| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2008 年 5 月 20 日 星期二  |
畢業小學 升上中學 倒數51日  |
分類: 小學生活 |
今日係參觀科學館既日子
先去艷既屋企同佢一齊返學校
見到佢細妹,好cute呀!!
剪左頭髮,俾我發現左!!幾勁!!講笑姐!
望住佢食野,要食兩碗粥!!好勁呀!!
跟住我地一齊返學
先去呀伯果度買野食,我買左一排哈密瓜含片
艷買左4蚊可樂糖同埋圓形包裝既可樂糖
我之前買左,所以依家買1蚊
返到學校,見到d同學
見到芳,就俾封信佢,
希望佢睇得明啦!!
我地下晝班要去課室先.
跟住先去科學館
坐車果時,我,婷,嫻一齊坐
好似冇咩好傾,有d靜
到左科學館,要等一陣先俾入去
係出面果時,唉~!
恩叫我幫藍囉住佢既工作紙
原來係寶既,我俾返寶
佢唔囉,我由得佢,佢dum係地下
久過左冇幾耐,柳老師見到
叫佢執返,跟住又問發生咩事
我答返佢,柳老師即係叫翁小藍行過去
叫佢執返,呢個時候
我覺得我做錯左,我好似間接累左藍佢
我見到藍,即刻say sorry!!
唔知佢有冇聽,不過我自己都舒服左
開始參觀時
可以俾我地自由時間
我睇左唔少野
我用左電腦,部電腦有好多資源
我睇左部電腦,先知唐山大地震,死傷24萬
好恐怖!!希望呢次唔會咁多啦!!
跟住又睇左一d海報
又睇左電視,好鬼嘈!!聽得唔係咁清楚
跟住要集隊,有個彭小姐做我地既導遊
介紹左好多電既野
講完之後,我地落去下面
問我地有冇人巡訓係張床度
得御一個試,跟住柳老師試
有d針出左黎,老師話唔痛
因為佢平放,身體每一個部分都有平均既體重
而皮膚能承受針
跟住我地上返去
睇.........唔記得左叫咩名
總之係一個表演,係用一d動力令到球可以沃動
睇睇下,我去做工作紙d野
去電訊廊搵資料
見到呀威同佢d朋友
後來又見到艷,我同艷一齊做
唔識果時,問威,佢好囂張!!
唔肯答,我地好嬲
跟住我發現左一d野,哈哈!!
唔講俾威聽!!
我地一齊做,做完之後,叫婷同芳過黎
威聽到,扮晒打,叫佢d朋友話出去一陣囉!!
我地米唔去囉,佢地又唔去,
我覺得,唉~!算啦!!唔緊要啦!
跟住我地帶左佢地去,
佢地睇到之後,即刻做工作紙!!
係咁抄,係咁抄!!晒唔晒呀!!
跟住我同威講"
那!!我地幫左你wo!!係米都應該幫返我地先?
我地有一題唔識,教我地啦!!
其實,唔係教,係俾我地抄!!嘻嘻~~
大家抄完之後,就去搵第二d野
威,諾,仲有一個,佢地一齊做,
好鬼奸!!派出一個臥底.偷睇我地d答案
好奸呀!!
我地唔識,會問佢地,佢地都肯答我地~
我見陳俊健坐左係度,冇做
我即刻拉住佢既袋
帶佢去邊度搵料,又叫佢抄邊度,
做做下,張航佢地黎左,
我驚佢地又講埋果d野
健又話唔想做,我見佢都有做少少
於是放過佢,我走左去搵艷佢地
見佢地係咁抄藍果份
我就自己落去搵料,去磁訊廊,好似係呢個名
搵都搵唔到,激死我!!
見到康,問佢,佢帶我去搵,搵到之後
即刻抄底d答案!!嘻嘻~~
跟住集隊lu..........好唔捨得,
我都未睇晒所有野,
都未學夠,唉~!算!
搭車走lu.............
坐車果時,同艷,婷坐呀!!哈哈~~
太好啦!!因為我地一齊偷食糖!!嘻嘻~~
隔呢果個優自己一個人坐
仲有兩個女仔未坐,佢唔肯俾佢地坐,自己坐左係度
仲唔知發生咩事,劉欣欣好似想坐
點知...........
