| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2008 年 6 月 24 日 星期二  |
畢業小學 升上中學 倒數23日  |
分類: 朋友,同學 |
今日朝一頭早,起左身
過左一陣,跟住上MSN
同佢地講對唔住
因為我琴日講得都幾過份
過左無幾耐,張航!!
大家記住呢位乞人憎人士!!
簡直係下等人!!
蝦寧,我見淨係寧一個同佢鬥
好似唔夠佢講
我實在睇唔過眼
便加埋落去,同佢哎
佢哎唔過我既時候
就講粗口,哼!!
呢d人呀!!
唔夠人講,就要講粗口
蠢!!控制能力低!!
佢講每一句,都俾我搵到弱點
係咁俾我攻
我睇下你仲係米要繼續蝦我地d女仔
黃震德幫埋佢手,不過
佢講左冇幾耐,就冇聲出
因為唔夠講
你地呢d男仔呀!!
明明叫左你地唔好講粗口
溫國寶定係溫國昌都話唔好講
但係都要講
仲要蝦女仔!!
不知所謂!!
乞人憎!!!唔好同呢d男仔一齊呀!!
呢d男仔大個左,冇出息!!
|
| 2008 年 6 月 23 日 星期一 |
| 畢業小學 升上中學 倒數24日 |
分類: 小學生活 |
到左艷麗屋企,
俾佢發現左添-----我剪左頭髮
雨都剪左頭髮!!前面仲加左d頭髮添!
跟住我地開始練歌
練左一次後,我同佢地講
我地可以再分開唱
整完一輪之後,試下唱
初初既時候,我地都唔知係自己唱
後來,終於記得自己唱邊度
練左幾次之後,艷換衫
跟住我地又練多最後兩次!
練完之後,我地去肥仔記食午飯
個個都食唔同既野
今次我想食牛丸,雨食牛筋
艷食牛腩,芳食雲吞
食得飽飽之後,未夠鐘返學
艷去7-11買水
買左之後,去協和一陣,跟住返學校
到左學校,都係未冇知我剪頭髮既事
當然啦!!因為我紥左頭髮,
同之前冇唔同
唔多講學校既野,
因為冇咩特別事發生
放左學之後,我上MSN
班男仔係講粗口,
都叫左佢地唔好講既啦!
係都要講,好令人討厭!!
所以我叫佢地唔好講
佢地仲要講,我就鬧佢地
跟住開始同佢地展開一場激烈既對話!!
係咁鬧佢地,
其實............我都唔知最後邊個贏
我淨係知,佢地係咁俾我鬧
話我好...............中中加埋成一個字
又話我係學校又唔見我咁,
你地唔講粗口,我就唔會鬧你地啦!
邊個令我發火?!
更何況,我一個對你地幾個男仔!
仲要係你地係咁講粗口
而我冇講
單用語言,鬧你地!!豈有此理!!
不過我都夠佢地講,最後佢地話食飯
跟住走左,
哼!!
呢d人呀!!
真係好乞人憎!!!
乞人憎!!! |
| 2008 年 6 月 22 日 星期日 |
畢業小學 升上中學 倒數25日  |
分類: 日常生活 |
5:55左右俾媽媽叫醒左
喔!!原來夠鐘起身,跟住要出發!
刷完牙,洗完臉,食完野,換完衫
再準備一陣,就出發啦!!
先去車站搭車去火車站
到左,又要搭火車到羅湖
到左羅湖,要去e-道
跟住要落樓梯,俾人地睇回鄉證
跟住行樓梯,又要行多一陣,先到旅遊巴
上左車之後,跟住要開始長達3個鐘左右既旅程
由於我同呀媽好遲先到,所以d位俾人霸晒
我要同一個男人坐,呀媽同同鄉既人坐,都係男人
雖然唔想,不過又唔可以唔坐
坐呀坐,坐左好耐,都未到半個鐘
坐坐下,訓著左,訓訓下,又醒左
不過雙眼唔想張開!!
