| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2008 年 7 月 3 日 星期四  |
畢業小學 升上中學 倒數14日  |
分類: 小學生活 |
到左艷麗既屋企
開左果首歌,開始練
雨到左之後
一齊練,不過..........艷同康傾計
傾呀傾,睇住佢地傾,冇練
就算有唱,都不過唱下,唔係好認真果隻
我見咁,唔會練得好
所以我叫佢不如關左msn啦!!或者唔好傾住啦!
喔!艷應一下
跟住真正練,不過艷開網頁做每日一篇
佢睇都冇睇,就提交,仲俾左10分人地
我覺得唔應該囉!!
人地寫呢篇文章,想我地明白一d道理
更何況,你睇都冇睇,又點可以就咁俾左人地10分呢?
跟住雨叫佢幫佢做每日一篇
我見到咁,即刻問,乜可以幫人做架?
雨話,可以!!
但我覺得唔應該幫人地做,
同埋應該自己做,做左之後,又可以提升自己中文水平
咁日日都做,對中文閱讀有幫助
所以我話,呢d野應該自己做
仲有呀!!你睇都冇睇,就提左啦!!仲俾左人地10分
跟住雨自己睇返篇文章,
到芳,佢都睇
我覺得佢地咁樣,係我逼佢地!!
跟住練歌,大家都已經顯得唔多高興
艷去攞中文模擬試卷做
我見佢一邊做,一邊練
我覺得做人唔可以咁囉,
應該專心專意去做一樣野
我實在睇唔過眼
因為佢係我朋友,係我朋友,我應該話俾佢知點
我話:不如你做左先啦!!做完先練歌啦!!
佢即刻話:唔做啦!!唔做啦!!
隨即把練習簿放在桌子上
顯得有點不滿!!
我想:因為我之前又話佢地唔應該點,而家又話我唔應該點
咩都管住晒!!
局面即刻變得僵硬!!
我沒多說半句
因為我在沉思
我在想自己做錯了什麼事?
想來想去,都係我太在意佢地對與否!!
管得真係太束縛!!
唱黎唱去,都冇意思!!
所以我攞起本簿,寫左d野
同佢地講,佢地有回
就咁,好似傾計咁
大家好變返好少少
艷就...........冇出聲,亦都冇睇我地寫既野
艷出去話,唔知做咩野
芳跟埋佢出去,問佢,可唔可以唔嬲.....之類既野
佢返左黎,芳話,佢地唔好咁啦
跟住佢攞艷既手同我既手一齊
我唔鍾意咁!!我即刻拉開隻手
因為我唔鍾意咁樣好返!!我有一種抗拒既心
跟住大家冇練,而係睇:"命中注定我愛你"
艷話好鍾意睇,都幾好睇呀!!
睇睇下,要去食野
艷,雨,去食
而我食左,芳話去食雪糕,跟住食佢帶返黎既野食
同佢地去左之後,我覺得望住佢地食
佢地會覺得唔好意思
而我望住人地食,冇禮貌!!
所以我返去艷屋企,
清麗仲係度,我問佢,做咩唔食野?
佢話,唔食啦!!吓 !嚇死我啦!!
唔食?唔食返學校?熬得住咩?去到四點幾wo!!
吓.....琴日我都係咁啦!!
吓!!如果係我,我一定會叫餓!!
所以有野食,真係幸福!!
我地一齊睇電視.睇睇下,佢地返啦!
跟住一齊傾一陣計
傾到1點,返學校
到左學校,上中文堂
又做模擬試卷,做完聆聽
做其他,不過..........我地唔做,
係傾結業禮後既大食會!!
真係好期待呀!!
小息繼續傾!!講講下
係咁講錯野,薯片,講左薯片
片字讀歪左!!
查字典又讀左查字點(普通話)
真係怪!!?!
到左上英文堂,上上下,林(圖)老師同鍾主任都叫我
我該去邊好?林老師話,跟佢先
原來係聽中英街既野
聽呀聽,發覺聽日要5點起身
第一次咁早!!
聽完,上返去
執好野,落去彩排,因為攞學業獎既關係
不過.果時.都已經彩完lu.......