後面既黃博毅自己坐落去
呢兩個男仔..............唉~
返到去,問詩囉返工作紙
佢話遲d先,我就上左去
點知........老師話要收返
我都俾左詩佢囉左返屋企
我就出去囉多一份,再做
老師6點俾我地放學
嘩!!好開心呀!!第一次咁準時!!
可能因為我地參觀完,老師覺得我地好辛苦掛
唉~!放咁早,係好事,不過..........
芳佢..............自己走左
平時佢會等埋我ga嘛,點知.........
通知都冇,佢就自己走左
我唔開心咁放學
食珍寶珠果時,明明平時食甜甜地
今日果d唔好味
返到屋企,照常做功課~
好啦!!再見啦!!
希望芳聽日同平時咁啦!!
|
| 2008 年 5 月 19 日 星期一 |
畢業小學 升上中學 倒數52日  |
分類: 小學生活 |
今日係哀悼日,全國既哀悼日
返到學校,上堂果時,柳老師都有同我地講四川d野
話2:15會落去默哀
跟住上第一堂圖書,之前柳老師同我地講野
係班務果時講
上圖書堂,林老師同我地講宿營d野
跟住又俾我地睇果個程序表
裏面有同邊個同房既野
我睇到之後,好失望!!
因為要同林惠雲,劉蘭君,何陳娟佢地同一間房
唉~!點解?林老師安排係跟返高度既
我覺得即使高度差唔多,並唔代表
我地傾得埋,好彩!!
同錦芳,韓寧,敏慧......佢地同房
好彩!!都有一d人我想同佢同房
好彩!!我好姊妹-錦芳同我同房
上天都冇完全對我衰,仲有少少希望俾我
四川既同胞,你地同一樣!!
上天一定唔會拋棄你!!
跟住落去默哀
果時,我想裡諗住佢地被救既情況
令我好喊........不過冇
因為我明白如果我喊.......一定會引起好大既關注
心裡面又講左一d野鼓勵佢地
...............................(過左一段時間)
上最後果幾堂,溫國寶好乞人憎!!好想打佢!! 
佢好似發癲,搞吳浩鍵既私人部位(上面)
跟住又話佢果d好.............
聽左之後,令人嘔心
好變態!!
佢搞佢就唔好搞我地d女仔啦
跟住佢又話..............
呢一句,令我超級超級超級憎佢
想打佢,打到佢死死下
不過,讀書人點可以咁做呢?
以德服人!好!你睇住黎
等我第一個女人(是但,遲d都變ga啦)
令到你地d男仔服我地!!
跪係我地面前救饒
哈哈!!
講笑姐!!大家唔洗咁緊張!!
放學之後,問錦芳佢有冇同人講
佢話有,呢一句令我好失望!!
我估唔到佢會咁做
之後冇同佢傾計
點算呀!!我好亂呀!!
首先曉儀話芳好乞人憎
因為佢借左佢既文具之後
張佢既筆袋dum落地下
芳話冇
跟住芳張曉儀既私人野
講左俾人地聽
係因為佢好嬲,所以講左俾人聽
曉儀話俾人知左,d人好似對佢反感
成日講佢(佢覺得)
搞到佢好唔開心
佢話.一定係芳張佢d野講左出去
初初我唔信,但原來真係!!
芳講左俾翁小藍聽
唉~
到底邊個講真,邊個講假?
曉儀話芳dum佢筆袋,但芳話冇
唉~!好煩呀!!
你地幫下我啦!!
|
2008 年 5 月 18 日 星期日  |
| 2008 年 5 月 17 日 星期六 |
畢業小學 升上中學 倒數54日  |
分類: 出外 |
 今日同家姐出左去
同佢出去行下,佢話去綠揚新村果度
我地行路去,我唔係好想!!
行過可風,李炳,又行過象山邨,廖寶珊
先到,唉~好倦呀!!
跟住行出綠揚方,我地出去果時,
聽到有人唱歌 ,籌款WO!!我就捐左2.5
雖然好少,但集腋成裘!!一定可以幫到四川災民!!
