| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2008 年 3 月 7 日 星期五  |
好驚呀  |
分類: 小學生活 |
今日,放學之後,我搭車返屋企,
到屋企之前我去睇下信箱,點知.......
點知......見到有一封信,千祈唔好以為係一封普通既信
初初我都以為係一封普通既信,點知原來係可風中學寄黎既信
叫我去面試,我好驚......
時間:9點(早20分鐘到達)
日期:3月30日(日)
要帶家小五,小六既成績表正本,身分證,鉛筆或原子筆
可穿便服或校服
以小組討論及個別談話形式舉行
小組以英語討論
好驚唔識講英文,好驚講錯野,好驚唔識同人溝通,總之乜都好驚
教下我有咩方法,可以鬆弛緊張
有冇人都係揀左可風ge?????
|
| 2008 年 3 月 4 日 星期二 |
唱歌比賽贏左啦  |
分類: 小學生活 |
今日係唱歌比賽，真係好緊張
好早就起左身,大約6點左右就起左身
之後7:00我就出門口,真係好驚呀
返到學校,練習左先再去比賽,練黎練去,都好似唔夠之前好
我一路都好擔心 發揮唔之前既水準
要去大會堂比賽啦,喺荃灣大會堂,第一次咁近學校
之前比賽要去屯門大會堂,鬼死咁遠,但d同學好開心
點解 因為可以用d時間去搭車 少一陣返學 仲要係來回
我覺得好奸,返學真係好辛苦?我就唔覺
好彩今次唔同,去到裏面,緊張 到唔知點算好
就快係第8隊出埸啦,呢隊同我哋唱既歌一樣
老師好驚會影響到我哋既水平,驚我哋會受佢哋既影響
點知............佢哋唱得唔係好好聽,我就放心得多
到我哋啦!!!我好緊張,但我都要扮笑
一路唱,一路感受到d樓梯一路震
震得好勁我好驚,都唔知點解明明已經係第3次參加,點解會咁緊張
可能第一次同上午校既同學一齊演出,以前得下午校有得比賽
最後,我哋唱完就走,返到學校,老師同我哋講,唱得唔錯
我都希望啦!!!!
食完飯,我哋要上堂.而上午校d同學,放學
小息既時候,聽到老師報喜 話我哋囉左亞軍 ya!!!!!!
我勁開心開心到笑得好勁 (只係心裏面)
返到屋企依然仲笑因為第一次囉到獎!!!
|
| 2008 年 3 月 2 日 星期日 |
細佬仔  |
分類: 出外 |
今日，我同錦芳佢哋去玩
首先我哋去象山玩，我哋買支支冰，雪米糍食，買完我哋就坐下來
食食下有個細佬行緊過呢，我哋見到佢好囂張既樣，受唔住
兩隻手撐住條，頭望向天，幾囂張呀
跟住佢坐左我哋隔呢張椅子，佢張未食完既蛋卷dum落地下,
唔食又dum落地下已經好乞人憎既啦,仲要踩多幾腳,踩到碎左,
唔食就算啦,dum落地下,又要踩碎佢,跟住囉隻腳掃幾下,我好罵佢,叫佢唔好咁做
但係佢有唐氏綜合症,我原諒佢,但係如果係第二個我一家會罵佢,叫佢唔好咁做
跟住佢走,錦方無端端叫佢過黎,個細佬就過黎啦,點知...佢原來黎噴蛋卷,佢向住錦鳳噴
好彩,未到位,我哋好驚,米走囉,點知佢追住我哋,一路追一路噴,勁乞人憎
我哋走到座山,佢唔敢再追黎,點知....錦芳話想食多一條支支冰,但係又要行過去 我同錦鳳勇敢d所以我哋就行先
唉!!佢都係未走,不過我哋早就估到,我忍唔住了,我行過去罵佢
"細佬,你知唔知你咁做係好唔"對"ge,你咁樣做會令人唔鍾意,你係唔係想做個唔受歡迎既人?下次唔好咁做,知唔知?"