唔想講旅途既事
因為要講,就有好多野寫
寫一d重要既野,好d!!
到左碼頭,呀媽話得返兩蚊
唔想囉一百俾人找,
所以話行路去表妹屋企
嘩!!!唔係呀嘛!!天氣咁熱!!
仲要行咁多!!??!
唉~!算!行呀行
一路行,一路俾太陽曬住,呀!!救命呀!!
終於到左啦!!先放底個袋,跟住坐底
吹住風扇!!爽呀!!太好啦!!
我一路坐係度,冇同我d表妹傾計
可能大家好耐冇見,有一種陌生咁
過左好耐,都係冇出聲!
不過表妹既細佬,即係表弟,佢係咁聊我玩!
佢又高左啦!!不過好瘦!
等呀等,呀媽話陣間去街市
過左一陣,表妹1
因為我有幾個表妹,最大個我係度叫佢1,第二大叫2........
表妹1問我去唔去街市,係第一句對話!!
我話去呀!!跟住佢又話,佢去果時,叫埋我wo!
我話ok!!
跟住我就主動同佢地講,可唔可以教我普通話?
佢地即刻答,梗係可以啦!
對佢地黎講,普通話好easy姐!
教左我讀幾個字之後,就去街市啦!
我同表妹1一齊用遮去街市,2同3一齊
到左,先去春x我唔知香港呢度點講
先去果度睇下d簿同筆
紀念冊都幾靚!!唔錯唔錯!9蚊一本
跟住又睇下d筆記簿
睇完,佢地話去新鋪頭睇下
我覺得好奇怪!!新鋪頭!?
因為好奇,所以同佢地一齊去
到左之後,見到老闆娘,佢好似好熟!
但又唔知佢係邊個!
睇左d簿,覺得唔錯,又大本,好便!好過春x好多!
揀果時,老闆娘問我係米慈慈?
我話係呀!佢又話,哎呀,認唔到你既?
我就覺得好怪?你又會識我既?
呀!!我諗到啦!!
我問佢:你係米紹幫既家姐?
係呀!!岩左啦!!^^
我都唔認得添!
既然大家都識,梗係係呢度買啦!
買左好多野呀!
有:1本簿,2枝鉛芯筆,2盒筆芯,10幾枝原子筆
買完,我想只珍珠奶茶,點知.......隔黎冇冰,冇得買,失望!!
佢地話果邊有人買,我地就去果邊
一樣買芒果味,因為係新鮮芒果
我請佢地飲,我地囉住杯野一路行,一路飲
行返去幫既家姐間鋪頭(新鋪頭)
我發覺我又有野買,果時咁岩見呀媽,叫呀媽俾錢我買文具,嘻嘻
囉左錢之後,表妹2好想好想買閃筆,
我見佢咁想,但又冇錢,我就當送俾佢
其他表妹都唔抵既,所以請埋佢地
佢地話好想要杯,果d杯好靚架!!
有唔同既圖案,好細隻,睇落去好cute!!
3蚊一個
1同3都囉左一個,而我見到咁靚既杯,
想囉返去留個念,買左小熊維尼!!好Q呀!!>.<!
買完呢個,我又買筆!!
俾錢既時候,姐姐好好人
計少左錢俾我!!多謝!
買完之後,我地去春x果度買細簿
買左4本簿,1本紀念冊
見到呀媽,去佢果度,跟住我又發覺
我又有野未買,即刻飛過去春x買
原來係紥頭髮果d野,我無啦啦叫左辮子
買辮子?表妹1俾我嚇傻左,辮有得買既咩?
佢話返俾我聽唔係咁講
係..........我又唔記得左啦!!
過左一陣,表妹2問你又要買咩呀?
我又話:買辮子!!
表妹1又講返唔係咁講呀!!係............
跟住我又講錯左,後來終於冇講錯啦!!
買左4條,有d係我家姐!!
