| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
畢業小學 升上中學 倒數39日  |
分類: 日常生活 |
 端午節快樂!!
今日係端午節,祝大家係呢日開開心心!!
今日係我玩電腦
我補返晒所有blog啦!!
補完,就唔知做咩好
後來見林遠威上線,
同佢say hi
跟住問佢溫唔溫書,
佢話溫,不過佢同我溫左一條
佢就要俾佢呀哥用,話佢呀哥起左身
唉!冇得溫,自己溫就溫左
不過,唔知自己答得岩唔岩
跟住唔知做咩好
關機,溫書,
呀媽叫我幫佢做野
清潔所有家私,抺乾淨後
溫左一陣,又開機
冇咩人上線,就算有
佢地都唔得閒
我就玩下d遊戲
跟住落去同呀媽買野
買完,返屋企,上yahoo知識+
答左一個 人既問題:花青滕黃x石樣樣齊沒筆沒紙沒畫意
我就對:衣金鐲玉銀銅人人愛沒笑沒哭沒有趣
諗諗下,就作左,哈哈~
陣間再同你地傾啦!!我沖涼先
|
2008 年 6 月 7 日 星期六  |
| 畢業小學 升上中學 倒數33日 |
分類: 朋友,同學 |
今日6點起左身
我細佬開電視,見到紅雨
諗住換衫果時,佢同我講,
唔洗換啦!!唔洗返學,呵呵
我出黎睇電視,咦!??!! (我唔要呀)
真係wo!!我就打俾芳,佢未起身
跟住佢都打左俾我
真係唔洗返學,唉~!
我通知左好多同學
通知完,即係唔洗去艷既屋企聽歌
咁今日溫唔溫書呢?
唔知佢地,不過我就會
得知不用上學時,便開始溫書
溫呀溫,不知不覺,原來溫左2個鐘
溫溫下,想睇書,溫得都唔少
陣間再溫,而家可以睇書,
97個國家奇妙傳說,有d故事好搞笑
幾有創意!!唔錯!唔錯!
睇完兩本之後,想訓一陣
訓訓下,突然諗到要抄野俾佢地做
即刻彈返身,抄返先
跟住打俾雨,佢話黎,ya!!艷都黎ya!!
我抄左一陣,都覺得,5,都唔錯!!好啦,訓一陣先
訓訓下,又諗到打個電話返大陸
呀媽叫,即刻又彈身,打電話
呀外婆話,都有落雨,好大
水浸,而家要搯水出去
唉~希望唔好再落雨!!
跟住艷打黎話佢出門口
我就執野去芳屋企,
芳話去佢屋企溫
去到佢屋企,唔知點解唔係咁想溫
原來其他人都係咁
艷,雨同話想去我屋企溫
咁岩,芳要去人地屋企囉野俾佢
我地都唔好意思再留係芳既屋企
so去我屋企溫
去到我屋企,先溫常識,佢地突然又變返好好地
都肯溫返,係芳果度佢地冇咩心情
可能芳既屋企氣氛唔係咁好.雨說
又可能果d燈光既燈度,我覺得
溫常識果時,佢地不過竊竊私語,出貓!!
我問佢地一d問題,佢地唔識果時,傾下wo!!
其實問下答案係咩,就真!!
都唔錯!問左30幾題,佢地都答得算唔錯
錯得唔係咁多
不過,唔知邊幾題佢地傾過,答案仲係一樣!!
跟住溫數學,問佢地條公式,
如果佢地答得岩,我諗應該唔洗咁擔心
因為你知條式,就知點做
全部答岩,不過我提水,佢地先識
跟住又俾佢地一d應用題,佢地都答得岩
做完數學,我同佢地對答案
對完,傾下計,先再溫英文
傾計果時,有講有笑 ,好happy!
傾完,又溫,溫英文
都ok,都識答
跟住食粽先,雨婷果個都幾好食,不過係甜既
跟住又食返自己屋企既粽,好好味!!
食完,又溫書,溫中文
俾佢地做我果份野
又要我提水,佢地先識做
做完之後,我同佢地改返
又抄人!!真係俾佢地激死,
噢!!已經5:30了,佢地係時候返屋企lu.........