唉~!跟住去三樓傾風紀大食會既野
分好晒之後,去買野lu.....
去華潤買!!
我,芳,淑榫一齊去買,買乾既野食
買完之後,要拎返去,不過..要去協和上面買野
拎住好重既飲品去,唉~!真辛苦!!
到左之後,又話唔洗買
唉~!又落返去
到左學校,要傾下果日既情況
玩遊戲既方法
傾呀傾,都夠鐘返去
果時,鍾主任同我講
結業禮果日,到時
攞住獎狀,禮物放係獎狀後面,
跟住又攞汪彼得獎學金,有一張證書,同一個信封(裡面係獎學金!!)
信封放係證書前
喔!!原來係咁!!
跟住又話"到果日前10分鐘左右,我地都會彩排
因為校董黎!!要做得好好地!!
我又問"汪彼得獎學金唔係正年班先有既咩?"
今年都有!!今年六年班都有!!
喔!!原來係咁!!55,明白.明白!!
好啦!!唔該晒,鍾主任,bye~bye~
返到梨木樹,我要去糖,
因為佢地話風紀大食會果日要食糖
夾左軟同硬
跟住返屋企,我要準備中英街既野啦!!
bye
|
ya!!人氣1000啦!!  |
分類: 自己 |
太好啦 !!ya!!
人氣1000啦!!
估都估唔到咁比快就1000
好開心!!
覺得好有成功感
因為未曾試過咁多人氣
(梗係,我都未曾開過blog,呢個係第一次開!!)
 多謝你地既幫襯!!
希望會遲d會開得都係咁順利啦!!
你地又有幾多人氣呀?
即使唔多,都要加油呀!!
我會多d上你地既blog架!!
多謝你地既支持!!
謝謝!!
|
| 2008 年 7 月 2 日 星期三 |
| 畢業小學 升上中學 倒數15日 |
分類: 小學生活 |
今日8點就起左身
9:10出門口,去麥當勞等艷麗
等左唔知幾耐,終於見到佢啦!!
太好啦!!跟住一齊去圖書館
到左之後,去下面book電腦
問可唔可以放隻碟聽野
點知...............唔可以
冇得做Mock Paper 5 添!!
唔緊要啦!!返學校問劉主任,可唔可以係學校做
我地落返去兒童圖書館睇書
搵到7本好鍾意既書
不過..........淨係可以借6本
所以我要睇左1本先
睇呀睇,終於睇晒啦!!
咁就可以借6本啦!!
咁岩夠鐘去用電腦
一齊落左去,艷麗攞第二張凳坐
坐唔同既凳,不過一齊用電腦
佢寫blog,所以俾佢用
睇下佢既blog,又睇下其他同學既blog
睇呀睇,係時候都要去食午飯
去阿四食,叫左咖哩雞扖煎蛋飯,飲凍華田,同中湯
艷分野飲,我分野食,
分好之後,大家開餐啦!
食呀食,真係好好味!!特別咖哩!!食食下,睇下個鐘先
原來.............未搭5!!
食得太快添!!
所以我同艷講,我地唔洗食得咁快呀!!
慢慢食都得啦!!大排時間,更何況食完,都唔知去邊好
5,好呀!!
我就開始減慢既食野,食得好慢,好慢.好慢.好慢..好慢...好慢....好慢.....好慢.....好慢.......好慢........好慢............
慢到...我都覺
於是加速.加速..加速...加速....加速....加速.....加速......加速......加速.......加速........加速.........加速...........加速..............
食食下,都食晒!!大家都食晒,
所以飲湯,幾好飲!!
飲左之後,就飲凍華田
當我飲既時候,原來............
艷已經飲晒啦!!
我飲呀飲,飲得好快..................好快..............................好快......................................
因為有人入黎,要坐我地既位
飲晒之後,艷好似諗住走
我話:走?......呀!!俾錢呀!!
係wo!!
艷就攞左d錢出黎,俾左我,加埋我果d
一齊俾cashier,唔記得左中文點講..........突然傻左........
俾完之後,去阿伯,買糖!!
