我鋪頭有兩個員工，一個叫玉姐，一個叫清姐，兩個都係由我阿媽請返黎，但係好慘既地方係佢地兩個都係冇類似或冇工作經驗人士，經常都係激到我屋企人同我把幾火，事關佢地既工作效率其慢，其次係手法唔純熟，唔係話不近人情要彈佢地兩個，而係佢地真係辦事不力...
首先講下早更既清姐先，清姐以前係做過山崎既，不過呢佢身為樓面既，點解會經常走去水吧工作呢?我媽就話左比我聽，佢經常都因為少少碗筷要洗就走哂入去水吧搞，係行內黎講，非該區工作者或非員工人士都是非請勿進既，下下都比人入哂黎，成何體統呢?洗碗既，點解唔入廚房處理，話之你慢慢洗啦!
最可惡既就係我媽整緊糖水之際，清姐就係到洗洗洗，仲要少少野就急急洗，屌!多多水都唔撚夠用啦，梗係要成批處理先至符合成本效益...但係咁樣，我阿媽都唔出聲罵人，似乎冇咩威嚴!just like a sheep!
清姐比玉姐好，玉姐係我做呢行覺得最差既員工，飲食行業之中，效率行頭，口材為次，玉姐處事極欠效率，洗筒碗都要用成30分鐘，一個筒係好似電腦箱咁高，頂佢個肺，慢慢洗仲要洗到d泡就為飛，感覺上都覺得佢幾黑人憎，換著係我，我洗一筒碗半枝煙時間都唔洗。其次就係欠主動性，工作上好多時都要見到有野做，見得閒好處理左佢先，如果唔係堆積如山，後果係自己或者人地洗到仆街...佢仲要扮哂野，做到咁上下先至同我講:「我洗碗先啦!」屌!我阿媽請得你返黎，見有野做你好做得好好睇睇啦!仲要同人down聲，有交帶係好，不過咁講似乎幼稚左lor!
玉姐有樣野都令我谷鬼氣，就係佢比我或者阿媽有d 訓示個時，佢就會話:「得啦得啦!你唔洗再講ga啦!」如果你真係做野係得既，就唔洗成日比我同你訓話啦!最抵屌既就係早幾日臨收工時，要將個d器材洗，個d熱櫃有個d分格櫃，咁有糖水自然會有d咋，佢d粉樣夠膽死攞個清洗「咋筒」(指用來裝食物既污水既器材)既飽魚擦擦櫃，我即屌人!我就問玉姐:「你用緊咩洗櫃ar?」佢就話:「用呢個擦lor!」我再問佢:「你知唔知呢個擦擦咩ga?」玉:「唔知ar!」我:「呢個係擦咋筒ga!好污濁ga!」玉:「呢個容易擦嘛」我:「你明知咁污嘈你仲用?」我之後比鋼絲佢處理餘下既工作...佢仲話:「得啦得啦!你好長氣ar!」我:「我提下你姐，唔洗咁嘛?」
之後我老表阿牛問我咩事，我就話比佢聽，我最後個句係:「你話佢係咪抵屌呢?」牛:「我好同意ar!」
屌!遲d請阿友阿聰過黎做好過，阿友同阿聰呢兩位都係我係鴻利返工個時d阿姐同事，係高手之中既高手!佢地識收銀、結數、水吧、洗碗，只係仲差在唔識廚房... |