跟住我地去三聯，睇下書
Ｄ書好好睇，不過冇買
太貴啦 ！！等我有書劵先買啦！！
不過都唔知幾時先會有，
我見到奧巴馬同希拉莉既書
睇左好多書，不過係睇左幾頁！！
睇完，我地就走啦，佢話去荃錦睇下Ｄ衫
嘩！！貴到死！！ 點買得起呀！！
就算要買，都唔係依家買
應該張買衫既錢捐出去，５５
睇完，佢話去見佢既朋友
我就想去麥當勞買雪糕，點知佢既朋友約左佢係麥當勞等
去麥當當之前，佢話去果間睇下Ｄ衫
唔錯呀！！Ｄ衫幾好ＷＯ！！不過
都係好貴！！就算買得起，呀媽都唔俾
跟住我地去麥當當，我買完，佢就上去
我返屋企lu!!去巴士站 果時，竟然 ．．．．．．．．
見到婷！上晝班果個
夜晚，我同芳，鳳出黎
貼尋貓告示，希望有人睇啦！！
我會post俾大家睇!!
|
| 2008 年 5 月 16 日 星期五 |
| 畢業小學 升上中學 倒數55日 |
分類: 小學生活 |
呢幾日都好唔開心
發生左好多事.令人痛心疾首
1.四川大地震,見到佢地被埋既樣,
令我好心痛 ,冇左家人既孤兒,哭不成泣
我知道你地既身,心都受到好大既傷害
希望你地早日脫離困境
2.貓兒不見了,擔心佢俾人虐待
遇到好人,就好啦!!希望啦!!
3.曉儀話 佢好衰,芳冇帶筆袋,佢借俾佢
點知芳囉埋佢既筆袋睇,
係咁囉佢既鉛心,又張佢既筆袋dum落地下
又張曉既私人野,講俾劉蘭君聽,君講埋俾雲果d人聽
搞到佢好唔開心 ,不過
我覺得芳唔會咁做,"芳會咁做咩?"我自問
但曉唔會講大話掛,佢做咩要講大話?
放學之後,我冇同芳傾計
我唔知點算好,我唔知邊個講真,邊個假
同芳傾MSN,我直接同佢講,
再打電話 俾佢,叫佢問下曉點解要講大話?
4.細佬佢.........唉 ~
仲有其他事,不過唔想俾你地知
希望日子快點過去,四川災民忘記這件事
堅強生活下去,被埋瓦礫既同胞,你地要加油!! 我為你地打氣!!
港人,希望你們伸出援手,捐款及為他們祈禱
|
| 2008 年 5 月 15 日 星期四 |
| 畢業小學 升上中學 倒數56日 |
分類: 小學生活 |
唉~呢幾日都好唔開心
返到學校,艷好似嬲左我
我唔知點解......(唔講得)
跟住去...........又...........唉~
之後上堂,我先發現原來今日要上常識堂
我冇帶.....以為今日會上週會,點知.........
唉~又多一次衰野
之後都好似冇咩衰野發生(應該冇掛)
我都唔係好記得,呢d野,記黎做咩呀!!
最後都搞到自己唔開心
上英文堂果時,d同學好乞人憎!!
因為劉主任唔知去左邊,所以搵左李老師代課
d同學好似見到李老師好蝦d,所以做反
今日要默書,溫生,吳生,胡生........竟然........
出貓!!溫生做得最明顯!!張張紙放係默書紙下面
唉~默完之後,d同學好似講粗口
特別溫生講左好多,句句都係
仆x ,x你, x你個x, x家x......
總之不停講,好乞人憎 !!
劉主任返左黎,我一定會去同佢講
話d同學恰李老師,個個都做反!!
不停傾計,講粗口,李老師講咩,佢地都唔聽
唉~真係慘!!李老師!!
放左學,返屋企!!
夜晚睇四川大地震,好唔開心
好希望仲有生還者,加油!!
訓教果時,先敢喊 出黎,係連續第3日喊
見到佢地既樣,覺得好心痛,唔知點形容
見到溫爺爺安慰孤兒時,眼淚都情不自禁流
我會盡我既力去幫你地,我可以做既係
捐款
你地千萬不要放棄!!
