(Ｐ.Ｓ　以後或者會隔晚寫一次）

早上６點４個字俾老豆叫醒左，諗起張Ｄｒｏｐ科既Ｆｏｒｍ，即時彈落床搵，不過似乎唔多順利，一路瘋狂咁搵搵左１０幾分鐘先搵到，睇到老豆都幾唔耐煩下。執拾一下之後，７點２個字出門口。

去到地鐵站，岩岩好有班車，見到光＆文上左車，我亦都二話不說加快腳步行入去。行返學校途中吹水多數都係吹下打機心得，返到學校仲有１０分鐘剩。今日風都算相當之大，ｏｋ涼，不過始終都係會流汗（可能我熱底既關係）

第三堂果陣測Ｃｈｅｍ，大部份都識，不過好遺憾第２條因為無帶計數機而ｄｕｍ左勁耐，所以成份卷都係做唔曬（其實仲有ｄ係直頭唔識做）不過我諗都唔會太低分既。

之後兩堂數學，呢兩堂既時間係過得奇快，唔知點解就上完，食飯。見到阿姐係門口，諗住佢都係拎飯過黎，點知只係拎左Ｉｖｙ果盒過黎，我果盒失蹤，無辦法唯有自己去搵，搞左差唔多２０分鐘終於有飯開，食完飯之後拎埋本書上去禮中堂，不過上到去就係度吹水多，無乜點睇。

下午兩堂生物，愈上愈眼訓，連最後一堂英文要Ｑｕｉｚ都無理，結果Ｔｒａｃｙ用十分之不滿既神情望住我果張得個名既卷。Ｑｕｉｚ完之後用Ｓｐｅａｋｉｎｇ果本書，理所當然既我又無帶到（同Ｃｈｕｅｎ放學果陣佢走黎問我係米要同Ｔｒａｃｙ玩對抗．．．？？）放學補Ｐｈｙｓｉｃ，黃Ｓｉｒ話放學搞掂完ｄ班務就過黎，搞下搞下佢ｄ班務搞走左７個字去，成班都問下佢到底佢係米真係搞班務．．．然後開始做練習，讀左咁耐Ｐｈｙｓｉｃ，除左中三熱學之外做題目做得最醒既就係而家既靜電學．．．幾乎題題都識咁滯。

放學之後，Ｐｌａｎ定玩到咁上下先做ＳＢＡ，跟住玩到食完飯就去左做ＳＢＡ，不過都仲係未做曬，但已經累啦．．．聽日繼續吧。
－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－
係唔係因為我工作太少呢？可能我都應該試下２４小時完全唔夠用果種感覺先得。能工作，能創作，往往可以擺脫沉淪，或者我應該多Ｄ工作，多Ｄ創作，話唔定對我好處多羅羅。
－－－－－－－－－－－－－－－－－－－－－－－－－－－－

早上，７點半起左身，計算一下功課要用幾多時間．．．似乎唔駛好耐，於是決定打機今晚先做。一路玩巨商，都好耐無同肥聰一路傾一路玩，不過聽到佢似乎有ｄ不滿．．．幫佢唔到。

玩到１１點，維修，於是去左溫Ｃｈｅｍ，中四既野做左無數次，而且係我專長既Ｃｈｅｍ，其實唔溫我都唔會肥，不過為左好成績，都係溫下好。

１２點半，食完飯，ＭＳＮ問正去唔去Ｌｏ仔屋企，等左好耐先答我去，於是１點出發。

去到Ｌｏ仔屋企，見到佢同一班毫無實力既隊友玩緊，理所當然既係輸左。然後佢走左去玩生化４。我就去裝隻幻三３黎玩，玩果陣唔知係因為ｄ戰鬥動畫太華麗定係點，連Ｌｏ仔部機都疾疾地，難怪我屋企完全唔掂。玩到咁上下，閃左去玩勁舞，耐無玩既我一開始唔係好得，玩下玩下就返左黎，仲多左個紀錄。

然後去左睇Ｌｏ仔玩生化４，真係有趣，邊會有特務著西裝打曬呔戴曬帽去做任務架．．．仲要打ｄ類似喪屍既生物。睇到主角咁既打扮，我諗女主角會唔會著全晚禮服出現呢？結果令全場爆笑，女主角著住盔甲出現．．．ＯＭＧ，遊戲設計者諗咩架．．

