| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2008 年 7 月 12 日 星期六  |
畢業小學 升上中學 倒數5日  |
分類: 日常生活 |
起左身,
刷牙 洗面,食麵
跟住開始做功課!!
做完數學功課
就開始學期尾檢討
攞返本計劃簿出黎先...
先檢討,下學期既成績有冇進步
有呀!!進步左24.6分!!
5....幾好,幾好,幾好!!自誇....
跟住檢討,邊科退左步
中文閱讀差左
反而中文聆聽好左
既然係咁,梗係要搵下邊度出錯啦
都係詞語呀,成語呀...呢d問題
睇黎,要多睇課外書
睇下佢用左咩詞語.用係邊度,點用
應該都有幫肋既
同埋要溫返,成語
每週溫一次,應該得掛......
反而覺得溫一次,夠唔夠呢?
睇下效果先啦....
好啦...跟住到呢一年既目標能否達到
有幾項係達唔到目標架!!差勁....
大致來說,表現還可以架!
不過,仲要改善!!!
有d地方做得太錯啦!!仲改善!!
跟住,訂下中一既目標
同個人原則
除左寫係簿度,
仲要寫係一張紙度,
放係銀包提醒自己
咁先有效架嘛!!
晒個下午就忙著這些
跟住沖涼,食飯,睇書
大突破呀!!
一連睇左5本書呀!!仲要睇晒!!
聽日去細佬既講座,去圖書館,去艷屋企練歌
訓教啦.....
|
2008 年 7 月 11 日 星期五  |
| 畢業小學 升上中學 倒數6日 |
分類: 小學生活 |
今日去艷屋企抄野
佢派左書啦!!數學用英文教
好想知英文教既書會係點
同想學好數學變成英文既生字
抄呀抄,一路抄,一路學
搞掂!!
跟住同艷返學,真係唔該晒佢!!
...........
...........
上完數學,黃sir話,
下星期一,對返所有卷既答案
同埋唔明,就話俾我聽
等我地一齊去諗下點做
返屋企圈住你唔識既題目
呢一刻,我開心到爆!!
因為我有好多問題問呀!!
跟住上中文,
一樣對模擬試卷既答案
對了,放學lu.......
但.........
俾林(圖)老師截住左
叫我去402室
都係中英街既功課既啦...
原來真係!!
叫同學睇,睇左
覺得冇問題.可以寫下本簿度
我冇帶,唯有幫人睇
睇左張治超既先
跟住再睇另一個男仔(上晝班)
睇晒,我就可以走啦!!
但已經5點幾lu....
返屋企洗白白,食飯!
|
| 2008 年 7 月 10 日 星期四 |
畢業小學 升上中學 倒數7日  |
分類: 小學生活 |
今日7:30俾細佬叫醒左
8:15左右出門口
去搭36m陪細佬去鍾榮光中學註冊
到左站,先發覺冇帶銀包
因為呀媽叫我唔好帶袋去
我冇帶果個袋,袋裡面有銀包
唯有細佬用完,我用佢果張嘟
行呀行,一路俾風雨拍打住
成條裙濕晒!!
細佬都係(衫)
不過,呀媽冇咩濕
到左啦!!
一時話呢度唔得,一時話果度唔得
都唔知行邊好!
最後都行左正門果邊
成對鞋濕晒!!
上到去禮堂,有人俾野我地填
唔明,問果d人
填完之後,去老師果度
佢俾左好多野我地
我幫我細佬整果樣,整呢樣
老師想細佬獨立d
所以叫佢自己整
都好既!!希望呢度既老師會教好我細佬啦!
整完之後,去度身,訂校服
訂左,俾100訂金
跟住搞掂晒,
可以走啦!
突然有老師攔住
叫我地可以去試食!
到左間房,去食野呀!!^^
係意粉!同飯,仲有飲品架!!太正啦!
M.........好味!!
食完,飲野先!!飽飽啦~
返屋企lu........
搭車返去,俾左$1.2
爭$0.5,司機話唔緊要!!^^
我下次會俾返架!!
返到屋企,休息左一陣
又要出發啦!!-----可風註冊
入到禮堂,有人俾野我填
同我講左一句,早晨!!我梗係回返俾佢啦!
