| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
畢業小學 升上中學 倒數42日  |
分類: 小學生活 |
宿營到左第二日啦
好懶睡的,不想起床
此終都要起身,起左身之後
要刷牙,洗面,
我,芳,恩,慧一齊刷,一齊洗
一齊用同一枝牙膏
搞掂之後,就做自己既野
我地有時傾計,有時坐左係度 唔好理會呢個網 http://im.qq.com/qq/dlqq.shtml#
到左時間,我地落去禮堂食早餐
食之前呀sir問我地有冇同老師講早晨
不過冇咩人舉手,所以要罰我地
要我地"貓"係度,雙手放係身後
一路行,一路叫:我要有禮貌
一路行果時,腳唔俾高過膝蓋
好辛苦呀!!我叫左好耐,不停叫
叫到傻左,d人都唔叫既
做完,就問我地:點解要有禮貌?
冇人答,毛sir又罰我地
要我地跳起身,拍一下手,並叫:
我要有反應
做左幾次,都係冇人答,
後來吳君豪答左,過左關!!ya!!
跟住食野
其實我都唔係好記得.
係食左野先呀,定係罰左先
算啦!!總之兩個都有做
今日既早餐好好味!!
有春卷,腸仔,同通心粉
今日係我同楊佳選負責,楊佳選佢搯野搯到唔平均
搞到雨婷食左好多火腿!!激死我!!
春卷好耐都冇食啦,腸仔,通心炒都係
真係好好味!!今日又係我地最後走既一組
又係因為我,食得太多,哈哈~
食完,休息一陣,跟住又開始活動
玩氣球,我組玩得好投入,好有興致去玩
玩完,要整暴個氣球,我地女仔梗係唔整啦
整完,玩呼拉圈,好驚呀!!
如果呼拉圈停左係你度,有會罰
我一次都冇,太好啦!!
嚇得我呀!太刺激啦
玩後,好似冇活動玩,唔係,好似有活動
呀!!記得啦!!
跟住跟返之前既呀sir,去玩其他活動
我地朱sir有d事,所以由陳sir帶我地
我地玩飛越唔知咩野
兩張凳,中間有一塊木板
木板唔會踏住兩張凳,要我地諗辦法
由一張凳過第二張凳
陳俊健諗左一個方法,
楊莉竟然話佢..........
果樣好囂張,雖然講出黎既野
好平常,但句句有骨,好乞人憎!
自己都冇諗辦法,仲要話人地
話陳俊健:你依家諗既係第二個之後點過
咁第一個呢?
嘩!!你見到,你都會火囉!!
陳俊健諗既方法岩ga,冇錯
你仲要話佢,晒晒人地既心血
我見到陳俊健佢轉左個身,好唔開心
但唔想同佢哎,所以冇講乜野
我見到好嬲囉!!
之後大家諗完,就開始
到女仔過,我冇聽到野,所以做錯左
之前又做返,成功左!!不過好辛苦,
一張企左男仔,我地女仔企係男仔後面
要我地女仔行去男仔前面
淨返好少位,叫我地點行呀?
我係第一個行,行得唔係咁順利
好彩!!有班男仔幫幫手,佢地捉住我,俾我行
咁都好d,行到啦!!依家就跳過去
成功左!!ya!!
不過到左劉蘭君就.............
試左幾次,終於得左,不過中間失敗左幾次
而有一次,前面既男仔跌底左
林俊傑整親隻手,詹錦州都有
不過佢地冇咩埋怨
全部成功後
返禮堂,反省同討論
跟住走得,不過蘭就唔得
傾左一陣計,就食飯
食果時,雨婷唔舒服,食左少少
不過我又係食左好多,又係我地最遲走,呵呵
食完,返營舍,休息一陣
我同芳唔休息,去尋寶
搵黎搵去,搵左幾個
太好啦!!^^ 不要理會 http://user.qzone.qq.com/515877750
跟住又返去禮堂集合,下午天氣變好左
我地可以玩互外既活動
我組冇人想玩攀石
陳sir就揀左幾個女仔玩,不過冇揀我
最後又揀我,不過我話唔玩呢個,我玩高空繩網
ya!!放過左我
芳玩得好快!!係女仔之中最厲害既一個!!
