開學第二日，今日訓多過琴日１個鐘咁大把，不過仍然係唔夠訓。早上落住唔太大既雨，相當之清涼，都好耐無試過「擔」住把遮行返學。７點８個字左右到地鐵站，仍然係光最快到，唔通今年日日都會係佢最快．．．？期待

返到學校，帶點先驚慌，因為我所有要交既野都無拎返學，雖然我知林ｓｉｒ唔會為難我，不過少少驚在所難免。收通告果陣，乜野都唔駛做既我唯有擔下天望下地，林ｓｉｒ見我咁得閒就叫我去點下ｄ通告夠唔夠數，終於唔駛再無所事事，不過我仲未點完果陣佢走黎教書．．．Ｏｒｚ．．好彩Ｊａｎｅｔ坐我格離，幫我抄左ｄ要點。

小息之後係各社既會員大會，好早到會場既我唔知坐邊好，唯有就係行行企企咁，慢慢多人起黎，我都搵個位坐低，不過就無熟人坐我格離。坐我格離果個人好大陣汗味，即使我有少少鼻塞都仲聞得出．．．真係難頂。

放學之後同光＆正去左食碗仔翅。返屋企換衫，再食個晏，食食下接到怡ＢＢ打黎既電話，同佢吹左陣水之後佢話返到屋企再打俾我。出發去Ｌｏ仔屋企。

終於佢都打完生化４，最後Ｂｏｓｓ竟然係隻『菜鳥』，用我地既語言就係廢柴，淨係識Ｄｕｍｐ波鐘，不過個樣就好核突。Ｂｏｓｓ死左之後估唔到仲要玩快艇，Ｌｏ仔死左幾次先過到，我地３個旁觀者既結論係，玩快艇仲難過打果隻最後Ｂｏｓｓ。

返到屋企之後，做埋ｄ功課，食個飯，沖個涼之後上黎寫埋野，準備休息，聽日正式上堂，今年絕對唔要釣魚發白日夢。
－－－－－－－－－－－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－
再好玩遊戲始終都會完結，無論花幾多時間上去，得到既不過係一種感覺。我地可以將現實中一Ｄ工作視為遊戲，抱住輕鬆但不馬虎既態度去做我地既工作，自然事半功倍。雖然現實某Ｄ情況下可以當做遊戲，但遊戲無論任何時間都唔係現實，將遊戲當做現實就只會為自己帶黎痛苦，現實同遊戲要共存幾乎不可能，即使可以將工作視為遊戲，但本質仍係現實．．．．．．
－－－－－－－－－－－－－－－－－－－－－－－－－－－－－－－－－－－－－－

今日第一日返學，訓得５粒鐘既我係６點半果陣好唔情願咁起身。刷個牙洗個面之後開機，上網睇下野玩下ｇａｍｅ咁。重裝機之後個勁舞裝唔返．．．仲好，或者係命運安排好．．．既然係咁我都唔勉強。

返到學校，見到以前果班人換曬高Ｆｏｒｍ既衫，有些少唔習慣。最期待既係新黎果２位女性，對於新野一向都好好奇。開學禮，１個字講曬，悶，即使個宣教師講得好有道理，而且都幾生動，奈何我訓得太少，釣魚在所難免。專注嗎．．．未來既一年我就以呢樣野為目標吧。

第一次黎到５Ａ班既課室，估唔到會係新翼呢邊，好聽就叫新翼，難聽就叫山卡啦地方．．．正常情況下就得我地呢班，不過都幾好，少Ｄ人係出面路過煩住曬。編位果陣特意要求坐最前果個位，阿ＳＩＲ好爽快咁答應我，不過要我Ｃｈｅｍ會考拎Ａ，如果唔係就斬我．．．Ｏｒｚ

放學之後同光去左冰冰樂食晏，一面討論下大家今日既野，佢地都幾唔好彩，睡衣人做班主任．．．虧．．．食完之後，Ｌｏ仔未返到屋企，唯有返自己屋企先。

大約２點７個字，接到光電話，出發去Ｌｏ仔屋企。去到之後又係睇佢玩ｗａｒ３，一邊吹下水咁。然後到我玩果陣就玩左陣勁舞。６點，開巨商，無反應，上官網，４個字，延遲開機．．．預左，不過居然延遲到晚上１０點先開．．．ＷＴＦ。