講完,去填表先!!!
搵到張枱,仲有第二d人
咁岩果個男仔係我之前面試同我同組既人
之前擺遮既時候,見到一個男仔
佢都係面試同我同組既人
填完,去見老師
老師同我講左一d野
跟住俾左一個file俾我
去訂衫!
要買冬季體育服,
因為10月有陸運會
中碼已經過晒隻手既啦!
呀媽仲要話買大碼!!
唔緊要啦~
訂校服果時,
問我洗唔洗要兩條裙wo!!
我話唔洗啦!!
佢話,但係一條裙著5日wo!!
我先唔係呀!!著左一日,都洗啦!!
到第二日米著返囉!
所以買左一條!
跟住係夏季體育服
要兩套呀!!
一定要wo!!話學校規定wo!!
冇辦法啦!!買兩套!!
不過佢明明度到30幾,應該係腰圍掛
但佢寫左44!!
嘩!!可能我睇錯啦!
跟住係冷衫,買兩件
一件係背心
一件係長既冷衫
買左兩件都有徽章
訂完,可以走人lu.....
行行下,見到一個女仔
佢又係面試同我同組既人
今日已經遇到3個同我同組既人啦
返屋企前,買野食
食完,返學校
同佢地分享今日既事!
今日要填返一d表先!
要參加中一新生輔導週wo!!
300蚊呀!!好貴呀!!
我都唔想參加,但一定要參加wo!!
唉~!
總之麻煩!!
|
| 2008 年 7 月 9 日 星期三 |
| 畢業小學 升上中學 倒數8日 |
分類: 小學生活 |
今日好似平時咁,返學,上堂,小息,放學,返屋企
就係咁啦!!
返學前去左艷麗屋企
同佢細妹玩!!^^
佢細妹真係好cute呀!!
同佢一齊玩波波
拉住我左手,
話要拍波波,
不過佢唔識拍,
淨係跳黎跳去
雙手think~黎think去
跳跳咋咋 !!好活潑呀!!
同佢玩左冇耐,就要返學lu.........
上上下數學堂
陸老師入左黎
叫我地之前有叫名既同學打針
我有份呀!!
好驚呀!!
............
到我啦!!呀!!好似死期到咁
嘩!!望過去護士果皮針
好長呀!!
都有成3cm咁長!!
我望左一次,唔敢再望第二次
太恐怖啦!!
左手隔呢種空左既感覺
而呢一種感覺將要俾針取代
真恐怖!!
枝針到位啦!!到位啦!!
殺到埋身啦!!黎啦!!黎啦!!
呀~!呀~!呀~!(心理叫左出黎)
第一下,好痛呀!!
點解比之前仲痛架?
梗係啦!!枝針咁長!!豈有此理!!
噢!!ya!!打完啦!!
受完苦啦!!
呢一年係自唔知第幾次打得咁多針!!
好似打左5-7左右!!唉~!
..............
小息啦!!
艷,芳落丁黎,即刻問.點呀?
係米好痛呢?
好關心我呀!!
郁梓駿都有走過黎,問!(開心 )
聽日要去註冊!!
去可風註冊呀!
邊個入左可風呀?
講俾我聽呀!!
|
| 2008 年 7 月 8 日 星期二 |
畢業小學 升上中學 倒數9日  |
分類: 小學生活 |
嘩!!今日係放榜日呀!!
好緊張呀!!
到左學校,六年班既同學都坐左係度
好似係度等結果咁(事實如此)
老師終於開麥克風,上課室!!
太好啦!!好驚呀!!
劉主任講左一d野
關於註冊既野,同叩門既野
上到課室
大家以為可以即刻見到結果
原來要聽左柳老師講野先
因為我地睇左之後,
淨係掛住同人分享,
唔會聽老師講野
老師講完一輪
話:有20幾人揀到第一自願同第二自願
有幾個揀左3,4自願
有一個揀到第5自願
唔知我係............?
1號!!一號出左去
ya!!開心到叫!!因為佢入到第一自願!!
2號!!........3號.........4號.........5號........6號.............7號.......
