| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2010 年 10 月 20 日 星期三  |
<七宗罪>之解構  |
分類: 未分類 |
七宗罪，屬於人類惡行的分類，但丁在神曲裡根據惡行的嚴重性順序排列七宗罪，他的排序準則在於對愛的遺背程度。其順次序為(由最輕至嚴重來排列)：
色慾(Lust)－色慾泛指墮落的行為，道德的不完全，對刺激的追求，或過份希望他人的認同或接受。
不合法禮的性慾或過份愛慕某一樣事或物，因為這樣便會貶低了神對人們的愛。
同時亦指過強的性慾，例如：獸性。強暴、通姦、雞姦等，都是色慾最極端的罪行。
貪食(Gluttony)－現代的觀點認為「貪食」指浪費食物，或是過度放縱食慾、酗酒或屯積過量的食物。
雖然在過去，任何因輕率而剩下的，都包括在貪食的定義中。
而貪食也可以包括一些破壞性的行為及過份貪圖逸樂，物質濫用或酗酒。
貪食的定義中包括了「沉迷」，所以，貪食除了指食物外，對任何事物的過份沉迷也給包括了。
貪婪(Greed)－與貪食一樣，是一種希望佔有比所需更多為之貪婪，尤其是指金錢上的過份追求，是人為了會腐敗的東西，放棄永恆的東西。
與貪婪有關的罪惡包括背叛、不忠、叛國、尤其是為了個人利益的。
搜括及聚積過量財富，偷竊，打劫，尤其是以暴力或欺詐的形式，或借助權力而得到的財富，總括而言,貪婪是過度熱衷於尋求金錢上或權力上的優越。
怠惰(Sloth)－浪費時間，懶惰是未能全心愛上帝，未能全副精神愛上帝，未能全人之心靈愛上帝。
最主要是指精神上的懶惰!具體來說包括懶惰、怯懦、缺乏想像力、滿足及無責任心。
暴怒(Wrath)－源自憎恨而起的邪惡感覺，復仇或否定他人，在律法所賦與的權力以外，行使懲罰他人的意慾亦被歸作憤怒。
過份的警戒、對他人有傷害的意圖。它也包括對他人無理的憤怒，例如因種族引起的歧視。
因暴怒而引起的罪都是大罪，例如殺人、歧視、大屠殺等等。
妒忌(Envy)－妒忌跟貪婪一樣，是一種因為不能滿足的慾望而產生的罪惡。
首先，貪婪通常跟物質財產有關，而妒忌則跟其他方面有關，例如愛情，或他人的成功。第二，妒忌的人的慾望，通常建基於他人的失去。
妒忌可以令人對他人的不幸袖手旁觀，甚至為他人的悲慘遭遇而感到快樂。因對方所擁有的資產比自己豐富而心懷怨怒。
傲慢(Pride)－傲慢被認為是七宗罪中最原始，最嚴重的一項。
期望他人注視自己或過度愛好自己，因擁有而感到比其他人優越,把自己定位成比上帝或他人更優秀的存在或對自己的喜愛變質成對相鄰者的憎恨和輕蔑。
傲慢被認為是所有罪中最致命的，因為路西法就是因為傲慢而墮落，最後成為了與神對抗的魔鬼撒但。自負與自戀都是這種罪惡的產物。
* 貪婪：失控的慾望，是七宗罪中的重點。
* 色慾：肉體的慾望
* 貪食：胡為的慾望
* 妒忌：財產的慾望
* 懶惰：逃避的慾望
* 傲慢：卓越的慾望，是七宗罪中最嚴重。
* 暴怒：復仇的慾望
2010年10月19日(星期二)
放工入天水圍同細佬睇<童眼>,唉~同預期差唔多...
彭氏兄弟個金漆招牌已經末落,套野根本唔恐怖....係咪依家已經冇恐怖嘅鬼片?
睇完送佢番屋企,冇法La...佢俾人摧番屋企~
自己行左去食野,全程呆左...或者依幾日嘅事已煩到我傻左..
2010年10月20日(星期三)
因為就黎離開Payroll & HR,所以今日約左Cookie、Wing、Ivy同Twinnie一齊食飯
哈哈,衰仔wing食食下飯笑Cookie又爛面又醜樣,真係笑死我
Cookie又勁搞笑,無論表情定講野....
跟住周圍影相
 Ivy、我、Twinnie同Cookie
 冇化粧嘅Rainy~都唔明點解d女人一化粧可以靚咁多...= =
放工衝去圖書館
唉,趕到嘔....我係掃書囉!!得大概1個鐘時間,喺參考圖書館同成人圖書館喪睇喪揾
搞到勁頭暈....因為如果打得成風,圖書館會唔開,要借就襯依家....
我係睇到人地熄燈趕我走..
唉...d書又本本都聖經咁厚!
不過今日真係開始諗到<妒忌>個構圖,雖然同樣唔會比<聖徒>、<圓寂>畫得咁好
但起碼唔會乜都諗唔到,而且<貪食>同<妒忌>真係好考畫功...所表達嘅野亦將會係<七宗罪系列>中最深奧、最難明
眼見自己d畫功一幅比一幅退步,淨係幅<怠惰>已經夠我嘆一句: 呢d都叫畫?真係想死!
講真,<七宗罪系列>至今係冇一幅我滿意嘅作品....我點先可以畫到好似<撒旦系列>咁呢?