返到屋企，食完飯之後去睇一擲千金，難得一見有人Ｈｏｌｄ住３００萬個箱呢，不過佢都係２４萬就賣左．．．．．．知足常樂嗎，我會記得的。

聽日又要返學啦，好多野搞，先休息一下。
－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－
知足常樂嗎．．．很有道理呢，慾望好多時都係痛苦既根源，知足既人無乜慾望．．．喜樂係必然既。能夠做到知足嗎？．．．唔清楚，而家既我只係要一班好朋友就夠，咁算唔算知足呢．．．？
－－－－－－－－－－－－－－－－－－－－－－－－－－－－

朝早９點醒左，似乎我的確係訓唔到太晏既人黎，琴晚１點先訓今朝９點醒左，又係８個鐘，睇黎我既諗法都無錯，只要訓夠８粒鐘就行得走得，唔駛多。玩玩下電腦果陣突然全ｍｏｎ黑曬，重新開機之後直頭連畫面都無．．．試左幾分鐘都係咁，無辦法之下唯有去睇碟解悶。１１點果陣Ｊａｎｅｔ打俾我話教會無人．．．下午既節目咁就無左，至於約安琪呢件事根本唔需要當係節目，如果佢出現既話就係巧合，如果唔出現就係平常。

無野做唯有去Ｌｏ仔屋企，睇完佢玩左一場信長之後佢去左玩生化４，難到有電腦用既我就走左去玩巨商升下Ｌｖ咁。升到咁上下返出桌面，光ａｄｄ，話佢又黎。收到安琪既ＳＭＳ話佢食完飯打俾我，不過我十分之清楚佢唔會打，呢餐飯根本無食完既一日。

光上左黎之後，文又打俾光話佢又上黎，然後光又打俾正叫埋佢上黎。都好耐未試過５個人齊曬。吹下水玩下野訓下覺咁就過左一個下午，如我所料安琪無打俾我，既然對方無意栽花，咁我唯有尊重佢，畢竟人地萬人迷係唔得閒理我呢Ｄ咁樣衰既人。

返到屋企，開電腦，仍然係唔得。食完個飯之後問宜ＢＢ有咩解決方法，跟住佢講既去做之後，開得返，真係唔該曬宜ＢＢ，不過仍然係需要問光借碟黎搞掂。收到第８段既我都無去玩信長，一黎我唔知會唔會玩玩下出事，二黎我想先將我諗到既野寫低，於是呢個晚上就用左黎諗個故事點寫。寫到咁上下停手，累啦．．．聽日繼續。
－－－－－－－－－－－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－
巧合呢樣野真係無得強求，要黎就黎，佢唔黎就做乜都無用，最犀利一次小欣果件事，咁多既巧合都俾我遇到．．．雖然我仲諗緊到底係米宜ＢＢ暗中策劃既，不過同我電話號碼差一個字呢樣野已經算係個相當了不起既巧合。只係係我眼中由人講出黎既巧合好多時係不可信，除左神之外社會上所有既事我都要親眼見過先會相信各樣，不可能既巧合。
－－－－－－－－－－－－－－－－－－－－－－－－－－－－－－－－－－－－－－

琴晚偷懶無寫野，向大家致歉

早上，同老媽子拎左零用，執左執之後返學。同以往一樣，都係係個幾乎遲到既時間返到去（基本上夏令時間都係幾乎遲到果陣返到學校）一開始既早會，雖然我有心去聽，不過都記唔曬所有內容，於是將成段說話既精華記落黎

『每個人都係一枝玫瑰，人要學習同人相處既時候點樣令自己唔好刺傷人。』

第一堂中文，個人演講．．．唔知邊日到我呢．．．今日個人演講果個人選擇既新聞係客機爆炸果件事（無睇新聞乜都唔知既我，聽緊果陣都有少少冷汗）真係第一次聽，睇怕我以後要睇多ｄ新聞。數學堂後半段用半睡半醒既狀態上，好彩Ｊａｎｅｔ叫返醒我

小息完之後就係上最擔心既生物，聽完格離班再加上以前既經驗，呢個阿ｓｉｒ教生物既功力係我眼中一向都唔多好。不過上完之後又似乎唔錯．．．班別歧視？好班先教得好ｄ？？？ＯＭＧ．．．

Ｌｕｎｃｈ之後都無咩特別，好快做完ｄ野，好快咁過左３堂，又放學。返到屋企，開ＭＳＮ同人傾左幾句之後，出發配眼鏡。去到佢先同我講要預約，因為已經滿曬人，結果約到１０月頭（有冇咁多人眼有問題呀．．．）