其他同學玩得唔錯!!
個個都到左終點,敲鐘!太好啦!!
雖然唔玩,不過要拉繩,拉到好辛苦,
跟住玩晒,夠鐘轉去第二度玩
玩高空繩網,好驚呀!!見到翁曉飛企站係度
唔沃,好驚呀佢!!唔敢行!
後來點樣,就唔知啦!
因為豪sir叫我地唔好睇佢,專心聽佢講野
我地玩圓圓地既高空繩網
而芳,即係B組玩好似橋,不過中間穿左窿既繩網
我係第四個呀!!好驚呀!!
見到吳君豪玩得有d驚
我更加驚!!
妙仙玩完到我,佢玩玩下,突然跌左落黎
好恐怖呀!!咁高跌左落黎,好彩有繩姐!!
到我啦!!我既心好似碎左咁
跟住爬樓梯上去,我爬得好慢
因為佢地拉繩果時,拉得好快,我個頭俾條繩扯住左
因為條繩係我後面
佢地唔知我好辛苦,仲要吹我快d
真係呀!!
爬到上面,好恐怖呀!!
我估唔到原來咁高ga!!
我唔想望下面,好驚跌底
我深呼吸一次,雙手打橫
以平衡我既身體,開始行過去
一路行得小心翼翼,唔敢輕舉妄動
到左終點,黃sir同柳老師話;
好呀wo!!咁快就到左
我好開心,可能太開心
所以跌左落去!!!呀!!救命呀!!
我唔想跌落去呀!!因為係上身跌落去先
雙腳仲係板上,於是我盡力撐返去
經過幾次既努力之後,成功左啦!!
ya!!唔洗跌落去
企返好,呀sir問我:
洗唔洗一字馬呀? 唔洗,我答
洗唔洗拱橋呀? 唔洗
o唔ok呀? ok!!
答左幾次問題之後,呀sir叫我坐底,
跟住跳落去,呀--------------呀------------
我係咁大叫!!真係好恐怖,好似跳樓咁!!
隨時心臟病發!!嚇死人啦!!
落去果時,去左魏長忠果時,佢驚我會踢到佢
不過我都唔會啦!成功著地!!ya!!
不過我呀左好多次!!
又恐怖又開心!!係一次美好既經歷同回憶
玩完,要繼續幫手拉繩
休息果時,隔呢到梁寶婷玩
佢停左係度,唔敢行前去
等左幾耐佢都冇行一步
我地要繼續拉繩,
後來好似教練上左去
不過最後點,我就唔知啦
我地全部玩完,我地隔呢睇下佢地
佢地仲字玩完,我幫佢地拉繩
係到凱儀玩,佢好驚
玩完,走佬lu.........
返到營舍,我換左衫,跟住好似食飯
今日既餸都好好味!!又有甜酸既餸
類似咕嚕肉,食完,又係我地最後
我食左好似2碗定3碗飯!!(好大食)
食完,上去營舍休息,我如芳繼續尋寶
尋左一陣, 我地去禮堂,開始夜晚既活動
全完音樂之夜,唱歌!!
呀sir俾我地亂坐,話吠最好既朋友
坐你隔呢,我以為艷,凱佢地會主動黎搵我同芳
點知........冇
平時會,不過今日就係唔會
我好失望!!算~我同芳一齊坐
第一次唱:朋友仔
幾好聽!!唔知點解唱唱下,我喊左
不過我極力張眼淚留係眼眶,唔俾佢流
第二次唱"先苦後甜"係感謝父母既照顧
我終於忍唔住,喊左,因為媽媽為左我,好辛苦!!
有時晚晚佢都話頭痛,見到佢辛苦既樣,我好心痛
唔知點算好!讀左咁多年書,竟然幫唔到手
真係好諷刺!!