到8號啦!!係艷麗呀!!
唔知點呢?!心想
yes!!艷說
佢入到第一自願呀!!王少清!!
9號.........10號.........11號..........12號.......13號
林俊傑(12號)返到座位
yes!!又講
林木清(13號)返到黎,叫咦!!
我睇下佢地既派位證先
5.......12入呂明才,
佢都幾開心,因為佢入到第一自願
13都好似係第一自願
14號.......15號.........16號............17號........18號.........19號........
就快到我啦!!21呀!!20號.........21號............
入到第一自願呀!!柳老師說
ya!!yes!!我好開心呀!!
入到第一自願呀!!
22號.............23號..........24號..........
錦芳呀!!唔知佢點呢?
即刻問佢點呀?入到咩中學呀?
佢舉起第二隻手指,第二自願
即係咩呢?我想
李炳呀!!佢話
ya!!同我同一間!!太好啦!!可以一齊返學!!
雖然唔係同我一間,不過係我隔呢,可以一齊返學!!^^
25號...........26號........
咦!!雨婷呀!
又問下先!!
雨婷入到第3自願!!李城壁
佢唔想入,
因為佢想入王少清
跟住派晒..........
有家長,可以走得
有家長黎既同學,即刻走左lu.......
淨返我地冇家長黎既同學
雨,同芳坐左係我同艷既隔呢
大家一齊分享
我地覺得奇怪啦!!雨婷又會入唔到?
我地出去問老師
跟住又問老師可唔可以去敲門?
得!!你鍾意米去囉!
跟住又講左一篇既理論!!講笑姐!
講完,我地去隔呢班八掛下先!!
.............
.............
可以返屋企lu.......
我地去艷屋企練歌
到左,練左幾次
跟住佢地唔多想練,
所以冇練
同佢細妹玩!
到左11:30左右
我,雨,芳去食野!!
我同雨用10蚊劵
係之前音樂比賽贏左既,校長俾既獎品
我買左兩杯雪糕,1包細著條
食得飽飽!!^^
食完,去幫清,艷買野
跟住返艷屋企,到左
玩古羅牌
玩左冇耐,去協和玩
玩街頭籃球
玩完,係果度行黎行去
跟住返艷屋企練歌
佢細妹訓緊教
所以我地講野要好細聲!!
我同雨想睇靈界既野
去玩心理測驗
突然見到一個好恐怖既主題
嘩~好驚呀!!大家都覺得
突然,我地靜靜既等佢load既時候
啪!
嘩!!嚇死!!
以為真係有鬼!!
真係嚇死!!跟住繼續睇
睇睇下,麵夠鐘返屋企
我同芳返屋企啦!
雨話遲d先返
返屋企lu..........好開心呀!!
細佬同我都係一樣入第一自願!
後日註冊先!
|
| 2008 年 7 月 7 日 星期一 |
畢業小學 升上中學 倒數10日  |
分類: 小學生活 |
今日係結業禮
6點左右就起左身啦!!
刷完牙,洗完面,就開始整波羅腸啦!!
先剪好腸仔先,一條分3段!!
咁先夠食架嘛!!
整呀整,整到連自己都想食
垂涎三尺!!
不過,唔可以偷食架!!
因為要同佢地齊食
整完,換校服,食野
食完,準備完,
我要帶鍋返學校呀!!>.<
呀媽見我攞住個鍋
都笑左出黎
因為佢諗:邊有人攞住個鍋出街架!!仲要攞埋返學校!!(笑)
我咩住個斜咩袋,左手掛住一個大袋
雙手棒住個鍋
幾勁!!就咁去艷麗屋企
去到艷麗屋企,係佢樓下
打個電話俾佢,叫佢落黎幫幫手
幫我攞d野上,因為我真係唔得啦!!
果時仲要落住雨!!要加多把遮!!麻煩!!
到左艷麗屋企,張琴日既紫米露,
放係我帶黎既鍋
跟住加熱佢,果時,8點啦!!
我同艷麗都要返學校!!
即刻出門口
到左學校,老師叫我地詩班去四樓會議室
去果度練歌,跟住落禮堂唱俾人地聽!!
