今日我起左身，發覺部電腦經過最後一次鏟機之後，又可以正常運作返，好啦!我細佬入左相，咁我睇下d相，發覺新手真係持槍姿勢有d問題，唔怪之得隊長gary都會係x-zone的士場中彈...
如果持槍姿態正確，咁應該彈的方向正確咁飛向你既正前方... 坦白講，我係見到有人「liu槍」，其實「liu槍」的確係真槍界係冇可能發生，當然都有例外既，例如美國警方發明左槍既伸縮轉向射擊器材，wargame入面當然冇可能發生啦!因為為左公平性，講既係三眼，你係可靠性地見到對方而對都有見到你，呢個係既真實，又可靠既開槍方式。
不死人都係一個問題啦!因為我見到第一場高比係比打左20多槍先至叫死，其實wargame亦都好講老實，雖然我地打緊既係bb彈而唔係色彈，但中左始終都係會痛，我著vest厚有時真係feel唔到，但係聽到既 。
最難處理係滴中既彈，因為有時係滴中，有時係直插同滴中之間，唔知死唔死好!
其實新手已經算係幾好ga啦! 至少佢地唔係打得太摶，搞到自己成身傷，我也曾見過，打到成身都係子彈印。
我好記得自己人生第一場wargame，我係大獲全勝，5打5，我殺左3個， 其餘兩個係比人處理左，咁我都係叫all kill，真係好爽!
我都好想自己可以打得好d，我亦都好想有人教我多d!至於我自己會唔會買多枝槍呢，會!我覺得mp5真係彈數少，勝在輕身，跑得快，但係如果以實用性黎睇，G3係好D!其實我更諗過自己轉打M249，講真M249重火係少人打，而且重火得黎係會成功打中人既機會率幾大，加上自己TEAM未有重火，仲有既係，做重火差不多連vest也不可以唔洗用...有新手亦都問過我，點解係唔做狙，我心諗自己唔夠定力，怕悶果種人黎既!
打wargame好多野學，有d野真係好難，不過我會努力既...
|
