早上．．．無人上ＭＳＮ，唯有就自己走去玩ｗａｒ３，玩下農奴大戰又玩下秒殺咁，而家ｄ人真係．．．自己唔夠人打又唔認輸係度話Ｒｅｓｔａｒｔ．．．

下午２點，同安琪一齊返教會。路上佢一路問我問題，我亦都樂於為佢解答，佢肯不停咁問我，點都比大家無野講搞到個氣氛鬼咁尷尬。返到去教會，除左我地２個就得一個我唔識既男性。搬好ｄ櫈之後我地就坐低黎傾計。２點半，聚會就正式開始啦，今次既歌曲係Ｙｏｕ　ａｒｅ　ｍｙ　ａｌｌ　ｉｎ　ａｌｌ，十分不錯既旋律，輕鬆，不過唱歌同我無乜緣啦都係．．．每次認真既，大聲既唱歌個頭就會痛，愈大聲愈痛．．．雖然我唱歌唔好聽，不過都想Ｊｏｉｎ下佢地．．．．．

第一個活動好似數字球，叫對方個名，然後掉舊野俾對方（根據Ａｄａ既供詞我地掉既係ＢＢ黎．．．！）一開始都掉得幾好，不過隨住Ａｄａ愈掉愈多野，後面既人就愈黎愈亂，我之後既人似乎都試過接唔住舊野。第二個活動係我好耐無接觸既解手，第一次分２組解，好輕易地解完，不過跟住果次就慘，解極都解唔開，唯有放棄再黎多次，第三次大約用左３個字解完。過程之中好多人即使好辛苦（要ｋｅｅｐ住某ｄ姿態真係好慘架），不過大家仍然笑住．．．真係好有一家人既感覺，無論遇到咩事大家都會一齊解決。第三個活動就慘．．．畫畫，我弱項中既弱項．．．基本上都係亂畫多，寫都接近亂寫（因為我熟果ｄ大部分都係唔駛寫要畫）最後我睇返人地畫自己果陣真係無言以對，不過評語．．．岩定錯我就真係唔清楚啦．．．咁多畫之中畫得最令既係安琪果張，不過點解我硬係覺得好鬼似我某表姐個樣．．．．．．

聚會結束之後，我同Ｊａｎｅｔ帶安琪去玩．．．．．（唔識串個名）一個講求智慧，運氣既遊戲，運氣呢樣野一向都同我無乜緣．．．又或者去曬第度．．．

返到屋企真係好累．．．不過無去訓．．．晚上無乜特別事，玩左場信長，不過似乎因為太耐無玩搞到家下生疏曬．．．橫掂就開學，生唔生疏都無乜所謂。玩完之後同小希傾計，同佢分享一ｄ關於寫小說既事，我要求Ｊｏｉｎ佢寫小說既工作．．．因為見佢寫得好開心，想試下．．．終於我都有機會用上平時係街上用黎亂諗野既幻想力。

聽日去肥聰屋企做功課．．．不過我最注重既其實係佢部電話．．．佢有手提都係近日先知，仲要同我同樣係３台．．．背後肯定有段故事．．．

累了．．．休息啦，如果唔係唔夠精神幫小希寫野
－－－－－－－－－－－－－－－－－－－－－－－－－－－－－－－－－－－－－－－－－－－
記錄：因為之前個頭像愈睇愈覺得係女性，所以做左少少手腳令佢睇起黎係男既
          （變性．．．！？！？！？！？！？！？）
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

緣份真係一樣好有趣既野，同時間一樣，佢唔受人控制，可以為人創造好多野，亦都毀滅人好多野。緣份有冇毀滅到我ｄ乜野．．．唔清楚．．．應該有．．．不過我逃避。一直我都只係望緊緣份俾我既野．．．教會一班好朋友，我３個死黨，呀泉，安琪．．．等等未來既日子會有咩事呢．．．真係唔知，路已經行到黎呢度。傷，我受過，開心，我亦有過．．．黎緊既野就係我人生第一大考驗．．．．．．我既花會唔會因為我少左淋水而開得唔令呢．．．賭一賭吧．．．！

