| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2008 年 5 月 11 日 星期日  |
畢業小學 升上中學 倒數60日  |
分類: 日常生活 |
今日係母親節!!祝母親節快樂!!
唔知點解訓訓下,打左幾個乞痴,跟住就起左身
我估都估唔到我竟然11:12分左右先起身!!
諗返起:琴日9:45訓,今日11:12起,即係9:45-11:12
訓左13個鐘左右,真係勁!!
11:20分左右上網,msn
同人地傾計,傾傾下就要say bye
我要關機,因為屋企話開左3-4個鐘,
就要俾電腦休息1個鐘,因為細佬同呀哥趁我訓果時
玩電腦,8點玩,我玩到12點,就要關機
我就執下野,同溫下書
跟住過左一個鐘,又開,同艷,優練習中文說話
練完,我拖地,拖完之後
手都要好"鞋"但諗返起,媽媽既手仲比我粗糙
自己拖左地,又算係咩呀?媽媽拖左都唔知幾多年,
一定比我多,佢既手一定好粗糙,我真係要好好照顧佢,同做多d家務
依家我差唔多日日都做家務.今次日日都做
希望媽媽放鬆d,
因為我地屋企算係佛教,唔會慶祝西方既節日,所以冇慶祝
但藉住自己既乖乖(考好成績,做家務.....)
黎多謝媽媽多年的照顧,呵護,感謝你媽媽!!
|
畢業小學 升上中學 倒數61日  |
分類: 小學生活 |
今日長週要返學
返到學校,唔知點解好無奈
因為我坐係度,發呆,唔知做咩好
跟住艷搵我,我同佢傾計,傾傾下,好似冇咩好傾
我,艷,芳,好無奈既企係度,望住人地玩
跟住上去課室,第一堂黃sir上,講貧窮
 如果大家有"心"就好啦!!
真係唔希望有咁多人飢餓
完左之後,上圖書,同聯課
上完,上課外小組,跟住放學
我就去OK買野食,買左魚蛋同雪糕,真係好味!!
食完返屋企,溫書溫溫下,又要拖地同洗碗
已經第6日拖地洗碗啦!!
跟住沖涼 沖完要洗衫,有d辛苦,因為
做左好多野:洗衫,洗地,洗碗,溫書,落去同我細佬買食........
因為太辛苦啦,太累啦!!唔夠訓!!
所以9:45訓左
|
畢業小學 升上中學 倒數62日  |
分類: 小學生活 |
很累呀!!
今個星期係最倦既一個星期
因為除左星期三唔晒補習之外,其他日子都要放學補習
今日補中文,因為就黎TSA
所以我地係咁練,因為琴日我練左
所以老師話今日可以唔洗練,但我想練
老師又唔俾,唔多開心
望住佢地練,有d無奈,好想練 ,我都想囉好成績!!
未練,練完既同學就睇報紙,佢地好關注16歲少女既事
真係慘!!男人點解可以咁殘忍?
一個16歲既女仔,有好多前途,但因為你既殘忍.而..........
社會真殘酷!! 做人最辛苦!!
寶仲問我會唔會好似果女仔咁,我問唔會
問米呢d,無聊!!我才不會呢!!
男同學對呢單新聞最有興趣,平時唔睇既同學,今次都睇
佢地對呢d野先有興趣(我諗)
我問佢地咩叫"私鐘妹"寶同鍵即刻話"即係做雞"
點解佢地可以即刻答到?又咁清楚?
方唔係成日接觸呢d咩!!
大家千其唔好學佢地做埋一d唔好既野!!
|
| 2008 年 5 月 8 日 星期四 |
畢業小學 升上中學 倒數63日  |
分類: 小學生活 |
好火既鬧人 
今日上英文堂果時,王御謙無啦啦走左
唔知發生咩事,可能有d突發事啦
佢走左之後,溫國寶話"恰"我
睇下我點,我心想,你試下!!
跟住小息完左,上完中文堂,
轉堂時,老師未黎,我就出黎看班
寶同林木清傾計 ,我初初由得佢地
點知仍 地傾呀傾,傾到未完,我好火
以為佢地傾一陣,就唔傾,點知........
