俾大家睇下我既作品啦!!!嘔心瀝血諗左成晚,查左成晚字典而成既一篇英文小故事:就係o個篇 The Red Velvet Ribbon 既前傳,Miss俾我地做既一張工作紙。

I'm an ordinary woman,marry the rich man later on.Three years ago,my husband fails because of the business.Chased the loan by the creditor.Then,my husband has left me.One dy,the creditor has found me.And they have filled me.Later on after I died,Ihave met the death herald.He has given me a red ribbon.Then tell me this is "Ribbon of death" .You used it for tying up your head.Then you can born-again.

好喇,各位知唔知篇文講咩?文法上唔知有冇錯,但驟眼睇唔似係我作,其實一半我作,一半就係靠我既字典機幫我!!不過有好多字都搵唔到,好似死神呀呢d,於是我把心一橫,改左死亡使者算喇,大概係The death herald呢個字,哈哈,其實只係將死亡同使者既英文合併,但唔知有冇錯啦!!

最近有個blog已經嘗試用英文打,雖然一個月只係打一篇,但好過冇呀。最近好努力train我既English,因為出面咁多人識英文,如果自己唔識好樣衰架,雖然自己只係F.2..........但係我呢d英文白痴應該要儘早學好英文啦,英文成績太差喇,到時會考唔pass就真係死得!至於中文就冇咩咁擔心,雖然有時會唔pass,但我呢d中文愛好者,而且我既工作範圍由寫小說,已經去到作詞既地步,我相信呢,中文呢科最緊要明白,明完之後只要有心去溫就會考得好。不過講就易,始終我對exam都係抱住得過且過既心態,我都唔知幾時先可以對exam認真番。

全國最人氣組合,而家無可否認,真係妳地 —Twins。
其實真係...全香港人從來認定......組合係香港市場係冇可能成功到,但Twins創造左奇蹟!冇人諗過Twins可以撐到而家,個個都以為佢地最多玩半年,但佢地到而家有成6年喇!!好少組合可以撐到而家,而且仲要係咁成功,全因佢地有份人地感受唔到既姊妹情,臨拆夥一刻先發掘到出黎既姊妹情,好彩......最後冇拆夥!其實講真句,雖然組合既始祖唔係佢地,但佢地再一次為樂壇創造奇蹟,因為佢地出道後既相繼幾年,不斷有人以組合既名義出道,攞獎。成績係冇Twins咁驕人,但佢地至少「冇拆夥」,而師弟Sun Boy'Z亦係樂壇既奇蹟之一!!!

再一次恭喜妳地!恭喜妳地一直o係我地Fans既心中放左有6年多既時間,6年....support左妳地6年,呢個6年真係得來不易,其間有好起有跌,但妳地都一一跨過,上天對妳地既考驗通過左一半,以後條路仲有好長,但我地仍然會對妳地不離不棄。
妳地九成時間都係工作, 每日只有兩、三個鐘訓覺, 有時候離譜d既,係三四日冇得訓, 一般人所享有既訓覺時間, 對妳地黎講竟然係遙不可及, 知道咁真係為妳地而心痛,孖女妳地真係要小心身體呀,妳地所做既一切都係為我地,我地知架!!每一次知道阿嬌拍戲搞到盆骨移位,又或者係Charlene感冒菌入腸呀、胃腸炎而入院,我地真係心痛死! 孖女,真係要Take Care,拜託!!!妳地曾經o係叱吒頒獎禮講過:「我地每日都要keep住我地既人氣,如果冇左人氣,我地就做唔到我地想做既事! 」呢句野,好刻骨銘心,真係....我地鐘意既係妳地,係妳地既精神,係妳地既努力,其他野都唔會介意,亦希望妳地唔好介意妳地做得唔好,因為仲可以努力,仲可以做好,我地唔希望因為妳地既介意而再令自己受傷。

Charlene,永遠o係台前都係一個好活潑既人,無奈妳既辛苦都要擺o係心底,因為冇可能因為自己而令所有人收唔到工,於是妳就一直撐,撐到最後,真係撐唔到就入院喇!每次收工既時間都係凌晨三四點,每次開工無論o係邊度都訓得着,睇得出妳地真係好攰。妳地既攰係我地既二十倍呀!!但當妳地一出到台前,即刻唔同哂,好明顯妳地真係好like企o係台上既感覺。
阿嬌,唱歌拍戲永遠都唔咪咀,唔用替身,因為妳專業,想每分每秒都做好!但當知道你拍戲而受傷,又到我地心痛既時候,知道自己既偶像為自己而努力,心情難以形容。

唉,可憐,可憐既人氣偶像,點解一做左人氣偶像就冇哂d私人空間?我情願佢地從未出現過,但出現自令我地真係真正愛上妳地!見到你地而家咁真係好心痛,但你地都一定要撐落去,撐到最後,我地既心會陪住你地退休,雖然係二十年後左加既事,你有排都未到,但我地會陪你地到最後。無論你地既歌或者戲做出黎好唔好聽,好唔好睇,我地...都一一接受,因為我愛妳地!!!!!!!雖然妳地人氣高左, 已經好難接近, 但仍會默默support妳地!!
我們相愛6年,呢個回憶永遠留藏我地心底,希望如妳地所願,有Twins既七周年、八周年、九周年、十周年.......祝妳地永遠都健康開心!!!

Success--究竟心目中點先係成功?徐Sir堂上問過,當時第一時間就係諗到 : 只要做任何事都有盡力,Do the best呀,而且係問心無愧......只要做到咁,我認為已經係最成功。不過講真,連我自己都唔知自己有冇做過咁成功既事,不過,All on nothing嘛。但好想知道大家心目中咩係Success,大家請留個言分享下啦!

之前分享完最近既Exam,今日分享完自己既成功心得,嘻嘻,又到最緊張既時候喇!!!到底係咩??當然係.......又係RC.......啊,都係唔好,留番o係Xanga先Share,因為.......RC...悶!!好,就等本人又再一次Share自己既白痴Theory,當冇野做時最好講番一兩句。其實最近見到既比之前多左,覺得原來感情係真係好脆弱(唔係愛情o個種!!)就好似我同d Freind咁,大家睇法不一,然後又係咁呦,其實明明真係佢講既唔啱,又o係度同我嘈,明知同我嘈係冇意思,因為我講既野佢都聽唔明,太深奧~(哈哈,講笑!)

但好似尋晚咁,我地一齊搭車番屋企,然後我地傾傾下就傾到去中文既短講,又由中文既短講俾我拉到去Chinese成個科(個範圍大o左~),跟住,佢話自己讀書唔關識唔識事,而係關上堂有冇Careful(其實兩樣都係Same架o者!)然後我就話,如果你唔識,你唔明,咁Exam既時候,又點會明白份卷講咩呀?咁你份卷又點會有分呀?點知佢之後講,咁你唔明咪去問囉,問到你明為止!

哈哈,其實係我講得唔夠Clear,定係佢既理解能力差?我已經講得好清楚,佢都唔知自己發生咩事,仲要係咁呦,唉~真係冇眼睇!而且當時我地o係車上嘈,成班人係咁望住我地,我就話唔care,自問我冇講錯野,但佢就...竟然咁盲目去呦,都唔知好嬲定好笑!