７點幾起身，因為今日要返大陸，唔知有幾多人唔想我走呢．．．嘿嘿

Ａｎｙｗａｙ，８點鐘搭的士出發，８點半去到碼頭，一切都好順利。

跟住落黎就係搭船，原定９點鐘開船，到左９點０７分先開．．．Ｏｒｚ

坐個幾鐘頭既感覺雖然唔係第一次，不過實在唔好受，好彩有帶手機，聽下歌發下夢，終於係１０點５個字到左南沙港。

過關好順利．．．咦，隻尋毒犬好似肚餓喎，不停咁「索」我罐餅乾，個警衛都叫我放低袋野俾佢睇睇，Ｆｉｎｅ，睇吧睇吧，無野喎，之後又叫我俾個背囊佢睇「依袋野唔帶得入境架喎」我聽到呢句野，望左果袋野一眼，水果一袋，再望望右手邊個牌「不淮帶下例物品入境．．．．．『水果』．．．」ＯＭＧ．．！！不過你收起人地Ｄ水果應該唔係拎去餵狗掛，食唔食都未知．．．

返到屋企食完晏之後大字形咁訓左係床上，實在好累，訓醒先算

一訓醒就俾人捉左去做作業．．．有Ｄ後悔點解要帶佢地返黎．．．不過唔帶好似仲衰．．．因為我完全唔識做

死下死下咁做到７點半，開飯啦．．．山哥哥都黎埋，都幾熱鬧下。餸菜相當之唔錯，餃子啦．．．雞啦．．．蝦啦．．．

食完之後又做左陣作業．．．跟住沖個涼，沖完去搵周公分享分享

－－－－－－－－－－－－－－－－－－－－－－－－－－－－－－－－－－－－－－
記錄：
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－
每日隨想：
人既能力真係好渺小．．．好多野都唔係靠自己可以做得黎．．．必須要有一班好伙伴，一班肯用真心相處既好伙伴，做起任何事黎都可以事半功倍
－－－－－－－－－－－－－－－－－－－－－－－－－－－－－－－－－－－－－－

早上８點起身．．．呢２日都唔知做乜咁早．．．Anyway,玩陣巨商先算

玩完．．．９點，ＭＳＮ仍然係無人，做咩好呢．．．不如去玩下ＨandsUp吧

上到去玩左場，神奇既事發生啦

Ｏｈ　ＭＹ∼！！點解會咁架，居然有人同我「同」名！？！？！？不過．．．有問題，佢好似專登黎搵我架喎．．．

同佢玩下玩下，終於佢都同我ＳＨＯＷ左張牌出黎
不過真係估唔到，月舞居然走去扮男仔黎玩我，平時佢都忙於打機，今日又會咁得閒．．．Ｆｉｎｅ．．．跟住玩下玩下，又閃多個小妹妹入黎，呀怡。真係好鬼可愛，我講我５９９磅佢都信．．．嘿嘿，跟住玩Ｃ４玩到咁上下就ＯＦＦ左，之前先問呀怡拎左個ＭＳＮ，然後就上左黎

下午一上到去零屋企同樣見佢「ＣＳ」ＩＮＧ．．．然後睇佢玩ＷＡＲ３，跟住５點落左去屈臣氏交電話費，ＳＥＮＤ６４條唔同台ＳＭＳ既代價就係３８.４．．．然後買左合益達既糖黎食，都仲係草莓好味，跟住去左Ｍ記，食左杯朱新，一個豬柳蛋，又唔見左１８蚊．．．

返到零屋企，去左搵呀怡玩，佢同我講佢成６日無食過野．．．！？半信半疑，然後玩玩下出現左咁既情景

真係唔係有心蝦佢架，不過．．．嘿嘿嘿．．．然後就去左玩ＢEATＵＰ，玩下玩下寶貝又過埋黎，一路半睡半醒咁玩，一路睇住２個小妹妹爭第二，都幾抵死。玩到咁上下呀怡去左食飯，寶貝都ＯＦＦ埋，又係我單機既時間，今日又有少少進步
４００ＣＯＭ達成，下一目標應該就係５００ＣＯＭ．．．繼續奸爸爹

晚上，食緊飯果陣，呀怡打黎．．．傾左陣內容唔記得左既計，再食，過左５分鐘，佢又打黎，今次我提出要求２０分鐘後再打黎。食完飯，同零＆光＆正玩ｗａｒ３正規果陣，呀怡又打黎啦，不過似乎佢想喊咁．．．ＡNYWAY，人地叫我米理．．．ＦINE。跟住有人打俾佢，收左陣線，２分鐘左右，第四次接到佢電話，今次傾閒計傾左１０分鐘，跟住佢話２０號晚我返到屋企又要打俾我．．．ＯＭＧ．．．

離開香港直至２０號先返黎，朋友們加油吧，為左果一個不斷追尋既夢想努力吧

－－－－－－－－－－－－－－－－－－－－－－－－－－－－－－－－－－－－－－－－－－－
記錄：
發現人數計唔駛用語法，轉左人數計既樣式
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：
真係好有趣既一日，到底咩係正確，咩係錯誤．．．到底幾時鬧人係正確，幾時係錯誤．．．

每件事都有無限多個可能性，無一個可能性發生既機會係０％，同樣地亦都無一個可能性發生既機會係１００％，我能夠做既，就係預想出所有可能性，對所有可能既事計劃出所有可能行既方案。
－－－－－－－－－－－－－－－－－－－－－－－－－－－－－－－－－－－－－－－－－－－