買完,要快快返表妹屋企,食午飯,食完,休息一陣就要走
好忙呀!!
都未買晒!!就要走啦!!都唔知買左錦芳d野咩?
算啦!!對唔住啦!!我真係好忙!!
呀媽自己走左去剪頭髮?!
我又要去!!嘻嘻~
話去,跟住係裡面話好悶,走左去買野!!嘻嘻~
我又諗起啦!!仲有野未買!!
買左之後,呀媽又剪完之後
就返屋企,我唔鍾意呢個時候,
因為返左屋企,食左飯,就要去走,
好難得先同表妹佢地傾得咁好!!
咁快又要走啦!!嗚嗚......
到左屋企,我有野俾佢地
就係我既筆筒唔要,未用過
放係香港又冇用,不同送俾佢地!!
3個睇左之後,好開心,又好唔開心
因為得一個,點分呀?!
我叫佢地猜包剪鎚,表妹2唔肯,因為輸左就冇啦
3個一路囉住,唔肯放,因為
果筆筒好靚,係Melody!佢地好鍾意!
到左食飯啦!!先放埋一邊,
大家一齊食,不過呀媽仲未到,
佢話要去買d野,買到依家都未返
姨姨諗住挾蘿蔔俾表弟,點知..........
挾到表妹1條褲度
佢................因為姨姨冇所謂啦!!
姨姨即係佢地既呀媽!
姨姨話唔緊要啦!食啦!
佢唔開心,可能冇道歉掛,
又或可能佢唔開心,跟住我就會送俾佢^^可能姐!
姨姨話上次都唔知點,佢又唔開心
初初佢係咁整條褲,冇食野,
過左10幾分鐘,佢去廁所
跟住去房間,,一路唔肯出黎
我一路食,一路同表妹2打眼識!!
不如俾佢啦!!下次再送俾你!!
佢都唔肯,因為佢話,冇理由因為咁,就送俾佢架!!
如果我都係咁,你係米會送俾我呀?
佢講得又岩!!咁又唔得,咁又唔得
點好呢?最後表妹2讓步!
太好啦!!不過有要求!!就係買返樣野俾佢!!
俾左表妹1之後,佢唔肯出黎,
因為佢飽,唔想食,果時我係房間叫佢出黎,
捉住佢出黎,佢都唔肯,表弟入左黎,
跟住唔知講咩,跟住我話係呀!!
我有好多錢架!!跟住開始作野!!^^
我有兩個男朋友架!!兩個都係大學生!
一個一個月1萬,每個月俾我5千!!
另一個每個月2萬!!俾我1萬!!
所以我床下底全部都係錢!!
佢地覺得我作得太誇張啦!
我又話:幾好!!做下人地既女朋友
就有咁多錢!!所以先買咁多野俾你地!!
佢地笑啦!!
覺得我越作越誇張!
笑完一輪,表妹2話去街市
因為我要買返野俾佢
好啦!!大家一齊去,表弟都有去!!
又去新鋪頭買,表弟話要杯!!
佢見到我地有,佢又想有,
我又要挖幾蚊出黎啦!
跟住我又買左筆,
表妹話想買耳環
佢買左兩對,3蚊!!幾靚架!!
有一對係字,一對係正方形,透明!
買完,夠鐘返去,要返香港啦!!
噢!!!好唔捨得呀!!
一路行,一路同佢地傾計!!
爭取最後大家相處既時間
返到屋企,諗返起糖!!囉出黎,俾佢地食
跟住執野,佢地見我買咁多,問
你買咁多做咩呀?
因為香港d野貴!!那.你知唔知我呢對鞋幾貴呀?
100蚊呀!!好貴呀!!
仲有呢個水樽,你估下!
10?(no!) 15 (no!)
25(no!)
(好貴!!) 括號我講
40?(no!)
55(no!.差唔多)
60?(好似係)
嘩!!!咁貴呀!!呢度10蚊咋!!
(吓..............!!咁便!!唉~!早講嘛!!)