我可以做既係:洗自己既衫,因為屋企冇洗衣機
所以每日媽媽都要洗好多衫
我唔怕同你講我屋企冇洗衣機
因為我唔覺得係一件醜事,我大個左
都可以買ga!!
佢成日都要洗咁多人既衫,一定好辛苦!!
我淨係洗自己既衫,都辛苦啦!!何況洗六個人既衫?
媽媽,讓你為我辛苦多幾年,我一定會好好照顧你!
多謝您!!14年的照顧!!
我流左,好驚俾人講
於是問芳覺唔覺得我有喊,佢話有
我扮晒野,冇事咁
最後都冇人發現!!ya!!
跟住唱:"我的驕傲"
係一首歌詞唔錯既歌
跟住一路唱其他歌,我好落力唱
唱得好大聲!!芳都係
唱既中間,老叫其他同學出去
分享下佢最好既朋友
竟然揀左芳,老師最好既朋友係邊個
唔洗講,你地都知啦
佢地就好大聲叫我個名
不過毛sir玩野,叫我既名,係都要高音d
讀讀下,好似痴痴,=.=好無奈!!
俾佢地玩,不過我都唔係咁介意
我又要上埋台,講我地以前唔係咁好,點解依家又咁好
我話係車度識
講完,老師又問我,你屋企有幾多兄弟姊妹呀?
答完一輪,走得,返返去,繼續唱歌
唱晒,叫我地俾同學或者老師寫d野
俾左好多同學寫,佢地都簽左名
即使唔係咁識,好似呂諾呀,我照俾
不過人地俾我寫,我又唔記得俾人寫
後尾逐個逐個問,問問下冇時間
夠鐘lu!!毛sir問我地仲唱唔唱
我地話唱,
有一首話:新聞 又報導誰輕生
我班同6B既男仔淨係唱新聞
呢兩個字
唱完,要走lu.............
今晚都開小食部!!ya!!
我同芳最後先走,
點知..........走左既人又返返黎
林遠優佢地,就係冇佢細佬
見到佢地返黎禮堂,又見到佢地囉住一袋野
係杯麵!!我地問係米呢度買
佢地話係,ya!!因為我地冇叉,琴晚問小食部既人囉叉
佢唔俾,話要係呢度買先得
佢地係呢度買,我地可以問佢地借袋野
扮晒野,話佢俾唔夠叉,米得囉!!
ya!!我頭腦轉得好怏呀!!
毛sir俾左我地一枝叉,同兩枝食月餅既叉
食月餅既叉得兩隻腳,我地覺得食得好辛苦
問佢地借袋野時,林遠優話
唔得呀.岩岩問左,佢話唔俾,佢話佢數過
我聽左之後,勁火!!俾兩枝叉姐!!
咁都唔俾,話數左wo!!唔俾數錯ga!!豈有此理!!
算!都冇辦法,我同芳用月餅叉食,
敏慧用真正叉食啦!!
食果時,都幾順利!!
不過估唔到詹安妮同魏長忠佢地玩
係玩埋果d好嘔心既野囉!!
我喂你食呀!!呀(張大口)
真係好嘔心 !!跟住安妮話
有口水wo!!魏長忠仲話:唔緊要啦!!
你睇到,都想嘔,溫國昌捉左隻昆蟲
黎玩佢地,好彩唔係我地,因為我地唔想同佢地玩
之後我地返房沖涼, 沖完,已經名鐘訓教......
柳老師今日俾我地傾計,
傾到1點,就要訓,ya!!
我,芳,恩,慧一齊係我張床傾
批評人地,楊莉,詹安妮佢地
楊莉今日同俊健講既野有骨
安妮竟然咁同魏長忠玩
我地既想法一致!!
傾傾下,原來夠鐘啦!!
跟住大家返到自己張床度訓!
今日玩左好多野,好攰,所以好快訓著左
|
2008 年 5 月 28 日 星期三  |
畢業小學 升上中學 倒數43日  |
分類: 小學生活 |
今日係去宿營既日子
係人生第一次去宿營既日子,非常興奮!!
