| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
傾傾下,點知.........  |
分類: 朋友,同學 |
放左學之後,我同艷麗行
同佢行完之後,就去買杯雪糕 食
一路食一路行去巴士站
到左梨木樹,佢地(錦芳,錦鳳)話去OK買野食
行過去時,錦鳳就話:
真係呀!!如果係咁呀,就唔好請佢(雨婷)食生日蛋糕
跟住我地就笑左,因為佢地話係我生日果日俾個驚喜我
原來就係生日蛋糕,佢地本身唔想俾我知
但........依家我全部都知道晒
就係咁,驚喜就冇左
唔知佢地係米真係送呢?
|
2008 年 4 月 21 日 星期一  |
好鬼痛呀!!  |
分類: 小學生活 |
小息時,都唔知錦芳做咩,籃住我
佢好鬼大力,整到我打針果個位
嘩!痛到呀...........
呢個馮文康,見到咁,冇啦啦又加多一下
打疽落黎,我就痛上加痛,佢地就爽上加爽
真係令我好憎佢地,楊佳選今日都有打我隻打針位
呢個翁瑞章無啦啦又黎打我果個位
呢幾個人,我唔會同佢地講野2日
佢地分問時間打,楊1點20分左右,翁就2:40左右
文同芳就4:20左右,仲有唔知邊個,唔多記得
佢地打到紅晒同腫晒,都唔理我既感受
其實都唔算打既,只不過好大力撞過黎同好大力捉實果個位
呢d人最令我討厭!!唔想見到佢地
今日好唔開心!! |
| 2008 年 4 月 20 日 星期日 |
話去圖書館,其實........  |
分類: 出外 |
今日去圖書館,要傾下製造圖書d野
去到圖書館,齊人之後,就開始傾
點知........傾.......宿營d野
我地實左太着緊啦!傾傾呀....傾到唔記得左圖書d野
傻左!!sorry!!唔傾得住!下次再傾,bye!!
 我返黎啦!!
講埋落去先,應該講到.......係!係!係!宿營d野
我仲以為佢地去圖書館真係傾製作圖書d野,點知.......
係度傾宿營分組d野,佢地突然又傾製作圖書d野,傾左一陣,唔傾
點解?因為搞掂左,唔洗再傾
又傾返宿營d野,傾傾下,雨婷佢話要走,噢 !!
佢走左冇耐,我地又走去協和3樓傾下,圖書館太多人
去到協和又傾,依家仲囉左本簿出黎,寫底d野
傾晒,寫晒之後,我地諗住走,我又想玩下d game
我地就一齊玩,玩 "街頭籃球",好刺激 呀!!
玩完呢個,又玩下青蛙仔,冇落空,一百幾分,好勁呀!!
之後,見到唔知叫咩遊戲,總之有隻青蛙張開口,跟住彈d波子入佢既口
好難玩,因為佢冇彈力,次次都唔得,除左我
因為我係中間個粒,人間好易彈,但係........d波子次次都俾晒佢地兩個(艷,芳)
唉~ 輸左,不過,遊戲黎姐嘛,所以冇咩介意
跟住我又想再玩""街頭籃球",實左太好玩啦
我地玩對戰賽,我對佢地,我都贏左,哈哈 !!覺得自己都幾勁!!(講笑咋,唔好介意)
跟住又玩,我輸左!  其實冇咩所謂
之後唔玩啦,返屋企,艷麗返屋企,而我同芳,就去7-11
芳話想買野飲($10有自由斟,魚蛋)但我唔想,因為想儲返d錢,今日有15蚊
用左好似10蚊左右,佢就自己買,買左又請臾食,我話唔晒,佢又洗左必殺技
唉~真係慘 我地想請人食,都係用呢招ga!!呵呵~ 
食完,就返屋企
想知係咩必殺技?留言啦!我滿意就話俾你地知
|
| 2008 年 4 月 19 日 星期六 |
| 同艷麗好返!! |
分類: 朋友,同學 |
今日9點左右起左身,之後就刷牙洗臉(當然要做啦)
之後,就開始 畫畫,要做圖書俾低年班既同學睇
好難做呀!!要畫課室,幅幅要一樣既背景
好難呀!!又要畫d細佬係度跑,食野,玩呀
麻煩!!我發覺我好鍾意講麻煩同不知所謂
幾似鹿丸,哈哈!!