買可樂糖!!^^
跟住返學校,不過..........仲有時間,未開門
所以我地去荃新天地睇下
睇睇下,都要返學!
到左學校,又要上堂啦!!
今日上成長課
我地女仔執晒野去5A班聽
聽呀聽,不過..............6B既女仔好煩!!
係咁傾計,又嘈喧巴閉!!細聲講,大聲笑!!嘈住晒我地聽
好似晒個班房就係佢地咁
一路都聽到佢地講野
特別係.....蕭x雯,林x儀,楊x焰應該冇佢地咁
聽晒之後,老師有野派俾我地
係..............方包!!^^
既然咩都講晒,派又派晒,所以我地返自己班房去
小息到啦!!同佢地傾左一陣計
記起!!有野問黃sir!!
即刻飛去三樓!!
見到黃sir咩住背囊,佢要走啦!!
即刻叫:黃sir!!
咩事!!黃sir轉個頭望一望
我有題數唔識,想問你
喔!!好呀!!係度問啦!!
行到去一張枱去
黃sir係咁解釋
終於明白啦!!太好啦!!
多謝黃sir之後,又即刻飛上班房
好攰!!
今日好似特別多老師搵我
鍾主任又問,跟住又上黎我班
林老師(圖)又問,上上落落....好攰!!
跟住放學啦!!
返到屋企,要做功課!!
做功課先!!再見~ |
| 2008 年 7 月 1 日 星期二 |
畢業小學 升上中學 倒數16日  |
分類: 日常生活 |
今日艷麗黎呀!!
到左1點,仲未有電話,
明明叫左佢出門口既時候打俾我
但都未收到電話,奇怪!!
打返去,冇人聽,我諗出左門口
唔記得打電話俾我掛
等呀等,有電話wo!!
原來係佢地,佢地係OK打電話俾我,話到左
聽左之後,換返件衫先,執下野,跟住落去接佢地
一齊之後,佢地要去買野食!!
因為佢地未食野!
艷去買西米露,清麗去買燒賣同魚蛋
我係屋企食左,所以唔買
上去商場食,搵個位坐底先!
食完之後,去象山,嘻嘻~
行左好耐!!好熱呀!!
先去買波羅冰,食一下,5..........真滋味!!
晒身大汗,食下凍既野,m........good!!
食完之後,食燒賣!!3蚊一串!!
食既時候,一齊傾計
傾某某人,傾傾下
又講左琴日我聽到既趣事
就係...............細pizza,大pizza,超級pizza
聽左之後,大家都笑 左出黎
我同艷都想食多一串,就係魚蛋啦!!
於是我地就去買,一邊食, 一邊傾計
傾傾下,都要返去梨木樹
行到去商場出面,竟然..........
見到..........呀媽!!
原來佢去買餸
見到我朋友,佢問我洗唔洗請下人地食野
我話,唔洗啦嘛.........
最後,我叫呀媽買茶葉蛋,買左之後
去漫畫店睇下漫畫
清借左3本
借完,我地去食茶葉蛋.....
好啦!!要去艷麗屋企練歌啦!!
因為要進入決賽,
所以要更加努力練習!!
bye~
|
| 2008 年 6 月 30 日 星期一 |
| 畢業小學 升上中學 倒數17日 |
分類: 小學生活 |
今日9:45左右,胡主任打黎
我本身話唔聽,因為我訓緊教
點知..............細佬話好似係老師
我就起身聽,原來係胡主任
同我講返今日囉獎既事
話12:10返去學校食午飯
我話可唔可以係屋企食?
"可以,你唔出黎食?同上晝班既人一齊食"
"唔洗啦!我係屋企食"
"點解唔出黎食?"
"因為晒錢"
"我請你呀!"
"唔洗啦!"我堅決咁講
最後"咁好啦!!咁你..................係1點返到學校wo!!
話全日唔洗上堂,
所以唔洗帶書
頒獎禮大約去到5點左右
搭48x返黎,
到時我可以係"梨木樹邨"落車
返屋企,幾好!!^^
係咁先!!囉完果獎,再同你地分享!!
Hi ~返黎啦!!