返學校前,去艷既屋企睇佢細妹
佢細妹她活潑!!比之前仲可愛
佢今日好好動,不停跑黎跑去
跟住就要返學校,好緊張呀!!
返到學校,見到同學們都好雀躍,不停傾計
但雷暴警告生效,到左出發果時
取消左!!ya!!太好啦~多謝神既保佑!!
出發lu.............同芳一齊坐,有傾有講
到左目的地,雖然話到左目的地
不過仲要行30分鐘先到
唉~行呀行,好辛苦呀!!
到左啦!所以有人斬好攰!!
首先要排隊,要訓練我地排隊
每個人一個"佳"磚企,對住前面果個人
要直!!完左,要排歷奇既隊
排完,要同果度既呀sir講午安
芳帶領,佢講:我地數1,2,3,同毛sir講午安
講完,又要同其他呀sir講午安
朱sir,陳sir,東sir,礦sir,大概係呢幾個
講完,要整旗,我組好似唔係咁合作
最後整得好嘔心,好難睇
唔緊要啦~整完,逐組逐組出黎講口號如埋介紹點解咁畫支旗
講完,就照住果組去玩一個活動
我果組C組去玩飛越懸崖
商量完左,就逐個逐個黎
中間有一條繩,繩既最後有一個圓圈
張隻腳放係個圓圈度
繩既下面有一張軟墊,朱sir叫我地當軟墊係懸崖
所以唔好掂到軟墊,如果唔係
就當你趺左落去,死左
如果真係,我地就要訓係地下
好似曱甴死左既樣咁
訓係地下,雙腳雙手朝向天
要叫:我死左啦~!我死得好慘呀!
我地梗係唔想啦!!所以個個都好努力
呀sir又話如果12分鐘內未完成
個個都要除鞋,跟住囉出對襪
夾係格甩底,一路跑,一路同人講:
我好開心呀~
呀!!竟然要做埋呢d野,實在太可恥啦
所以個個都好小心,希望唔會做錯
因為失敗左,要扮曱甴之外,仲要重新黎過
我成功左!!不過康失敗左
要扮曱甴,又要重新黎過
余恩銓自己去掂軟墊,所以佢第一個扮死
之後先到康,跟住劉蘭君失敗左
我地都為佢加油!!
完成後,成功啦!!係指定時間完成左!!
唔洗夾格甩底!!
完左,呀sir同我地傾返,點解會咁成功?
傾完之後,就自由活動,如果冇記錯,應該係自由時間
我去左邊,都唔係太記得lu.......
返返禮堂,叫我地排好隊,執好野,去營舍
ya~!!有得睇營舍!!
揀左訓教既位之後,就要落返去禮堂
食飯!!今日係第一,二個負責搯飯同擔凳
聽日第三,四個負責,如此類推.................
先祈禱,跟住要有個同學帶領我地同老師講:
各位老師,各位教練,各位同學,食飯!
講完,我地開始食飯
d餸好好味!!有咕嚕肉,要食晒所有菜
肉就要食七成,好啦!遲d再打!
|
畢業小學 升上中學 倒數44日  |
分類: 小學生活 |
哎呀呀~!
聽日就係教育營既日子啦!!
好緊張呀!!又好期待呀!!
先講講今日上堂既情況
上最後果兩堂,大家都好雀躍
因為好快就放學,佢地就可以去買野
上中文堂果,就快完,即係要轉堂
轉成常識,不過都係同一個老師
老師叫我地囉常識書,我囉出黎果時
果個楊佳選!!囉本書boo我個頭
豈有此理!!我地女仔會受你地男仔蝦既咩!!
我即係舉手同老師講,
boo左我咁多次呀啦!!你應該受罰啦!!
老師望左佢一陣,跟住做咩打慈慈呀?
你鍾意佢呀?係,雖然好值得鍾意,不過
都唔應該打佢呀!!
d同學聽到"鍾意"呢兩個字
即刻容光煥發,
本來好安靜既課室,突然變得好嘈
佢地先"咦~!"