佢好似聽唔到我講咩,繼續噴,好彩我避得快,如果唔係,又中招
我同錦鳳快快既跑過去士多,而錦芳佢同佢細佬就唔敢行過黎,個細佬突done行過去噴口水(d蛋卷冇哂)
錦芳不甘示弱,同佢一齊噴,兩人展開大激鬥,唉!!!!兩個人真係.我行過去叫錦芳唔好噴,佢就唔噴
跟住,細佬既工人黎左,帶左佢返屋企,真係好啦!!!!!希望佢下次唔好再噴.
買完,我哋就返梨木樹.去到3座,見到有d人喺度打籃球,突然見到林遠....威,我以為自己睇錯野,就行過去睇清楚d
原來真係佢,跟住又見到佢阿哥.佢哋同我哋say hi~不過......都係冇野啦
我哋就去夾公仔,我夾到一隻兔仔,不過cake喺用黎夾公仔既個樣野個度,錦鳳同細佬就合力搖部機,我就叫佢哋唔好搖
搖壞左就唔好啦,最後佢哋冇聽我講,繼續搖,終於搖到啦,我就送左俾佢哋.
玩多一陣後,我就走lu返屋企
|
| 2008 年 3 月 1 日 星期六 |
風紀日營  |
分類: 小學生活 |
今日係風紀日營,好開心!
喺車上.我好似發左癲,不停狂笑
到左啦!!我哋先聽下人哋講野,之後去玩迷宮
以為個迷宮幾大,幾刺激,點知.........好細,唔係好刺激
不過,都幾好玩,第一次玩嘛,同埋d朋友玩
最後,我哋要承諾一d野,陳聰爾代我哋承諾,
果個主持人話好欣賞佢,明明係我寫,不過佢出去講,果個以為係佢寫,係佢諗
不過算啦,名利呢d野唔係好緊要,最緊要我自己知道係我做既,就得啦
自己知道,已經得啦(我成日對自己咁講)
返到學校,仲有時間,我就去唱歌,唱完,曼紅不停同我講你小心d呀,謝偉文好勁ge
講到我好似唔得咁,我就費時聽佢講,自己唱
唱完,見到妙仙,我就問佢成績總分,錦芳佢哋講左小藍既分數,小藍以為係我講
爆左我d分俾佢,果個黃妙仙又唔話俾我聽佢既分數,果個翁小藍話我話俾你聽喎,你話俾我聽你既分啦
好怪奸,我終於認識佢哋既真面目.
都唔知點解佢哋可以咁奸囉
跟住,我就返屋企食飯
點知.......d麵食哂,我就食粥,點知.....細佬起床,佢話要食
最後既雞蛋,都俾佢食左,我惟有自己煎蛋食
食完,又要幫細佬洗碗,我又要洗鑊,洗完d fd 又催我叫我快d落去玩
玩呀玩,我哋去漫畫店借書睇,果個冷淡人罵錦鳳佢哋唔好咁八卦
佢哋好唔開心,咁都俾人,之後我哋去象山
到左象山,我同錦鳳先到,我哋周圍行,見到有擋口,
3蚊7粒魚蛋,3蚊5粒燒賣,好抵
點知艷麗佢哋追到黎,我哋就喱埋,我哋跑去廁所
殘疾人士廁所門壞左,我哋就去第二度,去左隔呢,我見到好似有男性果d柯尿個d.......
我就知我入錯隔.....我即刻出返去,去女廁
跟住,我哋被人找到,我哋就去買野食
真係好好味!!!!!!
跟住,佢哋返屋企,而我都返屋企溫書
|
| 2008 年 2 月 29 日 星期五 |
| 今日係不二周助既生日 |
分類: 自己 |
今日係不二既生日
生日快樂!!!!!!
|
又發脾氣  |
分類: 小學生活 |
今日，我ｄ朋友黎梨木樹做功課
先去我5座做,後來因為好嘈
所以去左錦芳既樓下做
做呀做,錦芳同艷麗去買野食,我同雨婷繼續做功課,我做生活隨筆做到傻左,做左6頁左右
做完,我返屋企囉錢食野,錦鳳黎我屋企,我幫佢寫blog
之後錦芳佢哋黎左我屋企門口,我就俾佢哋入黎,
佢哋喺我屋企玩,我好驚俾人罵,我就好唔開心
佢哋以為我發脾氣,咁我就發脾氣俾佢哋睇,佢哋不叫我唔好嬲
跟住我哋去象山,我哋去買雪米糍,支支冰,中學d人放學,我見佢哋囉住d野食,我就去睇下
有炸署餅,x樂雞,我哋就買左炸署餅,真係好味.