叫佢地唔好再傾,佢地係咁傾,我好火
於是好大聲叫寶同木唔好傾
佢地仲傾,於是我鬧寶(我都唔知點知淨係鬧佢)
鬧到寶冇聲出,同學們係咁望我鬧佢
冇人出聲傾計,因為我鬧得太勁!!
鬧完一輪,冇人傾計,全部讀詩,
要人鬧,先肯收聲!!
真係呀!!
唔想俾我鬧就要做好你自己既本份先!!
|
| 2008 年 5 月 7 日 星期三 |
| 畢業小學 升上中學 倒數64日 |
分類: 小學生活 |
有人冇返學 
今日自己一個人去圖書館
book左電腦,打blog果時,打完之後
佢冇顯示出黎,真係好火
浪費我d時間,真係呀!!
跟住去食野肥仔記麵食 食完之後
,就返學校 今日補數學,
上到去,唔見林俊傑同吳浩鍵
我同艷麗好開心,唔洗同佢地坐
我地為左證明佢地冇返,我地慢慢等
等到正式上堂都見唔到佢地,我地就give me five!!
溫國寶話同鍵講,我冇掛住佢(不嬲都冇)
林惠雲話我掛住佢,亂講!! 好乞人憎!!成日都係咁講
|
| 畢業小學 升上中學 倒數65日 |
分類: 關心下時事啦 |
好唔應該!! 
唔知你地有冇睇新聞呢? 我就有啦!
最近睇左一單新聞,不過,好唔開心!!仲好火
係講奧地利獸父,我覺得佢好唔應該囉!!
竟然連自己既女都姦,仲係老豆呢既!!
仲要3日姦一次,足足姦左20幾年,l
我諗佢既女伊利莎白一定好唔開心,
心身都受到好大既創傷,即使身體痊癒,但心靈一定會留下陰影
希望佢堅強一點
不過,最令我唔好開心既係,支持佢既呀爸既律師邁x
竟然話佢弗里茨(呀爸)冇罪,因為佢有精神病
嘩!!有精神病就可以冇罪既啦!!有冇搞錯呀!!
世界仲有公平既?女士仲有尊嚴既?我地女士都有權訴苦ga
都唔明點解有呢d人?男人既性格真係咁?唔通冇一個男人唔係咁?
唉~好人真係冇好報?就算真係有好報,都係報係自己既仔女身上
自己卻受到咁大既傷害,
呢個世界仲有公平呢樣既?
到底人類幾時會醒覺呀?仲一路錯落下!!
好火呀!!
     
|
| 2008 年 5 月 5 日 星期一 |
| 畢業小學 升上中學 倒數66日 |
分類: 自己 |
 今日生日 
太開心啦!!今日生日呀!!
唔知今日會過得開唔開心呢? 希望會啦!!
11:25就出門口,搭車去協和三樓教艷,儀佢地做功課
到左之後,唔見任何人,覺得好怪,唔通我講錯野?佢地唔記得左?佢地去左第二度............
真係唔明,我就落返去,點知又見到佢地,又上返去,做果時
佢地話焰好遲,依家都未黎,就快夠鐘返學啦!!幾時黎呀?
我地有d埋怨,希望佢快d黎,見到啦!! 咦?!
點解佢囉住一個野既?好似係蛋糕,當我想睇清楚d既時候
艷遮住我既眼,唔通係真既?
佢地(艷,儀,芳,鳳,欣)唱起生日歌黎, 我好開心呀!!
係有生以來第4次食生日蛋糕,係第2次有人唱生日蛋糕俾我聽
真係好開心呀!! 有朋友真係開心,起碼生日果日有朋友陪住
食左之後,我地一齊返學校,諗住見唔到詩,仙佢地,
因為過晒上午校放學既時間,點知.......見到佢地!!
詩同我講左生日快樂!!仙好似見我唔到,所以冇講
威,優好似唔敢膽講,so佢地走左,不過都好開心呀!!
上常識堂時,柳老師話派成績表,嚇死 我地,無啦啦派成績表
我接過成績表後,名次依然冇改變,都係第一 ^^
不過...........有一樣野好唔開心,但我都知冇得改變,所以下次加油!!
but估唔到謙佢竟然第五,跌左好多,婷就升上第三,嘩!!
