人開心累 6點幾7點佢地先到 仲要我地落去搵佢地!!!
算啦 咁去到搵佢地 阿志諗住踩返去 點知佢地又話累唔踩!!!
都算~話去BBQ又話冇錢 最後要老公借住先!!!因為成日休息既關係 搞到成個人冇曬力!!
食完踩返去個時累到飛起 老公仲話要踩返去土瓜灣><"超累!!!
最後仲要搭的士返秀訓教~~~~~(做左運動好開心 但真係好累^^")
4月19號﹏﹏
因為今日7點幾要起身同Yandy佢地去澳門 所以琴日唔可以係老公屋企訓~
原本約左9點15分 但我8點45分就到左~點知佢地仲要遲到!!等~~~~~~~~~等左成個鐘T^T""
一個一個慢慢黎到 一齊食吉野家早餐~10點半上船 訓教~~~
到左氹仔搵賭場巴 去左威尼斯人行去新濠天地 我同巧兒跟住Yandy賭,Fish就同Ling去賭燊係門口等~
Yandy玩大細,好快Yandy就買大開細 買細開大輸左1000蚊了><"
其實真係睇到都心痛 最後拉走左佢去玩老虎機~3條友係到10蚊10蚊咁平~
最後都羸左幾蚊雞^^"之後就去行街 搵野食~食完去大三巴影相 在去買手信
之後就去今次黎澳門既目的地 觀光塔食自助餐!!!
老實講 唔好食!!!!但風景好靚 幾個女人一直吹水吹到唔想走~
因為買左10點船返香港 所以都要走~但樓下好多人等的士 但又冇的士黎~
好彩Yandy係出面搵到一部!!原本琴日老公話黎接我 點知係等過關既時候 老公先話唔想黎!!!!
嬲到爆.....一直等Ling,Fish,巧兒 一直嬲嬲地~就快10點 好彩最後佢地都趕到黎~
急急腳沖上船....終於安安樂樂坐到船返香港了~~~~不停諗等陣點搭車返屋企~
諗諗下都訓著左!!!!直至就黎落船時 收到香港網絡 見到老公影左張相 跟住問我估佢係邊
其實都估到 但又怕自己估錯 成日同佢玩野"點知你...屋企掛"之類既說話~
當然最後老公真係黎左 係樓下等我^^"我同Yandy佢地講老公黎接 佢地都好即刻話(嘩 好Sweet呀!!有人黎接)
哈哈 今次真係開心死我!!!威威了~~~~~落到去見到老公 即刻攬住佢^^"超開心~
我問跟住去邊好?老公就同我講黎佢到 老公話之後同佢媽講過叫返我返去
但我問清楚志媽咩反應?老公話"佢話你唔過黎幫手 一D都唔識幫下手做下野"
跟住老公在講"咁我咪話返佢 係你自己唔想見到人 人地先怕你唔鐘意唔敢黎姐 你而家又話人唔幫你"
之後志媽當然又係唔出聲就完場 所以老公話去佢到試下佢咩反應囉~
但我同老公講我驚 好怕又好似上次咁(但事實我都想試 同老公講呢句只係想老公同我一齊對面)
點知老公好快答我"咁在睇定D先啦 而家送你返屋企先"都唔明我既!!!!!
跟住就一齊搭車去旺角 在送我去搭車~如果我係佢呢個各式 我會覺得為左見你 冇所謂!!
但老公當時唔係咁諗 佢只會覺得 又發脾氣!!唉...出黎又冇野做就返屋企 浪費我車錢!!!
所以當時我心情係非常開心 但第二日諗返老公講既野就唔太開心了~~~
4月20號﹏﹏
放工去土瓜灣搵老公 以為拍拖仔~點知阿耀都係到!!!
佢地仲掛住睇海賊王 唔理我!!!我自己好悶咁睇fb/其他野 等左一個鐘老公先記得我~
叫我過去 問住野食定出去食?我好唔鐘意佢地成日煮又係我 洗又係我!!!但又唔可以直接講出去食 因為老公會話我大洗!!!