我送佢地走,艷想去食雪糕 ,我都想
去到OK,5蚊兩枝雪條,雨都想食,
我就唔食,俾佢地夾錢買黎食
買完,同佢地去搭車,搭車之前,同佢地講左幾個故事
而果d故事算係笑話,聽左之後,佢地都有笑同好無奈=.="
噢!上車lu.........同佢地say bye bye 之後
行去馬路果度,見到車駛過黎,見到佢地又同佢地say bye bye
跟住返屋企,又溫書,自己溫,
好眼訓呀!!今日咁早起左身,又唔洗返學
跟住又冇訓,而家好想訓,好啦!!訓教啦!!再見~
|
畢業小學 升上中學 倒數34日  |
分類: 朋友,同學 |
依家要去圖書館
同芳,鳳一齊去
唔得閒傾住
不過,我會book電腦,
所以我會寫blog
到左圖書館
電腦俾人book晒
我地唯有睇書
我睇紅樓夢,而佢地玩遊戲
睇完,唉!黛玉真係慘,寶玉都一樣
兩個明明鍾意對方,卻得唔到愛 
反而俾屋企人搞到冇得相愛
最後黛玉死埋,唉~!
跟住我去睇下有冇咩歷史名人書未睇
睇下d書名,睇睇下
睇到第二度,睇到幾本好令我想睇既書
就係97個國家,奇妙的傳說
我太想知道每個國家有咩奇妙傳說
於是借左佢,又見到幾本書
都唔錯,就係快樂歇後語,想學下有咩歇後語
於是又借左,跟住有兩本係關於學習
又借左,最後係一本領導人應具備既野
囉住佢地去電腦機借
芳,鳳好鍾意按,所以俾佢地同我整
借完,估唔到咁快夠鐘食野
so我地執野走佬
去買冷麵,ya!!ya!!好耐都冇食啦
買果時,老闆娘對我地好好
送左每人一包粟米,ya!!太好啦^^
我地每人買左10蚊,即係買左6包
3包陣間食,3包放學食
買完,我地一路食,一路行,唔知去邊食好
我提議去麥當勞買杯雪糕就得啦!!
一路行,行得好辛苦,佢地都好d
我要囉住2袋野,仲要係2袋都咁重
仲要咩住一個書包,又要囉住把遮,好辛苦!!
佢地淨係咩住一個書包,仲可以一路行,一路食
我地行到麥當勞,係樓梯食完,
先買雪糕,食食下,有人行過黎
我地有d唔好意思
因為我地竟然.......係樓梯食野
食完,我地入返去買雪糕
Mmm..............真係好好味!!
食完,返學lu...........見到陳俊健,芳即刻問佢琴日去左邊呀
我見到你................
我覺得佢太快問啦,佘恩銓都係度,
佘快過佢到,果時,芳即刻幫我問佢還錢
佢都係唔肯還,
唉~!我下次一定唔會借俾佢
果次因為佢話自己冇錢搭車,
跟住又俾銀包我睇,我見到好似..............唔記得
跟住我見佢咁慘,冇錢搭車,
so借左錢俾佢地搭車,2蚊
過左好耐佢都冇還,我都唔記得左佢欠我錢
後來芳講左d野,我又記得
雖然係2蚊,但已經反映到佢係唔可靠既人
因為佢之前話得啦!!我好快還俾你
還左唔知幾個月.定係幾個禮拜,都冇還
原來其他同學問佢借,佢都冇還
要同老師講,佢先肯還
真係激氣!!佢呀爸做警察,問佢囉幾蚊還俾同學米得囉
又唔同父母講清楚
佢都係話冇,又扮野!!
之前佢仲問我可唔可以借4蚊俾佢
我話你還左錢先啦,佢話
你唔借,我唔還,
我米唔理佢囉,佢又話:我還2蚊,你就要借俾我4蚊
借左,佢都唔知幾時還,唔相得過
so我冇借俾佢
呢d人我最討厭!!
令我討厭既人我唔想記得佢!!
不過越諗越記得佢既衰野
........................過左一段時間
放學lu...............芳既細妹,鳳要留堂
我就走先,同艷一齊
今日既心情都常算可以
好啦,唔傾啦!bye~
|
| 2008 年 6 月 5 日 星期四 |
| 畢業小學 升上中學 倒數35日 |
分類: 朋友,同學 |
今日返到學校,見到艷
傾傾下,講到我既blog既野
有一篇用密碼所左,
佢話佢知道密碼
吓!!!!!!!!我係米聽錯呀?
