INFINITY CYCLING CLUB
Think your power is. . . . . . . . .  INFINITY

Herbert's blog                
MSN: [email protected]
FB: Herbert Cheung
Tel: 51339471

活動、個人近況:
    1.AF-1 Carbon刀鈴希望有救啦!Hirose生盡快幫我啤返一個框出黎比我就可以了。
    2.比賽近了,6月5日創新路。
    3.很愛她,可是好忙的也是她...
        HERBERT
        暱稱: Herbert
        性別: 男
        國家: 香港
        地區: 北區
        « June 2026 »
        SMTWTFS
        123456
        78910111213
        14151617181920
        21222324252627
        282930
        最新文章
        近日時事
        創新路比賽
        一哭、二鬧、三上吊
        人生原來就是這麼簡單...
        令人燥底既出車
        文章分類
        全部 (1257)
        wargame教學 (16)
        人生原來就是這麼簡單 (25)
        沒寄出的那封信 (4)
        為自己革命 (7)
        笑談herbert話 (9)
        單車知識 (18)
        未分類 (1178)
        訪客留言
        最近三個月尚無任何留言
        每月文章
        日誌訂閱
        尚未訂閱任何日誌
        好友名單
        網站連結
        Ben's xanga
        Steven's blog
        我的Xanga
        最近訪客
        最近沒有訪客
        日誌統計
        文章總數: 1257
        留言總數: 1353
        今日人氣: 142
        累積人氣: 127786
        站內搜尋
        RSS 訂閱
        RSS Feed
        2007 年 10 月 21 日  星期日   晴天


        G.S.T wargame in x-zone 愉快 分類: 未分類

        G.S.T係我個wargame,呢d新既team人數少少,不過都唔弱,咁今日都打得幾好啦!我地成績都唔錯,大家都有進步!

        咁今朝我同sunny都好大頭蝦,遲左好多起身!我就無計啦,尋日開工,做到成2點3先至收鋪,真係累到pk!不過呢d冇咩既,有到就得ga啦!反正x-zone都成11點鐘先開game,咁早到都係抽煙作為打發時間!

        打game,第一場打綠磚場,其實都唔係好知打d咩,不過呢d都係照樣打ga啦!挨到最後冇死都算係叻仔ga啦!第二場打對調,今次自己真係唔抵,比人bingo!算啦!願賭服輸...不過第三場有收鑊啦,我就輕輕力打左兩件!

        第4次綠磚場打搶旗,我係打防守,呢次家明真係好可憐,一開波左邊膊頭比人冷槍中彈,第一個比人埋單,連隊長Gary都 o左嘴,居然一個狙擊手崗位既隊員,企咁後都會咁快食左一槍!我就係呢一場殺到4個,第一個傻傻地上左黎,3槍搞掂,第二個上左黎,我揀唔打,睇定d先,居然有第三個都上埋黎,咁ok啦!來一招「起雙飛」,殺埋!最後仲有個女仔,我見佢閃來晁地,谷鬼氣一次過送左10幾槍比佢,又掂左!不過係四個之後,我打算轉位個時,突然有人後攻,我被打中背,宣佈死!幸好旗區冇比人搶到,因為有兩枝重機槍坐陣,3個敵方都死埋!

        之後第二個場區,打戰壕,雙方有炮台,咁我個team著數少少有重機支援,不過我都係比班友仔氣炸了,幾十個迫哂係草坡,結果我就硬食了,死!一路走返去「死人區」一路會經過d人既交戰位置,屌!一路係咁中槍!呢個係個場地設計問題,真係想死都難!

        第二轉打反向,呢次又好開心,咁打戰壕,班友今次反而驚出去!一直留係個坑唔知做咩?我同joe,jack之類強攻,有個踱步而來既敵人,比我地三個同時爆頭,佢都好似食左30幾槍,如果真戰爭,佢個打到爛哂都似!不過之後衰衝動,諗住衝戰壕,一出就中招...又係死!

        打哂game,中場午飯時間,我地今次唔揀係x-zone訂飯,我地去元嶺村士多食野,我呢到食野27蚊,我叫左個咖哩牛腩反,再加杯冬T,冬T呢到係茶多乃少,大概比例係茶6乃4,沖出黎幾好飲!不過咖哩就差少少,一味得個辣字,冇喱味!

        之後再打GAME,打灰磚場,當然唔同上次啦,有間廢屋既!不過呢個真係唔知打咩,我好快就比人M死左,冇得走!不過又冇死WO!反向打,我就做左一個固定既「炮台」專係m人既,咁都做到成功防衛,不過就冇收鑊!

        咁係last個場入面,我地打草林加過河,加少少山地!我就第一場,有個敵方過河卒,一槍搞掂左!不過end game出反黎,我一攞支槍,個槍頭突然散開,之後我就諗:呢次真係仆街啦!

        我就即刻同枝重組,出奇地見到有內部d支幹既位置係爆左!我當然肉赤啦!見到枝野搞成咁,唉!有d唔開心!最後打個場,我就索性唔多點開場,同狙擊手阿偉做「天文台」不過佢都冇咩點開場,因為真係好難有位開火!

        就咁樣今日就end左game,當然玩得好開心啦!又有同軍車影相,成team都玩得好開心!不過我枝槍搞成咁就真係有d無奈!點講呢枝槍都國貨,d質量就真係好差,打幾場有問題,好灰!

        返到屋企,折槍再修一修理,出奇地d內部爆左唔係好多野,可以整到!都總算頂得一時啦!不過枝野我就唔打算會去一d維修店去修理,因為枝槍七殘八破,就快不似槍型,買過枝好過啦!

        今日我相信我背後有阿欣既支持,我會打得咁好!多謝你ar!ka!欣!



        夾band 愉快 分類: 未分類

        今日鏟機,本來同阿欣傾緊計既時侯,我又無啦啦鏟機,搞到錯過左好多時間同佢吹水,不過為左部老爺機既前途著想,減少部機加速老化既程度,鏟!

        咁我鏟機既時候居然on居到唔記得點鏟機,真係笑死,搞到我要打比我表哥去急救,好彩呢我就大步跳過,搞掂!

        之後再同阿欣去傾計,要佢等咁耐真係有d唔好意思,幸好佢唔係太介意,咁都好d!其實阿欣咁好人,又識得點去就人地,關心人地,但背後係唔同方面,都要受到唔同方面既委屈,呢d算唔算係天既錯呢?

        5點鐘,去左搵阿ben打鼓,難得阿ben搵我,我又好耐冇見佢,咁大家見下面,順便我打探下禮記d消息,聽佢咁講,我覺得禮記愈搞愈不倫不類,唉!都係d 老土野作怪!

        咁今日同佢玩左d結他同鼓,都係照作風依舊,娛樂照有!我自己學左好少結他,總好過乜都冇齋打鼓!ben d音樂技能爆炸,佢真係差唔到咩都識...

        講下今日開工,近排生意都谷死假期,閒日嘛嘛,都唔知發生咩事!有時都係到諗,我做得係唔係唔夠好呢?不過我先問心無愧,做既野,係識既野入提取出黎,樓面工作,基本上難不到我!係今日1點個時,我真係好累,對眼紅根大現,工作反應遲緩,連埋數我都有d想訓著!好啦!今日都0215個時先至收工,真係冇陰工,日日咁遲走,都咪話唔辛苦!

        我3點返到屋企,就係到現家打日記,一邊打,一邊都好期待阿欣既留言!