| «‹ August 2026 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | 31 | |
|
2008 年 7 月 20 日 星期日  |
在荃灣......圖書館學習...及大會堂看朋友朗誦比賽  |
分類: 出外 |
今日食完野,就出去
10:25左右啦!!就出左去啦!!
因為今日去圖書館同荃灣大會堂睇朋友朗誦比賽
希望佢攞到唔錯既成績啦!!^^
我而家係邊?.........
米就係圖書館囉!
因為可風好多科要用英文教
之前分班試果時,老師派左筆記簿俾我地
叫我地返屋企好好讀熟佢
遲下上堂,冇咁辛苦
我屋企既電腦既喇叭爛左
聽唔到
所以要黎圖書館呢度讀下佢既讀音
有成5頁,不過仲好,學多d!^^
好啦!!差唔多夠鐘俾下個人玩啦!
而我要去還書同借書睇
跟住食野,返學校搵游,
跟住一齊去大會堂
加油!!!游!!
我而家係邊?
我係屋企呀!!我返到屋企啦!!^^
講返今日既野先!
去完圖書館,去買杯雪糕食,當午飯......
我叫呀媽俾$5蚊我,而家買左雪糕,淨$2.5
行天橋果時.......見到有位婆婆係地上.......錢......
我見到佢能放低尊嚴......我地更加唔應該.......袖手旁觀....
我蹲下去,放下$2.5元
柳老師說過......想幫乞求既人,就唔應該隨手放低d錢.....
要尊重人地!!５５
俾左錢後.....我覺得好開心呀.....
希望會有更多既人幫助婆婆啦!!
即使佢係度扮都好.....佢為既都係一餐溫飽姐.....
俾著我地咁做...我地都想有人俾錢我地啦!
但係..係我身邊有朋友,就話:
佢扮野既咋...先唔好俾錢佢呀....
我對於呢句話,很憤怒!!
好啦!!講返跟住發生既事...
懷疑........(你地唔明我講咩既啦!)
返到學校,見到聰爾佢地
佢地練左一陣,一齊去荃灣大會堂.....
到左後....等....等....等......等.....終於可以入去啦!
參賽者先影相....冇我份,,因為我冇參加
坐好位....由郭凱欣同吳子源(應該係咁寫)做司儀
親子組講故仔,好精彩呀!!
個個做得都好投入,唔錯!!唔錯!!
跟住係中級組,中級組有兩個攣姊妹
扮演左唔同既角色,令人我清楚明白故事既內容
兩個都做得好!
到左高級組.....都幾好.....
講晒後........有d表演...
跟住就係........最緊張既時刻..........
嘩!!我地學校都有獎攞呀!!
恭喜!恭喜!!聰爾攞到高級組季軍,景哲攞到季軍,妙仙係最受歡迎故事獎
跟住要返屋企lu.......
返屋企前,去惠康買紫米露,聽日整!!^^
希望今次又成功啦!!
|
| 2008 年 7 月 19 日 星期六 |
煮咖哩魚蛋成功!!  |
分類: 自己 |
今日我要煮咖哩魚蛋呀!!擔心...擔心....1
2點我落去買咖哩粉
買完後,收銀員俾我既單張....怪!!
我俾左佢3蚊,但佢打左30蚊
要找返27.2,但佢俾左我2蚊!
其實...係岩架!
佢俾得岩,不過打錯野
算...返屋企...
睇左新聞,跟住上MSN
同朋友傾計
好開心......同佢傾左.....心都舒服左.....^^
佢真係個好好既聆聽者!
以後有事,都可以搵佢!!^^
佢有事,都會搵我!!^^
................傾,傾,傾,傾
................傾,傾,傾,傾
到左5:45左右
係時候,都要整下我既咖哩魚蛋啦!!^^
先切好晒辣椒,薑,蒜頭....洗魚蛋....
跟住炒一炒咖哩粉
放d油,辣椒,薑同蒜頭放落去
跟住炒一炒,再放魚蛋,水同咖哩粉...........
跟住炒一炒,聞一聞,唔錯!!唔錯!!
好啦!!係時候come好個蓋!
等........等.........等...........等..............等................等..................等......................等............</p>
仲未得..繼續等........等..........等...........等.............
哦~!可以打開黎睇一睇啦!!
呀媽打開黎睇
嘩!!!!咩事呀?點解會咁架!!食水呀!!
想知咩事......繼續睇.........
就係因為..魚蛋大左好多好多!!
脹大左幾倍!!
一粒等於平時買到既3粒!!
嘩!!嚇死人!!