佢竟然...............會知道.....!?
佢話密碼係............竟然岩左
我死啦 !!!俾佢睇晒我既私人野
佢話之前同我地一齊去圖書館
見到我打xxxxxxxxx,
因為平時,我打既密碼都係好簡單
用用過既數字或者英文字
當密碼
佢就諗下,會唔會係上次打既xxxxxxxxx
點知俾佢估中左
我..............我..........嗚嗚.............
我返到屋企一定要換晒密碼!!
不過返到屋企,都冇
訓之前先記得
改左之後,放心得多!!^^
|
2008 年 6 月 4 日 星期三  |
| 2008 年 6 月 3 日 星期二 |
| 畢業小學 升上中學 倒數37日 |
分類: 小學生活 |
今日7:30起左身
因為要做視藝
未做完視藝都要停止
因為我要著衫食野,要出去同佢地商量改篇童話
因為冇時間食野,所以我張d飯放係飯盒度
跟住同芳一齊出門口
上到車,食下先!Mmm...........yummy,yummy!!
到站lu........就算食唔晒,都要停止
去到麥當勞,唔見任何人
我地兩個就做住先
見到雨婷啦!!
佢黎左,佢就同芳一齊做
因為佢同芳一組,我同艷組
艷到左啦!!我地一齊諗
做做下,發覺夠鐘買野食
我地去買麥當勞餐
but..........我買左一杯雪糕,一包細薯條,4隻雞翼
而芳都係唔買一個餐
芳買左4隻雞翼,一包中薯條
去買果時,林俊傑竟然............
返左黎!!嘩!!真係估唔到
我叫佢去雨婷度坐
叫佢諗下結局
而我地就食野
佢都唔係想諗,不過佢肯黎
已經算好好ga啦!!
佢諗完結局之後,我地就俾佢走
因為佢留係度,都唔知做咩
我地食得好enjoy
真係好好味!!
食食下,我覺得我地
應該去返我地做功課果張枱
於是我地搬屋啦!!
去到果邊,同焰,凱,珊..........一齊
佢地係度做功課同食野
而我地就一齊傾計
好耐都未試過4個人一齊傾計啦!
真係好happy!!
食完,返學校
我覺得我地既感情越來越親密
好friend!
咁就好啦!!因為我想有多d朋友
今日仍然有好多野做,bye |
| 2008 年 6 月 2 日 星期一 |
畢業小學 升上中學 倒數38日  |
分類: 小學生活 |
今日要做風紀,小息過後
我見4A班得曾建波一個看班
我就幫佢看,4A班既同學好唔聽話
叫佢地做咩,好似聽唔到咁
不過,叫到讀詩,差唔多個個都有讀
不過,都唔知點解個老師咁耐都未黎
原來係鄧sir,都知ga啦!!
佢會早到?傻的!
佢呢d人,冇用
我唔係話想鬧6B既班主任
因為佢實在太令我討厭
做得老師,就好心你做好d啦!
日日講埋d廢話,即使對佢地遲一點有用
你都要教左書本既內容先
教左,不過同學唔明,就咁算
好唔鍾意囉!!
你估翁校長見唔到你既所作所為呀!!
佢見到ga!!遲d你就知死字點寫
哼~
做速算時,我做唔晒,唔知點解
我近來懶左,
唔得!!唔得!!唔可以!!
我一定要努力!!
放學之後,芳同鳳冇帶遮
我叫佢地唔好同我一齊返屋企
叫佢地行第二度返屋企
係都唔聽,分開果時,
佢地用報紙當遮
整濕晒自己,我望住佢地
同佢地講:晒唔晒遮返你呀?
佢地冇答,我一直望住佢地
報紙di左地下,佢地執返
不過報紙濕晒,但佢地好開心
唔知點解佢地仲係度笑
一路俾雨林,好似冇事咁
我望住佢地,好無奈!!
返到屋企,有好多野做呀!!