岩岩攞完獎,好開心呀!!
首先呢,我地去搭49x
到左之後,老師都唔知點去沙田大會堂
行呀行,見到啦!!
入到去,要上去2樓
跟住要入去一間房
等左冇幾耐,終於開始啦!!
先請嘉賓講歡迎辭
講下關於blog既野
又話,正如好似一把刀咁
可以幫我地pie蘋果皮,又可以攞黎殺人
打個比喻!!
跟住又請人講野
又介紹blog
web2.0 同埋web3.0
講呀講,有時都唔明
跟住又講人介紹教育城既網
講左好多野
先係頒獎,第一就係我校上台攞
講左我校左"中華基督教會完全第一小學"
唉~!應該全完!!
讀我既名既時候,讀高左音
讀林詩琦,又讀左林詩而!
笑一笑,影左相呀!!
影完.就落返座位
睇人地攞,又坐!!
坐呀坐!!之前坐左咁耐聽人講野
而家又要睇住人地攞獎,攞完之後
又要聽人講分享
我地學校冇份,聽呀聽
最後一隊係講英文!
可以話聽唔明!!
因為佢地係S.6既學生!
我聽唔明,都好正常姐!
不過,我覺得我既英文水平實在太低啦!!
一定要係暑假學好英文!!
聽晒分享之後,又要聽答問會
冇咩野問,不過後來有人問
又要坐係度聽
聽呀聽,終於冇人問啦!
所以完結啦!
根本,攞獎多過聽野
不過,都好!!起碼又學到新知識!!
blog既知識!!
搭48x返去
我同詩琦傾計
佢話好鍾意聽下晝王既事
講呀講,呀!!要落車啦!!
急急忙忙,跌跌踫踫先落到車
落完之後,去OK買雪糕食
因為音樂比賽入選啦!
獎勵下自己!!
聽日艷麗黎梨木樹玩!好開心呀!!
期待中......................
|
2008 年 6 月 29 日 星期日  |
| 畢業小學 升上中學 倒數18日 |
分類: 日常生活 |
今日中國對意大利!
先同呀媽落去買餸
先去惠康
買左d野之後,
跟住去街市
買餸,買呀買
就咁買左10蚊糖,9蚊餅,菜,魚............
跟住返屋企,睇比賽
係古巴對日本
最後一球,個波係網上行
行行下,要跌落去,
日本隊以為跌去人地果度,
所以停左,唔沃,點知..............
個波跌左落去自己度
噢!!呢個時候去接,太遲啦!!
呢一個係最後一球
就咁.........輸左
跟住係中國對意大利
第一場輸左!!18:25(意大利)
第二場,打刁時,好危險!!
終於贏左!!29:27
第三場,麻麻地輸左20:25
第四場一定要贏
因為輸左,就冇lu.........
好彩!!呢次贏左!!
25:21
最後一局決勝局!!
我最鍾意睇呢一局!!
因為中國贏得好精彩!!
初初幾球,意大利係咁扣球
不過.............扣出界!!
中國就係咁囉分!!
而意係咁出界!!
有一次,意明明出左界
但佢地見唔到,所以同裁判講數
不過,裁判話見到,更何況係果度既裁判都話有
佢唔服,同裁判講左d野
裁判就罰左佢黃牌!
佢好嬲 ,所以打得好大力
不過.....唔知係佢打,定係其他隊員打
可能其他隊員都覺得唔服
所以打得好大力
又出界!!
呢個時候,教練睇唔順眼
即刻叫停,
叫停做咩?梗係鬧佢地受呢d野影響啦!
係咁鬧,係咁鬧!!
跟住上場,好明顯比之前好左好多
冷靜左,唔會亂打
贏左幾分
當然中國唔會因此而冇左士氣
佢地都好努力打
又贏返幾分
10分之後,中國好似突然睇穿左對方
係咁攻!!
又贏左幾分!!
最後一球!!
對方扣球,中國打返去
以為出界,點知..........
原來岩岩好!!
ya!!就咁贏左啦!!!!
同對方握手果時,
中國隊充滿笑容!!
而意大利都有少少笑!!
