| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2008 年 6 月 16 日 星期一  |
畢業小學 升上中學 倒數31日  |
分類: 評估 考試 |
今日係最後一次小學評估!!
唔知開心定係唔開心
到左麥當勞,我覺得對襪好濕,
所以同芳講不如我地去廁所整乾佢囉
芳就覺得好奇啦!!點整乾佢呀~
我地入左廁所後,一人揀一個廁格
入左廁格,係廁格度用紙巾整乾對腳
同埋鞋,搞掂之後
我地出左黎,著住鞋,but........
冇著襪,嘻嘻 ~因為我地要行動啦~
我地囉住對襪,跟住放乾手機下面
一路俾乾手機吹,吹呀吹
其實...........我地都好擔心有人黎既
到時真係有人黎,見到我地囉住對襪吹
一定會覺得好怪!!仲可能覺得我地傻既添
啪!!啪!!啪!!啪!!突破..............
廁格既人出左黎,嘩!!!死啦!!點算呀?
我地即刻將對襪放係身後,當冇事發生咁
其實...............佢點會唔知呀~
見到有學生著鞋,唔著襪,一定有野啦~
佢走左之後,我地仲繼續吹襪,呵呵~
吹呀吹,讓這風吹~無啦啦諗到
我地覺得都差唔多,所以入返廁格度著襪
我著左一隻之後,另一隻覺得好濕,所以走左出黎,又吹過
當時我係著住一隻襪,囉住一隻襪
吹呀吹,啪啪!!突然又有人黎左
死啦!!!我好想著埋呢隻襪
不過我覺得冇時間著,所以又扮野
扮到冇事發生咁,跟住將隻襪放係身後,
好似一隻蟹咁過馬路.................
入左廁格之後,又著返隻襪
跟住出返黎,洗完手,出返去
見到雨,佢係度食包包,佢就覺得奇啦~
點解我地會係廁所出黎既?
我地張吹襪機既事同佢講
大家都係度笑~因為估唔到會係廁所吹襪
做出呢d咁不雅既野
我地溫呀溫,都唔見艷,到7:58先到
豈有此理!!比原本既遲左28分!!
不過.......佢都有講8點先黎
跟住我地溫呀溫,我同芳突然想食蛋撻
於是落去買,見到凱,唔知佢做咩
明明唔同我地溫,又走黎麥當勞?!!??
買完蛋,食完蛋撻,上返去
繼續溫書,溫溫下,琪走左黎問我地見唔見凱
原來佢同凱溫,真係唔明,點解佢會同凱溫?
我都唔想理啦~溫完之後
我地返學校
常識都唔係好難,不過時事題就好難
話手足口病由咩病毒引致
我唔識....噢!!又錯lu............即係冇一百分
到左數學堂,呀sr派卷呀~
好緊張呀~唔知錯左邊呢
又好緊張分數如何,會唔會比上次進步呢?
不過我都唔知上次既分,又點比呢
睇左之後,都好滿意~唔錯!!唔錯!!
放左學去艷既屋企練歌
練呀練,跟住走lu...............
好啦~唔傾啦~bye
|
| 2008 年 6 月 15 日 星期日 |
畢業小學 升上中學 倒數32日  |
分類: 日常生活 |
今日本身同呀媽返大陸
點知 ...........6點起身果時............
下大雨!!!唉 ~真是大煞風景!
討厭 !!討厭!!我不喜歡下雨呀!!
真是的!!令我不可以回大陸!
媽媽 打電話給外婆告訴她我們不回去了
豈有此理!!令我原本興致勃勃 的心情變成失落 的情緒
埋怨雨 ,不久,便回房間睡覺............
現在睡醒了,其實是我不想睡覺
不知什麼,今天不太想睡覺
遲一點再打今天發生的事
|
| 2008 年 6 月 14 日 星期六 |
| 畢業小學 升上中學 倒數33日 |
分類: 日常生活 |
今日艷,雨都黎同我,芳溫書
去到巴士站見到佢地之後
就去搵地方溫
我以為果度會有枱俾我地溫
點知............原來得凳,冇枱
我諗: 屋企得家姐一個
應該唔會鬧我掛 ,好啦!!就叫佢地去我屋企溫啦!!
