| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2008 年 4 月 12 日 星期六  |
囉模範生獎  |
分類: 自己 |
今日長週,返學得黎又要囉獎
入到學校,無啦啦有人找我
原來記名簿唔見左,問我係邊度
我又點知呢,係曉焰囉,都唔係我囉ga
雖然係咁,不過我都同佢地搵下
上到三樓唔見,去四樓曉焰既課室睇下
個個櫃桶睇哂,都唔見有,覺得好怪,明明曉焰放好左ga
搵唔到,落去下同佢地講,佢地又問我有冇,我就梗係答冇
曉焰返左黎之後,問左佢,佢話放好左
搵黎搵去,都搵唔到,佢地就囉張紙寫低d名
上中文課,柳老師講答案,我好似..........(唔講得)
上上下我要走lu(囉獎),老師話詩琦未落黎,叫我去搵佢
我地去長老堂時,詩琦同我傾計,好主動
都幾好傾呀,佢就好有興趣聽個d love 既野
囉獎個時,好凍,囉完,即刻囉件衫著返
完左要同翁校長影相,影完麥老師請我地食野(好似有d唔好意思)
食個時,大家都有傾計,幾開心呀!!
返返學校,我地一路傾,發現佢地既秘密,哈哈!!
返到學校時,見到林遠優wow,覺得好怪,點解佢會係度既?
返到學校打完電話之後,就搭車返屋企
佢仲係度wow,不過佢坐上面,我坐下面
之後到左梨木樹,打個電話俾錦芳,叫佢落黎俾返功課我
囉完就真正返屋企啦!!
|
| 2008 年 4 月 11 日 星期五 |
英文同英聆  |
分類: 評估 考試 |
今日考英文同英聆,
聆聽係我最bad既一科,好鬼驚又係得個B
but上次囉A,今次個d好易,唔係咁難
仲有得聽兩次,幾好呀,
我諗今次可能會90幾以上掛,如果係,真係好開心 !!
不過,英文閱讀好似好難,好似全部錯哂
希望唔會啦,不過如果真係都好呀,塞翁失馬,焉知非福
我可以知道自己錯,係一件好事,不過梗係希望啱哂
不過,已經冇可能,因為我知我錯左某條
唉~!加油!!加油!!仲有最後兩日就完啦
我要最後衝刺!!要努力d!!
|
2008 年 4 月 10 日 星期四  |
今日第一日評估  |
分類: 評估 考試 |
唉~!每到呢個時候都好煩!!
因為要評估,考得唔好,就梗係唔開心啦
考得好,又俾人妒忌,惹呢好多麻煩既事
今日考中文閱讀同中作,我最唔鍾意中作,因為煩!!
又要諗題材,又要唔好超標,又要寫多d成語,總之就係煩!!
但每次都囉到A,我都唔知點解
唔知點解以前我好鍾意作文,但依家好唔鍾意
可能都係蘇主任,算啦,我會慢慢培訓對作文既興趣
唉~我做得點,唔多想講,but我會寫but我唔俾你地睇
哈哈!呵呵!嘻嘻!! 
|
| 2008 年 4 月 9 日 星期三 |
sad  |
分類: 小學生活 |
唉~以為幫左人會好開心
點知俾佢鬧  唉~咁就怪自己錯啦
唉~'人'到底係咩?