聽日仲要早起身,做視藝
做完仲要出去同艷佢地商量童話故事改篇既野
好忙呀!!唔傾啦!!
|
2008 年 6 月 1 日 星期日  |
| 畢業小學 升上中學 倒數39日 |
分類: 日常生活 |
今日係六月既第一日
唔知點解我覺得每一個月既第一日
我地應該好好把握,珍惜
起左身之後,梗係刷牙,洗面啦!!
廢話少講,即刻入正題
今日係我玩電腦,
但我唔係好想玩,因為就黎考試
我想溫書,所以下午既時間俾左我家姐玩
做完功課,諗住溫書
點知............呀媽叫我幫佢做野
雖然好想溫書,但幫媽媽更加重要
如果咩都俾晒佢做,佢一定會好辛苦
所以我更加要幫手
佢話要整粽wo,所以要準備材料
真係好啦!!如果呀媽唔俾野細佬做
一定死梗!!因為呀媽未返黎之前
細佬玩火!!烏煙瘴氣,救命呀!!
好彩!!呀媽返左黎,俾野佢做
佢就冇得玩火!!ya!!
我做完我既野,就去溫書
細佬繼續做
溫呀溫,差唔多溫完啦
所以玩一下電腦
玩完,沖涼
夜晚又玩電腦,電左2個鐘左右
又去溫書先
好啦!!唔傾啦!!再見~
|
| 2008 年 5 月 31 日 星期六 |
| 畢業小學 升上中學 倒數40日 |
分類: 小學生活 |
今日好早就起左身
因為要去囉獎
6:45打俾芳,點知佢.........仲未起身
7:25出門口,一齊搭車
返到學校,唔見任何人
於是上去睇下,原來個個係三樓既教員室
崔(女)老師做完powerpoint
我地就出發去荃官小學
到左,我地即刻報置blog
如果有人唔做野,崔老師即刻鬧我地
欣惠都有黎,佢幫得幾多
不過有時唔問人,就囉左人地既野
因為咁樣,搞到芳好憎佢
芳不停係佢背面鬧佢,話佢又乞人憎
唉~!我都冇佢辦法
整完之後,去一間房等
欣惠,黃偉鴻(佢細佬),同敏儀佢地去匯報
而我地就係一間房等,我地玩成語
玩有咩成語係講動物,有:亡羊補牢,狗牛二虎,鷸蚌相爭..............
玩完.就落返去
投票,投我最喜愛的展板
老師叫我地投返自己學校
因為有幾間學校帶左好多同學黎投票,投自己學校
所以我地都投返自己
落到去下面,我地睇下其他學校既展板
謝偉文踩到我隻腳,講:sor
我唔滿意,叫佢講sorry,佢唔講
我追住佢,佢走左,我追到
突然係佢面前,佢嚇到死死下
過左一陣,唔洗佢講
過左一陣,我地上去禮堂,睇頒獎禮
等左好耐,終於開始
首先叫我地默哀1分鐘
我覺得呢次既一分鐘,比起之前學校既三分鐘
仲要長..............
跟住開始頒獎禮,請幾個人講下野
溫啟良先生，羅靈芝校長.................
講完,開始頒獎啦!!
頒到小學組,最佳專題報告
司儀話:最佳專題報告係:中華基督教會..........
呢個時候,我就諗,全完第一小學,一定要係!!
點知...............真係!!ya!!
欣婷上去囉獎,太好啦!!
囉左三個獎!!
崔老師都囉左一個!!^^
囉完,返學校
佢地去食野,而我,欣惠,偉鴻,偉文,
我地幫崔老師整返展板係學校
未整晒,偉文要走lu...........佢屋企人黎左
我地繼續幫手,整完,崔老師請我地食野
好似唔係咁好!最後都係請左
去紫荊酒樓食野,叫左9碟
4個人食,一路食,一路傾計
傾左好多野,包括崔老師既秘密
我唔會講ga!!
食左好似1個幾鐘,好耐!!
問左崔老師既MSN,ya!!
以後可以同佢傾,那怕畢業也好!!^^
食完,我地走lu........
偉鴻返屋企,欣惠去圖書館
而我陪崔老師返學校囉野
跟住返屋企,同崔老師一齊行
我行到車站,就同佢講bye~bye~
佢望左我一陣,就走,返到屋企,
要加油!!功課都未做晒!!
仲要溫書!!就快考試!!