(其實我都唔多記得幾錢,好似60幾,又好似80幾)
嘩!!!洗唔洗呀!!咁貴!!
(係囉!!所以我係呢度要買好多先得呀!!)
........................................傾計中
.........................................傾計中
傾傾下,呀媽話要走啦!!噢!!
真係好唔捨得!!但.......都要走!
我同佢地講:你地仲未教我普通話wo!!
呀!!係wo!!唔緊要啦!!下次再教你!!
好啦!!bye~bye~啦!!
講左bye~bye~之後,上左車去碼頭,
表妹2同我一齊搭,不過唔係如一齊走
落左車,同外婆表妹2講bye~bye~
上左船,表妹同外婆已經搭左車返去屋企度lu.............
船未開出,但........仲見到佢地搭車既背影
佢地見我揮手呀!!
我又同佢地揮手,揮得好大力!!^^
bye~bye啦!!下次再黎,一齊再渡過美好時光!
.......................
.................搭車中................
搭搭下車(旅遊巴,即係長途車)
突然聽到呯呯!!
車輪好似爆左!!
死啦!!呢度係高速公路呢架!!竟然係呢個時候..............
車慢慢既駛住,俾好多車超越!!
可想而知,架車係幾咁慢呢?
3點30左右車開出,大約用兩個半鐘左右到目的地
但...............已經5點,仲未到站既?
架車無啦啦駛到去一間店既前面
原來要換呔.有個男人走左出去
司機又冇叫佢出去,自己又出左去
出到去,仲要"橋"埋隻手,睇住人地整
依家你又唔係佢地既老闆,監視住晒!
驚死架車會整整下,爆炸,所以出左黎
避難呀!!
呢d人我好憎佢!!
唔關你事,就唔好理啦!!既然你要理,就幫下人地囉
但係你又要淨係企係度,冇野做,又要橋埋雙手!!
扮晒野!!
搞掂之後,開返車,比之前快好多!!
未到站之前,等我再食多一隻雞蛋先!
係外婆整俾我!!好開心呀!!
d雞蛋仲要係雞生架!!所以好新鮮!!
好好味!!d蛋黃唔似平時食果d
蛋黃真你好黃!!黃得黎唔會混濁,好清楚,好剔透!!
蛋白好白!!真係同平時果d完全唔一樣
食一口,真滋味!!
已經係第三隻啦!
食食下,突然諗到,咦!!我係米食緊雞媽媽既bb?
我米好殘忍囉,即刻唔食,問呀媽
呀媽話,唔會!!雞媽媽同佢老公生,先會有bb
喔~嚇死我啦!!原來係咁!!
之前老師都好似講過,但我又唔記得左
今之自己經歷過,會記住既啦!
到左站之後,發覺比原本5:30到既遲左幾個鐘!!
遲左應該1個小30分!!
即係大約7點先到!!
8點20左右先到屋企.
由可風既樓梯行落黎,好辛苦!!
咩住咁重既袋,仲要同呀媽囉住佢既袋
佢要囉大袋,裡面裝左好多野!!
要行10幾層樓梯!!!死啦!!
仲要囉咁重既野!!
行完呢條樓梯,仲要行多幾分鐘,跟住又要行樓梯!!
跟住又要行多幾分鐘!!唉!!好攰呀!!
今晚唔知訓到點呢?
呀!!!今日都見到一個令我討厭既男人!!
搭48x返黎果時,有個有爸,喂佢呀媽食野
好似係燕窩!!幾有錢!!
係咁喂佢呀女!!果女既咀流晒出黎,
佢仲係度喂!!
果女食左之後,嘔返出黎,
好似唔多想食,但佢仲喂!!
喂晒成樽燕窩!!洗唔洗呀!!
冇愛心!!強逼呀女食!!都係呀媽好!!
夠細心!!
呀!!!返黎果時,見到好搞笑既名!!
威威煙酒商行!
係一間買煙酒既鋪頭,
竟然用威威呢個名
令我諗起林遠威!!