跟住又come好蓋!
過左一陣,又打開黎睇,
嘩!!!仲大左添!!!
食1粒都飽飽啦!
今晚就有得食!
屋企人食左,會點呢?
期待......
今日好似好多開心事發生
幾日唔開心既心打開左
又人同我傾,佢忙緊,都肯聽我講
真係好開心!!
煮魚蛋,成功!!下次整紫米露!!
不過,呀媽都有幫手,
明明話俾我自己做晒.
但佢話,冇呀媽點得呢?=.=
下次我要自己真係整晒!!^^
永永遠遠都咁開心就好啦!!^^
多謝某某人能俾我咁開心既一天!
多謝~! |
| 2008 年 7 月 18 日 星期五 |
| 第一天放暑假 |
分類: 日常生活 |
今天是第一天放暑假
本身和游(鄭淩游)到圖書館去
但後來他說要等鍾主任的電話
因為他星期天要朗誦比賽
不過鍾主任沒有告訴他該朗誦什麼
我想他練好朗誦的東西
所以叫他留在家等鍾主任電話
和,知道後,要多練習
星期天拿個好成績
so今天沒有到圖書館去
不過,星期二都會去,
因為和某某人去........是誰?.....不可以告訴你
今天整天留在家
也不會很悶既 ........因為我不停的看書
看書 .....看完一本,又一本........
因為我不知道除了看書,還有什麼可做
看完.........洗澡.......
洗澡後........有得用電腦啦!!!^^
不過,只是打了一篇日誌,
就要給哥哥玩....
唯有明天才可以玩...
等.....等.......等待明天的來臨!!
|
| 2008 年 7 月 17 日 星期四 |
| 畢業小學 升上中學 倒數0日 |
分類: 出外 |
小學生涯在今天即將結束
在最後的一天,卻沒有回學去............唉~
今天的活動是:和同學玩耍
鄭淩游他到我這裡來玩
為什麼?
因為他在家裡很納悶,所以想到我這裡玩一玩
不過......他那裡沒有車可以乘過來,
他只可以步行,真辛苦!!
大約步行15-30分鐘 ,希望是陰天啦!
中午時段,他才來!
會發生什麼事?
hi~我返黎啦!!!寫返呀!
佢2點到打左俾我,我繼續做我既野,
等左20分鐘後,就落去接佢
到左OK,見到佢
偷偷地嚇下佢先!!(都唔算嚇既....)
喂.....我係度呀!!我說
佢嘩一聲!!俾我嚇到
佢話,呀媽叫佢去荃灣玩 ,
不過我唔得,講左一陣,
佢話,叫我同佢呀媽解釋,我話ok
so我地去玩一陣,跟住去象山
我地去天台傾下計
傾呀傾,傾下屋企既野呀,又傾下係學校既野.........
由2:30左右傾到3點左右
跟住就去象山啦!
嘩!!好攰呀!!!
可能都幾耐下冇黎,
所以行得唔係好多,就攰到死死下!!
終於到左象山啦!!
我地買左波羅冰食
跟住我又買左一串燒賣^^
食食食!!好味!!
我地又繼續傾計....
好似好多野傾!!哈哈~
雖然識左唔耐,不過都幾好傾!!
傾到4點左右,我地要走lu.....
因為佢要去荃灣剪頭
而我就返屋企.......
木瓜絲......^^
佢去搭36,佢上左車
我就走啦!!!
等架車真係過左紅綠燈
我就走啦.....返屋企..
好攰呀!!沖涼先....
今日送左樣野俾佢,
佢6點左右打俾我
話樣野,有d開唔到,............
今日好攰,訓得一定好好!!^^
|
| 2008 年 7 月 16 日 星期三 |
畢業小學 升上中學 倒數1日  |
分類: 出外 |
今日出去同艷,雨,芳一齊影貼紙相!!
唔上咁添呀!!
我地仲會返學校探老師
去三聯,買書!!
因為我地有書劵
我地都會去百佳
因為我地有禮劵!!^^
太開心啦!!
今早,淩游打俾我
問我可唔可以去梨木樹同我玩
我話,得!!不過,我今晚再覆你呀!!
跟住收線!
佢琴晚打黎,問我,去唔去睇佢朗誦比賽wo!!
我話,咁大件事,梗係去啦!
佢仲問,完左,可唔可以同佢去玩
我話,得既!!
真係好開心!!竟然有人請我去睇佢比賽
好啦!!而家出門口啦!!
去艷屋企等雨婷
因為佢今日要去打針
上次佢冇打到
等佢打完,去艷屋企等
我地講好左!!