到左我屋企,先囉常識書,
俾佢地做 我為佢地準備既工作紙
佢地做得唔係咁好,有好多題唔識做
放棄左,我叫佢地睇返本書
唔知點解,我地唔係係度溫書,
佢地溫左冇幾耐,佢地就話想唱歌
見佢地都唔想溫,強逼都冇用
所以順下佢地意,唱歌------眼淺
首歌幾好聽呀!不過.....我地唱得........^^
其實,我地唱得唔錯既啦!!
唱完之後,佢地話好肚餓,我都覺
所以2:55左右,我地落左去買野食
艷買5蚊腸粉,5蚊燒賣,我都好想食
所以我都買,不過唔係燒賣,係魚蛋
芳買砵仔糕,如唔知咩糕
雨買左5蚊魚蛋,去第二間買魚蛋
因為果間好食d同大粒d
服務員都服務得好周到
買完,我地去天台食
食呀食,真係好好味!!
食完之後,我地落返去,芳同雨話想買魚蛋
所以落返去街市
芳見到西米露,所以買西米露,唔買魚蛋
雨好似冇買,話去買糖食
我地都買左糖,不過芳冇買
因為佢用晒d錢
我地請佢食,返到屋企,其實係冇咩溫書
係唱歌,唱唱下,雨覺得首歌好短,我地都覺
所以想改過第二首歌,唔唱眼淺
諗諗下,芳話友誼第一幾好聽,我都覺
不過,雨覺得唔係咁好聽,所以唔揀
朋友仔,佢地話都幾好,我們的紀念冊都幾好
最後我地決定我們的紀念冊
跟住我地猜包,剪,鎚睇下邊個唱先
我同雨調左,我唱先
練左幾次之後.佢地就走lu..........
我同芳陪佢地落去搭車,上左車之後
我同芳同佢地say bye bye~
跟住我地返屋企,say bye bye之後
芳叫我,我覺得好怪,原來佢見到..........
見到兩個男人一齊拖手仔
呀!!!好嘔心呀!!!不過都冇辦法架
佢地如果鍾意對方,算啦~人地既野,我地都管不著
好啦!!我都要去溫書啦!再見
|
2008 年 6 月 13 日 星期五  |
| 畢業小學 升上中學 倒數34日 |
分類: 評估 考試 |
今日考中文
打俾艷問佢有冇打電話俾芳
佢反而問我唔係你打咩?
真係激死我!!我cut左線之後
打俾芳,佢呀媽話佢訓緊教
咁又係,點會有人咁早起身呀
過左一陣,又打俾佢
叫佢呀媽問佢溫唔溫書
佢呀媽話會叫佢起身,跟住叫佢打俾我
等左5個字左右,我唔想再等啦!!
因為冇時間啦,我仲要去艷既屋企架!!
我就打俾佢,佢先話唔黎
唉~!晒晒我d時間等你,
我即刻出門口,去搭車
到左站落去,到左艷既屋企,聽完首歌
即刻走人,去麥當勞同佢地溫書
今日溫中文,先溫成語
溫完,溫26週,
其實冇咩好溫
因為大家都識點張直述句變成複述句
不過,做既時候,就係唔知點解 會錯
溫晒之後,我地傾計
傾傾下,夠鐘返學校
佢地唔開遮,得我一個開,我要遮埋佢地
返到學校,我地好開心
因為我地好好彩!!返到學校岩岩好落大雨
落得好大,好大,
歐陽詠珊返黎果時,佢既衫濕晒!!
好彩!!我地早d走咋!!如果唔係我地都變落湯雞!!
我地返到學校又傾計,
傾傾下,打鐘,排隊上去課室
好驚呀!! 雖然考過好多次試
不過心裡仍有一陣既害怕,緊張!