畫畫下,覺得好悶,所以睇書 ,唔畫
睇睇下,玩下電腦先!!之後中午,拖左地之後
又畫畫,等陣,我陣間先打返,bye
我返黎啦!講埋先
之後,同cherry傾左製作圖書d野
傾傾下,我問佢係米嬲左我
佢話以為我嬲左佢,原來係一場誤會
真係好啦 唔晒做唔成朋友
好開心呀!幾日既心結,終於解開了!!
希望以後都唔好再發生呢d事
開心 !!開心 !!開心 !!開心 !!
|
| 2008 年 4 月 18 日 星期五 |
又回復那麼忙的日子  |
分類: 小學生活 |
唉~我都唔想第一個字係唉~
係因為我好忙!!
首先要溫書,做功課
之後就睇報紙(呢d都係習慣)
跟住要畫畫,唔好以為畫畫係一件好簡單既事
要畫得靚係好需要技巧ga!!畫完又要填顏色
首先呢要細細力既畫第一層,跟住要畫得比之前既深少少
不停畫,慢慢畫,唔可以太大力,麻煩!!
畫完填完又要寫字,要製造一本圖書,俾低年班既同學睇
都唔知要做幾耐,做完又要畫其他既畫
好啦!唔傾啦!bye |
| 2008 年 4 月 17 日 星期四 |
有意者請參加  |
分類: 自己 |
大家好!!知嘛!5月5日就係我生日啦!
由於5月5日要返學,所以我提早慶祝5月4日(星期日)
想同我一齊渡過我既生日既人,就要黎啦!
我好希望最後一年係全一既生日,會好開心!!
日期:5月4日(星期日)
時間:下午12時至5時半
地點:梨木樹(會去象山買野食)
集合地點:梨木樹巴士總站36號
活動:乒乓球,羽毛球,撲克,食野,傾計........總之有好多活動玩(你地想玩咩,就話俾我聽啦=留言)
想參加既人就留言,留底你既姓名,電話(如果我知,就不用)
有咩意見,都係留言度講底!唔該哂各位!!
至於送唔送禮物俾我,就由得你地啦!! |
| 2008 年 4 月 16 日 星期三 |
| 好低分! |
分類: 小學生活 |
今日我同錦芳,錦鳳去圖書館
我地依家係電腦室度,用緊電腦,而我就打緊blog!
佢地依家好癲,狂笑緊!佢地岩岩先俾人鬧完,仲笑得出
因為鬧佢地既人就係一個圖書管理員,係好矮既人
佢地笑佢好矮,好歧視人!討厭!!
好啦!我要返學校啦!!bye~
我返黎啦!!今日唔係咁開心
因為幾個原因:
1.數學講左評估等級我地聽,唉~超恐怖!
全班有33人,唔合格佔左半班,有19個人唔合格!!有幾個本身90幾分,依家趺到20幾分!嚇得人多!!
好彩! 都有6個同學囉A!黃sir都冇咁唔開心!
仲有同學囉100分添!!黃sir一講有同學100分,成班同學望住我
哂唔哂呀!話我囉100分wow!我就話冇可能啦!
係~上年的確囉過兩次100分,有一次99分
但並唔代表我會再囉ga嘛!!不過,我都想再囉100分!!
2.我唔知cherry做咩事唔like我,成日好似搞針對
上堂時,佢張張抬同我張抬分開,我就合返啦,佢又拉開
我見咁,米廢事睬佢囉!我做我既野,佢做佢既野
老師要我地製作一本圖書俾低年班既同學睇
之前我地幾friend,所以我同佢一組,依家唔係好friend
所以冇咩同佢傾,我就自己做算!唔哂佢做
|
| 2008 年 4 月 15 日 星期二 |
| 評估完畢啦 |
分類: 評估 考試 |
今日考常識同上中文課
嘩!!d常識又難又易,有d答案竟然一樣
難既呢就係事時囉,真係怪平時有睇新聞,就係冇咩睇呢個
不過,都幾識答既!!但又好似唔岩
唉~算啦!!都已成過去,正所謂『往者已矣,來者可追』
大家都要好似我咁呀,樂觀d
考完常識之後,我地六年班要當直,個艷麗好似好嬲
咁又點wow,佢平時都講左我好多野呀,又唔見我嬲
我講左佢幾句,佢就咁嬲 佢係日日都講wow,我只不過係講左幾句
我諗過幾日應該冇事掛,如果佢繼續嬲,我都冇佢辦法
上中文堂都ok呀!幾好玩呀!因為老師突然問你一d野
唔關書本既野wow,好似突擊檢查!!