我諗:原來林遠威咁有錢架!!
買煙酒!!嘩!!洗唔洗呀?
唔知有冇分公司呢?
講下笑姐!!如果威你見到,唔好介意!!sorry!
呀!!!
聽日你地會發現一樣野!!
唔知你地會有咩反應呢?
好啦!!我好攰呀!!
要訓啦!!
bye~
|
| 2008 年 6 月 21 日 星期六 |
暫時返去一陣  |
分類: 自己 |
各位,
我同你地宣佈一個我覺得開心既消息啦!!
就是............
我返大陸呀!!
聽日我會同呀媽返大陸!!
希望順順利利啦!!
返到黎,可能有野送俾你地!!^^
不過機會係極低..........sorry!
因為我都未有錢買俾你地
大個左先啦!唔好介意呀!!
我會好掛住你地架!!
聽日6點就要起身啦!
跟住刷牙,洗面,食野,換衫.....
最後就係............走佬.........
唔知點解我鍾意用走佬呢兩個字
走就走啦,我係都要寫走佬
好怪?!
好啦!!我要訓教啦!!
返左黎,我會打個電話俾你地架啦!
我會好掛住你地架!!!
Baby,Honey,Dear
I  U!! I miss you!
but I will come back.
bye~bye~ |
畢業小學 升上中學 倒數26日  |
分類: 日常生活 |
10幾,呀媽打黎話返大陸,
我好開心呀!!
執好野先!
等呀媽返左黎,就可以一齊去啦!
呀媽返左黎之後,佢食左野
跟住執好晒d野
到左要出門口果一刻
呀媽又話唔返啦!
因為....................呀哥..............
我都好明白呀煁既感受既....
所以我同話唔緊要啦!!我無所謂'
聽日先返啦!
雖然我好想返,不過都要諗下呀媽既感受
所以唔返,都有d失望架
不過唔緊要啦!聽日都返到啦!
嘻嘻~我諗好晒啦!
我帶平時既水樽返大陸,
跟住係大陸買西米露......嘻嘻~
裝係水樽度,返黎果時,就可以食啦!
大陸果d西米露同香港既唔同
都係唔講我既奸排啦!
呀媽洗左d被之後
要囉落去曬
我同呀媽去
我估唔到原來係咁辛苦!!
因為太陽猛,所以我地先囉被去曬
就係太陽太猛,搞到我地好辛苦
係咁流汗!!
仲要係咁翻被!
總共要翻4張被!!
好辛苦呀!!
張張被既位置都唔同
因為我地2點幾先去曬
之前既時間都俾人霸晒d位
好難先搵到位,不過係呢邊有位
果邊有位,係咁行黎行去
仲要俾太陽曬住
好熱呀!!頭都暈啦!!
係咁先!bye~
|
| 2008 年 6 月 20 日 星期五 |
畢業小學 升上中學 倒數27日  |
分類: 小學生活 |
今日朝頭早起左身之後
刷完牙,洗完面,跟住睇下書,
跟住細佬話俾我玩PSP
ya!!係呀哥既朋友唔玩,
所以話借俾我呀哥玩
玩牧場物語,玩左一陣,
就食野,食完,換衫,落去等芳
搭車去艷既屋企練歌
芳話想食粥,去嫻屋企既隔呢度買
買完一齊去艷既屋企.....
到左之後,見到雨,
原來佢比我地仲早
到左之後,見到艷仲訓係張床度
不過佢冇訓,對眼開左架!!
過左一陣,開始練歌
雨話冇音樂,好似練得唔係咁好
跟住艷開機,練完之後'
我覺得我地可以安排,細聲,快慢
我聽左一句,又講下野,好似咩都係我話事
跟住艷家姐要用,我地清唱一次,
跟住夠鐘去shopping
我同芳一齊去南豐睇
一路行,覺得好熱!!我建議不如去麥當勞買雪糕
佢話好,所以去買
一路食,一路行
到左之後,見唔到艷果件!!