由放左學之後一路同宜ＢＢ係度ＳＭＳ，不過似乎今日無咩趣事可以分享，唔知聽日會有咩事呢．．．？１２點，係時間訓覺，雖然都係唔夠訓，不過訓得咁多得咁多。
－－－－－－－－－－－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－
要黎既野始終要黎，要走既野始終要走，唔係我既野我唔會留，係我既野我絕不放手。
－－－－－－－－－－－－－－－－－－－－－－－－－－－－－－－－－－－－－－

今朝起身都成９點半．．．應該係最後一次晏起身啦。坐係電腦面前，除左打機之外仲有係度不停咁諗好多野．．過去呢２個月真係發生左太多事，一個早上都未能夠完全消化曬所得到既野。唔理啦，做埋英文個閱讀理解先算．．．

中午，食完個飯之後見到正上線，問左佢一下一陣下午有咩搞，佢話佢地去買野，橫掂下午得閒既我就決定跟佢地去搞搞震。下午２點去左Ｌｏ仔屋企，見到佢爸爸媽媽仲有佢契媽係度打三腳麻雀．．．奇怪，呢個年頭好少有人咁玩架啦喎．．．唔理，行入ｄ見到正係度玩緊Ｗａｒ３，Ｌｏ仔好努力咁趕緊工，我就坐係度睇，同埋同宜ＢＢ　Ｓｅｎｄ下ＳＭＳ咁。Ｓｅｎｄ下又睇下，到左４點半，出發去黃金買野。

一路上同以前都幾似，都係２個２個咁分批吹水，不時換下人黎吹。去到黃金下層，正似乎諗都唔駛諗咁就行左去一間都幾大既舗頭度（印象中幫襯過好多次）大伙兒企係Ｄ喇叭面前係咁睇係咁睇，最後Ｌｏ決定左買某某喇叭，之後正先走去買Ｍｏｕｓｅ（人地睇喇叭果陣做乜唔去拎定先呢．．．）買完之後，去左３Ｓｈｏｐ度，印象中我未取消返要收錢而我又唔用既服務，於是去問ｄ職員，不過原來發現我已經取消曬（記憶中係某早上佢地打電話黎我同佢地講唔要的）然後正話去Ｍ記，大家就出發。入到去，企係「路中心」既我地係度商量緊買乜，Ｌｏ仔有帶優惠劵，唔知係米咁既原因所以佢買餐，我同光買左杯朱新（次次食雪糕都係朱新，ＭＦ！）正就買左杯菠蘿特飲（根據口供呢杯咁既野要１０蚊．．．貴）返去既途中，正又用多１０蚊去買包尤魚黎食（我未買過黎食）我就行左埋去同佢拎ｄ黎試下，味道相當唔錯，有ｄ後悔我無買返包。上到Ｌｏ仔屋企，霸住左部機黎玩，走去玩勁舞，似乎我Ｂ既技術仲進步緊，睇住藍色既英文字不停咁出現ｄ感覺真係唔錯．．．同步就慘ｄ，不過已經無咩所謂，橫掂都要準備會考無咩時間會去玩。大約８點，我同正都閃人啦。

返到屋企，第一時間重裝部機，準備好之後就去左食飯。食完之後又去左陪老豆睇監獄風雲．．．吾．．．學粗口睇呢套野就岩曬，佢地講得爽時我地又聽得入耳．．．不過都係少聽為妙。睇完之後返黎睇睇部機，裝好左。不過ｄ程式又要重頭整過曬．．．唔理啦，上黎寫低今日既事，休息，係時候習慣早訓。
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
原來有好多野都係存在係我既身邊．．．只係我一直都無發覺，即使我不停咁觀察，仍然有好多野我係發現唔到．．．或者只有我肯真真正正用心去感受一切既時候，先可以完完全全既識得珍惜我身邊所擁有既，而唔會去盲目追求果Ｄ永遠都無可能既野。

新一年開始，收拾好自己既一切出發去尋找自己所想既，一直以黎所追求既果個，將會到手既夢
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－

今朝早上，仍然係的唔起心肝做功課．．．諗住下午先做啦咁就（自然就係放棄左返教會既事，因為數埋數埋實在好多野未做）於是早上走左去玩。中午同正＆光去左買野食，買完之後去左Ｌｏ仔屋企，當然帶埋功課去啦。

去到之後，第一件事係開餐。今次食車仔麵，唔知點解要左小辣，而且叫左勁多野食，足足３３蚊，叫得小辣既我係光去惠康買野飲果陣就買多２枝野，預防一陣勁過頭，不過今次似乎無野，上次同文叫小辣，感覺好似食左成個鐘咁（定係佢果次俾左中辣我地？）Ａｎｙｗａｙ，食完野之後坐係度等消化，順手睇正玩寶石ＴＤ，完全係爛ＧＡＰ一個，迷宮都唔駛起都可以贏到．．．睇完之後就去左開工。不過可能因為人太多既關係集中唔到，做左陣之後就出去睇Ｌｏ仔玩生化４，睇下睇下趴左係地下訓著左。

