今日帶樂行隊行麥3，向來有好多人都知，麥3出名有雞公山， 而且有難度高既問題，當然我係領教過座山，難在斜、碎石多，長斜之餘仲要有打s既位，所以係考驗最大既位置...
我係行呢坐山，我就諗上次班友仔，指中一個d，佢地上次行到半死咁，今次佢係咪真係又會好似上次咁，要miss chu中途腰砍左個路段呢，對於我黎講梗係掃興啦!難得可以挑戰下自己，一生何求呢?
我今日返到學校個時，又係見唔到horlicks，唉!呢條友仔又係飛機仔， 我諗放生佢好過...
一落車，d中一通常都係意為自己好醒咁做左炮灰，當年我岩岩學行山何嘗又唔係咁，只係冇佢地玩得咁癲....去到嶂上，我都係同細佬解決左個方包，之後就自由活動，當然我會找個好位叉電...咁係嶂上搞笑野都幾多既，例如我玩緊企式雙槓掌上壓，d中一好奇，又諗住緊我玩，係好叻咁做到第一，第二下就冇力啦!都幾搞笑!係圓槓型既爬架，d人問我引體上升點做，我直頭挑戰難度，係個架格與格之間做，當然會令中一既同學呆哂啦!個時我中一已經做到引體上升都有5至6下，而家?我10下都得，15下就難d，20下好勉強之下完成...
黎到嶂上唔食豆腐花，邊對得住自己?7蚊碗，香甜可口!
不過突然間有一隊玩狗既雪橇狗隊，突然黎左嶂上，仲係個大草園「走狗」，有吠既、大解好爛既、小解好多水既...好有趣既畫面...
上雞公山，我帶d中一上，miss chu帶住個坦克級，我同個中一行得幾快，我同佢差唔多冇停過，直攻上去!
不過落山就真係自己要認輸，因為我細佬佢係行山係出名落山快，結果今日比賽結果係我輸左!真係甘拜下風...
之後鴻利既高妹打比我，佢就問我得唔得閒頂夜更，咁難得有野做，自己又手緊，咪做下lor!1630到左，2200收工，120蚊落袋，仲有1蚊tips，都係叫過得去啦!
聽日仲要朝10晚10，希望自己頂得住啦!
|