我地諗住去第二度睇
走果時,又俾我見到艷果件
跟住我地商量要邊件好
有兩件都好靚!!最後芳話紅色果件
買左之後,返艷屋企
俾艷睇左之後,佢話著俾我睇呀!!
雨,艷,芳三個都係咁講,
所以我唯有著俾佢地睇
睇完返學校
派中文卷時.............失望!!
比我想像中差!!
不過都好既,起碼比上次進步左
跟住派常識,..................5..............
都幾滿意!!
小息過後,上英文堂,都幾好
小藍同謙全班最高!!99!!
劉主任仲係同全班講小藍係最高分!
跟住謙前面既芳話:老師,王御謙都係wo!!
所以全班都知佢地全最高!!
跟住放學,劉主任問我係米好失望
全班最高唔係我
我話唔係,分數只係一個象徵
你識做米得囉!唔一定要囉最高分架
唔傾啦!!bye~
|
| 2008 年 6 月 19 日 星期四 |
| 畢業小學 升上中學 倒數28日 |
分類: 未分類 |
今日繼續TSA!!全日都係英文同數學!!
朝頭早同芳去買紀念冊紙!!同睇衫!!
先去三聯睇紀念冊紙
睇黎睇去,都唔見有,真係怪!!
上年仲有架!!點解會冇左既?
之前都黎過,不過冇睇紀念冊
我睇睇下,突然俾我見到啦!!
ya!!係最後一份呀!!
仲要係幾靚添!!$6.9
都幾便呀!
買完,去睇衫
去艷麗介紹既果度睇
d衫幾靚呀!!不過唔係39.9就係59.9
你話便就便,你話貴就貴,
有幾件衫,一套有兩件
幾想買,因為呀媽叫我買返件"視視正正"既衫
睇完,返屋企問呀媽俾唔俾先
跟住我地去阿四食午飯
其實...........我唔想食
不過芳佢想食,如果我話唔食
佢可能都唔食,
因為我係屋企食左先出黎,更何況呀媽都冇俾錢我
我又唔想晒錢買黎食,更何況我都好飽
今次食豬扖雞蛋食
每人有一隻雞蛋同半塊豬扖
食果時,我就話:唔知點解我會借錢俾人地
不過又唔捨得用我d錢
佢唔多明白,但佢又話喔~
其實都唔知佢明唔明
我既意思係:我會張我既用係應該既事上
但我唔想用d錢係唔應該既事上
唔應該既事係:我都食左飯啦.做咩仲要食呢?
佢聽左冇反應,唉~
真係好難搵返個知己,
我好想佢講幾句,但佢繼續食,好失望!!</p>
因為佢都唔明白我講咩,所以都唔知咩反應好</p>
食完之後,我同返學校去考TSA</p>
第一堂考數學,有四份唔相同
TSA既資料係唔俾講出黎架!!所以我唔會同大家講內容係點
考完,係考英文聆聽
幾好易!!因為每次都有兩次俾我地聽
聽完就係小息,大家又聚首一堂談話
傾完,又要上去考英文閱讀同寫作
今次既寫作好easy!!全班都識做
因為呢個題目成日都做,就算溫國寶都好
我都見佢寫左10行左右,好叻仔!!
陳俊健都係,寫左好似10幾行!!good~
個個都有寫野,而且寫得唔會少過8行!!
希望大家會有好成績!!
聽日派中文,英文同常識!!
嘩!數學之前派左,所以聽日全部對晒!!
好緊張呀!!
我要訓啦!!因為聽日仲要去艷麗既屋企練歌!!
bye~baby~ |
2008 年 6 月 18 日 星期三  |
畢業小學 升上中學 倒數29日  |
分類: 評估 考試 |
今日係全港系統性評估,即係簡稱TSA
全日考中文,有:閱讀,寫作,聆聽
我同芳一齊搭車,到左荃灣,未夠鐘返學
我地係協和逗留幾分鐘
覺得好悶,我就諗到:不如食雪糕呀!!