或者我棵果樹死左．．．都係因為緣份既關係．．．
－－－－－－－－－－－－－－－－－－－－－－－－－－－－－－－－－－－－－－－－－－－

毫無特別既一日，除左係不停咁玩秒殺之外就無做過其他野，今日ｄ運氣似乎幾極端，一係就抽到超勁，一係就抽到連基本攻擊能力都無既．．．．．．

下午實在太無聊，走左去睇賭神。睇左咁多次都係咁好睇，之所有鐘意睇賭神並唔係因為我鐘意賭錢，而係高進呢個角色既冷靜，智慧，現實有個智慧咁高既朋友就好。

晚上走左去ＤＬ埋賭神２黎睇，呢一集有Ｄ令人不安既鏡頭（即使明知係假既）不過整個劇情就更加體現到主角既係幾咁冷靜，智慧有幾高，佈局佈足一年黎對付敵人，而且能夠瞞過曬所有人，中間毫無破綻．．．唔知我有冇機會擁有咁既作戰技巧．．．算了，先休息，今日實在悶到令人想訓
－－－－－－－－－－－－－－－－－－－－－－－－－－－－－－－－－－－－－－－－－－－
記錄：Ｎ／Ａ
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

經驗始終都要經過實戰先有，一味紙上談兵根本乜都做唔到．．．不過既然經驗係要經過實戰，咁代價自然就係傷害，不論身體上定係心靈上都好，無人想受到傷害．．．除非到左關鍵時刻

希望自己面對任何事都冷靜，如果唔係實搞到自己魚皮，魚皮食得多對「身心」都無乜「益處」
－－－－－－－－－－－－－－－－－－－－－－－－－－－－－－－－－－－－－－－－－－－

６點幾醒左，又試睡眠不足，起身開機，仍然係乜都玩下咁，然後上ＭＳＮ，８點左右接到安琪既Ｍｓｇ，佢想今日去打機．．．ｏｍｇ我乜準備都未有，考慮左一下，泉又走黎問我「咩事」，討論一番之後，好啦去就去。只係我刻意地唔同佢地一齊食，因為呢２日食得太貴，另外．．．．．．．．．．．．．．．．．．．．．．．．．．

１２點２個字左右係地鐵站同泉分道揚鑣，真係有趣點解佢唔上車，明明無論佢要去邊度都係要搭呢班．．．Ｆｉｎｅ。返到屋企，收拾一下，通知光＆正去打機。然後洗洗個頭（作為懶鬼的我並唔係日日都洗頭，通常隔１，２日）１點出發去佢地樓下等佢地，大約２點到左Ｉ－ｏｎｅ

史無前例既多人，原因不明，等位都等左幾耐下。打機中間都無咩特別事，即使我真係好想有（當然只限良性既特別事）不過似乎因為網吧俾唔到我某一種感覺，我未有最佳既狀態，而且時不時會頭腦．．．．．．玩到咁上下過左去安琪果邊，因為佢地要睇我玩Ｈａｎｄｓ　ＵＰ．．．當然係狀態不佳既情況下未能夠滿足佢地４８６,０００既願望，不過似乎佢地對於我既成績都極度驚訝．．．希望下次我可以做得更加好。玩下勁舞又玩下Ｗａｒ３，４個鐘好快過。特別要同小希道歉，應承左話陪你玩點知我玩玩下又唔見人，係呢度獻上萬分歉意。