完左之後,我地要幫柳老師做野,做完之後
我要考口試,超驚,因為要我地扮聲
老師話都唔錯,完左之後,我就要考英文口試,之前係中文口試
考個時,好驚 因為我唔知點解我講得好大聲
之後慣左之後,答得都幾流利!!完左之後
錦芳話我後面囉到29分,ya!!!後面總分係30分
佢又話林惠雲瞄左我幾下同瞄左老師幾下,因為老師係咁讚我good! very good!
算啦!!不過估唔到錦芳佢話我答得好似鬼佬
我話係米呀?佢話真係好似,可能因為上次面左試之後,先變得咁啦
我地跟住去食麥當當好開心我地夾錢買兩個餐,三個人食
食完之後,我地就返屋企,搭車之前,佢地話要去冒險樂園換野食
換完之後,我去地咸田街搭車,估唔到見到林木清個班人
佢地一定係網吧!!好唔好話俾老師知呢大家覺得點呢?
我地上去上面坐,因為下面冇位坐,上到上面見到林遠x兩兄弟
係邊兩兄弟?你地估下啦!!我地覺得好怪,點解佢地會係度?
錦芳就係咁問佢野,呀哥就有答,細佬就..........到大窩口工廠大廈時
見到林木清佢地!!我地唔知點解好興奮!!係咁拍玻璃門
林俊傑轉過頭黎,竟然見到我地!!太恐怖啦!!因為我地相差可能30幾米
之後我地係咁狂笑 好百x!!笑到唔知點!!
跟住到總站,我地就返屋企,錦芳.錦鳳無啦啦扯住我件衫!!
好唔容易先走到佬!!返到屋企,就同大家傾計!!
好啦!!我要加油!!bye!!
|
| 2008 年 4 月 14 日 星期一 |
| 份卷好易 |
分類: 評估 考試 |
今日考數學同中聆
好開心,因為兩份都好易做
嚇得我以為好難做添!!
監數學課既人係鄧sir,唔鍾意!!
佢派卷時,好似嚇我地咁,叫我地寫哂每頁既名
我地都知啦!佢話唔寫,就要留堂寫哂成個黑板wow!!
哂唔哂呀!! 做數學卷時,好驚做唔哂
所以做左5分一題既應用題先,做哂之後
就直落既做,做呀做一路擔心會唔會有d好難做
點知.........一路做一路都冇
真係呀!!原來咁鬼易做!!
仲有10幾分鐘,全部做下驗算,哦!!全部都夠時間做驗算
跟住就睇下d題目,睇睇下,覺得有d怪
原來唔係tick,係要塗黑佢,嘩!!好彩睇到咋!!
即刻就擦左佢,塗返先!!如果唔睇題目,就咁冇左兩分!!
"夠鐘,停筆!!"鄧sir說
佢逐份逐份睇我地有冇寫哂名
佢檢查,我地就睇佢檢查,好無奈 !!
檢查到郁梓駿個份時,有事發生!!
佢用原子筆做!!俾老師鬧左之後,好似冇事發生咁
小息過後,到中聆既時候
全班等緊我!!我都唔知
做既時候,覺得都幾易呀!!不過,我冇掉以輕心
完左之後,要做數學TSA,無啦啦劉主任黎左
佢話要考Oral 嚇到我地都唔知點算!!突如其來既風暴!!
錦芳第一個考,我都估唔到佢咁勇敢
今日唔考,聽日全留係度考,我就2:15左右考
放學1點,要等1個半鐘,所以我諗左食完野之後,去圖書館
好啦!!今日分享到呢度啦!!bye
|
| 2008 年 4 月 13 日 星期日 |
| 加油 |
分類: 日常生活 |
聽日就要評估數學同中聆
中聆係我最差既一科,好驚
我要努力,所以我要少d玩電腦
為左想自己數學叻d,就上網找一d練習做
都算唔錯~不過,我會繼續做
希望找多d練習做啦,咁考試就放 心得多
詩琦竟然41分,我唔敢相信, 不過
我諗佢考試時,唔會考得呾差
因為佢同我講過,試前評估果份難d
但到左考試時,係好容易ga,所以佢應該唔會考得咁差
今日最主要要做既野係:
上網做練習
本身我諗住買返幾本練習做,但諗諗下,
好貴呀,一本可能要成50縛蚊,邊有咁多錢買wow
好啦~我依家要做練習啦,bye~ |
« | 25 | 26 | 27 | 28 | 29 | 30 | 31 | 32 | 33 | 34 | »
|