所以我只係講左句 而家仲有野可以買咩?本身耀都支持煮野食 但過左一陣老公突然話出去慈雲山食!!!
其實我有D嬲嬲地 原本爸今日放假 我都唔理出黎幫你手做野~點知你係睇野同出去食野!!!!
早知約媽咪佢地出黎啦><"落到去仲要先去食煙 跟住先搵車搭!!!
原來老公帶去食三記 係開心既 好好味 只係我想食個樣野 老公都唔俾食姐!!><"
之後無無聊聊行左去荷里活 諗住睇下衫~點知老公去完廁所出黎 所有野都關門了!!!
最後老公同耀送我去搭車 跟住佢地就自己返屋企了~~~~~(老公冇打俾我-.-")
4月21號﹏﹏
今日放工要幫老公收租..因為等個個人 所以抄下薄~
以為老公會黎搵下我 點知老公返屋企都唔過黎!!!!
做到9點幾先走人 返屋企食野 打機 之後就訓教~~~~
4月22號﹏﹏
呢排真係好累 唔想返工~所以又放左自己一日假!!
爸幫我卜左2點睇醫生 1點叫媽咪起身陪我~
同媽咪係東港城飲茶 行街 最後落返去街市買餸返屋企煮~
因為約左老公上黎食飯 5點幾同媽咪返到屋企 媽咪開始煮飯
我就係房執衫換季 掉左兩大袋黑色垃圾袋咁多野!!!
因為老公就黎上到黎 所以我就冇在執 陪老公~
但唔知點解覺得好似冷淡左 唔係好點理我 傾計都成日唔彩我~
我問間房點裝修又唔理我!!!搞到我發脾氣先理下我 幫我睇下d野!!!!
最後都係唔理 之後老公諗住落彩雲 但因為太夜 ms唔出~
所以老公陪我帶Kaki落去行下 傾下計 好開心老公係到陪我訓^^"
4月23號﹏﹏
今朝老公陪我搭車返工 但老公係深水埗落車~
放工約左爸媽大姨表弟食牛陣 但我放工時打俾爸媽先知爸媽岩岩先出門口><"
大姨同表弟又一早講明會遲 所以自己一條友周街行!!!
6點15分就到左太子 周圍行左好多野 睇中好多野但又唔敢買 但俾老公話~
7點半爸媽先落車行緊過黎 諗住去牛陣門口等佢地 咁岩撞到大姨同表弟到左~
佢地係到講先知原來佢地6點半就到左係到行街 我心諗(真係頂你個費 唔係因為你我地唔洗約7點半啦!!!)
好 唔緊要 入去食啦~今餐真係貴 睇佢地樣又好似覺得唔值 但問佢又話ok~
不過唔緊要啦 我食得開心就夠了^^"仲要唔洗我俾錢 多謝爸爸>3<""
食到9點幾就走人 因為太早既關係 所以一齊行下街睇波鞋~
初初大家行行下都叫累 但佢地自己都睇中左對鞋既時候就忘記了~
同表弟買左同一對鞋不過唔同色 俾錢之前爸突然問我表弟對鞋邊個俾?
因為我聽到佢地講 所以同爸講大姨同表弟一人一半~
跟住爸就俾錢買左俾我>3<"之後就行去搭車 中途爸突然叫媽俾錢表弟 話送對鞋俾佢
原來爸問係咁既原因^^"跟住就各自返屋企啦~(今日老公都係全日冇搵過我!!!)
4月24號﹏﹏
放工去幫老公收租 跟住就去搭地鐡過荷里活搵老公同ms~
因為買左飛睇復仇者聯盟 但睇9點半 所以先去食野~
又係食個間台灣野 唔知點解冇咩胃口 有小小野就走了!!!
跟住又係陪食煙 周圍行下~夠鐘就入埸睇 超好睇
但睇完之後就行去搭車 仲要鬼咁快有~就係咁同老公拜拜了!!!