我嘗試自己代入人地既身體
好似好明白佢地既心情,又好似唔明白
到底係咩感覺?真係怪,唉~呢日係最唔開心
想知?咁就要令我開心
我開心就會同你地講
|
| 2008 年 4 月 8 日 星期二 |
黃sir應該好唔開心  |
分類: 小學生活 |
今日要返學,星期一嘛(係人都知啦)
上數學堂時,黃sir轉身時,佢後面有一'達'野,濕左
我地見到都忍俊不禁,有d同學仲笑左出黎
之後,黃sir唔明 我地做咩喺度笑
跟住問我地,d同學就話佢後面濕左
佢轉身睇左,佢轉身都睇唔到後面,但佢係咁轉
可能佢知道左,佢好似有d尷尬 唔知點算好
d同學就笑得好勁,雖然我都有笑,但我笑左一陣就諗:
我咁做好似有d唔岩,點可以咁笑人地既呢?人地已經好尷尬啦,仲要笑人地,
幸災樂禍,佢一定好唔開心,應該關心下佢,洗唔洗用布或紙巾抺下,真係好對唔住呀,老師
我唔應該咁做ga,我好想同老師道歉,但最後都冇
之後,佢問:好啦,笑完未呀,之後d同學就冇笑
小息時,我好彩趕得設穩到黃sir,我問佢野,問完之後,我可以做既係講聲,唔該!
我一定唔會再咁做,應該推己及人,設身處地為人着想,老師對唔住
你地都唔應該咁笑人地,笑人地之前應該諗下,
人地做錯咩事,令到我地要取笑佢呢?我地憑咩取笑人地?笑左之後,有冇理到佢既感受呢?
如果人地都咁笑自己,我地自己又有咩感受呢?
今天就上了這一課,人的確要受過教訓,才知道自己做錯了什麼事
但有些連自己做錯什麼也不知道,這些人真可惡!!等我講幾句成語先:
不可理喻,蠻橫不講理,令人髮指,七竅生煙,疾惡如仇,痛心疾首,不知所謂
|
| 2008 年 4 月 6 日 星期日 |
| 同d friend溫書 |
分類: 朋友,同學 |
今日,好開心!!
洗完碗,拖地就落去凱儀同艷麗
黎到屋企,我叫佢地先做好功課先
做做下,凱儀話不如溫左書先,因為佢3點要走,做得黎都唔知幾時
我地就溫書先溫數學
凱儀唔多明方程,我就解俾佢聽
佢都係唔明,可能佢講得岩,通常中文既理解能力高,方程都唔難
解左好耐,佢話明少少,跟住我地溫英文
我問佢地一d野,佢地就寫同答
跟住溫常識,先睇左先,跟住我問佢地問題
睇完,我地去食野 食完先溫
去到個度,好開心,好似好耐冇黎
買左雪米糍,支支冰,燒賣,好似係咁多咋
食完,我地去商場,我要同我細佬佢地買野食
買個時,凱儀話要買飯(要聽呀媽話食飯)
佢買左完,跟住睇錶 竟然就黎4點啦!!
佢坐抵食,我就返屋企同佢囉返佢d書
佢食左好少(聽艷麗講,個時我唔喺度)
食完佢打俾佢呀媽,問可唔可以遲d返屋企,佢呀媽話可以
唉~ 即係唔洗返屋啦,枉我仲返屋企同佢囉野
佢地又返我屋企溫書,溫常識
我問,佢地答,極差!!!
艷麗話張衡係春秋時代既人,好離譜!!!!
唉~總之佢地答得好勁!!令人冇法想像,令人髮指
跟住已經係5點,佢地要走了,我就要沖涼同洗衫,所以送唔到佢地落去搭車
做完之後,我就溫書,溫溫下,上下網
問一d問題,好啦!!今日就係咁過,都唔不錯呀!!
|
| 2008 年 4 月 5 日 星期六 |
仲有30日  |
分類: 自己 |
好ya!!!仲有30日生日啦!!!
即係仲有1個月就生日啦!!!唔知到時有冇人送生日禮物呢?
依家呢..已經有3人送左,艷麗,凱儀,文康!!!
我諗男仔得文康一個送掛,希望希人同我講 生日快樂,我已經覺得足夠 了!
不過,仲有6日就評估啦!!好驚 唔合格(應該唔會,未嘗過)
今日6點無啦啦起左身,去左一陣廁所,跟住返房
我唔知點解我返房囉指甲鉗黎剪指甲,剪完又返房訓,好怪!!