跟住返學校!
跟住開始活動!!影相,同玩!!
到左艷屋企,佢食緊野
等呀等,都係等唔到雨既電話
我同芳就落去搵佢
跟住佢就黎左,我地就等艷,
佢竟然嚇我地,我地真係俾佢嚇到
跟住我地返學校
見唔到人,康哥哥去左食飯
我地見冇老師
就開始我地既活動
先去荃新天地既大眾書局
睇下d野
樣樣都幾貴下架!!
不過,俾我地發現左有一樣野平時既便
就係丁書釘啦!!比左$0.5蚊
係米好勁呢?咁都俾我地發現左
睇呀睇,我地覺得我地好似係度搞亂擋
所以走lu........
我地覺得好口渴,好想食雪糕
所以去麥當勞,艷,芳去7-11
我,雨去麥當勞,
我地去廁所,排隊既時候有人打詹..
算....到我既時候,又有人打詹....
算......
.........................
跟住去南豐,影貼紙相!!
我地係咁睇呀睇,睇邊間好d
最後,決定去返第一次果間
雖然睇唔明,不過都要禁既啦!
因為佢數緊時間
影完,不過張張都係笑,ya既姿勢
跟住冇出,芳搵搵下
搵到,原來先要畫下張相,
我地畫畫下,唔見左張相!!怪!
跟住又唔知點整返好
點解我地唔叫老闆?
係因為我地坐係度,諗點整既時候
佢問我地影唔影,
我地話影,佢話,影就好快啦!人地等住架!
仲有呀!!你d野飲唔好整濕地下呀
如果唔係,我要你地抺返架!
佢咁講,我地覺得叫佢幫手,
佢可能覺得厭煩.....
所以冇叫,
搞呀搞,最後禁:終了
等呀等,出左黎啦!!
睇返,吓!!
點會咁架?!
..........
明明影6款,但佢俾左3款我地
我得一張咋!!
佢地都好呀!!起碼有2張以上
我果張係好細張,得一款!!
佢地都有兩款呀!!仲有幾張!!
唉~!我地夾左15蚊
得一張!!有冇搞錯呀!!
唉!!下次醒d!!
跟住我地去三聯
因為我要幫細佬買暑期作業
我排隊既時候,佢地係度搵作業
終於皇天不負有心人!佢地搵到啦!!
我睇呀睇,幫細佬揀岩佢程度既....
搵呀搵,中,英搵到
不過數學就...........繼續搵!
搵呀搵,加欣黎左wo!!
佢都係買暑期作業!!
我見到有個青少年(男)睇完一本,跟住放低
我就攞黎睇
啊!!!!原來係數學作業呀!!咁岩既............?
睇落去,岩細佬做wo!!55,就買呢本啦!!
真係唔該晒佢!!!我既救星!!
係第二版,我想要第一版,芳攞住本野去問佢
嚇得我呀!!
佢都唔知走左去邊lu..........
計計埋埋,仲淨$24蚊!!
我醒起!!!我要送野俾某某人
於是揀左樣野俾佢,跟住又多一個
我唔想俾佢地知道,我買咩送俾人
佢地話好啦!!好啦!!你揀啦!!我地去第二度
我去第二度睇既時候,佢地好似狗仔隊咁!!
當我望過去,佢地即刻拎起本書扮睇,
佢地動作慢左,俾我睇到佢地慌張既樣
不過,我睇佢地既樣,好似警察
因為有d警察為左跟蹤人,都係咁扮野
佢地真係扮得好似架!!拎起本書,睇得幾入神!!
跟住我又繼續行,終於買左兩樣野
岩岩好係24蚊
俾錢既時候,收銀員話
因為呢兩樣野,係另一間公司.唔屬於佢地
所以要分開俾,張100蚊書劵折成10張10劵
俾左2張佢,仲欠4蚊
所以要俾多4蚊
即係仲有80蚊,買暑期作業
9折,所以仲有8蚊淨
我又去買8蚊既野啦
呢次我送俾佢地d野
不過,佢地淨係可以要3蚊或以下既野
佢地買左,我又俾錢
佢又話,唔夠數,
要埋6蚊既玻璃樽,不過又要俾多2.4蚊
麻煩!!
我地逗留左2個鐘左右
我係度揀野,佢地係度扮野
佢地搞搞震
艷同雨走左去搞人地既野
人地果度有推字既牌,係買俾人地
佢地竟然張果牌放係第二度,唉~!
俾完錢,芳想去睇下壽司
我地好耐都冇食啦!