行返去,佢哋提返起話我唔係唔黎未?我就發火,係你哋叫我黎ge,又話我
錦芳話要返屋企,艷麗佢哋就搭車返屋企,點知艷麗仲未返去,我就陪佢食下d野
我見到夾公仔多左,我就夾,點知錦芳落左黎,佢都夾.
夾完,艷麗佢哋真係返屋企,bye~
今日都幾開心,不過就太情緒化.
|
2008 年 2 月 22 日 星期五  |
派成績表  |
分類: 小學生活 |
今日係囉成績表既日子，非常驚
由於係下午先囉，所以朝頭早去圖書館，
搭車時見到錦芳，我問佢可唔可以同我一齊去，佢話好
我哋喺大窩口落車，行過去圖書館,
行行下,見到一個外國人,喺度載的士
不過個度唔俾載的士,我哋見佢載都載唔到,覺得佢好'慘',於是我教錦芳點講英文
Excuse me .Do you want to take a taxi?
如果係，就話：
Here can't not take a taxi.
錦芳鼓起勇氣，同佢講,原來真係要載的士(盲既都知啦)
錦芳睇下佢既file,話去仁濟醫院,錦芳識去,我哋就帶佢去
行呀行,終於到啦,十分開心.我哋想問佢去邊層樓,又睇佢既file
點知......點知.......吓......係去........仁濟醫院董伯英咩咩幼稚園
吓,俾錦芳激死,睇又唔睇清楚d,原來喺石離,於是,我哋幫佢載的士,
的士司機好似唔識去咁,但又話識去,跟住,外國人伸出電話黎,問我有冇電話,我話冇
跟住,佢上左的士,我哋同佢講bye~,我哋做完一件好事又係壞事既事
跟住,我哋去圖書館,我不停同錦芳講:
冇搞錯?咁都睇錯.以為自己識去好勁咁.我仲以為你終於可以發威啦,點知......
仲話自己係個度既常客,個個護士都識你.唔該你呀,下次睇果陣時,要睇埋後面d字.
吓，真係激死我啦！！！！！
去完圖書館，我哋去艷麗屋企,做powerpoint
做到10:53分左右,錦芳要去學校做powerpoint(其實係老師叫佢做,順便睇埋佢哋滙報)
我同艷麗做powerpoint，做完後我哋用手指儲存
點知．．．．．．點知．．．．．．點知插完手指後，唔識點儲存
跟住錦芳打電話黎,叫我去食lunch,我順便返學校問康哥哥點儲存,問完我好似識
返到艷麗屋企,我就好似好勁咁,點知........我又唔識.吓!!!!!
因為艷麗既電腦同學校既電腦有d唔同
我哋下次先再諗點儲存,我哋要玩電腦.呵呵~~~~
玩到2:45分左右,我哋要返學校做風紀,
做風紀期間,我阿媽同我囉成績表,我好驚
唔好意思,我唔會話俾係哋驪我既成績.呵呵呵呵~~~~~
就算成績幾好,都唔會講.呵呵呵呵呵呵呵呵~~~~~
sorry~bye~
|
| 2008 年 2 月 21 日 星期四 |
| 去同學屋企 |
分類: 朋友,同學 |
今日，朝頭早去左艷麗既屋企
玩左電腦同聽歌仔
之後，返學
|
2008 年 2 月 16 日 星期六  |
| 去睇戲 |
分類: 小學生活 |
今日
學校帶我哋去睇戲
去到個度．．．
點知原來去聽做戲既完素
跟著又睇下短片
之後討論短片有咩完素
都幾好睇，幾好聽
食完野之後
去艷麗既屋企做簡報
做完之後
竟然儲存唔到
之後我哋玩下games
今日過得非常之開心
日日係咁就好啦！！！
|
| 2008 年 2 月 14 日 星期四 |
聽日返學囉  |
分類: 自己 |
今日
約左錦芳，錦鳳同佢哋既細佬
出黎玩
話哂今日係農曆新年假期最後一日
去象山，乒乓球，撲克牌
買野食
真係好開心
|
« | 25 | 26 | 27 | 28 | 29 | 30 | 31 | 32 | 33 | 34 | »
|