返到屋企打俾老公先知ms陪老公行去搭車 收左線後 老公又係搵都唔搵下我!!!
最後我發脾氣同老公嘈!!老公先講特登同佢媽請左聽日假陪我 反轉頭走黎話我!!
咁都講明特登請假陪我 都冇野可以講啦~
4月25號﹏﹏
放工幫老公收租 唔知老公諗住去邊 點知放工打俾老公先知老公去左土瓜灣整D野!!
但老公叫我收完租之後搭地鐡去筲箕灣 咁我收完租就照做啦 去搭地鐡~
就去到金鐘老公先打俾問我係邊 話而家先出門口 係金鐘等佢~
我係轉車最中間位等左大約半個幾鐘 老公終於到~當時在問先知原來老公冇去土瓜灣 一直都係深水埗~
點解唔叫我上去先?點解咁晏先出門口?咁就真係唔知啦!!!!
因為難得放假 所以唔理 放鬆心情去玩了~~原來老公係想去石澳游水
咁我地去到筲箕灣去轉車 初頭見到地鐡站門口勁多人都冇諗咁多野 但跟住老公去食煙 我去排隊
個班人突然衝曬過黎排同我同一班車!!好彩當時我就快行到 俾6-7個排左我前面
之後仲有十幾廿個係後面~開車時 我幾驚老公黎唔到 最後都趕得到!!
因為岩岩頂左十幾廿個 所以我同老公都仲可以一齊坐^^"
吹下水 訓陣教 好快就到啦~先同老公一齊去搵野食買先~
跟住就去換衫落沙灘 坐係海邊坐野 同老公曬太陽 真係好舒服
同老公好努力玩沙 整張椅出黎~老公個張大好多好多呀><""跟住就落水了~~~
玩到大約7點幾就去沖涼 跟住就搭車去荃灣搵小妖阿歡食真味~
因為張卡就黎到期 本身約左8點半 最後我地都係趕唔到 但佢地知我地遲 所以佢地都遲左出門口~
好快有位啦 我同老公入去先~叫完野食 岩岩好佢地就黎到啦!!!
食完野例牌去青衣完 今日突然佢地又叫打牌^^"老公覺得太貴 所以話要減半既價錢~
點知唔知做咩事!!我同老公今日勁好運 不停食~玩左一圈已經贏左百幾蚊返黎
因為小妖同歡叫眼訓 所以打完呢圈我地都走啦~都係搭的士返去
4月26號﹏﹏
今朝志媽又嘈醒老公叫返工 咁我就係到執屋等幫老公收租~
收完租去淘大搵媽咪飲茶 跟住就去睇梳化啦~先睇實惠 其實睇中左一張勁大陣皮味既~
但爸話no 因為要5千幾蚊太貴~跟住就去直銷睇 都係睇中左一張嫁 梳化床4千幾蚊~
但今次到媽no 佢唔想要梳化床
睇到冇野好睇 最後決定去太古城個間吉之島睇~
點知我地唔識路 搭錯車又轉錯車 不停錯!!!搞左成個幾鐘先去到
跟住就開始行啦~點知第一件買既野唔係梳化 係床單因為雅芳婷做特價~
買完就行去睇梳化 跟住二家姐就到啦~我同二家姐都鐘意第二款高身 "林"既~
但媽咪又唔鐘意 要左張硬D既~我只係幫睇要咩色!!
原本想行多陣 點知二家姐又要趕住去搵廣 係咁吹住食野先
搞到急急腳去食野先 食完好多都關門 行左一陣就走人了~~~~~~
感覺好似浪費左 咁辛苦黎到行一陣就要走><""咁我同媽咪就返屋企啦 直至訓教都係冇電話到
4月27號﹏﹏
今日冇咩特別約左人 所以想同媽咪去電髮 但又怕媽咪唔鐘意去老闆娘到 所以諗住去屋企樓下
但又怕人地早收工 所以飛的返去(我真係好on9!!!唉) 飛左成$93 真係好嬲自己咁白痴!!!!