今朝８點幾醒左，上到ｍｓｎ仍然係無人，開著手機，接到盈小妹妹一個ＳＭＳ．．．
「咩叫ＲＡＭ」．．．．．．

無野做上巨商搞搞震，玩左大約個令鐘就落線（驚佢又回潮．．．）

再開ｍｓｎ，婷姐姐有上線啵，搵佢傾下計仔先，乜都傾一餐咁傾下傾下就到左１１點幾

仍然係上去玩左３場ＨANDS　ＵＰ!!!，仍然係果個數．．．繼續加把勁ＩＮＧ

下午去左零屋企，都未行到門口已經聽到ＣＳ既聲．．．而家Ｄ人真係．．為左贏真係花招百出

跟住睇佢玩左場信長．．．乜對面所謂既神手就得Ｄ咁既實力．．．！？訓下晏覺好過啦．．．

跟住去左研究愛因斯坦一題推理題，佢話有９８％既人答唔出．．．真係不幸我都係９８％之中
．．．．．．「原來德國人咁鐘意養金魚．．．」

睇完多啦Ａ夢之後去左睇黑糖，一睇就睇第五集．．．不過無咩所謂啦，之前睇惡作劇都係跳住黎睇，最記得既野得２樣，王子個角色果種冷酷既態度，同埋丫頭把聲

睇完之後去左玩陣勁舞．．．頭開始暈．．！？同人玩左幾場之後走去單機*５，終於我又向我既目標行近多左一步仔

晚上，食完飯之後，實在唔知做咩好，於是走左去ＤＬ返ＷARＯFＴHEＷORLD黎睇，記得第一次睇果陣緊張到手心冒汗，今次明顯輕鬆好多。最鐘意都係第一架機出黎果個場面．．．一野踩爆架車果下真係好鬼正．

－－－－－－－－－－－－－－－－－－－－－－－－－－－－－－－－－－－－－－－－－－－
記錄：

改左相簿個標題，終於搵到方法用自己打既野黎做標題（雖然係夾硬黎既）

－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

世界上唔會有事一開始就注定失敗．．．只要你願意任何事都可以做到．．．當然如果有人想做一Ｄ事去破壞，毀滅另一Ｄ野，佢必定係會失敗．．．不論佢既計劃有幾完美

無論冬天有幾凍，始終有一日都會被和暖既春天取代。
－－－－－－－－－－－－－－－－－－－－－－－－－－－－－－－－－－－－－－－－－－－

今朝唔知點解７點幾醒左．．．琴晚成點半鐘先訓．．．馬馬虎虎咁令個BLOG多左少少野．．．搞到成點半鐘
長期睡眠不足啦，咁玩落去實出事都似

起身仍然係做果幾件事，刷牙洗面開電腦打機，仲有一件每日都會做既事，玩３場ＨANDS　ＵＰ!!!

不過玩左咁多場，都仍然係４２０，０００∼４５０，０００．．．有待進步ＩＮＧ

下午，搵極佢地都唔見人,原來琴晚去曬玩通頂．．．結果無地方好去既我就唯有留係屋企

跟住聰叫到，就去左陪佢玩巨商，同以前一樣，都係玩下玩下個ＳＥＲＶＥＲ就會唔知咩事ＳＨＵＴ　ＤＯＷＮ

無得玩巨商，走左去玩秒殺，冰妖巫好好玩呢，邊個行埋黎邊個死∼！不過第二場就慘囉．．．我都唔駛行就死．．．

哈．．真係風水輪流轉，乜都做下咁又到左晚上

晚上食左餐唔錯既晚餐之後，諗左陣，決定搵小瑤傾下計仔咁，話曬大家都係朋友，咁耐都無傾過一句點都講唔通

傾到咁上下，做埋小小「廢物」處理之後就同零＆光＆正玩ｗａｒ３．．．有輸亦有贏，有過癮既，亦都有令人發火既

．．．都係時候沖個涼，訓下覺，發個好夢

－－－－－－－－－－－－－－－－－－－－－－－－－－－－－－－－－－－－－－－－－－－
記錄：

加左個鼠標
掉左個蔥頭上黎
「美化」標題（都唔知係定唔係）
－－－－－－－－－－－－－－－－－－－－－－－－－－－－－－－－－－－－－－－－－－－
每日隨想：

我期盼，因為我得到機會；我期待，因為我知道機會正向我臨面而來；我期望，因為我可能失去機會
－－－－－－－－－－－－－－－－－－－－－－－－－－－－－－－－－－－－－－－－－－－

見到幾個兄弟都開曬ＢLOG黎寫,手痕自己又整一個黎玩下

仍然係無乜特別既一日,不過今朝起身晏左好多,成10點先起身

刷完牙洗完面,著電話,接到安琪一個留言,佢話佢阿媽又有事要陪佢去睇醫生返唔到教會...

望左望個天,見到天色都唔多好,索性我自己都無返到

下午上網睇緊野果陣,零話光問我去唔去佢屋企,見橫掂無咩做就去左

去到就見到正玩緊ＰＳ２,零玩緊CS...跟住就係一路睇住佢地玩,一路拎野食,到佢地出街睇戲

返到屋企食完飯之後,開始執下個相簿,執完之後停左手一陣,諗左下,然後我個ＢLOG就出世

－－－－－－－－－－－－－－－－－－－－－－－－－－－－－－－－－－－－－－－－－
記錄：

ＢLOG既出生日
加入背景圖,背景音樂
加入標題
－－－－－－－－－－－－－－－－－－－－－－－－－－－－－－－－－－－－－－－－－
每日隨想：

反正無論日子有幾辛苦，都會隨住時間而消失．．．要做既事就只有開開心心過每一日
無論遇到咩事

－－－－－－－－－－－－－－－－－－－－－－－－－－－－－－－－－－－－－－－－－