離開Ｉ－ｏｎｅ果陣大約６點，我同光＆正商量一下之後決定去左Ｌｏ仔屋企。係佢樓下，就係入升降機果一刻，一把好「Ｑ　ｔｙ」既聲係耳邊響起『喂！你ｄ豬朋狗友又飛短訊俾你啦喎，睇定唔睇好呀？』所有人呆左陣，發送人係一個我唔識既人，內容更加係怪．．．我幾時有朋友叫阿傑．．．似乎係唔覺意Ｓｅｎｄ錯左，不過咁都有得Ｓｅｎｄ錯．．．Ａｎｙｗａｙ，因為佢係３台所以我都唔介意問一問情況（因為佢問果位叫阿傑既係米３台，所以我有８０％覺得佢都係３台）問一問之後果然係Ｓｅｎｄ錯．．．令人無言左一陣子．．．短訊都Ｓｅｎｄ錯．．．？再打聽一下，佢叫欣．．．睇到呢度，我沉思左一下，然後拎起電話問小希，再三確定之後，呢個人果然就係今日本來小希要介紹俾我識既人，我諗真係巧合到無得再巧合．．．咁難Ｓｅｎｄ錯既短訊俾佢ｓｅｎｄ錯．．．仲要係想ｓｅｎｄ俾一個電話同我只係差一個字既人．．．仲咁岩佢錯左黎我個電話度，最神奇既係佢居然係今日本來我應該要認識既人黎．．．．．．不如我去買下六合彩或者去玩下一擲千金，咁難既巧合都俾我中到．．．

返到屋企，上左陣網，之後去研究Ｈａｎｄｓ　ＵＰ，將研究成果俾左泉之後就去同小希傾計，之前聽過佢有寫故事，今晚同佢拎左黎睇．．．相當之不錯，以明星們作為主角既愛情故事，不過遺憾既地方係好偶爾會有一，兩句廣東話。睇完之後．．．到我寫，材料都收集得差唔多．．．休息
－－－－－－－－－－－－－－－－－－－－－－－－－－－－－－－－－－－－－－－－－－－
記錄：
Ｎ／Ａ
｛Ｐ.Ｓ　或者大家覺得記錄呢柵根本無用，做咩要打出黎，其實我係用黎俾我自己知道幾時做過Ｄ咩變更．．．｝
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

有時候我地真係唔清楚到底眼前既只係純粹巧合，定係背後有人策劃。回想起今日既事真係令人認唔住「奸」笑幾聲，難得有令女同我咁有緣．．．
嘿嘿嘿嘿嘿嘿嘿嘿嘿嘿．．．．．．

仍然係草莓最好食，連糖都係咁好味，不過以後我都唔會再種草莓啦，唔知下次我會種咩果樹呢
－－－－－－－－－－－－－－－－－－－－－－－－－－－－－－－－－－－－－－－－－－－

早上，老豆終於有工返，不過因為佢返得早所以佢今朝亦都好早叫醒我．．．ＯＭＧ，無辦法鬼叫今日要返去補Ｃｈｅｍ．．．

朝早６點幾我諗大部份既朋友都未起身．．．唯有自己搵計解悶啦。乜都走去玩下，巨商啦勁舞啦ｗａｒ３啦．．．ｅｔｃ

９點出門口返學，岩岩好落緊大雨．．．都好耐未試過雨中慢步既感覺，今朝終於有機會再次細味一下。話唔定此刻落雨比較岩我

一入到課室，家俊就飛埋黎同我收錢．．．可恨．．！！我又要同人借錢先有晏食．．．吹下水，聽下書，抄下ｎｏｔｅ，有段時間係度訓覺，冷防不防被腸哥兩指一插！成個人醒曬．．．Ｏｒｚ．．．話咁快就１１點半，去食Ｌｕｎｃｈ啦．．．既然借開呀泉既就一於借到底，琴日＋今日借左佢５０蚊，同老媽子兌換返ｄ港紙聽日還錢先得．．．呢２日真係大出血，３０幾蚊既Ｌｕｎｃｈ足足食左２日．．．家下窮到．．．

返到學校，居然走黎ｔｅｓｔ．．．乜書都無溫既我只係識做第１，２題．．．靠Ｃｈｅｍ搵食既我睇黎要奸爸爹先得。然後又係講書既時間，聽下啦，到左３點３，閃人啦（之所以會係３點３只係純粹巧合，同Ｍ記廣告無關）