當然唔會笑得好開心啦!!
中國教練笑住同對方隊員握手
但...............
意大利教練就...........
斜視住中國教練,
唔好開心!!
兩個對比係幾咁鮮明!!
呢場比賽,真係令人堅張!!
特別最後一場!!
有一球,係咁接到,最後.............唔記得左添
總之呢一球用左幾分鐘去打
真係開心!!聽到裁判最後話:冇出界!!
中國贏左lu.......
希望佢地都會以最後一場既英勢去迎接奧運
電視機裁判,即係有個人係度講野果個
佢見到有幾個情況
即刻叫,叉燒!!食叉燒!!
好激動!!因為係中國打叉燒!!^^
一下就扣落去!!
幾勁!!
屋企人睇得都好開心
特別呀媽!!^^
而家姐呢...........
佢話,中國冇可能既啦!
睇下,點會贏呀!!
我就反駁話:點會呀!!
中國一定贏!!
未到最後都唔知點
世事無絕對!!唔好亂講!!中國一定贏!!
我抱住堅決既心態去睇呢場比賽!!
最後贏左!!太好啦!!
我贏左啦!!
改變左家姐既負面諗法!!
好啦!!唔傾啦!!
聽日係星期一,好緊張呀!!
因為聽日就有音樂比賽既結果!!
好緊張呀!!
聽日好想食蛋撻!!
>_<
|
| 2008 年 6 月 28 日 星期六 |
| 畢業小學 升上中學 倒數19日 |
分類: 日常生活 |
起左身之後
發現原來就黎12點,11:55起身
係米好勁呢?
我都唔知點解我會訓得咁遲
食完麵之後,做下功課
跟住幫呀媽手洗整粽既葉
洗完之後,叫呀媽教我包粽
初初都包得唔好
識整三角形,跟住放d野落去
不過..........唔識得點整成一個三角形
跟住俾呀媽整,
我睇住佢整,記得晒部驟
不過..................
到整既時候...........就唔得
真係怪!!睇多幾次
喔!!原來係咁!!手勢唔同!
跟返先,不過...........都係唔得
識得整一邊,唔識得整另一邊
即係顧得呢邊,唔顧得果邊
我俾呀媽整既時候,呀媽話
不如你咁整俾我(即係張d野放晒去)
跟住俾我包啦!
咁會快d!
都唔錯wo!!做得快,又可以睇女排!
好啦!!就咁啦!
我整好一個,就俾一個佢包
好似接龍!!
整呀整!!岩岩好!!
最後兩塊葉岩岩好整一個粽
米同紅豆岩岩好用完!!
真係正!!
估唔到會咁岩!!
我諗:
又會岩岩好用完?又唔見俾我中六合彩?
不過.......中六合彩真係好難!!
更何況買一萬次,都可能唔中添!!
所以呢d野根本唔係咁相得過!!
不過............我既親戚真係中左wo!!
好似中左三獎!!
其實....我都唔知中左幾多獎,
因為果時,我係大陸,見我d朋友
話要搬屋,我問佢做咩要搬
佢話,佢既xxx中左六合彩,話要同佢地起返一間新既屋wo
果時,我冇問中幾多獎,因為聽到中六合彩,
就覺得一定有好多錢!!
唔洗分頭獎,中獎,細獎
原來要!!果時我好似仲未黎香港
唔記得lu.........
淨係記得果時好唔想佢地搬
因為果時我成日同佢地玩!
仲好記得一齊整風箏,一齊放風箏!!
果時真係好開心!!無憂無慮
哎呀!!都唔記得左要講返今日既事添!
包完之後,去睇女排比賽先!!
仲未開始,不過都已經令人熱血沸騰
開始啦!!對日本!!
日本既人睇落去,唔夠中國既人高
同埋幾識保養!!
因為初初我以為佢地20幾,好後生!!
不過......睇返果個表
原來都有36歲係度!!
我都唔知添!!
中國冇人超過30歲!!
中國先後生!!
唔但只後生!!仲好叻!!
第一場!!大比數拋離!!
25:16!!冇記錯既話!!
第二場,就.............雖然贏左,不過..........