異口同聲講左呢一個字,豈有此理!!
洗唔洗咁齊呀!!我火到不得之了
老師話:講下笑姐,慈慈唔會介意
老師講完,同學好似聽唔到,繼續交頭接耳
老師又話:睇下,你地即刻精神晒!!鬼唔知你地鍾意聽到愛情呢d野咩
講下,你地先會醒返
你地呀~!除左愛情之外,仲有咩鍾意ga?
我好尷尬~
過左一陣,所有人平復心情之後,繼續上堂
............................
放學lu.................不過仲要留係度
因為劉主任要檢查我地既P.T同R.W
我俾佢睇左一頁,佢話:
呀Gigi,我信得過你,好!你返去
即係我放得學啦!!林俊傑聽到話:
睇下,劉主任幾偏心,睇左少少,就俾你走
我好無奈!!不過算啦~!人係有妒忌心
等埋芳,搞掂之後,我地一齊返屋企
去左零食家族先,夾軟糖
跟住先返屋企,返到屋企,即刻洗個頭同沖個涼
食完飯,打電話俾芳,一齊落黎買野
我地癩左咁,即刻掃貨
去零食家族買芝士圈,買完
去利豐,買珍寶珠,瓜子,麥提莎
個老闆娘見到我地買芝士圈,唔係佢果度買
就問我地,你地買呢個幾多錢?
我地唔好意思講俾佢聽,最後都講左5蚊
比佢便5毫子,跟住我地去惠康
買薯片,蝦條,旺旺雪餅,杯麵,栗一燒,柑桔寧檬
不過冇,所以買柚子蜜
我地爭$1.1就有一個印花
竟然.............俾芳發現左一樣野
就係有樣野食係1.1!!
俾錢果時,話爭一毫子就有一個印花
我覺得奇啦!!原來!!係柚子蜜蜂9.9
我地當左10蚊,我地是但囉左一樣野
ya!!就有一個印花啦!!
跟住又去利豐睇下,又去零食家族睇下,
又買左一樣野,就係朱古力包!!
太多野啦!!返到屋企,即刻執野,唔做功課啦
第一次唔做功課!!好似好唔乖
算啦~!一次姐!!
執到好開心!!因為好快就聽日啦!!
好啦!!唔傾住,要訓啦!!
不過呢次係最後一次打blog
聽日就冇得打啦!bye
我會好掛住你,blog仔!!
bye~
|
| 2008 年 5 月 26 日 星期一 |
畢業小學 升上中學 倒數45日  |
分類: 小學生活 |
今日要做風紀,亦係我囉大簿(記名簿)
所以我要企係大門看住
上6A放學,佢地遲左放學
所以要用大門出去,點知...............
果林遠威見到我,就講左一句野
好鬼火 !!佢講:看門狗
豈有此理!!真係呀!!
琴日我教佢做常識作業,佢竟然..................忘恩負義!!
我諗佢玩下姐,但都唔好咁玩呀!!
算~原諒佢!!就當姐姐大人有大量
跟住上去午讀,讀完,
上圖書堂,林老師(當然係圖書既林老師啦!!)
林老師又俾我地再睇宿營既場刊!!
太好啦!!又有得睇!!唉~!
望住份野都有點失望!!
要同林惠雲佢地同房,有冇搞錯呀!!
算~!仲有芳佢地.............
..................................................................
...................................................................過左一段時間
放學lu...............
我,芳,鳳去零食家族買野
買宿營既野.就係.......................糖!
我地買左硬糖先,唔買軟糖
因為硬糖可以放耐少少,而軟糖可能唔得
所以軟糖聽日放學先買,
哎呀!!!一講到宿營,好興奮呀!!
硬糖芳囉返屋企,因為佢負責零食
返到屋企,做晒功功課之後,冇執行利
覺得聽日先執都未遲
好啦!!聽日將會好忙!!