呢個結果嚇 死我地全班,佢之前第五,依家升上第三,
贏左康同謙,謙就輸左好多,佢話死啦!!睇黎真係要努力d
上數學果時,選無啦啦講"死啦你"真係呀!!上上下堂,無啦啦講呢句
我地覺得佢鬧緊黃sir,但黃sir話佢鬧緊謙,
跟住繼續上,我發現左一d野,鍵煩住晒,好鬼煩,我就話俾佢知
因為要解釋根多野,黃sir以為我同佢傾計,專done問佢問題,d同學以為我同佢談情說愛,好乞人憎!!
艷仲係度笑, 今日竟然發生呢d事,全班都話,哎喲!!傾計喲!!
果d聲線,好乞人憎,好唔鍾意,呢件事係今日最唔開心既事
之後既d冇同鍵傾計,唔想再俾人誤會
放學啦!!
返到屋企,跟住沖涼
洗完,做功課,同平時一樣,佢地唔會同我慶祝
因為冇咩特別,佢地都唔知今日係我生日
唉~我都慣左,所以冇咩所謂,
訓教果時,諗下今日有冇做錯野
發現自己原來做錯左好多
講左好多唔應該講既樣,睇黎我真係,要好好反省!!
好啦!!聽日唔好同人傾計!!睇下人地講野果時,用咩詞語較好
今日真係好開心 呀!!我喊左一陣
因為真係好開心!!好多謝你地!!送左生日蛋糕俾我!!
有朋友真係好!!好幸福!!
好多謝你地!第一次有朋友送生日蛋糕俾我
第二次有咁多朋友唱生日歌俾我
真係好多謝你地!!
|
| 2008 年 5 月 4 日 星期日 |
| 畢業小學 升上中學 倒數67日 |
分類: 自己 |
朋友們同我慶祝
今日我d朋友同我玩呀!!好開心呀!!
錦芳,錦鳳,智銘(佢地細佬)黎我屋企先,跟住我地一齊落去接佢地
到左車站唔見任何人,過左冇幾耐,我見到康
就同佢say 我地係咁等,先見到36m,跟住係36b
點解冇36?過左一陣終於黎啦!!見到清,艷,儀,欣,欣既堂妹(以下落黎會寫成堂)
見唔到焰,鴻,森 我地唯有再等多一陣
到啦!!見到森,but.........見唔到焰同鴻
我地又等,等既時候,清,欣,堂去OK買野食
終於見到焰同鴻啦!!呢個時候清佢地返黎啦!!
冇啦啦有支雪條係我面前,原來係清送俾我既生日禮物
好開心呀!!又多左一份禮物仲係雪條
雖然我最鍾意係雪糕,但同雪條都差唔多
跟住我地去玩羽毛球,佢地話不如去三座玩,又可以順便去象山
我地就去三座打羽毛球同排球,玩左一陣,因為好熱
我地就休息一陣 又玩,點知森佢張排球整爛左
我地好火冇得玩,又冇左25蚊
係儀同艷買,佢地話諗住送俾我,但..........
森就俾返25蚊佢地,早知咁樣,何必當初呢?
就咁冇左25蚊,如果係我,我會 
我地冇去返商場買返,玩左冇幾耐,佢地話想去 象山
我地就去,唔知點解行得好辛苦,可能好耐冇咩去過
去到啦!!我地先去個廁所,跟住先去買野食
先買左雪米糍,支支冰,食住先,跟住先買其他
跟住買左燒賣,魚蛋,好好味!!但..........
康突然冇咩出聲,佢睇黎好似唔多開心
我地就覺得我地好似做錯一d野,即刻問返佢做咩
講左好耐,佢先應返我地,我地跟住諗住返返去梨木樹
我地覺得太熱啦!!於是搵左果亭園休息一下
我,欣,堂扮嬲佢地,因為康玩我地,我地就玩返佢地
跟住我地諗住去商場嘆冷氣,欣,堂話去『卓祺』買塗改液
不過,我地果時已經扮唔到,而欣,堂就冇買塗改液,but........