練呀練,練左5次左右
跟住落去三樓既閣樓
點知到左之後............原來已經到左我地要唱歌啦wo!!
我地即刻落左去,梁老師好嬲!!
因為到我地,竟然冇人通知我地
唉~!真激氣!!算啦!!
而家要唱好歌就得啦!!
上到台,好似之前咁,要微笑,
唱第一個字:來,就要搖下身
..................
...................
....................
終於唱完lu.............好開心!!
都唔錯既!!
唱完,上返去會議室
而我,雨,艷.............攞獎既同學就要落去禮堂彩排
落到去,練呀練,練左2次左右,
就唔洗練啦!!
而林老師叫我上去幫佢地攞程序表
上到去,終於見到柳老師啦!!
問佢可唔可以放學後去攞野食黎呀?
佢話唔可以,唉~!
打電話俾芳,睇下佢係唔係艷麗既屋企
原來佢返左黎學校
我即刻落去,叫佢返艷屋企攞d野食返黎
佢同韓寧去攞
我唔得,因為我要上返去俾返程序表佢地
同埋要練歌,跟住開始我地下晝班既結業禮
開始lu............
先係俾主禮人入場
跟住唱校歌
唱完,由鍾主任帶領我地祈禱
祈完啦,就由翁校長讀經
又話跟住落黎係獻詩,點知.............乜都冇
跟住係校董同我地作短講
短講真係好有意義!!每一句都有鼓勵性!!
如果可以,希望可以再聽多d!!
短講係講劉翔同黃金寶
叫我地學習劉翔果種自律既態度!!
同埋學黃金寶果種努力不懈既精神!!
短講完畢,就係頒獎禮啦!!
我攞左學業獎同代表我班受憑^^
今年Mr.Wood要走,同伍主任都要走
頒晒,到我地詩班獻詩
又好似上次咁,
唱來,就搖身
............
............唱完到1A表演聖經朗誦
跟住致謝辭,報告,唱休業歌,同禮成
可以返課室開大食會!!
到左課室,派成績表呀!!
好驚呀!!
老師話要出去一陣,叫我幫佢睇住d同學攞成績表
睇住佢地攞,同幫佢地執好d成績表俾佢地
終於到我啦!!嘩!!!!
我唔咁相信...............我覺得自己睇錯姐
睇左一陣(10秒左右)
又要幫佢地執好成績表俾佢地
跟住返黎啦!!
我返坐位,王御謙話交換黎睇
我覺得無所謂,因為成績都已經打左出黎啦!
都冇得改既啦!
同佢交左黎睇
佢地幾勁下wo!!
跟住又俾艷睇,林俊傑又睇
因為佢同我交換
分享完,攞畢業證書
好開心!!
攞完,開大食會!!
我地先鋪好枱面先,又整d水
咁易整好多!!
開始放食物係枱面
攞去二樓叮熱佢
可以開餐啦!!
飲一口可樂先!!真good!!
開始食野,同我地同組既男仔
林俊傑,林木清,吳浩鍵,陳向增,張航,仲有胡梓斌
前五個係咁食薯片,唔食其他
真係晒晒我地女仔一片心機!!
不過,佢乎都肯自動食!!^^
食呀食,佢地食食下,攞薯片黎玩
真係呀!!
又張薯片放係杯度!!又訂人地!
真可惡!!胡梓斌,林俊傑,吳浩鍵,陳向增呢幾個就冇,
佢地話唔食啦!!想走先wo
我地留唔住佢地,
更何況留左佢地係度
都唔知佢地幫得咩手
佢地走左之後,我張d食物放入飯盒度
拎返去先!!
執好晒野之後,我地仲有食物剩
所以我地分左佢
跟住又傾下自己既分數
陳俊健,馮文康都係度,
不過唔緊要啦!!
分享後,影左d相,跟住又走lu..........
走既時候,見有車,
我,芳,鳳跑呀跑,趕到!!
返到屋企,飲口水先!!
今日真係好開心!!
因為學業獎既禮物係我最需要,最鍾意既公仔
就係Winnie the Pooh(小熊維尼)文具套裝
太好啦!!有筆盒!!我正想買個新筆袋或者筆盒
而家唔洗買啦!!