好啦!!唔傾啦!!bye~bye~
|
| 2008 年 5 月 30 日 星期五 |
返黎啦!!  |
分類: 小學生活 |
各位,我返黎啦!!
好攰呀!!好想即刻訓教,
但唔得,因為要沖涼
沖完又要洗衫,洗完要做功課
做完又要溫書,唔得閒,
所以唔可以訓教
好啦!!又要加油!!
不過眼好攰,好似張唔開,
不過我意志堅強,所以唔會放ga!!
好啦~我沖涼啦!
hi~終於記得寫啦!!
朝頭早,我地呢一日好唔想起身
因為琴日傾左計,傾到1點
叫芳起身,佢都唔知,叫第二次,佢先知道要起身
個個都好似冇咩精神
刷完牙,洗完面,就落去食早餐
今日既早餐係粥同米粉
我同芳一齊負責老師果張枱
整完,大家一齊食早餐,佢地話d粥唔好食wo
唔係呀!都幾好食呀!我果組都係我食得最多,應該
我食左3碗粥,同幾碟米粉,yummy!!
食完,好似又係我果組最後一組食完野
食完,上去執野,準備離營,唉~!真係唔捨得!
落大d雨就好啦!!落大d呀!!我好想!!
執執下,宣佈話我地落去禮堂玩
今日係群英論戰,我本身係打籃球
不過因為落雨既關係,冇得打
我俾編入乒乓球組,先對李淑卿,
佢唔係好識打,而我識打少少,所以我贏左
跟住我對詹安妮,因為我後面有張枱
揮唔到拍,想打,都俾張枱整住左
所以輸左,跟住我去睇下其他同學玩咩
先行黎行去先,見到芳玩,跟住又走左
去睇下玩波子棋既人
因為我本身都幾鍾意玩波子棋
所以留底睇下,跟住柳老師
叫我幫劉蘭君玩,佢果d棋無得救lu.....
好想玩呀!!同黃敏琪玩,佢輸左,
後來佢地開始比決賽,
見陳俊健玩得都唔錯
頭腦既分析力好強!!上午班既人以為陳德星會贏,
而我覺得健會贏,最後真係健羸左!!
鄧演光贏左第三名,星第二,
因為張玉山阻住光既棋
所以佢既分俾左光,我班又多左幾分!
玩晒之後,叫我地上去執野,囉行李落黎
跟住食飯,最後的午餐,
最後呢一餐都幾好味!!
食完,呢一次唔係我地最後呀!!呵呵
食完.傾一陣計,跟住就同呀sir們講bye bye
真係好想佢落雨,果時又唔落雨=.=好失望!!
此終都係要走,又要行30分鐘
見健唔得啦,我就推佢行,
最後演變成我同芳係Madem
而佢係犯人,我就作:
健太偉大啦,為左女朋友,而坐牢
今日終於係放牢既日子(即係離營既日子)
你女朋友等住你ga(車等住你ga)!!你行快d啦!!
我地係咁推佢,佢都肯行
終於到啦!!太好啦!!可以搭車啦
上到車,同恩坐,芳坐我隔呢
車行行下,無啦啦有架車撞左過黎
司機即刻停車,報警
撞我地架車,停係前面,跟住走左
唔清楚老師佢地有冇抄車牌
我地好驚呀!!好似話玻璃爛左
我地停左好耐,跟住駛去第二度
警察黎左,問司機話,搞到好耐,
我地先走得
到左學校,另一架車d人都走晒!!
我,芳,慧,恩,雨,寧一齊去買蛋糕,
諗左好耐,決定買75蚊既蛋糕
至於d叉去協和上面買
7-11d人望住我地,以為我地會偷野
我地咁多人點會呀?
於是唔幫襯佢,去家之良品買
買完,返學校,準備左好耐,不過冇打火機
所以點唔到燭,不過唔緊要啦
係黑板又寫左野,祝老師咩咩........
跟住請老師入黎
老師食左蛋糕之後,同食左餅乾之後
佢就返去教員室
而我地一路食,一路傾計,傾真心話
我地話5點走,傾傾下,原來已經5點lu........
跟住我地執野,準備走,返到屋企,好陌生又好熟悉!!
今日又驚又喜!
|
« | 20 | 21 | 22 | 23 | 24 | 25 | 26 | 27 | 28 | 29 | ... | 34 | »
|