贏得唔係咁好,好似29:27,打刁時
有幾次明明做假動作
一齊扮去接,但竟然.......一齊唔打
原來大家以為佢打,所以唔打
點知...........個波冇人接
相信佢地會諗下點解
咁聽日應該會比今日好!!
好啦!!唔傾啦!我要訓教,留返d精神聽日!!
好讓我全神貫注既去睇!!
|
| 2008 年 6 月 27 日 星期五 |
畢業小學 升上中學 倒數20日  |
分類: 小學生活 |
去到艷既屋企,整左手指先
跟住開首歌黎聽
聽左一次之後,就開始唱(練)
練呀練,今次比上次好好多!!
起碼唱錯既機會好明顯少左
練果時,仲要講下一d野
係講.......唔可以透露秘密架!!
練到10點半左右,艷既家姐清,要用電腦
所以我地冇得練,不過我地都知道既啦
所以我地去有電視間房唱
清唱!!唱呀唱,因為雨唔想拖手
而芳好想拖手,雨叫佢唔好搞佢隻手
芳話:做咩唔拖手姐?
咁我唔鍾意呀嘛!雨說
跟住芳好似唔多開心
唱果時,冇咩生氣
我地明明企,佢又坐
成個人變晒,我諗:洗唔洗因為冇得拖手就咁呀.............?
影響晒我地既情緒
我,雨,艷出去睇下,清約左既人黎左未
清佢地都要練歌
不過佢既拍擋未黎
黎左之後,偷聽下佢地唱
佢地話俾我地聽,行入去聽
發覺原來焰既聲線幾好聽!
聽完之後,我地又練,
芳好左d,
練練下,佢同艷睇電視,
我見我就快去食午飯,想練多幾次
芳同艷全神貫注咁睇電視
叫佢地唔好睇,艷話練啦!
芳就話,做咩唔睇得姐?!
我拉住佢,佢think/開隻手
洗唔洗睇到咁呀?
唔睇一陣姐,都唔得!唉!
咁我米算囉,自己囉返個書包,
去食野
芳見我囉書包,先唔睇
又問我係米而家去食野呀?
我冇答佢,因為你唔想睇,米講囉
think/開人地隻手,好無禮貌姐
我覺得唔受尊重,所以唔出聲
去到阿四,叫返之前既餐
冇咩傾計,因為佢仲唔知咩事令我咁嬲
食果時,有個人係度唱歌
食完之後,我地返去艷既屋企
行果時,芳同我講,岩岩果個阿伯,係度唱歌wo
同埋呀,食完之後,又唔走wo!!
我都係冇出聲
因為我覺得:人地做咩,你又唔知點解佢要咁做
你都唔清楚佢果時既感受,你又唔清楚戈地點解要咁做
做咩仲要係度批評人地呀!!
仲好似係度鬧人地咁
如果有人係果度話:做咩有小學生黎呢度食飯架?
人地又唔清楚你鍾意食呢度既食物
所以先黎呢度
但又咁講你,我諗你一定會反擊囉
到左艷既屋企
芳同佢地講阿伯既野
跟住我話,你又唔清楚人地,唔好批評人地啦!
佢話,係既!
清話肯俾我地練一次,我唱果時,珊同清係度笑
次次我唱既時候,都係度偷笑
出度去,艷先同我講
佢地笑我把聲好高,好似隻雞仔咁
吓!!我即刻想問佢地有唱得好高音?
佢地話,都唔係呀
仲有呀!!佢地唱果時,我地都冇笑佢,
我地唱既時候,佢地又係度笑
根本唔尊重我地!!
55,我都覺!!
上數學堂果時,黃sir叫我地做中一入學前模擬試
做做下,突然有個人衝左入黎
原來係小榕,即係小藍既細妹
叫參加音樂比賽既人出黎
黃sir話,佢地仲做緊野,做埋先啦!
幫我問一問老師可唔可以遲一d先落去
喔!一聲,跟住走左落去
我地繼續做,做完,就對,對完就小息
小息完左,先叫我地6A去音樂室
先係敏慧果組唱先
寧唱得最多,跟住係我地唱
唱果時,我同艷一齊拖手,唱呀唱
就咁唱完,而家等結果
星期一就有結果啦!!