因為朝頭早要去圖書館,午晝要返學
放學之後,要返屋企即刻洗個頭,沖涼
跟住可能食左野,先落去同芳,鳳一齊宿營既野
注意:鳳唔會同我地去宿營,因為佢五年班,仲有一年先有得去
oh!!佢太慘啦!!因為冇家姐(芳)陪佢返學,放學
更何況,近排佢地果層樓,死左人
唉~!鳳仲驚 !!
祝佢平安無事啦!! 菜~!點會有事呀!!
好啦!!唔傾啦!!我要訓覺覺豬 ~!bye~!
|
2008 年 5 月 25 日 星期日  |
畢業小學 升上中學 倒數46日  |
分類: 朋友,同學 |
今日同芳,艷去買野準備宿營
點知............艷話唔去
突如其來既一句
咁就淨底我同芳去
我地先去零食家族睇下
我抄底價錢,我地要格價嘛!!
跟住去利豐睇,
果老闆唔係咁開心,見我地係度抄
跟住問我地係度做咩
芳話:我地寫底果價錢,陣間加埋佢
因為我地要宿營,加晒之後,睇下幾多錢
果老闆好似唔多信我地
跟住又問,問問下
好似鬧我地,做咩抄價錢呀?
好似話唔俾,跟住我地快快既走左
費時陣間愈搞愈大
之後我地去惠康
合味道好便呀!!5.3一杯!!
伊麵王2.8,好低呀!!
我地諗住買兩個,到時夜晚食下先!!嘻嘻~~
睇晒之後,我地去搵個位坐低
睇下邊間便,邊間貴
又整理下本簿,又記錄低
整晒之後,我去幫我家姐買野食
芳同我一齊去,
家姐話買綠色既野,圓圓地
上次呀媽買既
睇晒,都唔見有,於是就買啡色既野
好似係...............唔知乜野
買左煎堆,本身10蚊5個
老闆娘送多左1個俾我
我好開心,不過芳話又會無啦啦送多一個俾你既?
我諗諗下,又係wo!!
唔通買唔晒,所以先送俾你?芳說
我諗都係啦!!算啦~
跟住我地去買茶葉蛋食
我地係果度食,隻碟好靚,好精緻!!
我地想叫佢加d茶葉汁俾我地
不過好似又唔係咁好
所以經過幾翻掙扎之後
我地靜靜既食左,冇叫佢加
食完.返屋企lu.............
今日捐左5蚊,賑災
希望唔好咁多人死啦!!
加油呀!!四川災民!!
最後都平安無事!!ya!!
|
| 2008 年 5 月 24 日 星期六 |
| 畢業小學 升上中學 倒數47日 |
分類: 小學生活 |
今日係長週,要返學
一早被個電話鈴聲嘈醒左
起左身之後,搞掂晒平常人要做既野
跟住食野 ,食印尼撈麵,好好味!!
返學lu...............同芳,鳳一齊返
搭車果時,我同芳一齊傾宿營既野
去到學校,即刻問同我地同房既人
得唔得閒星期日黎梨木樹買野
個個都唔得,唉~! 有冇搞錯呀!!
唔係話唔得閒,就係話屋企人唔俾
有幾個唔同我地一齊買野,
佢地自己囉自己既野
唉~!呢幾個係一個唔luck既消息
開始上堂lu...............
林木清佢.............
條問題係咁既:你地有咩失望既經驗呢?
佢答:打機俾人"堆"林左 (我唔係好識打出黎)
我地超驚訝!!!竟然............
答俾人堆林左!!係都答好d啦!!
跟住成班係度笑!!
老師問佢依家有冇進步?
佢話有呀!(點解)因為成日打機囉!!
呢d答案都得既!!
放學之後........謝偉文俾左一張紙我睇
原來係佢做戲既野
好搞笑 !!只要講"吳關娥氏"你犯左咩罪,都會冇事
有d無奈 .............犯左咩罪都冇事?黠可以ga!!
返到屋企,梗係食野,食完做功課
做完溫書 ..........溫晒,沖個涼
洗埋衫,再睇電視
跟住就訓教,太眼訓啦!!
琴日同今日都要咁早起身!!