返到屋企，上黎睇左睇．．．久違既衰女包居然．．．出現左。會心奸笑左下，正好我而家想種花呢，你既出現太合時．．．嘿嘿嘿嘿嘿嘿嘿嘿嘿．．．．．．．

再上勁舞，又見到久違了既大佬，原來佢前排去左美國．．．不過真係可惜佢去唔係玩．．．另外心怡第一次主動搵我．．．丁點兒驚訝．．．唔知以後佢仲會唔會咁主動呢

成晚係度上網，無去打機．．．搵資料都搵到累啦．．．休息
－－－－－－－－－－－－－－－－－－－－－－－－－－－－－－－－－－－－－－－－－－－
記錄：
變更背景音樂：君は僕に似ている（你與我何其相似）呢首音樂比較乎合而家我既心靈
滑鼠旁邊加左個鐘，要好好珍惜時間呢（多謝正仔俾個鐘既語法我）
換左個頭像（比起蔥頭，而家呢張更加似我既心靈）
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：
「你的身姿與我何其相似」或者呢Ｄ就係緣份．．．

「我只想活在我選擇的時代中 僅此而矣」正如呢句歌詞一樣，而家既我，只係希望能夠係現實之中，同我一班最好既朋友，一齊尋找我地所追求既野，呢樣就係我既選擇

努力地，悉心地打理我既花．．．到底邊一盆花會係下一盆價值最高既花呢
－－－－－－－－－－－－－－－－－－－－－－－－－－－－－－－－－－－－－－－－－－－

畢竟時間係最好既毀滅者，所有既負面感情隨住我訓醒，消失曬。理智返曬黎，係時候去思考一下我應該要去解決既問題。

７點鐘起身，開電腦，仍然回憶住各種過去．．．畢竟打擊都唔細．．．橫掂無咩做，打機吧

９點，起行返學，本來仲諗住佢會落雨，不過除左熱死我之外天空無落過一滴含有Ｈ2Ｏ既物體

畢竟大家好耐無見，返到去坐底就係傾，話題多得很，不過都係離唔開打機。不過我插嘴既時間實在係少，我仍然需要時間去復原我受傷既地方．．．

中午去左又一城食ＫＦＣ．．．以前好鐘意食炸雞既我居然會食到舊炸雞難食．．．睇黎．．．
食完又係吹水時間，吹下吹下就到左１點３個字，大家都有協議唔返學，於是泉同我就搭地鐵返屋企，其他人就去左睇戲
「過左今日就安全」泉同我最後結論．．．講得無錯

晚上我知道左好多事．．．友情先係最可貴．．．我何必去諗其他。估唔到一個人一句小小既說話影響力有咁大．．．我真真正正既醒過來啦。

一直以黎帶俾我唔少歡樂，多謝妳。今後就請妳用朋友既身份黎評估一下我到底係個咩人

Ｉ’ｌｌ　Ｎｅｖｅｒ　Ｇｉｖｅ　ＵＰ　Ｂｅｃａｕｓｅ　Ｉ　ｓｔｉｌｌ　ｈａｖｅ　ＦＵＴＵＲＥ

玩完場信長之後，問左安琪一Ｄ事，教左佢少少野．．．累了，休息吧
－－－－－－－－－－－－－－－－－－－－－－－－－－－－－－－－－－－－－－－－－－－
記錄：
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

我真係失去左？或者我永遠都答唔出係，定唔係。因為我唔知道自己有冇曾經擁有過，無擁有過，又何來失去呢．．．

我一直都相信，我失去一樣野，因為呢樣野本身唔屬於我，而且我一定會得到一樣更好既野，因為呢件事係神所應許。

今次我所學到既野絕對比失去既多
舉起你的手來吧


－－－－－－－－－－－－－－－－－－－－－－－－－－－－－－－－－－－－－－－－－－－