派左卷,劉主任同我地講唔好拎起枝筆,唔好翻卷
跟住同我地對下份卷,對完之後,開始考
第一部分係成語,雖然俾左成語我地
但我都唔係好識做,跳到第二part詞語
都識做,其他都唔係咁難做'
做完之後,我先發覺原來剩底唔係咁多時間
我即刻check下我既答案
check check下,都夠鐘lu......
完左之後,大家一齊傾下答案應該係點
呢d事早已司空見慣,
我地問黃sir洗唔洗帶簿,作業
佢話要,順便偷問埋數學既成績
不過佢有野做,走左去
=.=問唔到添,算啦,星期一就會知
跟住上英文堂,劉主任同我地對返份TSA
對完,放學lu...........我同艷一齊
芳唔知走左去邊,我打俾我家姐
睇佢都唔會黎,真係,所以同艷返屋企
跟住搭車,返屋企
車上見到周芷晴
一齊坐,跟住一齊去買野食
食完,返屋企,夜晚仲要溫書!!
而家玩陣電腦先,好啦!!bye!
|
| 2008 年 6 月 12 日 星期四 |
| 畢業小學 升上中學 倒數35日 |
分類: 評估 考試 |
今日評估數學
一早6:30起左身
諗住6:45出門口
不過,呀媽叫埋我食左野先走
我本身話唔洗,不過見呀媽好似擔心我會捱餓
所以我留底食左先走
食左少少之後,佢話食咁少唔會飽
所以俾左10蚊我
我話唔洗,因為琴日囉左錢,今日又囉
更何況琴日既錢用淨10蚊左右(琴日15蚊)
所以我話唔洗,不過呀媽都係叫我囉
之前佢話:做咩咁早要出去呀?
其實,我好明白媽媽既心點諗
口不對心,我亦都好感動
出左門口,到左車站望落下見到艷同凱
say左hi,我落返下層同佢地匯合去麥當勞
到左麥當勞,我地即刻做大家所準備既卷
做呀做,艷果份有幾頁,不過都幾易
做得幾手上,不知不覺間,我先做得果幾錯
好慢,跟住做得好快好快
因為雨婷佢冇準備,即係佢唔會為我地準備
所以我地都冇為佢準備
so佢冇得做,我地做果時,佢溫書
我地做完,就對返答案
改完之後,大家睇下自己錯左邊
而我就同佢地講返邊度錯,應該點做
好似佢地既老師,佢地都好專心聽
傾傾下,艷話囉熱水,我,凱同佢一齊去
淨返雨一個,佢留底睇住d野
凱話買薯餅,我同艷都好想買
不過太貴啦!!5.3一塊
凱買左兩塊,買完,佢先講:
其實我買俾你!!
吓!!唔係掛!!嚇死我啦!!
我話唔洗,不過佢學返芳
張塊野放係我既咀度
所以我就要食啦
我覺得唔好意思,要人地請
所以俾返錢佢,佢話唔洗
就咁樣,我俾你,你俾我
最後,我都係囉返
佢仲話,唔洗啦,就當作,你教我,我請返你
我覺得都係唔晒既,食完之後
繼續講解俾佢地聽點做
到左9:55左右,我地返學校
返到學校,我唔覺得熱,但果時我仲著住冷衫
鍾主任叫我除,我先知,原來今日30度
上到班房,即刻溫書,睇呀睇
問返王御謙琴日果題係米老師搞左錯
佢話唔知,我問柳老師可唔可以落去問
落到去,叫黃sir出一出黎
原來真係我岩左,ya!!
上返去同老師講返,老師同同學講返
而我繼續溫書
夠鐘!!開始考試,我好驚呀!!唔知1咩題目呢
一開始做果時.覺得好怪,除唔盡
所以唔理佢,跟住做果時,又係除唔盡wo
跳到下一題,做果時,又唔多相信自己岩唔岩
冇心情做,唔想做,
不過做第二頁果時
又好有心情做,好輕鬆咁做,做晒之後,先做返唔識果d
做得好輕鬆,今次!!^^
不過,驗算果時,有一題唔岩
即刻改返,都係唔得
9 3 唔係18咩?