訓得果45分鐘!!就要食飯
食完冇幾耐,又溫書,溫溫下
覺得好眼訓,但太早訓唔係咁好
睇"少林功夫",睇到10點左右
就去訓!!太眼訓啦!!
|
| 2008 年 5 月 23 日 星期五 |
| 畢業小學 升上中學 倒數48日 |
分類: 小學生活 |
今日係畢業典禮
先去艷既屋企,佢細妹訓緊教
嗚嗚...........見唔到佢
我同芳偷偷睇佢,訓得好cute
再睇果時,佢起左身
見到我地,就叫姐姐
好開心呀!!^^
不過佢仲訓係張床度轉黎轉去
夠鐘返學lu..........返到學校
有d興奮!!去到荃灣大會堂
跟住入去好似禮堂既野,
我都唔記得左叫咩,有個司儀同我地彩排
詩講d野好勁呀!!
有d感情,用詞唔錯,內容豐富,有對偶,對比........
我都要學人地學習,55!!
彩排完左,就休息一陣,跟住正式開始
譚先生講果d野,好有意義
令我好想聽,有一種勉勵既動力俾我地
叫我地勤同勇,講左四川既事,佢喊左
都令我想喊.....
佢講完,到詩講
佢講講下,唔記得左
好彩!!佢都記返,虛驚一場!!
完晒之後,有表演睇
唔錯!!有扯鈴表演,幾好睇!!
雖然有幾個做得唔順利
不過佢地都有盡力呀!!
唱歌果part雖然有d唔知佢唱乜,不過好好聽
d音好和,高,底音做得好夾
好清楚就聽到高,底音
之後,就要講bye bye啦!!
唔知點解最後果時,有d感觸
想喊,不過都冇喊.
因為喊左,會發生好大件事
跟住返學校,返屋企,好啦!!
我依家唔寫啦!!因為我可能要落去同芳玩
bye~
|
| 2008 年 5 月 21 日 星期三 |
畢業小學 升上中學 倒數50日  |
分類: 小學生活 |
今日早上打電 話俾芳
佢家姐聽,好似唔惱
cut左線,我就等多一陣先打俾佢
又打俾佢果時,話佢訓緊教
我又等,好驚佢嬲我
因為琴日佢冇同我一齊放學
如果佢唔同我去可信同圖書館
佢終於得啦!!
見到對方之後,去可信幫藍同妮囉球衣
果度既人好冇禮貌
好乞人憎!!囉左之後,
我地就去圖書館
其實去圖書館都唔知做乜
我地冇借書,冇還書
我未睇完,想係圖書館睇埋
但佢地又唔多想睇書
我地就傾宿營d野
芳話佢未做英文P.T
我即刻叫佢做,等佢做完
我地都夠鐘食野
佢地話去嫻屋企隔呢果度食,我諗:
要行咁遠呀?先有得食?
但見佢地咁想食,我都唔想破壞氣氛
鳳話去7-11睇下,佢想買野飲
去果,見到買一杯杯麵,加3蚊就有自由斟
我同鳳見咁低,就想係呢度食
芳就............不過後來佢都話係呢度食^^
食完之後,返學校
同平時一樣,上堂都要好安靜,特別柳老師果幾堂
因為我地一傾計,佢就發火!!鬧我地
..........................過左一段時間
放學lu.................林木清俾風紀帶我
我坐我前面既前面,因為佢隻手有d短
所以爭少少就俾到我
呢個時候,佢竟然係度唱歌 ..............
只差一點點...........
我好無奈,不過好搞笑
所以我笑左出黎,坐我前面既林俊傑都笑
坐林俊傑隔呢既艷麗都笑
爭少少姐,唔洗搞到唱歌呀嘛?!
囉左風紀帶之後,放返係果櫃度
同平時一樣,同芳,鳳,艷一齊放學
送左艷,我地一齊搭車返屋企
好lu..............唔傾啦~bye
|
« | 21 | 22 | 23 | 24 | 25 | 26 | 27 | 28 | 29 | 30 | ... | 34 | »
|
