有遊戲就有規則，有規則即代表保障公平!
規則係wargame係唔同地方有唔同，例如CQB場(即係城市戰)，叢林戰。
先講規則先，大多數wargame都係講求公平，一槍死...無論打中身體由何一方，總之中左就死，之後就去「死人區」休息啦!
有d地方係玩有「軍醫」，係軍醫有得用既情況之下，通常都係會用一d記號記低，例如爬山扣作記號!當然「軍醫」救人次數有限啦!軍醫會係能醫不自醫(死了軍醫，整隊都會好快死)，當然可以玩自醫都得(限次數)，甚至軍醫係不死都得(出去打緊個d會有次數限制，軍醫將會冇槍)!
VIP(保護重要人物)，通常VIP多數比人叫「種子」，VIP打法好簡單，兩者對壘，可以各有VIP或者單向VIP，VIP一死，全TEAM輸!VIP多數都係冇槍，所以一定要靠d隊友護人。另外呢VIP可能要去一個地方「達陣」，即係同攬球一樣，去到對方個龍門放低個波!
搶旗，通常都係得到旗仔，又或者吹響笛子，以作為完成任務!
攕滅戰，即係打到對方一兵一卒都冇，一係全數打死，打唔哂等end game!
攻防戰，一攻一防，通常人數攻多防少。
打wargame，有時d場既阻礙物，係有d小孔，通常個d孔洞都係唔會比人開槍，因為為求公平性，個d孔咪變左比人只可以望野，不過規則係人定既，有時d孔都係打得!
另外呢「了槍」，「了槍」指你係對方火拼既情況，冇「三眼」既情況下開槍，而且身體係對方冇法看見，有槍冇人身。情況二，舉高槍，高過頭，冇「三眼」，都是「了槍」
「三眼」係wargame入面係一個大原則，「三眼」指人體的雙眼，加上後準星及前準星，再喵準，有效開火!若對方中槍，應該叫死!點解「了槍」係冇效開火呢?話明「了槍」即係開火個時都冇「三眼」咁咪冇效開火lor!
CQB入面，大多數都係只會打單發，點解呢?原因係CQB人與人距離實在太近，如果開多發，令對手被打時一定會非常痛， 所以CQB只會有單發，當然如果成TEAM人都不介意CQB打多發，咁又有咩所謂!
BINGO，係咩場地都有用到既，真正戰爭入面，不論遠近都係開槍殺，WARGAME唔同，都係為左保障玩家不用受太多皮肉之苦，叫BINGO係要係自己方圓2至3米到叫方為有效，叫bingo者勝，被bingo者敗。
CQB握手位，握手位係基本上兩個人面對面，兩個都死!又係規則係人定既情況，有人鍾意bingo死，有人鍾意見面握手位兩個死...
規則差不多係咁!下個lesson會講不死人...
|