真係好開心呀!!
你地開唔開心呀? |
| 2008 年 7 月 6 日 星期日 |
| 畢業小學 升上中學 倒數11日 |
分類: 出外 |
今日要去艷麗屋企整紫米露
到左佢屋企,睇下浸左既西米先!!
發覺..........裝西米既碗好細
我即刻同佢換左個大d既
跟住開果包紫米露既材料
洗呀洗,洗左三次!
係洗黑米同麥米,洗完
攞去浸,浸左都係黑黑地同紫紫地
係咁既啦!!唔再洗啦!!
跟住又洗西米
呢包西米係紫米裡面既材料
之前果一包西米係買架!!
洗晒之後,等兩個鐘之後,
先再整
果兩個鐘我地去玩電腦
係練歌!!同聽歌!!加唱歌!!
唱呀唱,完lu...........
夠鐘整啦!!
行入廚房,有一種好緊張既感覺
開始動手啦!!
先洗好個鍋,跟住裝八碗水
等佢滾左先,得啦!!
先再張黑米同麥米放入去
等黑米同麥米煮到開爛啦!
先再張西米放入去
跟住放入d糖!!
搞呀搞,搞暈佢先
跟住試味,我,芳,艷三個一齊試味
要死(柯)就一齊死(柯)
都唔錯!!不過...未熟
又等呀等
我地先整啫喱先
試啫喱既味,係好甜架!!
我地係咁加水,加左兩個碗左右既水,先唔係咁甜
整完一個,再整另一個
佢地整,而我睇火,同搞下d西米
芳搯好d野,俾我試味
都唔錯啦!!再整另一個.
呢次我整,佢地睇火
我搯俾佢地試味
ok啦!!等佢涼左先,放入冰箱
紫米露,都整得幾好啦!!
試味先!!M..........唔錯!!唔錯!!
不過唔夠甜
我地又加左幾個冰糖
真係好好味!!
不過......都係唔別甜
咦!!!!咦!!!
呀!!!原來............
原來我地未放椰汁呀!!我講
唔怪之得唔甜啦!!艷說
加左之後,再試下先
Mmmm................好香呀!!
加左之後,真係好味好多
跟住張啫喱放係冰箱
整得差唔多啦!!
我同芳都要走啦!!
同佢細妹講聲bye~bye~
佢細妹真係好可愛!!好鍾意!!
...................
..................
夜晚,我都整啫喱
唔知聽日會點呢?
好想快d呀!! |
| 2008 年 7 月 5 日 星期六 |
| 畢業小學 升上中學 倒數12 |
分類: 小學生活 |
今日係風紀檢討會
到左學校,鍾主任叫我同曉焰去買腸仔同波羅
買完,返學校整,整呀整
我地幾個風紀隊長(我,曉焰,偉文,芷珊)忙到不得之了
忙呢個忙果個
要整波羅腸,整呀整,過晒時間
佢地做住檢討先
而我地繼續整食物
整完之後,開始大食會!!係風紀大食會!!
佢地夾左d食物之後,先到我地風紀隊長夾
我食呀食,食左都幾多下架!!
食完,開始遊戲!!
佢地係度玩遊戲,而我係度執野
我帶左飯盒黎
佢地食到唔食,唔想晒野,所以張呢d食物帶返屋企
整呀整,整完,返去遊戲房先
見佢地玩得幾開心
開始玩收賣佬
佢地唔多合作,唔好嘈,又要傾計
最後有個抽獎,
當然有d開心,有d唔開心啦!!
抽完,又要做檢討會
我地四個風紀隊長,又要檢討
又要做問卷,佢地之前做左
我地要做返
同埋要寫野,寫做風紀既感受,同得著
初初諗唔到,跟住又諗到好多
寫完,去練歌!!因為結業禮果日我地歌詠組要獻詩
練呀練,跟住排位
最後,我企係詩琦隔呢
最後唱一次,大家就可以走啦!!
走之前有10蚊麥當勞劵
因為我地之前比賽贏左亞軍!!
跟住我,艷麗,雨婷,錦芳去買野
準備星期一結業禮後既大食會!