8點30起身,起左身係最麻煩,因為要做好多樣
首先洗個頭,洗完之後,可以自由活動一陣
跟住食野食完要洗碗又要幫我細佬洗碗
洗完之後,又要拖地,拖哂成間屋
拖之前又要掃地喎!!唉~
做哂之後,終於可以做我想做既野:睇書!!!
睇完之後,著衫準備返學去,返到學校好似好少人
原來今日係劉偉傑生日,生日快樂!!
上數學堂,要做試卷,都唔係咁難,不過有d數好大
完左之後,我地就返屋企,返到屋企又係好忙
先食左野之後,沖涼 ,沖完要洗衫
要同我細佬佢地洗襪,唉~
洗完又要洗碗(我家姐唔洗)
洗完以為可以休息一下,點知我細佬佢地食野
又要洗碗,點解做極都做唔完?
終於做哂之後,可以睇一陣電視,彩雲國物語
都幾好睇呀!!!睇完終於可以溫書啦!!!
好啦!!唔傾住啦!!要溫書!!加油!!加油!!
|
| 2008 年 4 月 4 日 星期五 |
清明節  |
分類: 日常生活 |
今日係清明節,我冇返大陸
唉~真係好想返大陸拜山,好想同大陸d朋友傾計
已經好冇耐冇返啦,好似係8個月啦!!!竟然咁耐!!
返大陸真係好開心,可以玩好多野:玩單車時,想去邊都得,又可以玩捉依恩.......
返唔到唔緊要啦,溫書 應付最後一次評估!!!
首先食野,食完之後要幫我呀哥洗衫,佢琴日去BBQ,好鬼夜我要等佢話俾佢d衫點....
等呀等,等到零晨1點45分鐘,我等佢時喺度睇書,睇左兩本書
呢次係第一次咁遲訓
2點先訓!!佢d衫要我洗,好鬼麻煩!!洗完之後
又要幫我細佬佢地洗碗,洗完仲要拖地
拖完就做功課做做下,又食野食粥好易肚餓嘛
食完 又做功課,做完之後沖涼
沖完一個靚涼之後,要洗衫,洗完又食野(今次唔係粥,係麵)
食完就溫書,溫呀溫,凱儀打電話黎,話一齊溫書
最後決定係黎我屋企溫,好ya!!!
好啦!!寫住咁多先bye~
|
| 2008 年 4 月 3 日 星期四 |
| 有個人講左好多粗口 |
分類: 小學生活 |
今日同錦芳,錦鳳去圖書館,
我地等車果度陣,有個中年女人(接近老年)
佢落左車之後.竟然係咁講粗口,我地覺得好奇怪, 做咩無啦啦講粗口?
佢係咁講一句係媽媽既粗口,姐係呢"x你x母臭x"講左20句!!!係20句!!!
仲有講其他粗口"x家產"仲有上面果句同呢句一齊講!!嘩!!女士都講粗口
真令我地大開眼界!!大開"耳"界!!!
原來佢囉住幾大既行李,有個呀婆話:佢囉咁大既行李就唔好上車啦!!
跟住佢鬧返個呀婆:架車係你ga 咩!!關你咩事呀!!跟住又講粗口
個司機都有叫佢唔好帶咁大既行李,佢又鬧返個司機:架車係你ga 咩!!關你咩事呀!!跟住又講粗口
佢講左好鬼多次粗口同架車係你ga 咩!!關你咩事呀!!
唉~依家d人都唔知有冇搞錯既,巴士的確唔俾帶太大既行李
人地好心都係為左其他為乘客著想,先叫你唔好帶姐嘛!!
不過,如果佢要返鄉下,唔通唔帶咩!!唔通搭的士咩!
香港d文通條例真係麻煩!!!
|
« | 25 | 26 | 27 | 28 | 29 | 30 | 31 | 32 | 33 | 34 | »
|