醒左之後，第一樣映入眼既，係一條啡色既，蟲形既怪物，起身問左下，原來Ｌｏ仔打緊第４－５關既大佬。呢隻咁既野，心諗安琪見到的話３００％會暈低，不過對於我地呢４個人黎講當然係無野。唔知係米因為Ｌｏ仔掛住傾計既關係，係佢用完藥水補血既下一秒隻野就秒殺左佢（連骨都無剩．．．哈）跟住再打過，不過我慢左出聲，搞到唔知到底點解個死矮仔可以變到咁大隻大怪物出黎。睇佢打到打ｄ黑色既人形怪物（似乎係某ｄ實驗失敗既作品），救返條女之後，又走左去做兩做ｄ功課，不過始終都剩返相當之多。

７點，光收到屋企送黎既「十二道金牌」（我肯定呢ｄ金牌金既含量十分之少，因為好多都係氮氣同氧氣黎）唯有即刻返屋企，於是我同正就留低係度玩。玩到８點半，我地都走啦。

返到屋企，開完飯之後，陪屋企兩老睇賭神２，睇過唔少次，不過仲係咁好睇。唔覺唔覺又到左１１點．．．上黎寫低今日既事，再休息一下，聽日係時候爆Ｓｅｅｄ。
－－－－－－－－－－－－－－－－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－－－－－－
一直都認為時間係最貴，亦係最唔值錢既野。無論我地用乜野，甚至用上自己既生命，都唔可以買到時間，１秒都無可能。所有人每日都只有２４小時，有錢既人可能用好多野先換到既空間時間，平凡既我隨手可得。暑假又結束，漫長既５０幾日又過左，呢５０幾日入面真係好多事，時間帶走左我好多野，亦都教識左我好多野。未來既日子，希望我可以繼續，打理好我每一盆花之餘，仲可以繼續尋找我想要既野。開學啦，又係時候去讀下書，奸爸爹時間到。
－－－－－－－－－－－－－－－－－－－－－－－－－－－－－－－－－－－－－－－－－－－

今日好早就醒左．．．次次有事既日子都係咁晨咁早醒左，搞到又唔夠訓．．．ＯＭＧ

早上搵小儀＆小希傾今日既野，為左唔好魚皮問定穩陣Ｄ．．．

中午１２點３個字，到左鑽石山地鐵站果間漫畫店．．．好醒目既標題，叫「十大書坊」．．．Ｏｒｚ．．．不過都有Ｄ書既，小說黎，但係我幾乎肯定睇一本同睇曬全間舗既書分別差唔到幾多。
小希未到，於是我閃左上荷里活行左個圈，見到娜娜開緊工，不過無去拍佢，因為實在太難拍，次次佢身邊都有Ｄ野遮住曬．．．行到差唔多，返落去地鐵站等小希。１２點７個字，小希出現，不過佢出現既地方居然係荷里活個出口，原來佢唔係搭地鐵黎，係搭巴士黎．．．Ａｎｙｗａｙ，寒喧一下之後決定先去食野。路過娜娜工作既地方，仍然拎起部Ｎ７３諗住影，仍然係同樣既情況．．．影唔到．．．可惡。去到Ｍ記，無位，於是就想去ＦｏｏｄＣｏｕｒｔ，點知一樣無位，再諗住搵仙跡岩，搵唔到．．．Ｏｒｚ。無好提議之下唯有出ＭＫ再諗食野既問題。

去到ＭＫ，第一時間去買左杯珍珠奶茶黎飲，然後出發去買禮物俾小儀。小儀鐘意果隻卡通真係好特別．．．一舊骷髏頭．．．女仔鐘意Ｄ咁既野．．．似乎我真係無乜可能會認識到正常既朋友，連呢２個都唔正常既（小希係「１４歲的媽媽」，所以亦都唔係正常）呢隻骷髏骨既商品唔單止難搵，仲好鬼貴（４８蚊一粒骷髏頭擦膠．．．俾我就用唔起）好唔容易買到樣野俾小儀之後，又同小希去左某Ｄ賣偶像商品既地方，不過氣氛真係唔岩我，全場都女黎，Ｄ商品９成以上都係仔黎．．．去到我都係行行企企咁，小希買左２樣野之後就走，佢同我講佢如果再留耐Ｄ肯定會賣唔停手．．．除左俾個苦笑佢之外唔知俾咩反應好。