6點半返到去 點知間野仲on9 收8點!!!!唔夠時間做wo 只可以染髮 仲要成2百幾蚊一個人~
好彩忍得住 走左~周圍行下就返屋企煮野食!!!跟住睇下電視就訓啦~~~
4月28號﹏﹏
老公今日陪我同爸媽食飯 好開心難得老公去邊到食冇所謂~
咁放工就搵老公一齊搭小巴去淘大買左野先 跟住在轉車去曉麗園個邊食一間酒樓~
呢間野好特別 係媽咪睇全單知道呢個地方既~呢間野本身係酒樓
但唔知咩原因 張間野分開左兩邊~一邊酒樓 一邊好似茶餐廳咁 但係打邊爐的~
咁我地就食火爐個邊 好小野食 唔太好食~人就唔識做咁~
搞黎搞去食左2個鐘先走 跟住就同老公去彩雲搵ms 同爸媽搭在轉車!!!
去到老公就同ms吹水 我自己坐係到冇野好做!!!
最後老公仲唔同我返去 自己返秀訓
4月29號﹏﹏
放工幫老公收租 阿Wing過黎等我~一齊搭巴士返秀!!
原本約左老公同小愛黎搬梳化 點知咁岩撞正老公親戚出賓~
志媽又迫老公要去 所以等~我等老公黎先一齊食野 阿Wing同小愛就食先~
等到9點幾10點老公先黎到 一齊食完野就開始搬啦~
哈哈 估唔到一塊板車都可以好好玩~落到樓下 我同阿Wing坐係梳化 老公同小愛就推我地~
KaKi一直追一直吠去到近尾尾個時 轉老公同小愛坐 我同Wing推~
超好玩 返轉頭時~我坐係車上 老公同Wing拉我 哈哈!!好好玩 但原來都好驚~
KaKi又係一直追一直叫 好似驚我走左去咁^^"
跟住係樓下坐一陣就去m記買雪糕 送Wing搭車~
等左10分鐘Wing就有車 我同老公,小愛就返上去啦~
老公沖涼 跟住就佢地2個就開始打機!!!打打打 打到3點幾 我真係頂唔順~
問老公幾點打完 老公話打完呢埸!!最後打打打 打到4點幾~
不過好開心老公今日係到訓 但要送小愛去~所以我又係到頂眼訓等老公返黎!!!
跟住先有得訓><""真係眼訓死!!!聽日仲要返工!!!
4月30號﹏﹏
4月最後一日啦 當然抄錶時候啦!!
放工前知道老公叫左小愛出黎 都諗緊會唔會幫手抄錶~
放工打俾老公 老公仲係公司~都諗唉.....冇嫁啦 都係要去抄~
跟住我就行去老公公司 去到既時候唔見人 只見到枱上得返一個2樓既~
打俾老公 老公先話"係呀 我同小愛抄其他 你去抄呢個2樓得啦"開心死我啦^^"
好快我就抄完係到等老公 抄完曬之後就一齊去APM~
因為Pakco有優惠卷係Nike買任何野都有7折 所以最後我買左件衫仔(好短) 老公買左件外套(我地兩件折左都好貴)
Pakco買左對鞋 小愛買左個背襄 人人有份^^"跟住就去食漢和韓燒!!!
本來唔想食咁油 但Pakco係都要食~所以我都食好小野!!!
跟住就散 老公食到肚仔唔舒服~去左APM廁所屙!!!
因為聽日紅日 所以我可以跟老公返深訓(真係勁勁勁勁勁唔鐘意咁樣既生活!!!!)
上去之前係樓下見到志爸 上到去志媽未訓 係廁所~
志爸幫手係廁所檔住 我跑入去開門!!!嚇死我睇老公打多陣機就訓教!!!
如果有人真係睇 好對唔住~
一次過打一個月既野^^"