果題係有圖書60本,漫畫佔左45%,
我約簡之後,淨返9同3
乘埋一齊,唔係18咩?
做左幾次,仍然覺得自己冇錯,後來先知
原來9 3 唔係18,係27
哎呀~!點解我會背左9 3 =18?
好彩有驗算姐!!!如果唔係,都唔知自己背錯乘數表
趁仲有幾分鐘,我繼續驗算
好似發覺有一題又計錯,不過已經夠鐘lu......
我雖然放底左筆,不過仍然望住果份野
用手指計算,不過劉主任同我揭返第一頁,果頁係第三頁
冇得睇,憑住我既記得,計返,好似岩左
不過都唔肯定,唔緊要啦!!知道自己錯左邊之後
要改返,就得啦!!
跟住上中文堂,柳老師叫我地讀成語.不過
有好多同學唔記得帶成語
要同隔呢左右既同學睇
讀讀下,老師叫我地返自己既位度
因為太多人冇帶,所以唔讀
跟住同我地講,唔好成日同呀媽呀爸鬥氣
跟住放學lu.............奇怪!!
平時艷會等埋我架,點解呢次佢自己走左去既?
我執完野之後,即刻落返去睇下佢係唔係度
點知........佢又走上去搵我
我已經落左黎
等呀等,見到佢啦!!佢好攰!!
大家一齊返屋企,途中同艷bye
跟住同凱bybye
今日寫到呢度啦!!bye跟住同你地byebye
|
| 2008 年 6 月 11 日 星期三 |
| 畢業小學 升上中學 倒數36日 |
分類: 評估 考試 |
今日係第一日評估既日子
今日考英文同普通話
我6:45先起身
7:30打俾芳,佢呀媽話仲訓緊
豈有此理!!講好左7:30出門口
仲係度訓!!
我話:你叫佢起身呀,因為我地講好左7:30出門口
一齊去溫書,我等佢
跟住有個電話黎
就係佢啦
出到出面,好大雨呀!!
見到芳果時,問佢做咩仲係度訓呀
佢話:唔係呀:其實果時,我已經醒左,不過......
之後就聽唔到
到左麥當勞,艷同婷都係度
我叫艷抄R.W既tense俾我
我之前準備左一d題目俾佢地做
我做艷既,佢地做我既
做完之後
我同自己同佢地對答案
對完又背下書
中間我同艷去佢屋企
因為佢囉錯左佢家姐既書
囉完返麥當勞繼續溫書
芳好似唔多想溫咁,又鬧劉主任
又話:唔鍾意同叻人一齊溫書..........(之後我聽唔到)
我地黎到呢度,唔係鬧老師
你既然咁唔鍾意既
米唔好黎囉!!我想咁同佢講
不過,算都係冇講
喔!!夠鐘返學!!
我地執左野,就一齊行返去學校
到左學校我同艷溫英文
佢問我一生字,我答佢
不過我唔係咁識
跟住我又問佢
問問下,打鐘,上課室評估啦!
好緊張!!英文呀!!
臨考之前,都睇返幾分鐘
"噹噹"打鐘啦!!其實學校既鐘聲唔係咁架
我亂作架,打個喻
Mr. Chiue監考,接過卷後
即刻檢查下,跟住寫名(係人都會咁做啦!)
廢話少講,即刻入正題
我做果時,有d唔明
就唔做,做左其他先
做完先再做返
作文果時,我隨便作我想做老師
其實,我都唔想做老師
老師都有d野寫呀嘛,
I want to be a teacher because I like children.
隨便亂作一d落去
當時係同老師有關既啦!
做完,check果時,發覺有一題唔係咁樣
於是改左佢,不過又覺得唔係咁樣
又改左佢,改改下,夠鐘,噢~!
傳卷俾寶果時,先發覺唔記得加返d野'
哎呀! 下次要小心!!
普通話,都考得唔錯
就係拼音果度,唔係咁識,以後仲要更加努力
雖然呢幾個月個個星期日都有溫
不過,都係唔夠!!
