今日返學，尋日夜晚出左去califonia，玩完之後今朝早簡直唔捨得起身，好彩阿gary提我，如果唔係我真係一教訓到12點都似，中文堂簡直係悶到發傻，講真成堂都唔知做咩?
好啦!係時候放學，我同gary，滑稽明加埋旦丁一齊去仙茶居食野，咁鬼叫仙茶局平咩!18蚊有個飯，加多12蚊有個珍珠奶茶，抵呢!
食完個飯我又抽了口煙就帶左旦丁同學去左大嶺華山靶場，旦丁一見到個靶場，傻左都似，即時o哂嘴，咁我地落到去即時開下槍向一個藍色人形靶係咁射，旦丁當然係學到野啦!企行趴蹲樣樣都掂!玩完，又帶佢參觀下靶場，玩到咁上下，突然之間有架黑色既細密斗，仲要係AM車，我心諗唔係咁黑仔撞正差佬定係解放軍d兵哥嘛?黑色車咁樣行左入黎，應該係軍火車啦掛，車上面有人落左車，迷彩衫，我一諗香港差佬wo!不過唔知點解唔係著英軍迷彩呢?或者英軍迷彩已經outday哂，而家用好似美軍個隻迷彩!
差佬一落車，就問我地:「點解你地會係到ga?」我同旦丁答:「我地黎wargame既練習」差佬一:「呢到係靶場黎ga!除左軍人同警察之外，其他人唔入得ga!唔該你地離開啦!」我:「哦!咁好啦!我地立即收拾之後就走啦!」差佬二行左過黎:「你地邊到黎ga?」我同旦丁:「行山行入黎ga!」差佬二:「做咩ga?(指做邊行)」我同旦丁:「讀緊書」差佬二:「麻煩身份證」我:「下?我d銀包個d係場尾wo!」差佬二:「今日係呢d會有射擊訓練，你地係到好危險ga!」我:「好彩你地未開波姐!」差佬一:「算啦!今次警告就算啦!下次唔好啦!」我:「哦!」
收拾行李個時，我聽到有唔少人聲係靶場既右邊，我心諗睇黎今次真係好堅wo!call哂幾車人咁，一上到山我就諗:唉!你班差佬早唔打遲唔打，係要而家先至打，氣炸了!
咁我之後提議去大頭嶺球場練，旦丁本來想走ga啦!不過佢最後都打消左呢個念頭。
去到大頭嶺，我就又開始同佢玩啦，今次教左佢一d幾common既野，例如係步法、規則、姿勢...咁我亦都同佢打左幾場，當然由教頭身份同佢玩，我出盡力咁去打，事關打wargame好講既係人既膽識同技術，再附加你既投入。
第一場dog fight，對角開始，咁我自己就講左係嘗試既，咁我當然係同佢盡量試，事關我都未打過。我選擇先攻，佢一見我撲出黎就即開槍打，其實唔洗開槍打，因為我走得咁快，佢打黎都冇用，應該睇情況再開槍!第一場最後係我win左，我係向佢開槍打了十多槍，佢即時叫...死
第二場都係dog fight，對調開始。我第一時間係望，而唔打!第二次望，佢hide左，我開covering fire向住佢既方向，佢當然嚇到彈起啦!咁我右pass去左第二條柱，佢今次係咁我邊開火，當然又係浪費彈力之舉!之後我右pass去到一個雜物房，佢又向雜物房開火，又係到浪費彈力，之後我反攻直撞出去，佢成個身彈出黎開火，嘩!和味lor，咁大個target向住我，梗係大力扣扳機，開火!第二聽到既聲係死...
第三場，同第一場一樣，佢直頭比我用壓迫性打法，佢差唔到出唔到黎，直至我去到雜物房，佢先至到!我聽到好有趣既上鏈聲當然知道係一個best time做bingo，我係雜物房既左則，向後走，經過房門去到右則，我再去到房後，從後突擊大喊一句:「bingo!」旦丁比我嚇到又彈起一次!呢枝marui mp5真係我既lucky槍!又bingo一次!
第四場，直衝式搶旗戰(好似車既drag race咁)，第一次起步佢揀左快打，我同佢都係到橫向開火，之後佢衝左出黎，我心諗今次大鑊啦!佢比我快起步，我輸都似!但佢居然唔搶旗，打左我先?唔係化呢d野梗係達者為先，先到先得!佢唔搶旗咪好蝕lor，今次佢仲要比我開火還拖，結果佢都係個句:「死!」
第五場，都係同樣搶旗，我直頭開火都懶，直撞出去搶旗，好搞笑!旦丁跑得唔夠我快!我直接就攞到，真係easy!
第六場，我同佢玩獵人與兔既遊戲，我做兔，佢係獵人，我當然不斷係咁走啦!佢就用迫打既打法，一路行一路向我burst fire!最後當然我都係輸啦!
同旦丁既訓練，其實佢有幾點評價可以講:
1. 菜鳥級數，對槍的運用未係好了解，宜加倍努力。(多打wargame彌補)
2. 未敢去衝，未肯定自身安全位置。(自己要多分析)
3. 開槍不肯定。(大膽點吧!不要像個娘娘腔)
4. 姿勢不正確，手肘不時外展開。(如果係真槍，手肘一早就比人打爆)
|