好驚呀!!唔知點呢?
不過,我地唱得有時錯左
唔緊要啦!老師都唔知我地唱錯左
如果入到呢,我就會買蛋撻食
開心既時候,食蛋撻,
唔開心既時候,食雪糕
我想食蛋撻!!^^
|
| 2008 年 6 月 26 日 星期四 |
| 畢業小學 升上中學 倒數21日 |
分類: 小學生活 |
今日係數學遊戲攤位日
因為要同上畫班既人一齊玩
所以要係朝頭早舉行
到左學校,要等老師點名,又要等多一陣
跟住就開始俾我地玩!
我,雨,錦,一齊去玩炸敵機
艷去左第二度
唔見佢,所以我地三個人齊
玩完呢個,去劉主任果個玩
講折扣,計錯左一次,後來又計岩
到錦玩既時候,艷走左過黎
話有冇搞錯呀!dum到我!自己過黎玩
跟住我地又同佢一齊,去玩眼明手快
玩完之後,艷自己走左去玩折扣
嬲左我,可能我dum到佢掛
我地三個話一層一層玩上去
玩晒之後,去換獎品
我換左2枝筆,1枝野飲,1包餅
雨換左1枝筆,1枝野飲,1個擦膠,1個筆刨
錦換左1枝筆,1枝野飲,1個擦膠
雨話想換餅,但老師佢地唔俾
今次既獎品好明顯較去年既稍遜
冇得換簿,玩具..................
換完之後,我同佢地分享餅!
食左之後,大家坐左去第二度
叫埋艷,後來同佢傾返,冇事lu........
佢去換左餅,擦膠同筆刨
餅又一齊分,擦膠送左俾雨
筆刨自己囉左
終於完lu.............可以返屋企lu......
不過,我地仲要去艷既屋企練歌
佢地去食野,而我同艷去佢屋企,
因為我今次食方包
練呀練,練左好多次,不過唔知點解今日.....
我係咁練錯,明明唔係我唱
我就唱左,跟住係我唱既,
又唔記得左唱
係佢地唱果時,以為係我唱,
無啦啦加入埋去,在臨別..............我唱左
佢地望住我,我先知,原來我又唱錯
次次練,都有一次錯
聽日仲要比賽架?!
跟住芳佢家姐上左線,
佢係咁同佢家姐傾計,大煞風景!
大家就冇練啦!
跟住同佢地傾計
傾下我以前有幾頑皮呀!
又傾下而家既新聞........總之呢,有呢樣講果呢!
跟住芳同鳳要返屋企
而我唔想返屋企著,想留多一陣
佢地就返去
其實........我係唔太鍾意佢地
所以先唔同佢地返,
平時我會同佢地一齊返,不過佢地都唔知發生咩事
唉~!話就話係你朋友,不過佢又知你幾多呀?
我既表情已經講晒你知,我而家想點
佢地仲係唔知,識左半年有多啦!
仲係唔知,同一個識左1,2個月既人比
唉!點解人會咁呢?
竟然,你既朋友唔了解你,但係一個同你唔係好熟識既人,
卻咁了解你?!
4:20左右我就返屋企啦!
聽日要比賽啦!好緊張!
|
| 2008 年 6 月 25 日 星期三 |
畢業小學 升上中學 倒數22日  |
分類: 自己 |
哎呀!!快d轉3號颱風訊號啦!!
急死啦!!
今日仲要練歌架!!
明明10點練
如果改左既話
我地搭埋車過去艷屋企
都已經11點啦!
比原來既遲左1個鐘
嘩!!一個鐘可以練好多次架!!
快d改啦!!!
今日好想返學!!
我唔 想今日放
如果今日放左一日假
可能又要加多一日返學
到時又少左時間準備升中既野
同返大陸又少左幾日
唉~!快d改啦!
唔該啦!!
|
« | 17 | 18 | 19 | 20 | 21 | 22 | 23 | 24 | 25 | 26 | ... | 34 | »
|