係清買筆袋,佢話果筆袋好靚,就買左啦!!30蚊!!
跟住我地諗住去天台玩,先去利豐買野飲,見到隔呢有得買茶葉蛋
我地就買返一隻食下^^我突然諗起去挾公仔,於是我即刻沖落去街市挾
嘩!!有好多新既公仔呀!!好想要呀!!去"倡"左錢之後,即刻挾
初初挾到,but後來跌左落去 真係大煞風景!!
之後挾左幾次都係唔得!!唉~失望的走了
芳,儀都嘗過到,都係唔得,好想要麻雀既七萬,同小熊維尼
bye~又下次先傾過
|
| 2008 年 5 月 3 日 星期六 |
畢業小學 升上中學 倒數68日  |
分類: 自己 |
hi~係呢度再同大家講清楚d
同我慶祝既人要留意啦
日期:5月4日(星期日)
時間:12:00pm 最遲等到12:15pm(遲到者有獎)
(你地自己約埋一齊黎,最好11:30搭車過黎!)
集散地點:梨木樹36號巴士站
你地邊個要黎,唔該係留言度講底,我唔知你地邊個會黎
有時又話唔黎,總之黎既就要留言,如果唔係冇得玩!!
錢: 你地自己諗啦!想食晒所有野,就要準備50蚊左右
(不過,唔晒既,隨你鍾意啦!)
禮物隨你地送唔送,我冇所謂
遊戲: 到時先話你知!
地方: 唔知會去邊ga 到時米知囉!
|
2008 年 5 月 2 日 星期五  |
| 畢業小學 升上中學 倒數69日 |
分類: 小學生活 |
奧運火炬傳到全一
今日同錦芳,錦鳳去完仁濟醫院之後
去食野食完之後,我地都好興奮
因為我地著同一件衫,唔知返到學校,d人會點呢?
我地"橋"住手返去學校,仲遮住衫既圖案
到左學校門口,我地一齊俾所有人睇我地既圖案
佢地都好驚訝,之後笑笑口同我地講:
嘩!你地著同一件衫呀! 係呀!!我地異口同聲既答
班女仔見到,就話:嘩!!三個美少女(我地都唔係)
個個都係咁講,又話雙生兒,情侶.........晒唔晒呀!!
返到課室,見到d男仔冇一個著紅衫
後來,周承宗返左黎,佢著住紅衫,得佢一個男仔著
同學見到都係度笑,因為佢著左一件露手臂既衫,又話佢得佢一個著
我就覺得佢地好無知,唔俾著紅衫既咩?好過你地冇著啦!!
上常識堂時,老師問邊個傳聖火,本身d同學話溫國寶
老師話佢冇著紅衫,所有男仔全軍覆沒(冇著紅衫)因為周承宗冇咩囉獎,so冇揀佢
同學係咁指我,我唔想ga嘛,同左艷麗講,又同左小藍,靜恩講左
佢地仲扮唔知,係咁指住晒,好唔鍾意囉!!
明明人地唔想,就唔好指住晒啦!!好想鬧佢地,唔想同呢d人做fd
開始講奧運既野時,先睇左現場直播,之後唱下"We Are Ready"
又做下熱身運動,之後就要傳聖火,好驚呀!!又好緊張又興奮
到我啦!!柳老師將火炬(假ga)傳到我既火炬(假ga)上,
燃點聖火(扮ga)點左之後
我不停既繞住學校既陰雨操場跑,跑左一圈
真係怪!!明明唔想跑,但身體不聽我既說話,跟上同學們既節奏
可能係因為同學們既熱情感染了我
跟住燃點俾下一個-梁老師
每個老師都以搖曳多姿,各式各樣既姿勢去跑
完左之後,唱多一次"We Are Ready" 跟住上返去課室
今次傳聖火,我覺得真係好開心呀!!
林老師同麥老師既組合做得非常好
佢地有講有笑,氹得我地好開心,佢地做得真係好!
今日真係好開心呀!! 你地又開唔開心呀?
 
|
« | 23 | 24 | 25 | 26 | 27 | 28 | 29 | 30 | 31 | 32 | ... | 34 | »
|