我要努力努力!!
|
| 2010 年 10 月 18 日 星期一 |
代價  |
分類: 未分類 |
上個禮拜做過d乜真係唔多記得
因為個腦non-stop式不停運作
總算冇白費努力,一星期內畫左3幅畫
要完成埋<饕餮>(貪食)同<妒忌>真係唔係容易嘅事
最大嘅絆腳石係靈感閉塞,可能之前睇<人鬼神>,<降頭>同<墮天使聖典>所得來的靈感已喺之前3幅畫用左
琴晚睇完畢彼特套成名作<七宗罪>,的確令我諗通左d野
<饕餮>個畫面頓時閃左閃喺個腦度,大概個構圖我都諗到
至於<妒忌>...可能因為我本身就係七宗罪 - 妒忌嘅代表
所以所諗嘅都好先入為主,唔能夠好客觀咁解構何謂<妒忌>
不過確實套戲令我對<妒忌>多左份了解
為左再揾多d靈感,我將會去銅鑼灣間中央圖書館睇多幾本書,因為嗰度d書多d齊d
希望可以搵到但丁本<神曲>同<失樂園>,相信會有幫助!
同事問我,為乜要畫<七宗罪>?為乜要咁趕住畫?係咪為左送俾人?
其實真係唔係為左要送俾人,只因為做任何事,都應該有頭有尾!
決定左要做嘅事,就唔可以馬馬虎虎!要盡自己最大嘅努力去完成佢!
一係就唔好做,要做就要做到自己能力做得到嘅最好!
跳舞係咁,當初係我自己話要跳,所以一跳,就不停練,希望跳到最好!
一年前,因為成年都冇畫過畫,所以求求其其畫左幅<色慾>當交差,算係俾個交代自己...
但畫得<色慾>,就唔可以停手唔畫其餘六宗罪,所以畫<色慾>嗰下已預左接下來嘅作品都會圍繞住七宗罪
不過我都覺自己好過份!上年畫完<色慾>,到今年七月尾先畫<傲慢>....冇可能一年畫一幅,畫足7年先完成<七宗罪系列>架嘛!
上半年冇畫真係因為成個上半年都冇乜用過個腦
我咁趕只因為興趣,希望自己快d完成到<七宗罪系列>
不過因為我d畫風都係暗黑系、較悲觀,要畫得有靈魂,畫畫嘅人本身都唔可以持有開心樂觀嘅情緒
當我個腦日日夜夜都充斥住呢d野嘅時候,情緒亦會被拖挎
其實係被靈感拖挎,定係我刻意拖挎自己嘅情緒來迎合自己嘅靈感,我都不太清楚
只記得08年尾,我畫左幅至今仍係最鍾意嘅<圓寂>,嗰時我足足用左3個月時間黎平復自己....
嗰陣係down到眾叛親離(哈..誇了吧),不過幅<圓寂>嘅意境真係有別於其他作品,總比依家嘅<七宗罪系列>好吧!
依d係咪所謂嘅藝術家脾氣?? 或者所有野真係有代價!
依幾日心情真係一日差過一日
工作上非常煩惱
諗靈感亦諗到好煩
仲有...唉,或者我真是不值一提吧..多謝阿Yu同炮炮聽我呻...
依幾日只記得,16/10星期六同細佬、BB、皓文、Janet等人去尖咀睇詩雅跳舞,仲見到電眼姐姐添
17/10星期日去葵涌村表演<First Magic。H>,元祖豬黎睇~之後細佬無端端請我食飯,問佢點解..佢話: 細佬請阿哥食飯係咪唔得先
<七宗罪系列>已送左幾幅畫出去,而且亦係依照嗰個人最大嘅特性而送
1.<色慾> - ???
2.<傲慢> - 林智衡
3.<暴怒> - 譚海健
4.<貪婪> - 劉孝健
5.<怠惰> - 梁奉茹
6.<饕餮> - ???
7.<妒忌> - 預計俾自己 |
| 2010 年 10 月 17 日 星期日 |
| <七宗罪系列>之<怠惰> |
分類: 未分類 |
講真,<七宗罪系列>真係諗得好辛苦....
係日諗夜諗,完全冇俾個腦停低過,都唔知會唔會過熱爆炸~
本年度第4幅作品,亦是<七宗罪系列>第5擊
 <怠惰>
(製作時間: 5小時,製作日期: 16/10/2010 - 17/10/2010)
其實呢幅我真係畫得好懶好HEA,完全唔OK囉....但竟然畫左5個鐘,係<七宗罪系列>中用左最長時間==
 畫到我隻手勁痛....d關節位紅唒同甩皮囉....
<色慾>,<傲慢>,<暴怒>,<貪婪>同<怠惰>都相繼面世,接著就會進入最後倒數階段...
淨番就係最難構思嘅<饕餮>與<妒忌>,相信需要用上一段時間先諗到...
不過上天安排得好好,好似個天想助我一臂之力咁~
今晚國際台會翻播畢彼特套<七宗罪>,希望可以從中攞到d靈感...^^THX姑姑嘅提醒...
|
| 2010 年 10 月 16 日 星期六 |
日中而移，月盈而虧  |
分類: 未分類 |
千算萬算都不如天算
千錯萬錯都不可一錯再錯..
從來,燈籠都只會用紙或膠所造,
極其量會用埋果皮造...
但冇人會用牛皮造......
物盛而衰，樂極則悲! 日中而移，月盈而虧
世間上的一切都難逃興盛衰亡的命運!
牝雞司晨又好,當權者昏庸無能又好
到最後.....國破家亡、改朝換代係在所難免..
要知道一剎那嘅光輝真係唔係永恆
人嘅運數都總有用完嘅一日
始於,風光嘅日子,從來都唔會太長久..
小心自己條後路吧,朋友 |
« | 4 | 5 | 6 | 7 | 8 | 9 | 10 | 11 | 12 | 13 | ... | 17 | »
|