之後要考口試,抽左15號
21號就係我,好驚到我呀!!我都未準備好
好彩!!打鐘放學
避得一時,避唔到一世,所以返到屋企要溫返
我同艷一齊返,買蛋撻食!!
收銀員話艷未俾錢,我話俾左啦
岩岩佢俾左你5蚊
佢都係覺得冇,我叫艷打開銀包俾佢睇
睇左唔會再話佢啦掛!!
跟住我地就走,我同佢say bye bye
我去搭車,呢次又冇同芳一齊搭車
佢琴日話去呀嘛屋企
今日唔知點解唔多鍾意佢
呢掛同艷好fd 不過同芳又唔係咁fd
唉~!顧得呢個又顧唔得果個
艷就同我好fd不過同凱就...........
唉~
好啦!!我要溫書啦!!bye
|
| 2008 年 6 月 10 日 星期二 |
畢業小學 升上中學 倒數37日  |
分類: 小學生活 |
唉~!
今日始終逃唔過跑步既日子
因為今日天氣晴朗,唔似會落雨
so一定會跑
不過,我地仲係好希望會落雨
but.......到左體育堂
都係.........咁晴朗!!
即係要跑,冇咩同學開心
因為我地唔鍾意跑,
加上聽日要評估,今日跑左就會好攰
到時邊度有心去溫書呀
淨係想訓教......
我係第二組,望住第一組跑得咁辛苦
唔知我會點呢?
我俾自己一個目標:25個圈
同芳講左之後,佢話:好啦!咁我祝你成功啦!!
多謝!!咁你呢?你既目標呢?
佢話冇,我要佢有個目標
佢話20個,我亦祝佢成功!!
到我跑啦!!真係要俾心機!
跑呀跑,跑左第7,8個圈果時
已經覺得好攰,唔想再跑
不過都未到目標
我心想:第10個圈先可以行一陣
到左第10個圈,唔覺得攰,
所以繼續跑,跑呀跑,好攰呀!!
仲有1分鐘,小藍話俾我知,
我盡我所能,作最後既衝刺!!
ya!!26個!!成功!!
跑完,同溫國寶玩木板羽毛球
佢話:佢冇力啦,跟住佢冇同我打
呢個時候夠鐘lu........唔知芳佢跑得成點呢?
佢26個呀!!ya!!佢成功左啦!!^^
我地帶住疲憊既身軀到課室去上課
所有同學都顯得疲累
溫生仲放左係張枱
不過唔知佢真放假放
總之個個同學都好攰
今日仲要上多45分鐘補課
上完lu..............走得lu...........
太開心啦!!
聽日考英文同普通話
我要加油!!
|
| 2008 年 6 月 9 日 星期一 |
| 畢業小學 升上中學 倒數38 |
分類: 日常生活 |
今日俾康既電話嘈醒左
不過答完佢既閭題
又走左去訓教
but.訓唔著
又諗返個夢,真係怪!!
點解會發咁既夢呢?
諗諗下,諗到琴晚,
真係好開心呀!!
起左身之後,刷牙,洗面
跟住睇書
睇完果本學俗語
就睇學典故
真係怪!!唔係學故典咩?點解係學典故?
呀!!我睇左一個好有智慧既故事
就係晏子啦!!
佢去人地既國家談判
一開始人地叫佢過一個狗既洞入去
因為佢好短,所以d人蝦佢
不過佢能言善辯,佢話:除非呢個係狗國,
我先用狗洞入去
楚國既人即刻諗到
如果佢承認呢個係一個狗國
咁自己就係狗國既人,即係狗民
於是用正門俾佢入
晏子真厲害!
雖然睇過,聽過,但都係唔厭 !!
好書不厭百回看嘛!
仲有其他好有趣既故事
不過今日就講到呢度啦!!
bye~ |
| 2008 年 6 月 8 日 星期日 |
« | 19 | 20 | 21 | 22 | 23 | 24 | 25 | 26 | 27 | 28 | ... | 34 | »
|
