咁今日我同gary一齊返學，其實我地兩個都好累，我地返左成個星期，五日差唔多都係早，坦白講我地住上水既，都係返學會係辛苦既一群!
我今日返ive係要出席健身班，健身班今日要test，我個人睇呢次test其實都係好簡單，因為我係califonia訓練左咁耐，機又玩得唔少，要複雜過佢既都有大把，所以係無咩困難!
我同gary一返到去lwl，入野落locker，之後就去準備考試，我首先簽到，之後就抽呢個考試項目，第一張卡係樓梯機，第二張係我既強項二頭肌上舉，阿sir叫我抽多個item，可能佢知我係食過夜粥，唔緊要!抽咪抽，怕你有牙，第三張係腳踏式引體上升!
分析一下先，樓梯機我係califonia做左幾個月會員都冇過，事關我自己冇興趣玩呢部機，跑好過啦!話時話我對樓梯機認識同使用都唔多，有d擔心!二頭肌上舉，谷老鼠仔位經常做，easy!腳踏式引體上升，同califonia個部好似，不過califonia個隻係跪膝式，其實兩隻野都係異曲同工，不過我覺得腳踏式好d，用力既方式明顯好多，跪唔係唔好，而係跪式係會分散哂d力!
三個項目，三個完美完成!證，我得了!
咁今日新證落手，做gym試場冇得走!我同alex就今日玩左一段時間，佢就比較弱，見佢做得好輕既時候，已經係好吃力，跑步機，跑左10分鐘已經係出哂汗!唔緊要，日子有功可以練到滴水不流!比心機 |