我會許"..........................."
|
| 2008 年 5 月 14 日 星期三 |
畢業小學 升上中學 倒數57日  |
分類: 小學生活 |
今日早上我,芳,鳳又去搵
先搵佢既安身之所,搵唔到,跟住周圍搵
見邊度有角,就睇下
由xxx搵到3座,好倦!!
我地坐左4座前面既公園,諗下野
我地諗,寫"尋貓告示",好啦!!一於就係咁啦!!
我地落黎一齊寫,不過............用左一個鐘,寫得個3張!!
跟住我地返學校,見到有車,於是跑過去,
唉!真係狼狽
返到學校,同梁老師練完之後
就要考TSA啦!!
當老師黎我地課室,講邊個會考果時,
大家都好緊張!!me too!!
聽左之後,又驚又喜又失望!!
我要考2個,1個係視聽,1個係中文個人說話
我好想考英文ga!!
考視聽果時,去左6B班,電腦好似壞壞地,播唔到隻碟
我地等左好耐,有d同學好唔耐煩!!
最後叫我地去5A班考,考果時,我好俾心機!!
梗係!做咩都要俾心機ga嘛!!
考完,我又要考中文個人說話
等左好耐,到我啦!!!
由於果題目我未嘗過,於是我亂作野
明明冇發生過意外,就亂作話我親眼見到一場交通意外,哈哈!!
老師話冇,都可以作,唔通唔講咩!!
講完,落去睇電影,仲話係電影wo!!搞到我好期待既心情,變成........
只不過係香港電台平時播果d野呢姐嘛!!
睇完,照常上堂,好lu!!傾住咁多先!!
bye~
|
| 2008 年 5 月 13 日 星期二 |
| 畢業小學 升上中學 倒數58日 |
分類: 自己 |
今日早上我,芳,鳳去睇貓咪
鳳睇左之後,要打壁球,所以去搭車
我同芳陪佢去搭車,行得好倦,可能係因為太陽!!
佢上左車之後,我地就幫貓咪洗白白
不過,我地唔行商場,驚 俾管理員鬧我地囉住隻貓行黎行去
所以我地兜成個商場去平台既廁所,去到,點知.........
有人清潔緊,我地就係出面等,d人過黎睇,淨係識講"嘩!!貓仔呀"
我地等左好耐,都唔見佢地清潔完,我地仲要去圖書館ga,
所以我地唔等啦!!跟住我同芳一齊諗到去商場2樓!!
我地又要兜成個商場,唔敢入去,係搭車果度有升降機,
我地就搭,不過,好多人,又驚俾人發現,個管理員都係度
好彩佢冇發現,其實我覺得佢係知,不過見我地咁有愛心,所以扮唔知,55一定係咁!!
跟住我地好快既跑去廁所,見都好幾多人,so唔洗住
見冇咁多人,我地就同佢洗白白,
我同佢捉虱同蟻,d虱真係乞人憎 (疾惡如仇)!! 搞到佢咁辛苦!!
跟住佢好似唔沃,我地好驚佢死左,所以唔再同佢洗
我地覺得好似夠鐘去搭車,so我地搭lift落返去
我地初初好驚有人同我地搭同一個lift,點知.......
好安全,冇人同我地一齊搭,我地又要跑返去貓咪既安身之所
好倦呀!!我地又要跑返去車站!!唉~
到左荃灣,我地見到艷麗,我地就一齊去圖書館
我book左電腦,我明明有打blog,但佢冇顯示
11:43左右我地去食野,去McDonald食
食完之後,返學校,原來錦鳳未食野 ,
好彩!!錦芳有同佢買個包,我又俾左佢一個珍寶珠
放學之後,9點左右,我地(我,芳,鳳)去睇貓咪
點知..........佢唔見左 ,我地搵黎搵去,都唔見,
點算好呢?點解佢會唔見ga?
我地見到紙皮箱係地下,放係佢既位,有一枝刺既樹枝,唔會係............
我地好驚佢有事,周圍搵,都唔見,好失望!!
我地諗住聽日早上再搵
返到屋企,11點上一陣MSN,同人傾下都好
抒發下情緒,唔洗咁唔開心,唔洗鬱係個心度
同佢都傾左幾耐下幾,不過,到左要訓既時候,又驚俾屋企人鬧咁遲仲唔關機
所以我登出,好似唔係咁好.....(唔講得)
訓教果時,我好驚隻貓有事,諗諗下,
喊左出黎,好對唔住呀,貓仔!!