晚上食完飯之後無打機，走去睇爸爸閉翳。本來唔多鐘意時裝片既我特登去睇佢，因為呢套野教既人生道理相當之多。之前某集所講既『第一位』令我又沉思一個晚上。今晚既主題．．．『親情無價』更加令我諗左好一陣子。Ｂｌｏｇ其中一個功用又係電視上展示俾人睇．．．不過我諗我地呢ｄ小人物點都無可能做到閔大人咁勁。

愈黎愈累既日子．．．
冬天來了，準備好一切面對吧。冬天來到的話，春天也就離我們不遠了。
－－－－－－－－－－－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－
呢星期不斷咁諗，係米因為會考所以我失去左好多野。諗深一層，我到底失去乜野，正如校長所講，失去係因為曾經擁有。但一直以黎我並無擁有過任何野，又點樣可以稱為失去。既然本來注定唔係我既野，即係根本我就唔會有機會去擁有，又點會失去呢。
－－－－－－－－－－－－－－－－－－－－－－－－－－－－－－－－－－－－－－

返學第二日，做好一切準備之後７點２個字過ｄｄ出發，不過比預定都係遲左成４分鐘。去到地鐵站，無熟人，車到果陣見到文，於是同佢一齊上左車。返到學校仲有成１０分鐘，新翼又未搞掂ｄ工程，無得過去坐．．．唯有就行行企企咁等到打鐘排隊。

頭３堂都係英文，２個幾月後再次見Ｔｒａｃｙ，好似唔同左少少．．．不過算啦。好神奇佢居然無收功課，不過對我黎講問題不大，橫掂我一早做曬，但係ＳＢＡ既Ｄｅａｔｈ　Ｌｉｎｅ係下星期三．．．似乎星期六日都要去準備一下先得。然後就係去做個ＦａｓｔＷｒｉｔｅ．．．ＤａｙＤｅａｍｉｎｇ．．．嗎．．．寫完之後就係一個Ｔｅｓｔ．．．起初做果陣都唔錯，不過愈做愈無精神，後面既如同亂做。

小息之後第一堂係基教，等左好耐老師先到。今次呢個代課老師居然，姓樊，難得一見既姓氏。呢當佢做既野就係不停咁問一Ｄ人問題，抽唔中我，係好彩定唔好彩呢？跟住中文堂，余小玲上既呢２堂比起我相象中要好好多．．．可能未來既日子會有似樣既中文堂上．．．或者可以幫到我Ｄ爛到無得再爛既中文。

Ｌｕｎｃｈ都無乜野做，照舊上６樓搵人吹水，吹到咁上下落返課室準備上堂。跟住２堂物理，真係唔好彩我又訓左．．．仲諗住全年唔釣魚添，點知第一日就訓埋．．．上完物理就入左禮堂聽講座．．．基本上ｄ資料大部分都十分之有用．．．起馬我知道Ｄｒｏｐ左Ａ.ＭＡＴＨＳ之後會有咩結果。

放學返到屋企，拎張物理ｗｓ出黎諗住做，點知望左下，唔識既．．．乜次次我訓佢就走黎講重點咁可惡．．．做左半張之後唔理，諗住玩，點知維修緊，咁唯有去睇下碟。萬金游既處事態度我都真係想學，凡事只向好果方面諗．．．可能我麻煩會少好多。

晚上，睇完爸爸之後突然間好多野諗．．．呢集既對白實在勾起我太多記憶，太多諗法。睇完之後，玩左陣，再去ｏｎ　ＭＳＮ，見到安琪上左，都係時候。同佢講完要講既野之後就ＯＦＦ左ＭＳＮ，唔理佢有咩反應都好，我而家只係想考好個會考，即使佢答我ＮＯ，我諗都要會考後先會再放返Ｄ時間俾佢，畢竟我潛意識話我聽佢絕對會阻住我讀書。關左ＭＳＮ之後同馥宜傾左下計．．．不過實在太累，聽日再講俾馥宜聽啦。
－－－－－－－－－－－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－
唔淋水既花好快會死，久唔久淋下水既花亦都難逃死神既魔掌，得少少水用既花又點會開得燦爛，事實同理想始終係兩回事，正如遊戲同現實既關係一樣。有Ｄ事，我可以做多好多次，失敗左可以再黎，只係人生好多事都只有一次，失敗左就係失敗左，即使再黎過亦都唔會改變失敗呢個事實．．．我既路，仍然係正確，現實有好多事例講俾我聽，我而家要做既到底係乜。就算養到個女幾大，始終佢都有離開我既一日，就等佢自己出去，趺到佢醒為止吧。
－－－－－－－－－－－－－－－－－－－－－－－－－－－－－－－－－－－－－－