佢話都幾好wo!!
於是我地就去麥當勞,行行下樓梯
見到慧,同佢say hi
點知..........後面係............
劉主任!!意想不到!!
原來佢未食野!!黎麥當勞食
我地同佢say hi~
上到麥當勞,嘩!好多人!!
食左之後,劉主任見到我地買雪糕
就問:吓!!食杯雪糕就飽既啦?!
我地話係呀~
佢又問:你地鍾唔鍾意食薯條,
我地梗係話:唔鍾意啦!!
如果我地話鍾意,佢可能會俾薯條我地食
所以講大話,係善意既謊言!!
食食下,落雨wo!!我地都唔知點好!!
落得咁大,我地仲囉住雪糕架!!
芳即刻開把遮,佢係長遮,所以按個掣好快就開到
我覺得開遮好麻煩,所以唔開,同佢一齊遮.
增進感情嘛!嘻嘻~
行到藍草莓對面,
有對夫婦,係咁撞過我果度,
佢地把遮又咁鬼濕,搞到我件衫濕左
佢地逼過黎,我又逼過去芳果度
我地仲囉住雪糕,又要顧住自己
又要顧住杯雪糕,又要囉住把遮...............
我地仲唔知點解一路笑
傻傻地,^^係咁笑,都唔知點解
俾雨林濕既啦.俾人撞到既啦,我地仲係度笑
笑到彎晒腰,我d頭髮就整到雪糕
芳都笑到傻傻地
把遮did埋落地下,成身俾雨林,
仲要笑!!哈哈~
返到學校,望清楚對方先知
原來大家係咁狼狽!!
成身都濕晒,芳比我仲濕
等呀等,要上去TSA啦!!
先係中文閱讀,都唔係咁難
話就話唔難,都唔知事實上錯左幾多
跟住係聆聽,都幾易
唔太難,俾心機聽既話!!
跟住係小息,大家一齊傾計
傾完之後,又要上去考今日最後既一科!!寫作
今次寫作既題目,幾易!!
係咁先!bye~
|
| 2008 年 6 月 17 日 星期二 |
| 畢業小學 升上中學 倒數30日 |
分類: 小學生活 |
都未起身,就俾一個電話嘈醒左
原來係芳打黎,佢話唔同我去圖書館
因為佢要同呀媽去整身份證
既然係咁,我就諗住遲d先去
點知.........佢又打黎,話呀媽唔整
所以又可以陪我去,我都未準備好
啦啦林準備好佢先,搞掂之後
就去圖書館,到左圖書館,先去book電腦
跟住還書,因為仲有時間,所以我地去睇下有邊d書好睇
去返上次果度,果d書真係好好睇
世界各地既精選,簡直令我愛不釋手!
睇呀睇,原來夠鐘去電腦室
到左,同芳打左兩篇文,我打左一篇
跟住夠鐘走lu...........我地去阿四食
食揚州炒飯,真係好好味!
食完,返學校,俾同學寫紀念冊紙
艷同芳拖住我既手,一路同我行
仲一路講:my honey!! my baby!
好嘔心呀~仲要囉隻手搞我塊面
前兩日艷無啦啦叫我baby,
講講下,芳都講埋
噢!!阿鐘上堂,第一堂係數學
黃sir同我地對返TSA卷,對完又對第二份
跟住上中文堂,做TSA
做完同我地對
跟住上英文堂,劉主任同溫國寶講:
唔洗望啦!!今次我有拉拉褲鏈
搞到全班都係度笑!
因為上次寶同我講劉主任冇拉褲鏈,
又係做TSA,做完又對
聽日仲要留係度,留到5:45分!
聽日要考TSA,真係最後一次小學考試啦
我要俾心機,先得!bye |
« | 18 | 19 | 20 | 21 | 22 | 23 | 24 | 25 | 26 | 27 | ... | 34 | »
|