係佳寶買完,去梨木樹,我果度買
我返屋企先
呀哥同細佬見到帶左野返黎,即刻食左佢
我搞掂左之後,落去搵佢地
見到佢地,跟住去惠康買
買左薯片,栗一燒,
跟住落去街市,艷麗話要買紫米露食
雨婷試左之後,覺得幾好味
所以我地會上去惠康買紫米露
買完,去象山買雪米糍
佢地去,而我坐係度等佢地
同埋幫佢地睇住d野
佢地買完,就要返屋企
因為雪米糍唔放得咁耐,會溶
錦芳返屋企
因為佢攞住雪米糍
我送艷麗同雨婷去車站
跟住say bye~bye
而我屋企,做功課!! |
| 對唔住呀!!各位!! |
分類: 自己 |
唔好意思呀!!大家
我呢幾日會忙都透唔到氣!!
可能要遲d先打返之前發生既事
7月4要去中英街,
7月5風紀檢討會,其實係大食會!!
不過,都有檢討
完左要去買7月7既六年班大食會
7月6去艷麗屋企同佢一齊整啫喱,西米露
7月7結業禮
結業禮後係六年班大食會
我都要準備d食物
所以聽日會唔得閒
不過,盡量打啦!!
好啦!!
我要去做功課!!bye
|
| 2008 年 7 月 4 日 星期五 |
| 畢業小學 升上中學 倒數13日 |
分類: 小學生活 |
今日5點就起左身
點解咁早?
因為今日去中英街
6:45要集合,時間唔等人
搞掂晒之後,出門口lu..........要6:45左右先返黎
到左百佳前既空地,冇人既............
等左唔耐,見到聰爾啦!!
佢係度寫野,我地一齊等
等等下,好多人到左啦!!
齊人後,出發lu..........去搭地鐵先...
入閘之後,呀媽打黎,問我到左未,
我話到左啦,而家要去中英街啦!!
老師話而家起唔好開電話wo,
返黎果時,先打俾你啦!!
搭呀搭,到左之後,
要搭旅遊巴去關口出境
先check身份證,跟住坐2分鐘車,
落車check回鄉證
跟住又坐幾分鐘,要俾人check回鄉證
好麻煩!!!
check晒之後,終於可以活動啦!!
我要睇住鄭淩游,因為佢平時多野講,要我睇住佢
唔好俾佢講得咁多
第一個活動係...........參觀中英街歷史博物館
女導師帶住我地參觀,一路講解左好多野
我見佢流住汗,想俾紙巾佢...........
最後...都係冇俾,唉~!
睇完一層,上一層,跟住又睇一層,
就咁,睇左4層!!
最令我難忘既展品係............一個地圖
佢展示左香港既歷史
清楚講明係幾時割左邊度俾英國
地圖又俾我睇到中英街係邊度
原來係香港同大陸既中間
完左之後,出度去,
有間鋪頭賣紀念品,我唔買
不過....我同聰爾買左價值人民幣1蚊既雪條----小布丁
鄭淩游同袁浩林見到,都買
食完之後,我地去參觀中英街!!
終於可以見到真正既中英街啦!!
一路行,一路都見到好多鋪頭
而果d鋪頭,係好特別架!!
右邊係大陸既鋪頭,
左邊係香港既鋪頭
所以中英街有『一街兩制』既制度
沿住睇,好多好靚既紀念品
都係冇買!!
短短既250公尺就咁睇完啦!!
睇完之後,又上車,下一個活動係.............食午飯!!
我又要睇住我既朋友.......鄭淩游
先11點,就食午飯啦!!洗唔洗咁早呀?
食食下,朋友(即係鄭淩游)
就問點解咁早食飯既?
林老師話,係呀!!
咁早食,我唔得架!!跟住既時間點熬呀?
咁你想點呀?林老師問
有冇得食晚飯架?
呢一個問題引起我地既笑!!
因為佢問得好純真!!^^
繼續食飯............
食呀食,我食飽飽lu.........
朋友仲食緊,佢好似食左4-5碗飯
好晒利!!
我都食左3碗!!