如果我冇張你囉過黎,你可能都冇事呢!!嗚嗚.......
都唔明點解自己咁易喊,
希望隻貓冇事啦!!唔可以話佢有事ga
"希望愈大,失望愈大"我就話,即使是這樣,也不能失去希望!!
好啦!!聽日加油!!
|
| 2008 年 5 月 12 日 星期一 |
畢業小學 升上中學 倒數59日  |
分類: 出外 |
今日同艷麗,錦芳,雨婷一齊練中文說話
因為就黎TSA!!好驚呀!!
我地先去天台練
練果時,艷麗同錦芳好唔認真,係度訓教
我覺得已經話要練(艷麗話),但自己就係度訓教!!
我好火!!扮好嬲,唔同佢地傾,俾佢地知道我好想你地認真d
跟住佢地就認返真,55我好滿意
於是我地繼續,無啦啦有人叫我個名,原來係好耐冇見既----
盧雯珊,佢著得好.......有d似飛女(我地覺得)
冇見咁耐,估唔到佢變左,以前我地一齊打壁球果時
佢著得都唔係咁樣ga,佢今次著左一條好短既裙,去到大"脾"
有個管理員鬧 佢地(佢同佢地朋友),佢地鬧返個管理員
我地練完之後,去街市先,我要幫我細佬買野食
買完,去象山,佢地同我打賭,話:
如果見到林遠優或者林遠威,請我地食
我先唔信會見到佢地,所以我同佢地打賭,我覺得冇可能既事
行到去3座真係.......見到,唉~失望!!
我當見唔到佢地,一路行去象山
行到象山,我同艷麗見到有隻貓,係度叫,好似好辛苦
於是我地行過去,佢好細隻,我地見到佢既身有好多虱同螞蟻
我用紙巾捉住佢,囉去洗手盤,清潔下佢
佢好想走出呢個洗手盤,因為佢驚水
我地同佢洗完又洗,都洗唔晒d蟻同虱
我地問人借左紙箱,係唔會還ga
跟住我地買左一支牛奶,但佢唔飲,唔緊要啦!
我諗佢遲d都會飲掛,我地諗住買野食,點知為左隻貓.....
淨係食左一串魚蛋,跟住我地就走(同埋隻貓)
我抱住隻貓行,行到3座既籃球場,又見到優........
我地坐左一陣.我幫隻貓捉蟻同虱
優無啦啦走過黎,問幾點,婷答3點半,我地想快d搵個安居俾隻貓
優話張佢放係垃圾堆隔呢,我先唔要!!我好驚佢俾人整死
我地跟住走左,不停搵,搵左好耐,都冇一個好既地方
我地終於搵到啦!!就係..........(秘密)!!
跟住我同艷麗去我屋企囉膠手套,幫隻貓清得好d
我地去完我屋企,我返佢地果度,唔見佢地
我就大叫黃錦芳,王雨婷
但冇人回應,好失望!!
我地就行去第二度,去過商場,廁所,平台,我屋企,屋企樓下,3座............
兜黎兜去,好辛苦!!
行到隻腳痛晒紅晒!!仲瘀晒!!救命呀!!
芳呀婷呀!!你地係邊呀!!
我好唔開心,有d想喊,到底佢係邊?
我地打過電話,都冇消息,唉~
最後,我地係OK打電話,鳳話:
你地係OK等佢啦!!唔好再走!!
我地係OK買左燒賣,一齊食(分開食),係一齊買,分開食
跟住見到芳啦!!!!!!!
好開心呀!!!太好啦!!!
我地一齊去睇左一陣隻貓之後,艷麗返屋企
我都返屋企,好倦呀!!
搵左3個鐘!!行左3過鐘!!
隻腳痛晒,紅晒,瘀晒!!
我諗今夜一定訓得好早,因為今日好倦!!
好啦!!唔傾啦!!
我聽日都要去睇小貓咪!!
bye~
|
« | 22 | 23 | 24 | 25 | 26 | 27 | 28 | 29 | 30 | 31 | ... | 34 | »
|