去到朗豪坊，上去頂樓等小儀黎。於是我同小希就入左去果間賣ＣＤ既舗頭。第一時間行過去日韓果邊，好有趣居然唔多覺有ＹＵＩ既碟，再睇睇韓國果邊，東方神起掂大多數，不過無論佢有咩碟，甚至有高耀太既都好，我都唔會買，志在睇。收到安琪既電話，佢係藍田岩岩整完Ｄ唔知乜野，話想見下小希，於是我叫佢而家出黎，不過要快。小儀上到黎之後入左廁所，過左無耐，見到安琪居然係由間ＣＤ舗行出黎．．．ＯＭＧ，佢幾時行左入去我都睇唔到，寒喧左陣之後介紹佢俾小希識。小儀行左出黎之後商量左一下，下一站係送小儀身邊果個芷晴去地鐵站（唔知有冇打錯個名啦下）芷晴走左之後我地４個就企左係地鐵站度商量，傾下傾下行左去某商場，再行左陣，小希同小儀話想返去寶琳打機，聽到呢個諗法我同安琪都有少少Ｏ左咀，諗左諗之後就決定跟佢地去玩下，安琪走之前講左句「雲兄你要奸爸爹」，聽完之後諗都無諗就敲左佢個頭一下，衰妹愈黎愈曳啦。

去到寶琳，好奇既我緊係拎住部Ｎ７３係咁影，一路默默咁跟係佢地後面（因為我實在唔知點樣插話好．．．唔係我唔想出聲架．．．）經過新都城第某期同某期（都唔知幾期打幾期）之後去到目的地，八度空間。入到去印象唔錯，起馬無人食煙先。不過Ｄ機就唔多掂啦，偶爾會疾一下咁，不過影響不大。一路玩呀玩咁，唔覺唔覺就６點３個字，佢地話走，繼續睇佢地頭。離開網吧之後，小希話想去坑口某地方睇ｄ野，於是我地就出發行去坑口。十分漫長既一段路，為左就住２位小姐，我不得不用慢過平時接近４倍既速度黎行，路上大家亦都無乜計傾，冷場咁犀利既情況下，我唯有四周觀察一下等自己無咁得閒，突然間見到棟樓個名好大隻字好醒目咁寫住「冠明閣」．．．Ｏｒｚ，應該唔會係用黎紀念冠明架下話。行左接近４０分鐘，終於到左目的地（我諗我自己行的話大約只係用１０幾分鐘就搞掂吧．．．）小希佢地行入去睇左睇，之後返出黎。小儀送我地去到地鐵站就走左。小希要去九龍灣拎書俾佢阿妹，我同佢同路，係車上一路傾。大概小希無諗過我唔陪佢去九龍灣既關係，所以到左九龍灣果陣佢無講ＢｙｅＢｙｅ就落左車，等架車開左之後佢先ＳＭＳ問我係邊，我同佢講我要返屋企，於是今日既約會就正式結束。

返到石硤尾之後我無返屋企，而係去左Ｌｏ仔屋企，至於點解唔想返屋企．．．原因不明。去到Ｌｏ仔屋企，見到阿Ｊｏｈｎ係度好努力咁做緊功課。食完個飯之後，Ｌｏ仔行開左去傾電話。我上勁舞搞掂埋ｄ手尾．．．「逸」呢個字正式既離我而去．．．帶住我不愉快既記憶離開。等阿Ｊｏｈｎ做完功課之後，我同佢一齊走。返到屋企無咩做，可能太累啦，有得玩ｗａｒ３都無去玩，上黎整理一下個Ｂｌｏｇ．．．休息啦，真係累啦。
－－－－－－－－－－－－－－－－－－－－－－－－－－－－－－－－－－－－－－－－－－－
Ｎ／Ａ
－－－－－－－－－－－－－－－－－－－－－－－－－－－－－－－－－－－－－－－－－－－
到底冷場點解會存在．．．？係因為大家已經十分了解對方以致唔要需要傾計黎了解多Ｄ，定係根本唔想俾對方知道自己太多既事所以乜都唔講呢．．．？我諗我２樣都唔係，我應該係第３樣，想問，但係唔識問；等對方問，但係對方唔問．．．Ｏｒｚ．．．

睇黎毀滅冷場既技巧我應該好好向安琪學習學習
－－－－－－－－－－－－－－－－－－－－－－－－－－－－－－－－－－－－－－－－－－－