大家食完之後,可以開始下一個活動!!
就係............登上長城!!!嘻嘻~
搭車到左之後,要登上長城啦!!
好緊張呀!!!終於可以嘗試『不到長城非好漢』
搭上第一級,嘩!!!感覺好正!!
一路行,一路感受到古人既汗水
因為有太陽暴曬住!!
以前既人係幾咁辛苦呢?
到左第一個峰台,已經好辛苦
個個流晒汗!!
個個到齊後,影一張相先!
影完,繼續前進!!好似義勇軍咁,不准後退!!
行行下,老師話唔行啦!!
因為夠鐘開始另一個活動!
企係第一個峰台,望落去,嘩!!景色唔錯!!唔錯!!
不過.....咁快就要走啦!
下一個活動係............參觀客家民俗園
到左之後,男導師開始同我地介紹果度既展品
一路介紹,我地一路專心既聽
睇呀睇,有好多人物既像!!
做得好似!!有成10幾個,可能20幾個都有!!
一定晒左好多錢!!
果d人物像係講以前既人生活情況!
睇完,去深圳市少年宮!!
要搭45分車程到
所以我訓教!!
訓呀訓,俾人叫醒左添
落左車,嘩!!一望見
嚇死人!!
好大呀!!
入到去,梗係影相留念啦!!
先俾第二間學校影先
(我地去既時候,要同另一間學校去)
佢地影完,到我地影
不過............果度既保安員唔俾
噢!!我地就冇得影!!
我地去睇一睇先
有好多都冇開
行行下,去左一間食物店wo!!
佢地話想食野,於是我地係度休息一陣
食完,不過....我冇食
去科普王國,好正呀!!果度!!
先見到一d人物像,係歷史人物!!
有愛迪生,牛頓,帕斯卡............
不過......冇林肯.........................失望!!
睇完,我地入去玩,
有個室好怪!!
入左去,會跌向一邊,
係傾斜左,想上去,好難,
出到去,好暈呀!!
真係怪!!點解會咁既呢?
跟住我地去玩測聲音
有間房,裡面黑黑地,出面有個測聲機,
測下你既聲音有幾大,間房可以聽到,如果大既話
我,聰爾見間房咁黑,嚇人最好玩!!
我地係裡面,聽到有人敲門,
我地嘩一聲!!
原來果個係劉明衍(應該係咁寫掛)
佢俾我地嚇到,自己都嘩左幾聲!
我地都嘩完,佢仲係度嘩
我望住佢既咀,好O化!!成個咀都O晒!!
個樣好似好受左驚
我同聰爾係度笑,我地覺得
洗唔洗俾我地嚇到咁呀?
仲唔停止嘩聲?
佢終於嘩完啦!!
我地出去繼續玩,
我地想測暴果機
7.8個人一齊嘩,都係唔得
我地唯有打周圍既野
一邊打, 一邊叫,
有嘩,有啊,有扮野獸既聲,
好嘈啦!!!嘈到人地走晒!!哈哈
林老師見到都.......好無奈!!
終於......成功啦!!
跟住第二d
玩對聲機,我作架!!個名!!^^
林老師係對面,我地(我,聰爾,浩林,淩游,詩詠)係老師既對面
對住個類似鍋既野講野,跟住對方就會收到
玩完,又去玩嚇人
咦!!!有人敲門,我同聰爾即刻嘩一聲
原來係個細路仔
哎呀!!死啦!!我地搞錯對像添
佢嘩左一聲,跟住問做咩呀?
我地用普通話講,對唔住!!
跟住好慚愧既低住頭走人
係果度玩到傻傻下!!
今日艾到.........喉嚨沙晒.........
玩完,要返去lu.........
搭車返去,好想再留多一陣!!
如果我係呢度既人民,
我一定會每星期黎一次!!
返到屋企,夜晚9點訓教
但係...........有好多電話打黎
搞到9:45左右先訓!
呢個中國歷史文化交流,好有意義!!
希望下次有得再參加!!不過............下次係中學既事囉! |
« | 16 | 17 | 18 | 19 | 20 | 21 | 22 | 23 | 24 | 25 | ... | 34 | »
|