所以我地分兩組,買一盒
食第一個,點豉油,good~!
跟住點washabi嘩!!
好難食呀!!
救命呀!!
有陣水管味!!仲有呀.......
有樣野衝上個鼻,好難透氣!!
過左一陣,以為冇事啦!!
點知又有野衝上鼻,救命呀!!
好難忍呀!!!
跟住我食多一個冇點野既壽司
我同芳夾,食蟹柳壽司
好返晒.......不過,仲有少少有係鼻度,真係難忍!!
唔想再食呀!!
果一舜間好似係地獄
跟住食返個點豉油既......嘩!!
天堂!!
太好味啦!!
食晒,我同芳都想再食,
不過,艷同雨唔想
我太想食啦!!
呢次完全唔點washabi
食完,返屋企lu.........
去巴士站既時候,見到小藍同小青
雨去搭43
而我同芳去搭36
艷自己一個返屋企,唔洗搭車
到左總站,我送芳去佢屋企
因為佢冇帶遮.......
同佢遮,唔夠遮
我自己整濕左,唔知佢有冇呢?
希望佢冇整濕啦....
返屋企,可以做自己既野
寫野俾同學!!
今日玩得都幾開心!!就係影相果度.........
我地約好9月開學第一個星期日再影!!
期待住.............
|
| 畢業小學 升上中學 倒數2日 |
分類: 評估 考試 |
今日係分班試呀!!
自己一個人行隧道,好驚呀!!
成功過關,因為有人陪我行
雖然唔識佢
入到可風,有好多人係度等
我又跟住佢地等
跟住有個家長問我
你係米考試呀?
我話:吓?!(即係聽唔到)
不過,千其唔好學我
因為好冇禮貌,我後來先諗到,
我應該說:唔好意思呀!,我聽唔到,可唔可以再講多一次?
咁先有禮貌架嘛!!真係唔好學我
佢講多一次,真係好人
我上到禮堂,
嘩!!原來有好多人坐左係度
我搵返我既位坐底
跟住等開始
開始啦!!
做呀做
.............數學科...........
..............
好,停筆!!
跟住係小息,
我執返好d野
跟住落去睇呀媽黎左未
佢黎左啦!!
既然佢黎左,就交新生輔導週既錢啦!
我要跑返上去禮堂攞錢
拎完,俾完
呀媽話,交埋書簿費啦!!
我又要跑返上去攞張紙
真辛苦!!跟住又要上返去考試
唉!
跟住坐多一陣,開始英文!!
今次係個女教師主持
佢不停講英文,好彩,都聽到明
跟住又開始做啦!
先listening
第一部份,對我黎講,幾難
因為..........唔講得
跟住聽第二部份,第三部份...........
跟住開始自己做
...............
..............
..............
做完,又小息,今次佢講左好多野
先俾我地小息,
我又落去搵呀媽
睇下佢走左未
仲係度!!我就去搵佢
傾下頭先考既野
跟住又上去考中文,佢返屋企
又係聽野先..........
.................
跟住自己做..........
.................
完lu............
仲未走人,男教師要講話
話輔導週果日要著校服
跟住先換運動衫
煩煩煩!!煩煩煩!!
聽完,男仔走先,
跟住先到女仔
返屋企lu.........
又要自己一個人行隧道
返屋企,食野!!
食完,打blog,跟住2點左右返學校
到左1:55左右
我落去巴士站
見到佢啦!!
一齊去艷屋企樓下
跟住一齊返學校
先見到黃sir,跟住傾下難唔難
跟住去搵柳老師
上去既時候,見到佢!!
講左一,兩句,就去禮堂睇比賽
幾班都做得幾好架!!
完左,由我,艷,芳,雨,凱一齊點票
最後由上5B贏左
.................
..............頒獎時間
無啦啦鄭淩游同某某人又叫我名
我都冇獎!!
完晒後
我地係咁問老師攞MSN
攞晒後
我地返屋企lu.........
今日到學校既時間裡
突然覺得好陌生,又熟悉
好奇怪!!
好難形容
因為我覺得我已經唔再係呢間小學既學生啦......
點解會咁呢?...........
有期研究
|
| 2008 年 7 月 14 日 星期一 |
| 畢業小學 升上中學 倒數3日 |
分類: 小學生活 |
今日係最後一日係全一
希望過得開開心心啦!!
Ling!Ling~電話嚮!!
原來係芳打黎,我先知9:15啦!!
豈有此理!!電話冇嚮,搞到我唔知醒
我叫佢出門先
我遲d先出
好忙既搞呀搞,準備呀!
終於出門口啦!
我地先練歌
係咁唱
不過,唔知點放眼淺係手指度
所以諗住返學校同康哥哥講
練呀練,練練下同穎麗艷細妹玩
好cute呀!!>_<
練完之後,食野,跟住又練
練多幾次,就返學校
搵康哥哥,不過佢唔係度
原來...........都係唔講啦
黃sir要帶隊,
由麥老師上堂
溫國寶講左一樣好嘔心既說話
唔應該講既野,講黃sir.......
佢問麥老師,你生左啦?
跟住麥老師叫佢去攞個袋
俾相我地睇!
好可愛呀!!><
柳老師話,我地班係最冇心既一班
咩表示都冇
佢好唔開心呀!!
唉!!真係對唔住!!我.......
到左落去試咪
我地想叫康哥哥幫我地搵眼淺
不過,都係冇
即係冇唱
試完,佢地入黎lu...
我地好緊張呀!!因為我地係第二隊出場!!
先唱We Are Ready
唱完,又俾國歌我地聽,
跟住開始比賽!!
先係五年班,好似係!!
跟住到我地啦!!>.<
我震震下!!緊張嘛!!
講完野,岩岩好有音樂,ya!!
唱呀唱,跟住又到我講野啦!
唱呀唱,唔記得左唱到支撐過每個清早,
大家要企埋一齊
唔記得左lu........
唱完,安心左!!^^
跟住到其他人唱
終於有結果啦!!
好緊張呀!!
不過,我地都覺得我地冇可能有獎既啦
第二名有兩組呀!!
有六年班!!會唔會係我地呢?
係呀!!!ya!!
同校長握手,不過攞禮物既時候
一隻手,冇禮貌!!俾校長講左一句,
跟住又攞畫畫既獎,
今次醒左!!兩隻手!!^^
攞完,頒第二d獎
到左英文每日一篇
冇我,頒既時候
四年班鄭淩游同某某人(我見唔到)
大叫:王慈慈...呢?
嚇得我呀!!
老師話,喔!!佢冇呀!!
跟住對住我講:係米懶左,冇做呢...?
我少少點點頭,因為我都唔知有得做
不過,好開心!!因為有人支持!!
上到課室
我地同柳老師講:多謝柳老師既教導
希望佢唔好咁唔開心啦!!
走既時候
鄭淩游俾返紀念冊紙我
d字好靚呀!!
最後寫左:7月4日參觀中英街之後,
我覺得和你好容易相處
睇左之後,好開心
好似第一次有人咁同我講
放學同艷一齊
大家買雪糕食
跟住say bye bye~
同芳,鳳一齊
上到去,好心急!!對唔住啦!
x老師,送左野俾我
睇落去好貴呀!!
一定用左好多錢啦!
真係唔好意思!!
遲到屋企,夜晚,
落去幫細佬影印
跑左兩次!!辛苦!!
聽日係分班試!!加油!!
|
2008 年 7 月 13 日 星期日  |
| 畢業小學 升上中學 倒數4日 |
分類: 出外 |
8點起左身,
8:45左右出門口
同呀媽去鍾榮光去聽講座
到左,仲要等
比預期遲
遲到10分鐘左右,先開始
校長講左好多野
講左學校有健力士世界紀錄
又話自己學校攞左好多朗誦獎....
琴日先去完頒獎禮...點點點......
聽落去,好似有少少自誇
不過,都岩既,俾家長有相信送仔女入黎
講完,到家長會主席講話
佢講得好緊張
因為佢第一次對住成百幾人講話
講完,到社工講
佢講完,到我地去課室聽老師講其他野
..............
...........一路聽
夠鐘lu.........
我去荃灣,呀媽返屋企
我去圖書館,借還書
借左4本英文書
因為要做暑期功課!!
跟住去艷屋企
練呀練,又同佢細妹玩一陣,
玩一陣,又練歌
跟住佢去訓覺覺豬
我地繼續唱,
唱到悶啦,去買雪糕,
上返去,繼續練!!
練完,艷家姐返黎
我地冇得用lu......
傾一陣計,
跟住搭車返屋企lu...
不過,先去麥當勞買雪糕食!!
今日食左3杯啦!
聽日就係音樂比賽啦!!
亦都係同同學相聚既最後一日!!
唔捨得....唔捨得....唔捨得......
珍惜!!!珍惜!!珍惜!!!
|
« | 15 | 16 | 17 | 18 | 19 | 20 | 21 | 22 | 23 | 24 | ... | 34 | »
|
